وكالة نيسان (قسم السمكره)

[طلعة الروح]

السلام عليكم أخواني

حبيت آخذ رايكم في وكالة نيسان قسم السمكرة
حد جرب يسوي شي عندهم ، شلون الشغل والنظافة،
والاهم هل فيه ضمان بعد الشغل ؟
الشغل اللي بسوية تبديل الصدام الأمامي وقطعة ربر
انا بدفع من حسابي وليس عن طريق التأمين لأن التأمين رفض يودي السيارة الوكالة لان سعر الوكالة أغلى والموديل مب موديل السنة.

أرجو الرد السريع:secret:

[بن غيث]

شغل احترافي طبعا
عن تجربة

[طلعة الروح]

شغل احترافي طبعا
عن تجربة

الله يسمع منك إن شاءالله ، حدي خايفة
أهم شي انهم يحافظون ع الموتر وهو في الوكالة:shy: لاني وسواسية من هالناحية

وهل في ضمان اخوي بعد الشغل ولا يعطونك الموتر ومع السلامة

[بن غيث]

ما سالت ع الضمان بعد الشغل ..
لكن شغل وكالة النيسان ممتاز
ممكن اعرف نوع السيارة ومديلها والضرر ..
ﻻن ممكن اساعدك في موضوع التامين ..

[طلعة الروح]

تم الرد بالخاص

[بن غيث]

راجع الخاص

[البهتري]

الله بالخير

[وحيد-الشوق]

اذا شغلة صدام ترى اي كراج ممكن يضبطه لك

[طلعة الروح]

مشكورين أخواني

اخ وحيد الشوق ، كم يوم تاخذ شغلة تبديل الصدام مع الصبغ
وشلون طريقة الصبغ؟ بالفرن الحراري ولا الرش؟

[كتكوت الوحش]

أخوي صراحه أفشل وكالة بالصبغ والتصليح وللعلم هي الوحده الي تحط معجون يوم تصبغ لا كفاءة ولا ولاشي قال شغل احترافي ههههههه وبالنسبة لصبغ الصدام يحتاج نص يوم وأي كراج يشوبها وما راح يعيب السياره الصدام

[tawareq]

عن تجربة

تبديل رفرف خلفي كامل مع تبديل الزجاج الخلفي والصدام الخلفي

اللون غير مطابق يعني يمكن انقول 85%

يصلحون شي ويخربون شي ثاني

بعض القطع ما تتركب صح

قعدت معاهم اكثر من مرة علشان انبهم عن اشياء في التركيب

يعني ما عندهم ذيك الاحترافيه

[طلعة الروح]

أخوي طوارق ، قالولي ان لون الصدام يكون مختلف عن لون البدي لانه الصدام بلاستيك والبدي حديد فطبيعي اللون يكون غير شوي


كتكوت الوحش : شنو الصبغ اللي تستخدمة الوكالات الثانية اللي بدون معجون؟

[بن غيث]

أخوي صراحه أفشل وكالة بالصبغ والتصليح وللعلم هي الوحده الي تحط معجون يوم تصبغ لا كفاءة ولا ولاشي قال شغل احترافي ههههههه وبالنسبة لصبغ الصدام يحتاج نص يوم وأي كراج يشوبها وما راح يعيب السياره الصدام

والله يا الكتكوت اني صاج في كﻻمي
وﻻ لي اي مصلحة في اني امدح شغلهم
يمكن .. يقدرون عمﻻئهم القدامى

[طلعة الروح]

هلا ... أحب أنقل لكم تجربتي مع الوكالة ... قسم تصليح الحوادث،

طبعا الشغل اللي اشتغلوه لحد الحين ما بينت نتيجته ، ظاهريا زين من ناحية الصبغ والتركيب، الصبغ شوي فيه نتوءات لكن بشكل عام جيد، التركيب عادي ماحست بفرق بينه وبين قبل التركيب.
الضمان على الشغل لمدة 3 شهور أو 5000 كيلو متر....
أما من ناحية النظافة والاهتمام ، للاسف شمخولي الموتر شمخات صغيره زي شمخات السكين
بسبب قلة الاهتمام من قبل الفني لانه واضح انه تمت بآله حاده وبعض الاماكن طار منها الصبغ ، واهمال في النظافة الداخلية بشكل عام هاي وهم يقولون غاسلين الموتر، أما من ناحية الأمانه سرقوا بعض الاشياء اللي كنت احتفظ فيها وانا كسل فيني وتعمدت اتركها عشان اشوف أمانتهم شلون والحمدلله ليست اشياء ثمينة ،المهم هاذي تجربتي والحمدلله على كل حال.

اتمنى الكل يستفيد من هالتجربة ، أما من ناحية هل راح اتعامل معاهم مره ثانيه،
بفكر ألف مرة وبشوف بديل في حالة وجود شركة افضل من نيسان تقوم بالعمل لكن بضطر طبعا اتعامل معهم من أجل قطع الغيار والصيانة

في النهاية أحب اقول حرام موتر ممتاز وخدمته بهالطريقة وحتى اللوكيشن ضيق ومعفوس ونص المواتر السكراب تاركينها عندهم برى وداخل مسوية زحمه كبيرة ومخربه المنظر العام


واترك لكم التعليق والله يكفينا واياكم من كل شر..

[وحيد-الشوق]

معوض ان شاء الله

للأسف وكالة النيسان مشاكلها وايد ومايعرفون شيء في الشعل يأخي حتى غسيلهم مايتسمى غسيل !!

[طلعة الروح]

معوض ان شاء الله

للأسف وكالة النيسان مشاكلها وايد ومايعرفون شيء في الشعل يأخي حتى غسيلهم مايتسمى غسيل !!

عندهم مغسلة لكن العمالة عندهم مادري شلون مهملين بشكل فظيع حتى الانتريور ماسلم منهم ، شي غريب اذا هاي الوكالة جذي شلون الكراجات العادية
، مانبيهم يغسلون دخيل الله السيارة تطلع صاحية من عندهم بس :)
اتمنى من الشركة الام يسحبون من الوكيل الوكالة اذا اتضح انه العيب من العمالة الرخيصة اللي يوظفها بالاضافة الى عوامل اخرى لكن برأيي العمالة أهم شي لو فيه اهتمام بهم ماكان وصلوا بالخدمة لهالحالة واتمنى من العملاء مراسلة الفرع الاقليمي للشركة في حالة وجود شكاوي عليهم.