محلات اثاث بالدمام والخبر

[MANSOOR75]

السلام عليكم وكل عام وانتم بخير

ياجماعه انا رايح بالعيد انشاء الله الدمام ابغي اشتري اثاث لبيتي الجديد ابي اعرف المحلات الي ممكن تفيدني للأثاث والثريات وين مكانها في اي منطقه وفي أي شارع ونفس الشي بالنسبه للاثاث بغيت اطقم كراسي كلاسيك
ويعطيكم الف عافيه

[ريان]

افضل محل شفته المنزل - الهبي تات -
ولكن اسعاره عاليه

ونصيحه اي شي تاخذه صوره وحتفظ بالصوره لين وقت التسليم

[مضارب دوسري]

اخوي مع تحفظي عالاثاث من السعوديه
ولكن اذا ناوي ان شاء الله تشتري من هناك
لا تروح الخبر ولا الدمام
لان هالمناطق قريبه من قطر والكويت والبحرين
فالاسعار نفس اسعار الدوحه
روح الرياض وبتلقى فروع لنفس محلات الدمام والخبر ولكن الاسعار تختلف اختلاف كلي

كل ما بعدت من الدمام بتلقى نفس البضاعه ولكن بسعر مختلف

[كبير المتداولين]

انا كنت اجيب من السعوديه زمان الاثاث والكثير من الاغراض

الحين صارت السعوديه غاليه حتى انه في اسعار صارت اغلى من الدوحه صافي في تنافسيه كبيره وخف الشغل مع الشركات مما اضطرو لرفع الاسعار

[مضارب دوسري]

انا كنت اجيب من السعوديه زمان الاثاث والكثير من الاغراض

الحين صارت السعوديه غاليه حتى انه في اسعار صارت اغلى من الدوحه صافي في تنافسيه كبيره وخف الشغل مع الشركات مما اضطرو لرفع الاسعار
بيض الله وجهك
هذا اللي اقوله صار لي فتره
السعوديه حاليا مب نفس اسعار قبل سنتين
صارت غاليه
ونفس اسعار قطر
او الفرق يكون لا يذكر


واللي اعرفهم هناك قاموا يشترون من الصين :)
محد قام يشتري من السعوديه بسبب الارتفاااع في الاسعار

[MANSOOR75]

يعطيكم العافيه ماقصروتو. يعني تنصحوني اشتري من الدوحه وماروح ؟ لاني بروحي متردد واحاتي الشحن وعوار الراس وتكاليف الشحن والجمارك والمصاريف الثانيه

[ولد المنصور]

نصيحه ياخوي اخذ من الدوحه ابركلك واحسن ,, انا خذت من الحسا طقم تركي حصلته هني نفس السعر باضبط وعند الجميل بعد ..

[مضارب دوسري]

يعطيكم العافيه ماقصروتو. يعني تنصحوني اشتري من الدوحه وماروح ؟ لاني بروحي متردد واحاتي الشحن وعوار الراس وتكاليف الشحن والجمارك والمصاريف الثانيه

خذ من الدوحه ابرك لك

تشتري شي من هناك يوصلك ناقص او مكسور
وين عقب بترجعه :rolleyes2:

اشتر من الدوحه ابرك لك

[jassim_9]

لا تستعجل انت مر علي محلات الأثاث في قطر الأول شوف الأسعار لأني مره شفت طقم كراسي في محل 18000 ألف ونفس الطقم في محل ثاني بسعر 32000 ألف فلا تستعجل شوف الأسعار في قطر الأول وروح الرياض شوف الأسعار النقل مايكلف وايد شئ بسيط والرياض مب بعيد منها تشوف الأسعار ومنها تمشايه

[بوسعود1122]

اخوي مع تحفظي عالاثاث من السعوديه
ولكن اذا ناوي ان شاء الله تشتري من هناك
لا تروح الخبر ولا الدمام
لان هالمناطق قريبه من قطر والكويت والبحرين
فالاسعار نفس اسعار الدوحه
روح الرياض وبتلقى فروع لنفس محلات الدمام والخبر ولكن الاسعار تختلف اختلاف كلي

كل ما بعدت من الدمام بتلقى نفس البضاعه ولكن بسعر مختلف. والله يا خوي انا وصلت الرياظ عند محل العبداللطيف والعمر واغلبهم تقريبا ،، شوف الاثاث المحترم نفس اسعار قطر اما محل العمر رخيص بس مستحيل تحطه في بيتك نصيحة انطر تنزيلات نابكو اثاث احسن من الي في الرياظ ونفس التكلفة ، والله يجعله منزل مبارك