الكويت تستدعي سفراء أوروبا وأمريكا!!!!!!

[الروقي]

الكويت تستدعي سفر أوروبا وأمريكا لديها
اسـتـدعـت وزارة الخارجيه الكويتية ، ،عــــــدًدا مــــــن ســــــفــــــراء مــجــمــوعــة الـــدول الأوروبــيــة وسفير الـــــــــــولايـــــــــــات الــــمــــتــــحــــدة الأمريكية، وسفير المملكة الـــمـــتـــحـــدة، كـــل عــلــى حـــدة، وذلــــــــكانــــطــــلاًقــــامـــــنحـــرص الــــوزارة على متابعة مصالح المواطنين الكويتيين، واسـتـجـابـةلـلـشـكـاوىالـتـيتلقتهاالـــــوزارة،خص وًصا بشأن الحصول على تأشيرة مجموعة الدول الاوروبية »الـشـنـجـن«، وتـأشـيـرة المملكة الـمـتـحـدة، وتـأشـيـرة أمريكا
منقول من الرايه عدد اليوم وشكوى أيضاً عدد من المواطنين من سوء معاملة السفارات الأوروبية للمواطنين القطريين لاستخراج الفيزا

عقبا لنا

[bus3od]

قريت الخبر و خنقتني العبره

[alsoq]

الكويت اللي اخبره سفارتها تهتم بالمواطنين بالخارج بشكل يريح المواطن الكويتي انه يسافر اي مكان

هذا اللي اخبره الى اذا تغير شي

[بنت شرق]

حلوه هالمسة والاهتمام بالمواطنين وماهي بغريبة على حكام الكويت

[السهم الملتهب]

الامارات العربية المتحدة هي الاولى

تليها دولة الكويت

تهتم بارعياها في الخارج الى اقصى درجات الاهتمام

[bus3od]

كذلك سفاراتنا في الخارج تضع المواطن القطري فالمقام الاول

الموضوع يتكلم عن ( التأشيرات ) و التعقيدات التي توضع لاستخراجها

و ليس اهتمام الدوله بالمواطنين في الخارج الذي من الأساس لا غبار عليه و احنا الدوله الاولى خليجيا في الاهتمام بالمواطن و لله الحمد

[ابوعلي]

الكويت اللي اخبره سفارتها تهتم بالمواطنين بالخارج بشكل يريح المواطن الكويتي انه يسافر اي مكان

هذا اللي اخبره الى اذا تغير شي

اخالفك الراي اخوي واسأل الاخوة الكويتيين في تايلند وشلون تعامل السفارة معاهم والله ان شي يحزن وصارت اكثر من حادثة لاشخاص كويتيين واعرفهم وكنت معاهم

[ابن البيطار]

عندي ربع كويتيين يوم كنا في لندن كانوا يصيحون من تعامل سفارتهم . والحمدلله سفارتنا في لندن كانت تعاملنا تقول اصحاب السفاره او مسؤلين .

[غايه الطواش]

كانو معاي بالسكن كويتيين جايين علاج
كانوا يشتكون من سفارتهم
الواحد يقول الحمدالله ع النعمه الي احنا فيها

[فيصل 89]

ياربع اذكرو الله شسالفه اشوف انقلبت السالفه

اولاً يقولك قريب المواطن القطري يسافر من غير فيزه لاوربا واحد من قرايبي من الكويت شافني طلعة فيزة شنغل بيومين انصدم يقولي احنا حاله بالكويت .. يعني هم ماستدعو السفرا الا عشان مواجهين صعوبه بحصولها
ثاني شي وحد من اربع توه جاي من تركيا زارع شعر كان يغير حجزة من اسافره القطرية وكان يطلعون ويه يتغدون ويتقهوون
وسفير الي في الاردن ارفعله القبعة والى الامام بيض لله وجهة وماقصر مع الطلاب القطريين

[دنيا الاسهم]

الحمدلله رب العالمين اولا واخيرا

[ANONYMOUS]

يمكن يكلمونهم عن سالفة الاذن و لرقبه

مايجووز

[ابوعلي]

عندي ربع كويتيين يوم كنا في لندن كانوا يصيحون من تعامل سفارتهم . والحمدلله سفارتنا في لندن كانت تعاملنا تقول اصحاب السفاره او مسؤلين .

والله ياخوي واحد من الربع من الكويت يقول لموظف كويتي بالسفارة بتايلند ان امه بتموت وماجات الموافقه رد عليه ايش اسويلك والله قمة الحقارة وعدم الاحساس بالمسؤلية

[مرحوم قطر]

انا اتعامل مع السفاره القطريه في مصر

صراحه مايقصرون ابد


مره تلاغيت مع دكتور مصري في السفاره لان كلمني بخياس

وطنشني و قعد يتكركر في التلفون و مطنشني ولا كاني موجود


قلت له ترى انت تشتغل في سفارت القطريين يعني تشتغل عندنا

و رحت حق احد الدبلماسيين اشتكيت و صراحه كنت ناوي اكلم ربعي في الخارجيه لو الدبلوماسي ماسوى شي


بس الشهاده لله ان الدبلماسي يوم شاف الدكتور متبجح هزأه و خلاه مايسوى ريال و هدده بالطرد قدامي

لو تعنطز مره ثانيه و قاله القطريين تحطهم فوق راسك لان هم الي ياكلونه


و دوم السفاره توقف معانه و تمشي امورنا في الجامعه لدرجه ان القنصل يتدخل ابنفسه اذا صارة مشكله لاحد الطلاب


مثل يوم المراقبه المصريه سبت قطر في لجنة الامتحانات و تقول انتو دوله يهوديه و سبت الامير


القنصل بنفسه راح الجامعه و قابل العميد

و يوم يمسكون مرشح في مركز شرطه كان رايح يقدم بلاغ سرقه و استهبلون عليه الضباط و سبوه و سبو قطر

يقول بعد ما كلمتهم ابعشر دقايق دخلو علينا ناس من السفاره القطريه

غير كذا اذا السفاره حست ان في خطوره في الاوضاع دوم تبلغنا اول باول عن طريق نادي الطلبه القطريين

و تنصحنا بالمغاره في اسرع وقت ممكن

و اذا كنه في مصر و كنه نبغي نسوي شي مثل بيع او شراء شقه او سياره مثلا دوم السفاره يقولون لنا تعالو وقعو العقد عندنا

في السفاره تحت اشراف محامي السفاره عشان يحمونه من النصب


صراحه السفاره القطريه في مصر اشهد لها انها خير عون لنا


و من هنا اوجه كل شكري و تقديري للقنصل في السفاره القطريه الدكتور سلطان الخالدي و كل اعضاء السفاره

والله ان الدكتور سلطان كفو و خير عون لنا في مصر و مايقصر في احد ابد و انا عن نفسي ساعدني وايد و ماقصر فيني



ابكل صراحه كل ربعنا من دول الخليج يتشكون من سفاراتهم و يحسدونه على سفارتنا


و بعد في قطريين يتشكون مثل الكورس الاول من هلسنه كانو يتكلمون و يقولون السفاره ماسوت لنا شي

و الدكتور سلطان قصر فينا و و و و الخ الخ الخ

لاكن الصراحه هم الي غلطانين صايدنكم و البراشيم عندكم و طلعوكم من اللجنه

تتوقعون شتقدر تسويلكم السفاره او يسويلكم القنصل