اغلاق اشارات التضامن

[bohilal191]

يمسيكم بالخير

تم اغلاق اشارات التضامن بسبب حدوث هبوط في الشارع وطبعا صارت ازمة كبيرة كل الطرق تم اغلاقها باستثناء القادم من المول والقادم من شارع 22 فبراير

[airbus]

سلملي على اشغال

[بصمة قطرية]

صج ..!!!!
:eek5:

[بوNasser]

من البارحة انا اشوف الزحمة مب طبيعية

واليوم الظهر بس اكتشفت الاغلاق، طبعا مثل ما ذكر صار بس للقادمين من ٢٢فبراير باتجاه المول والعكس.
من اشارات المنتزة الى دوار العبيدلي أو العكس عبر اشارات التضامن مــــــــا فيــــــــــــــــــــــــــــــه

تحياتي لأشغال لعدم الاعلان عن الاغلاق في الجرايد,,,,, اكيد ما يبون احد يعرف!!!!

[bohilal191]

المفروض يتم تعديل اشارات المول من ناحية اليوتيرن اللي اصلا محتاجه تعديل من زمان

[وحيد-الشوق]

أنا مب طالع مكان بنثبر في البيت احسن لي كل مكان زحمة واغلاقات رحمونا الله يرحمكم :(

[بوخالد911]

خوووش شغل يا اشغاااااااااااااااال

[قلبي الطيب]

وافضيحتاه واعيباه

[طلعة الروح]

حد يوضح لنا شلون هبوط في الشارع

[ابوسعود]

الله يعينا على الزحمه
الشارع موناقص اغلاقات
المشكله طريق الدوام

[معماري قطري]

حد يذكر المثل اللي معناه ليش ما ترقصين قالت الارض عويا ( عوجاء بالفصحى )؟

أشغال بكره بيقولون أرض قطر لينة وايد وتوقعوا هبوطات كثيرة .. واللي يقهر إن الوقت صيف ولا مطر .. وأعتقد مانعين الشاحنات من المرور في هذا الشارع الحديث.

بس انا تفسيري إن الهبوط كان مكان الدوار .. وأقول هذا الكلام بدون ما اشوف .. لمعرفتي إنهم أزالوا الدوارات في فترة طويلة نسبياً ودكوا الأرض أي كلام بعد إزالة الأشجار في الدوار والأرض بقت غير معالجة جذرياً فالهبوط النتيجة.

[Azizuk]

المشكلة مافي تنسيق لا من أشغال وإلا من رجال المرور لان الشارع هذا مهم جداً وعملية التوزيع مهمة وخاصه أن يقطع البلاد من النص وهو طريق 22 فبراير يجب الإغلاق يكون جزئي مب التقاطع كله وإلا توجد إرشادات توضح أن في تصليح امس وأنا جاي من المطار تفاجاءت أن التقاطع مغلق والسيارات تقطع الجزيرة الفاصلة بين الطريق لان الشارع كان شبه مشلول مايتحرك كان المفروض تم عمل تحويله أو فتحه لتسير الحركة المرورية بس للأسف لا يوجد تنسيق من الجهات المسؤولة الشركات تسوي اللي تبيه على كيفها وكان المفروض العمل يكون مكثف 24 ساعة المشاريع عندنا يا يقعد سنين ويطلع المشروع فاشل أو بسرعة بسرعة وبعد فترة يطلع فاشل واحد شايب يقولي أنا من يوم عرفت الدنيا وهذا الحال كله حفريات لو الأرض تتكلم كان أشتكت :anger1:

[بصمة قطرية]

أمس الليل مريت ذاك الصوب و شفت مكان الهبوط
وكانوا يشتغلون
اليوم كنت نازلة الدوحة بروح صوب المطار
و للأسف رحنا من الهاي وي النفق
لين فوق بإتجاه إشارات التضامن
و صادتنا الزحمة من أول ما مسكنا المفرق اللي يودي
لإشارات التضامن و الثاني لدوار العبيدلي
أكثر من نص ساعه وإحنا على هالخط ..!!
اللي ما شاف على فكرة الشوارع كلها مفتوحة
بس مسكرين جزء من الشارع اللي صار فيه الهبوط ..

[w.qatar]

صحيح من يوم الخميس الشارع هذا فيه ازمة مرورية بالتحديد في الشارع اللي جاي من 22 فبراير و المتجة للمنتزة الساعه 2 قدمت بلاغ و ما قصروا تواجدوا في الموقع الله يعطيهم العافيه

[Azizuk]

ليش تقدم بلاغ المفروض يكون في تنسيق مسبق مع إدارة المرور مب بس تعال وسكر التقاطع من غير رجال المرور