أستفسار عاجل

[أغلى البـشر]

السلام عليكم

حبيت أستفسر كيف أقدر أودي سيارة الأمارات للتصليح

السياره صاير عليها حادث شوي خشن وماتمشي عادي أوديها على سطحه ؟

[بن جعران]

عادي يا اخوي

[تمون]

اكيد يالغالي توديها على سطحه احسن لك و هي الطريقه الوحيده لنقل السياره
واذا تبي ارقام سطحات فالسعوديه و الامارات انا اليوم رايح الامارات يمكن قبل الفطور و يمكن بعد اذا بغيت رد علي و بطرش لك ارقامهم لاني دوم اشوفهم في مركز البطحاء

والطريقه انك تنقل السياره من قطر الى سلوى وتغير السطحه في سلوى اذا تبي توفر طبعا سعر النقل لان من قطر الى الامارات من سطحه قطريه الله يعينك على التكلفه بس السطحات السعوديه و الاماراتيه ارخص بكثير

اذا تبي ارقامهم وانا رايح اليوم باخذ ارقامهم و بطرشهم لك ونسق معاهم قبل لاتروح

[qtr qtr]

كلها 2000 ريال من قطر للامارات واهم شي تكون عندك اورقة التصليح من المرور تقرير الحادث

الله يعوضك بخير ان شاءالله وخطاك الشر

[ROMANTIC-]

مرحبا والله بالربع سعر سطحة قطر غالي من قطر لى دبي ٣٣٠٠ ريال اخوي تمون معليك امر طرش ارقام السطحات اذا حصلت هناك اماراتيه او سعوديه

[أغلى البـشر]

يعطيكم ألف عافيه

أخوي تمون ياريت تعطينا الأرقام

[الإكسير]

خذ لك سطحه من عند أي حد من الشباب ربعك وتوديها بلاش

[alwahesh]

لا الشيخ

اعتقد ممنوع الا اذا تدخلها قطع

تقدر تتصل بالجمارك او اي حد من الحدود وتتأكد احسن

لو السياره بدون مكينه او قير - تقدر تشحنها

[..er..]

ياخوي اقرب سطحه سواء بقطر او بالسعوديه

من قطر اظن ماتعدى 2500 لـ 3000

اما اذا بتطلعها لسلوى عقب بتاخذ سطحه سعوديه فيه فرق وماقدر افيدك فيها ..

[وحيد-الشوق]

عندي رقم رجال راعي سطحة عربي الجنسية بس أمين ودووم يشحن مواتر قطرية هو يودي للامارات فقط وسعره تحت ال3000 ريال اذا بغيت رقمه كلمني

[chevelle-ss]

اللي يقولك تقدر تطلعها ودعمتها خشنة
اتحداه
مستحيل السعودي يدخلها
واتمنى انك تسال
وهذ ا اللي اخبرة

[AL-Subaey]

اللي يقولك تقدر تطلعها ودعمتها خشنة
اتحداه
مستحيل السعودي يدخلها
واتمنى انك تسال
وهذ ا اللي اخبرة

انا الاسبوع اللي طاف شاحن موتري على سطحه وهو مدعوم
موديه الامارات ولا مركز قال شي وتقرير الحادث موجود مع السيارة

[مافي مثلي]

عادي تقرير الحادث موجود بالسياره تدخل. دام عليها لوحه. مش مكنسلها من قطر
تعطي الاستماره ورقه التصليح

[كربيتر كام]

عادي تقرير الحادث والملكيه والموتر يكون عليه ارقامه ويمكن يسالونك بسلوى
قولهم عبور لين الامارات يمكن يعطونك كتاب تسلمه البطحا الاجراءات عندهم على حسب المزاج