محتار في اليو بي في سي

[شقردي]

اخواني الاعزا انا محتار بين ثلاث شركات

القطريه الكويتيه

الدوحه يو بي في سي

الاختصاصي الاوروبي علما بان الاختصاصي الاوروبي انزل من سعر القطريه

ياليت من اصحاب الخبره ان يفيدوني قبل لا اوقع العقد

واكون شاكر لكم

[بوعبدالله77]

استبعد:nono: القطرية الكويتية من الخيارات ولا تغرك اعلاناتهم

[أم وضاحي]

عن تجربه شخصية
معماري قطر أسعارهم مناسبة و دقيقين في موعد التسليم
هاي على ايام الفلسطيني أبو نهاد
ما أدري عنهم الحين
الأختيار الألماني ممتازين بعد
بس غاليين شوي

[معماري قطري]

عن تجربة انا جربت قطر يو بي في سي في كم مشروع والإختيار كان على أساس المواصفات والنوعية الجيدة، والحمد لله محد اشتكى وانا ركبت لبيتي ومرتاح مع الدرايش من 8 سنين .. وركبت شوي لحوض سباحة وجلسه وحمام من شركة الدوحة وكان سعرهم غالي بس وعدوني يركبون بسرعة .. ولا شفت سرعة ولا جودة بعد كم يوم الربلات طاحت وشريت مادة رخيصة بسعر غالي وفي هالحالة الألمنيوم بيكون أرخص وأسرع وأحسن.

شفت قطاعات الإختيار الألماني وعجبني النوع العريض الألماني بس ما ركبت من عندهم للحين وسمعت شكاوي كثيرة على الشركة... بس أغلب الشكاوي من تأخير وهذا عادي الشركات قليلة وتجميع اليو بي في سي يحتاج وقت وسوق الزجاج حتى في الخليج وفي دبي مضغوط وما يلحق على الطلبات.

المعروف إن اليو بي في سي ماركات وشركات تصنيع عالمية لكل شركة مواصفاتها وماركتها التجارية، لكن في قطر ياخذون إسم الماركة ويوفرون الأساسيات لهذي الماركة ويروحون يجيبون قطع أي كلام من شركات محلية واقليمية وأهمها الزجاج ونوعية الغازقيت اللي يفصل بين طبقات الزجاج ونوع الغاز المستخدم بين الزجاج، والمفصلات اللي تكون من نوعيات مختلفة من الألمنيوم، وقطع الحديد اللي تقوي قطاع اليو بي في سي فبعضها يصدي وبعضها ستانلس، وصراحة صناعة اليو بي في سي والتوفير من قبل المصنع في استخدام مواد رديئة وتقريباً كل المصنعين جعل هذي المادة في انحدار قوي عندنا.

يفترض وضع رقابة صارمة على شركات التصنيع بحيث تمنع الغش وبحيث تكون مواصفات كل شركة واضحة وممكن التحقق منها ومقاضاتها، وهذا شغل الحكومة وحماية المستهلك اللي للحين توهم في الخضرة والفواكه، وطبعاً شغل المواصفات والمقاييس في الأول،، أما للشخص العادي فيكون العقد واضح وترفق معاه عينات لكل قطاع ومواصفات كاملة وتحت اشراف استشاري جيد، وتتم العملية بشكل استدراج عروض من عدة شركات ودراستها بحيث اختيار أفضل عرض سعراً ومواصفات.

[فروخ]

يالشقردي
واحد من الربع يمدح شركة جديدة اسمها ( فلكسي)
مكتبهم داخل محل درابزين اللي في السد
يقولون أغراضهم تقريبا كلها ألمانية
وبالتوفيق

[ولد المنصور]

كانت القطريه الكويتيه من كم سنه ممتازه اما الحين مب شي ,, عليك بالاختصاصي الاوروبي ,, اوا معماري قطر ..

[شقردي]

استبعد:nono: القطرية الكويتية من الخيارات ولا تغرك اعلاناتهم

طيب اقدر اعرف عن مشاكلهم مع العميل لو خاص اذا ممكن

[شقردي]

كانت القطريه الكويتيه من كم سنه ممتازه اما الحين مب شي ,, عليك بالاختصاصي الاوروبي ,, اوا معماري قطر ..

شاكر مرورك

[شقردي]

يالشقردي
واحد من الربع يمدح شركة جديدة اسمها ( فلكسي)
مكتبهم داخل محل درابزين اللي في السد
يقولون أغراضهم تقريبا كلها ألمانية
وبالتوفيق

مشكور على المعلومه

[شقردي]

عن تجربه شخصية
معماري قطر أسعارهم مناسبة و دقيقين في موعد التسليم
هاي على ايام الفلسطيني أبو نهاد
ما أدري عنهم الحين
الأختيار الألماني ممتازين بعد
بس غاليين شوي


شاكر مروروك اختي

[اللوز]

فقط شركة قطر لليو بي في سي

[أبو ثائر]

روح حق الاختصاصي بطلم فرع حق اليو بي في سي اسمه الاختصاصي القطري شغلهم رووووعة وجودة ويكفي أنهم أفضل شركة في قطر في مجال الدرايش والبيبان وقديمة من سنة 1983

[Waseem]

السلام عليكم

اخوي عليك معماري قطر يو بي في سي شغلهم جيد

[مضارب دوسري]

ابعد عن اليو بي في سي
نسيبي يشتكي من الشبابيك عنده والابواب

مركبهم عند الاختيار الالماني

مركبهم من سنه ونص
واليوم عرف ان في فرق بين الالمنيوم والبلاستيك المقوى
يقول صار الغبار كانه مركب المنيوم عادي

هذا النصيحه الاولى

النصيحه الثانيه انسى اي شباك انه يمنع الغبار
مافيييه
اذا كان الشباك سحاب
يعني الغبار بيدش لو شتسوي
تبي تمنع الغبار؟
ركب شبابيك مفصلي
يعني ابواب مب سحاب

واخر شي
ركب دبل جلاس وانت مغمض
على ان تكون مفصليه مب (سحاااب)

[NINA RICCI]

احنا مركبين القطرية الكويتيه ممتازين وماعليهم كلام

[captin]

عليك بالاختصاصي

سو الومنيوم لا تسوي يو بي في سي
وريح بالك للأبد

[معماري قطري]

ابعد عن اليو بي في سي
نسيبي يشتكي من الشبابيك عنده والابواب

مركبهم عند الاختيار الالماني

الإختيار الألماني عندهم عدة نوعيات والرخيص التركي مؤكد أي كلام .. المشكلة صار لعب كبير في اليو بي في سي واستوينا ما نعرف من الصادق من الشركات .. حتى طريقة تركيب الربللات ونوعها يختلف اختلاف كبير .. النوع الألماني العريض عندهم وايد زين.

مركبهم من سنه ونص
واليوم عرف ان في فرق بين الالمنيوم والبلاستيك المقوى
يقول صار الغبار كانه مركب المنيوم عادي

هذا النصيحه الاولى

النصيحه الثانيه انسى اي شباك انه يمنع الغبار
مافيييه
اذا كان الشباك سحاب
يعني الغبار بيدش لو شتسوي
تبي تمنع الغبار؟
ركب شبابيك مفصلي
يعني ابواب مب سحاب

واخر شي
ركب دبل جلاس وانت مغمض
على ان تكون مفصليه مب (سحاااب)

انا مركب من قطر يو بي في سي من حول 8 سنين ولا اشكي منها لا غبار ولا حرارة ولا صوت .. ألحين الله يعين استوت الشركات تتنافس في تنزيل السعر بتركيب مواد رخيصة .. يعني يجيك الإسم ماركة ونوع جيد لكن مثلاً بدال دعامات الحديد الداخلية الستانلس ستيل تحصل يحطون حديد رخيص ويصدي .. أو حتى بدون حديد وسمك جدران اليو بي في سي يكون رقيق وينحني وصناعة صينية أي كلام .. القزاز والغازكيت اللي بين طبقات الزجاج .. هذا يسمح بتمرير قليل من الهواء علشان ما يصير ضغط وتنكسر الدريشة، ونفس الوقت ما يدخل رطوبة .. وفيه شركات تملي الفراغ بغاز الأرغون اللي ميزته ما ينقل الطاقة الحرارية بالإشعاع واللي هي أكبر كمية حرارة ممكن تدخل .. وعملية ملء الغاز هذا تاخذ وقت طويل وبالات خاصة لأن ينشفط الهواء ويحقن هذا الغاز.

على الغش الحاصل الدرايش الخشب أو الحديد مالت أول أحسن من اليو بي في سي والمفروض هيئات الترخيص والمواصفات تتحرك أول بأول والمفروض الشركات تلتزم بابراز هذي المواصفات .. وكل شيء يكون بسرعه اللي يبي رخيص يضحي بمميزات واللي يبي بعض المميزات يدفع حقها .. لكن القهر شركات تدفع الواحد غالي وتبيعه شيء رخيص وبفرق سعر كبير.

أتخيل شركة الإختصاصي دخلت مجال اليو بي في سي لأن ربحه كبير .. مواد رخيصة من كم دولة وسعر غالي ربح زين لهم ولغيرهم.

[أبو ثائر]

عندك الاختصاصي القطري فرع الاختصاصي الألمنيوم شركة محترمة وقديمة وهم الأوائل في مجال صناعة الداريش والبيبان محترفين بكل معنى الكلمة وشغلهم عدل
انتبهوا اخواني !!!!!!!!!!!!!!!!!!!!!!!!!
أخواني يرجى الانتباه في شركة الاختصاصي وهي فرع الاختصاصي الألمنيوم اللي بطريق سلوى
وفي شركة ثانية اسمها الاختصاص الأوروبي وانا استبعدها

[مضارب دوسري]

انا مركب من قطر يو بي في سي من حول 8 سنين ولا اشكي منها لا غبار ولا حرارة ولا صوت .. ألحين الله يعين استوت الشركات تتنافس في تنزيل السعر بتركيب مواد رخيصة .. يعني يجيك الإسم ماركة ونوع جيد لكن مثلاً بدال دعامات الحديد الداخلية الستانلس ستيل تحصل يحطون حديد رخيص ويصدي .. أو حتى بدون حديد وسمك جدران اليو بي في سي يكون رقيق وينحني وصناعة صينية أي كلام .. القزاز والغازكيت اللي بين طبقات الزجاج .. هذا يسمح بتمرير قليل من الهواء علشان ما يصير ضغط وتنكسر الدريشة، ونفس الوقت ما يدخل رطوبة .. وفيه شركات تملي الفراغ بغاز الأرغون اللي ميزته ما ينقل الطاقة الحرارية بالإشعاع واللي هي أكبر كمية حرارة ممكن تدخل .. وعملية ملء الغاز هذا تاخذ وقت طويل وبالات خاصة لأن ينشفط الهواء ويحقن هذا الغاز.

على الغش الحاصل الدرايش الخشب أو الحديد مالت أول أحسن من اليو بي في سي والمفروض هيئات الترخيص والمواصفات تتحرك أول بأول والمفروض الشركات تلتزم بابراز هذي المواصفات .. وكل شيء يكون بسرعه اللي يبي رخيص يضحي بمميزات واللي يبي بعض المميزات يدفع حقها .. لكن القهر شركات تدفع الواحد غالي وتبيعه شيء رخيص وبفرق سعر كبير.

أتخيل شركة الإختصاصي دخلت مجال اليو بي في سي لأن ربحه كبير .. مواد رخيصة من كم دولة وسعر غالي ربح زين لهم ولغيرهم.

صدقتي ياخوي الوضع تغير الحين عن زمان
الحين في كل المجالات اذا فيه شركه عليها طلب كبير
وماعندها وقت تستقبل فوق حاجتها وتوزع على شركات ماعندها ضغط في العمل
هالشي صار واضح للعيان
حتى الووتر بروف الشركات الكبيره اذا عندهم ضغط يجيبون لك واحد من شركتهم والبقيه من شركات ثانيه
في كل شي صاروا يتبعون هالنظام
حتى في مجال المقاولات والبناء تصير

[معماري قطري]

صدقتي ياخوي الوضع تغير الحين عن زمان
الحين في كل المجالات اذا فيه شركه عليها طلب كبير
وماعندها وقت تستقبل فوق حاجتها وتوزع على شركات ماعندها ضغط في العمل
هالشي صار واضح للعيان
حتى الووتر بروف الشركات الكبيره اذا عندهم ضغط يجيبون لك واحد من شركتهم والبقيه من شركات ثانيه
في كل شي صاروا يتبعون هالنظام
حتى في مجال المقاولات والبناء تصير

يعني لازم تتدخل جهات الدولة المختصة هذي سرقة عينك عينك وتكلفة البنيان مب رخيصة وايد غالية .. ومحد متضرر غير المالك.

لعلم الجميع اليو بي في سي تم اختراعه واستخدامه ليكون بديل رخيص عن الألمنيوم لأن الألمنيوم ملوث بيئي كبير وصعب انتاجه .. قصدي الألمنيوم النوع عالي المواصفات اللي عندنا كله غش وقطاع ضعيف .. ويجي اليو بي في سي اللي بعد غش أغلى منه والمفروض اليو بي في سي أرخص بوايد ... أتمنى صناعة الألمنيوم في قطر تحدث تغيير كبير وقطاعات مناسبة وتنافس اليو بي في سي في مميزاته.

[مضارب دوسري]

يعني لازم تتدخل جهات الدولة المختصة هذي سرقة عينك عينك وتكلفة البنيان مب رخيصة وايد غالية .. ومحد متضرر غير المالك.

لعلم الجميع اليو بي في سي تم اختراعه واستخدامه ليكون بديل رخيص عن الألمنيوم لأن الألمنيوم ملوث بيئي كبير وصعب انتاجه .. قصدي الألمنيوم النوع عالي المواصفات اللي عندنا كله غش وقطاع ضعيف .. ويجي اليو بي في سي اللي بعد غش أغلى منه والمفروض اليو بي في سي أرخص بوايد ... أتمنى صناعة الألمنيوم في قطر تحدث تغيير كبير وقطاعات مناسبة وتنافس اليو بي في سي في مميزاته.

لا ما يعتبرونه غش
ياخذون المسأله عاااادي جدا
وعلى ماظن عقود بين الشركات الكبيره والصغيره
والشركه الكبيره اذا عندها شغل وااايد يعطون الشغل للشركات المتعاقده معاهم والموضوع بسيط
بالنسبه لهم
المهم الربح انت متفق معاه على 1200للمتر مثلا هو يتعاقد مع الشركه الصغيره على 900 او حتى 1000
المهم انه طلع فلوس وهو قاعد ف مكتبه
وفي حالة الشركه المتعاقده وقفت الشغل او ما الى ذلك
تقوم الشركه الكبيره وتجيب لك بدل
او تقوم هي بالشغل عشان السمعه
يعني احط فورمن من عندي والعمال من شركتك
والاموور طيييبه :telephone:

[أبو ثائر]

روح حق الاختصاصي للألمنيوم بطل فرع حق اليو بي في سي سمو الاختصاصي القطري شغلهم محترف ومرتب وفي عندهم مدير اسمو محمود الصراحة قمة في التعامل وما يقصر معاك أبد الصراحة كصير خدوم ومرتب وهو اللي مأسس شركة الاختيار الألماني بس ترك من عندهم وفتح مع الاختصاصي

[أبو ثائر]

فقط الاختصاصي القطري
وهذا موقعهم على النت www.sq-me.com

[Waseem]

السلام عليكم
اخوي انه اشتغلت مع معماري قطر يو بي في سي مع اخواني واولاد عمي.

الشيخ مقطعهم ممتاز وشغلهم نضيف وتركيبهم ممتاز ومعاملتهم محترمه ومواعيدهم

الله يوفقك

[إعلامي قطر]

..

بعد إذن صاحب الموضوع،،

ممكن أرقام محلات:

1) قطر يو بي في سي
2) أختصاصي قطر

وهل أختصاصي قطر هم إللي رقمهم إللي دوم
بأعلاناتهم 8002233 ولا هذا محل ثاني لأن
الأسماء تتشابه وخربطت بينهم ؟!

..

[kal]

السلام عليكم
شوف شركة معماري قطر يو بي في سي جيدين