أطلب أستشارتكم ؟؟؟

[رحال]

ركبت في الحوش أنتر لوك لحوش البيت وبصراحة من النوع الغالي سعر المتر 60 ريال

ولم أركبه على الرمل كما هو المعتاد ، حطيت أسمنت ..

بين الفراغات " الجوينت " في البداية حطيت رمل ..

تلعوزت مع أعزكم الله النمل والحشرات قلت خلني أسكر الفراغات بأسمنت ..

سكرت الفراغات بالأسمنت لكن العمال وصخوا الأنترلوك من الأسمنت ..

ماهو العمل حتى أخلي الأنترلوك يعيد بريقه .. علما بأن مساحة الحوش 800متر

هل أصبغ الأنتر لوك .. أم أضع سيلر ؟ ماهو رأيكم ومقترحاتكم ؟

مع الشكر الجزيل ،،،

[شموخ دائم]

,

,


مرحبا


الله يعينك

اخوي الكريم انت ارتكبت غلطه كبيره
الانترلوك ما ينحط في الفراغات اسمنت نهائيا لانه منظره بيصير قبيح جدا جدا
والعمال المفروض ينبهونك ان النتيجه راح تكون كارثيه
لان الاسمنت ينتشر ويوسخ كل الانترلوك

للاسف ان مافي حل عندك الان الا بالتنظيف العادي بالماي
والصابون وحكه بفرشاه التنظيف راح ينظف بدرجه 50% راح يخف درجه اللون الاسمنتي من على الانتر لوك
واستخدم الماي المضغوط بمضخه نفس الي يستخدم
لغسيل السيارات

وبعد شهر عيد التنظيف مره ثانيه بيخف اكثر ان شاء الله
بتحل 60% من المشكله هذا اقصى شي ممكن تحصل عليه

لو كان مركب على رمل كنت بقول لك فكه وركبه بالعكس على الناحيه النظيفه
لكن للاسف انت ايضا مركبه على اسمنت
:)

الله يعينك وانا مقدر حجم المشكله لاني شفتها عند احد الاصدقاء
للاسف ماقدرنا نحلها الا بهذي الطريقه الي شرحتها لك
وكانت النتيجه من 50% الى 60% تحسن الوضع


,


,

اخوك


شموخ دائم

[رحال]

تسلم ياشموخ دائم ..

الأنترلوك اللي مركبه من النوع اللي سطحه ناعم

والآن أبحث عن شركة تغسل لي البيت بس تكون برفشنال

وجزاك الله خير ،،

[EngAmer]

اخوي والله مشكلتك مشكلة وما اعرف لها حل لكن حتى يستفيد الاخوان في المستقبل في مواد كميائية توضع تحت الخرسانة والانترلوك تمنع ظهور الحشرات تحتها لعدة سنوات .... بس بالنسبة لك فات الفوت