المساعد الشخصي الرقمي

مشاهدة النسخة كاملة : انترلوك للمدخل .. بغيت استشارتكم؟


بيض الخعفق
24-07-2013, 07:05 PM
السلام عليكم ورحمة الله وبركاته
مدخل الطبيلة عندي حاليا عبارة عن صبية مايلة .. مرتفعة من الشارع للباب ومنخفضة من الباب لارضية الطبيلة
وحبيت اركب فوقها انترلوك .. وبغيت استشارة اهل الخبرة بخصوص طريقة التركيب الاحسن ؟ نوعية الانترلوك المستخدم بحيث تستحمل وزن السيارة ؟؟ تاثير الميلان على اطراف الانترلوك والوصلة بينهم ؟؟ حد يدلني على شركة او افراد شغلهم نظيف؟؟ الخ
بيض الخعفق
25-07-2013, 08:48 AM
مساعدتكم !
جزاكم الله خير
MAZEN37
25-07-2013, 09:06 AM
انشاء الله الاخوان يفيدونك
عن نفسي اتوقع عمل شبك حديد وصبيه 10 سم وبعدين تركيب انترلوك فوقها اقوى وافضل
بالتوفيق
بيض الخعفق
25-07-2013, 09:11 PM
انشاء الله الاخوان يفيدونك
عن نفسي اتوقع عمل شبك حديد وصبيه 10 سم وبعدين تركيب انترلوك فوقها اقوى وافضل
بالتوفيق

مشكور اخوي مازن
ننتظر المزيد من اهل الخبرة
mohamedsolyy
25-07-2013, 10:01 PM
السلام عليكم
أخوي في البداية لازم تدك الأرض الدفان بأي معدة دك مع ماء ويكون الدك مضبوط ويكون مستوى الدفان بعد الدك 13 سم اقل من مستوى الانترلوك في حالة ان عندك صبية ممكن تركب رمل مباشرة وتركب في الأطراف كيربستون بس الأول لازم تتأكد من المستوى اذا صار عالي ١٣سم فوق الصبية ممكن اذا سيارة صالون تتضرر . ويفضل تستخدم انترلوك سماكته 8سم ويكون تحت الانترلوك رمل مغسول 5سم ويزود العمال على الرمل الماء قبل التركيب وبعد التركيب تملا الفراغات برمل بلاستر. أذا تبي اي استفسار ثاني انا حاضر
معماري قطري
26-07-2013, 02:01 AM
اللي فهمته يا اخوي إن الأرضية مصبوبة وجاهزة وتبي تركب فوقها إنترلوك .. شوف سواءً انترلوك أو بلاط شعبي أو بورسلان أو رخام طريقة تركيبه بتكون سهلة وقوية لأن الأرضية مأسسة زين .. تجيب عمال فاهمين ويتأكدون من الميلان في البداية حتى يتصرف الماي ولو تبي تسوي حفرة وتركب شبك تصريف لمياه الغسيل قبل الباب بعد تقدر تجهزها قبل والباقي سهل مونة اسمنت ورمل ويتركب عليها اللي تبي .. وليش مونه مب لزاق؟ لأن مؤكد بتكون عندك أماكن تحتاج مونه أكثر ورفع حتى يستوي الميلان ثابت وما تستوي نقع ماي .. بعضهم يركبون كسر رخام كبيرة بطريقة عشوائية يداخلونها في بعض وبينها تجي مونة قوية وتحت مونة اسمنت عادي.
بيض الخعفق
26-07-2013, 04:22 PM
معماري قطر
mohamedsolyy

جزاكم الله كل خير ماقصرتوا
معماري قطري
26-07-2013, 05:09 PM
معماري قطر
mohamedsolyy

جزاكم الله كل خير ماقصرتوا

الله يجزيك كل خير يا اخوي ويوفقك