استخراج فيزا سياحيه لبريطانيا معاناة

[موسى الخليفي]

السلام عليكم

نويت اسافر لندن وبغيت اعمل فيزا جديده لان فيزتي القديمه انتهت

ذهبت لمكتبهم بجانب وكاله التويوتا قالوا لي لازم تقديم طلب عن طريق النت

مع اني عملت فيزتي القديمه عن طريق مكتبهم بدون نت

فقلت عشان اعملها اسرع اروح سفريات يعملونها اسرع .. ذهبت سفريات رجنسي

قالوا لي اقرب موعد يوم 7 اغسطس واحنا في يوم 14 يوليو .. يعني ليله العيد

ولكن بعد الموعد باسبوع او عشره ايام ستحصل على الفيزه ..

يعني استخراج فيزا يستغرق ثلاث اسابيع تقريبا

غيرت رايي .. بافكر في بلد ثاني

[وحيد-الشوق]

والي يقهرك في الجرايد من شهر السفارات تصرح وتقول الفيزا بدون انتظار و3 ايام تخلص !!!!

على كثر قطر ماتدفع وتبني في بريطانيا واوروبا ومع ذلك ذالينا على فيزهم حسبي الله عليهم

[abdo222]

هذا نظامهم الجديد:
تقدر تسوي الاتي ,, روح لسفريات رجينسي وقولهم ابي موعد للفيزا مستعجل (تدفع 300 ريال تقريبا ويعطونك موعد في حدود يوم او يومين وتقدر تختار الوقت الي تبيه حتى لو كان خارج موعد شغل المكتب لانك دافع زياده)
ولين تروح لهم الموعد لازم كل البيانات تكون وياك كامله "الابليكيشن الي يعبونها لك ريجنسي + تذاكر وفندق وورقه راتب ... الخ ,, ولما تقدم لهم تدفع 500 ريال طلب مستعجل وتطلع لك الفيزا في يومين الى ثلاث ايام عمل)

يعني لو رحت اليوم لرجينسي تقدر تاخذ موعد يوم السبت , تقدم يوم السبت وتستلم فيزتك يوم الاثنين او الثلاثاء ان شاءالله

كنت بقول لك عبي الابليكيشن بروحك , بس اي خطأ صغير فيها يؤدي الى رفض الفيزا وسالفه,,

[أسير الاسهم]

طيب الفيزا بالعادة السياحية كم المدة اللي يعطون ؟