نقص الخدمات في انحاء قطر

[doha1]

السلام عليكم

في امور لاحظتها فيها نقص والبعض مافي من الاساس في قطرنا

1- قلة محطات وقود وبالذات ع خط الشمال ( مقارنة بخط ابوظبي شي لايقارن )

2- لاتوجد سلة مهملات ع طرق قطر من كافة الاتجاهات (سواء للعلب او الزجاج او الورق..الخ) وهالشي مزعج والواحد مب مجبور يخلي الوصخ بسيارته لين يلقى اقرب درام زباله وانتوا بكرامه.(سبق واقترحت ع البلديه في تويتر وقالوا ان شاء الله)

3- مش معقوله الواحد يبي يغسل سيارته يايوديها من اول اليوم وتخلص في نصه في وقود او توديها اخر الليل وثاني يوم تجهز من زود الزوحمه وبالذات فالويك اند وفي المناسبات.

4- لما شالوا المغاسل اللي قبل الدوار المايل واللي كانوا يخدمون كافة الناس بدون ااي شكوى من الزحام تسببوا ع الزباين بطول الانتظار في وقود وقلة مغاسل السيارات

بعض مما لاحظت شخصيا

[Aaziz]

السلام عليكم


معاك حق في كل النقاط ،، و مجالات النقص اكثر من هذا بكثير .

دايما تخطر في بالي فكره ،، هي فكره تحس صعب تطبيقها ولكن لو يقتنعون فيها المسؤولين بتفيد كثير .

وهي انهم يبتعثون مجموعه من الاشخاص الى بعض الدول و خصوصا امريكا
يعيشون في كل مدينه 10 ايام ،، يحتكون في الناس و الحياه و ياخذون الافكار المطبقه في البلدان الي برى و يستخلصون منها ماهو مفيد و يغير في جانب تسهيل الامور الحياتيه اليومية .

فيه جوانب تخص الحكومه (مشاريق تقام او مرفقات يتم وضعها في الاعتبار عند اقامه بعض المشاريع)
فيه امور تجاريه ،، مش غلط مع الخصخصه و الهيئات الربحيه ان تقوم الدوله بشكل مباشر بتبني بعض المشاريع التجاريه المميزة مع ترك مجال للتجار ايضا .

[أم محمد 90]

السلام عليكم

في امور لاحظتها فيها نقص والبعض مافي من الاساس في قطرنا

1- قلة محطات وقود وبالذات ع خط الشمال ( مقارنة بخط ابوظبي شي لايقارن )

2- لاتوجد سلة مهملات ع طرق قطر من كافة الاتجاهات (سواء للعلب او الزجاج او الورق..الخ) وهالشي مزعج والواحد مب مجبور يخلي الوصخ بسيارته لين يلقى اقرب درام زباله وانتوا بكرامه.(سبق واقترحت ع البلديه في تويتر وقالوا ان شاء الله)

3- مش معقوله الواحد يبي يغسل سيارته يايوديها من اول اليوم وتخلص في نصه في وقود او توديها اخر الليل وثاني يوم تجهز من زود الزوحمه وبالذات فالويك اند وفي المناسبات.

4- لما شالوا المغاسل اللي قبل الدوار المايل واللي كانوا يخدمون كافة الناس بدون ااي شكوى من الزحام تسببوا ع الزباين بطول الانتظار في وقود وقلة مغاسل السيارات

بعض مما لاحظت شخصيا

اخوي خط الشمال فيه وقود اعتقد ثنتين وفيه بعد محطة الخيسة اما بعدها مادري اذا ماتعديت مشوار طويل ع هالخط

وبالنسبة لمغاسل وقود بصراحة بصراحة انا ضد ضد ضد هالفكرة
لان صراحة خدماتهم سيئة جداً ، وفعلاً اودي سيارتي الصبح تخلص العصر
ولو الغسيل السريع تتأخر في التنشيف والتنظيف الداخلي

انا ماقمت اروح وقود اطق مشوار لين العزيزية المغاسل تكون فاضية العصر
او المغسلة اللي عند اللاند مارك بس مشكلتها صغيرة وضيقة

محتاجين مغاسل اكثر واكبر
ووقود محتاجين ستاف أكثر

اخوي هل لاحظت ان وقود صار لهم اكثر من 9 شهور مايقدمون مشروبات مثل العصاير الفرش والقهوة والشاي
وكل مرة أسأل ليش يجاوبوني (ماخذنا موافقة البلدية للحين)!معقولة يعني !!!

[doha1]

عند ام صلال محمد محطتين مقابلين بعض وحلوه هالفكره

وليش ماتطبق ع خط الشمال او الجنوب بالكامل

لو الواحد تعطل يلقى شي قريب مب كل محطه بعيد عن الثانيه بمسافه مش معقوله

وبالنسبه لغسيل وقود الضغط له دور في قلة الجوده

[الرمـــاح]

في نقص في اماكن اكثر من هالاماكن

[Aaziz]

من الاشياء الي تخليني اقترح الاقتراح اعلاه .. مثلا ردود الاخوان اغلبها عن المحطات (رغم ان المحطات نقطة ضمن عدة جوانب) ولكم
ليش المحطات لازم انها تكون على الشوارع الرئيسية ؟ ايش المانع .. مش شرط اننا وعينا على الدنيا و لقيناها بهذا الشكل انه هو الوضع الامثل .

بالعكس اشوف توزيع المحطات بشكل مدروس داخل الاحياء السكنية افضل و اريح بكثير بحيث انها تون محطات صغيره .. تعبي بانزين و انت طالع من الفريج ،، ليش اروح و اعبي على الطريق العام !

[راشد محمد]

صادق والله

[doha1]

من الاشياء الي تخليني اقترح الاقتراح اعلاه .. مثلا ردود الاخوان اغلبها عن المحطات (رغم ان المحطات نقطة ضمن عدة جوانب) ولكم
ليش المحطات لازم انها تكون على الشوارع الرئيسية ؟ ايش المانع .. مش شرط اننا وعينا على الدنيا و لقيناها بهذا الشكل انه هو الوضع الامثل .

بالعكس اشوف توزيع المحطات بشكل مدروس داخل الاحياء السكنية افضل و اريح بكثير بحيث انها تون محطات صغيره .. تعبي بانزين و انت طالع من الفريج ،، ليش اروح و اعبي على الطريق العام !

الشيخ الاماكن السكنيه لازم تدرس عدل لان اي مشكله من بيتحمل عواقبها غير اهل الفريج

وع الشوارع الرئيسيه افضل وقريبه بعد من الفرجان مابتكلف دقايق

[Aaziz]

الشيخ الاماكن السكنيه لازم تدرس عدل لان اي مشكله من بيتحمل عواقبها غير اهل الفريج

وع الشوارع الرئيسيه افضل وقريبه بعد من الفرجان مابتكلف دقايق

طبعا ماراح تكون بين البيت ،، على مدخل الفريج ولا من ضمن محلات تجارية الي تكون داخل بعض الاماكن .


راس مالها سوبرماركت صغير و اربع مكاين بانزين ،، و غسيل اوتوماتيكي .
وصل الله و بارك

[البانوش]

مفروض يكون اكثر من شركة لتوزيع البترول لتنافس الشريف وجودة الخدمات

اما الاحتكار يسبب الجشع والطمع واستغلال النفوذ.

[كلاسيك قطر]

السلام عليكم

في امور لاحظتها فيها نقص والبعض مافي من الاساس في قطرنا

1- قلة محطات وقود وبالذات ع خط الشمال ( مقارنة بخط ابوظبي شي لايقارن )
ا

الف شكر لك يالفالي في كل نقطه ذكرتها

بس المحطات الوقود ع خط طريق سلوى وانت جاي من مركز سلوى لين الصناعيه مافي وله قطره بترول مو حاله هاذي

[باراكودا]

الحياة أصبحت تزداد صعوبة يوما بعد يوم وسط الزحام ونقص الخدمات .

[qatara]

الاهم من مغاسل السيارت
المحلات الخدميه للسيارات وللمنازل مثل الكهربائيه والبيب فيتريه والمخابز ووو الخ
فهي بدات تقل مع كل انشاء منطقه او شارع جديد

[New Vision]

هذي كلها تهون ولااحتكار الي مص البلد مص قطر للبترول ماكفاها التصدير للخارج قالو نشتغل على الداخل واحتكرو المحطات بما فيها سواء دكان او مغسلة سيارات او تغير زيوت او توزيع الغاز كله لهم ولوتكلمهم اتقول ابي محل بفتح مغسلة ملابس يقولك المحطه خاصه وماناجر حق حد يعني بالعربي نبي الفائده لنا فقط وايضا ياخذون الاراضي ببلاش تحت مسمى بنعدل الدوحه ونخليها مطوره طيب تقدر اطورها وبدون احتكار تلزم اصحاب المحطات بالي تبيه لتحسين منظر البلد بدون ماتستولي عليها وتاخذها كلها بذريعة التغير ايضا كروه بروه سدرة وصيف احتكار الرخص التجاريه وغيرها كثير انا ابي اعرف شي واحد لين متى بيتم هالاحتكار

[عيسى111]

الله يصلح الحال

[فراغ]

كل هذا يهون
شرايكم في منطقة الخيسة
منطقة فيها من البشر بالآف
ولا يوجد فيها ميرة أو سوبر ماركت أو خباز أو مغسلة ملابس
وين العضو البلدي المسئول عن المنطقة
ليش هذا التقصير
الناس في الخيسة يروحون للخريطيات أو مدينة خليفة حق خبز بريالين
مع أن الدولة ما قصرت ووضعت أرض للميرة من سنين ولين اليوم ما نبنت
وأصبحت الآرض مكان لوضع دفان المباني صارت حزوم
السؤال
من المسئول ؟
متى يرتاح أهل منطقة الخيسة
أين أنت يا العضو البلدي لمنطقة الخيسة
ألا ترى معانات أهل المنطقة الصامتون
لكم الله يا أهل الخيسة

[doha1]

كلامكم ع متمه

مناطق كثيره تفتتقر للخدمات ومحتاجين انعاش تجاري وتوفير فرص للجميع للاستثمار وتقليل الايجارات

وفض الاحتكار وطرح اكبر عدد من المناقصات او الافكار التجاريه

[moonبنتnight]

صحيح خط ينقصه خدمات 00 وكذلك تصحر نبي قطر خضراء 00
وايد أشياء نقاصة حتى البنية التحتية في بعض المناطق معدومه 00

[ابوالكلام]

الفرق بيننا وبين الإمارات الاحتكار كم شركة وقود في الإمارات مقارنة معنا

[FIRE FLY]

مدينة بروة الجديدة .. تجاوز من عمرها اكثر من سنة .

وحتى الان لا توجد بها خدمات انترنت او هاتف ثابت !!! لكيوتل

وتكلم فودافون يقولون لك بعد شهرين وخدمة سيئة وشبكة ضعيفة .

مدينة جديدة نفسي اعرف كيف يتركون هذا الشي !!!

وتروح لشركة بروة يقولون لك المشكلة من كيوتل .. تروح كيوتل يقولون لك المشكلة من بروة ..
ومتخاصمين بين بعضهم واللي ماكلها ... العميل