المصرف و ((الاجازه)) !!

[نتفـه]

السلام عليكم

اسمحوا لي على الاستفسار في هالقسم بس لان قسم الاستفسارات نادر حد يدخل فيه وابي الرد الله يرضى عليكم ..

انا في اجازه .. شنو نظام سحب السلفيه في المصرف اذا استلمت راتب شهرين مقدم ؟؟؟؟

هم حجزوا فلوس السلفه حق شهرين وما تم اشعاري بمسج ولا بين عندي في الموقع حق المصرف يعني بالصدفه اكتشفت ان الرصيد ناقص ويوم حسبته ساحبين الشهرين ..

المهم اليوم وصل مسج انهم سحبو عن شهر .. انزين وباقي المبلغ مابين في حسابي ؟
هل هو محجوز وينسحب بالقطاره ؟؟؟؟ والا بيرجع المبلغ الباقي وبينسحب الشهر الجاي !! عورو راسي هالبنك !!!!!

وشكرا مقدما للي بيفهمني الموضوع ((اول مره اسحب سلفه من البنك ف ماعرف النظام )):eek5:

[Sari]

عندهم وبيتم أشعارك الشهر الجاي بعد الخصم

[monatee]

اغلبية البنوك تسوي هالحركه الحين

اذا الشخص طالع اجازه ولا بايع اجازه المهم اذا جافوا المبلغ نازل من جهه عمله على طول يحجزون ع المبلغ يا كل المبلغ او بعضه بحجه يضمنون حقوقهم وان الشخص ممكن مستقيل او مفنش ،، والتجربه اللي صادفتها من بنك الدوحه والتجاري اطلبوا من الشخص ورقه من جهه عمله تفيد ان هالمبلغ ليش نازل ،، واذا بين انه لراتب شهرين فالبنك يحجز قسط شهرين واذا طلع الشخص بايع اجازه يرجعون المبلغ كله

[نتفـه]

بس الحين اذا المبلغ محجوز معناته اقدر اصرف اللي موجود عندي بدون ما احاتي الشهر الجاي لانهم يعتبرون خذوه الحين صح ؟؟؟؟؟

[monatee]

تقدر تصرف المبلغ المتاح فقط

ان لازم تتأكد من المبلغ المحجوز ومن المبلغ المتاح ،، فإذا اطلعوا انهم حاجزين قسطين معناته الشهر الجاي مابيخصمون

[نتفـه]

تسلمون ساري و موناتي :)

[إينشتاين]

الأفضل تكلمينهم وتستفسرين

رقم Call centre
44448444

[نتفـه]

اتصلت وايد ومايردون .. بجرب اتصل لهم بعدين ان شاء الله ..
ما قصرت اخوي اينشتاين :)

[bohilal191]

يعطيك العافية واجازة سعيدة بس غريبة احجزوا على المبلغ وعن نفسي دايما اطلع اجازة ومرات ينزل لي مبلغ اكثر من الراتب ولا عمرهم احجزوا هم عندهم سياسة تاريخ 27 الساعة 12 بالليل يخصمون القسط اذا ماحصلوا قيمة القسط يخصمون الموجود واي فلوس تدخل في الحساب على طول يخصمونها لحد مايكملون مبلغ القسط وعندنا مبدأ في الدوام ان الراتب ينزل شهر بشهر حتى وانت في اجازة

[قلب صادق]

السلام عليكم ورحمة الله وبركاته

قبل شوي الاهل حاولوا يسحبوا من الصراف ويقول ان حسابك غير كافي مع اني مشيك في النت وفيه فلوس

والظاهر لان الاهل حاليا في اجازة وعليهم قسط فحجزوه

للعلم حسابهم على الدولي الاسلامي

بس اول مرة يحصل معنا كذا

[نتفـه]

المشكله اتصل فيهم ومايردوووووووووووووووووووون !!!!!!!!!!!!!!!!!

[معماري قطري]

المشكله اتصل فيهم ومايردوووووووووووووووووووون !!!!!!!!!!!!!!!!!

هذي ميزة بنوكنا الإسلامية لكن لو حد يتصل قسم القروض أو أقساط السيارات بيردون أي وقت وبأسرع وقت.

[نتفـه]

حسبي الله ونعم الوكيل فيهم والله اذونا اذيه .. صدقت يا معماري قطري

[w.qatar]

روحي الفرع اضمن

[نتفـه]

خدمة العملاء بالهاتف جداااااااااااااااااااااااااااااااااااااااااااا رديئة واذا ردوا يردون بخياس نفس !!!
ولين الروم لم يتم الرد طبعا :)

[bohilal191]

في ومضان مايردون بسرعة يتغلون