فالة العيد

[Abdullah_89]

تقبل الله صيامكم وقيامكم جميعا ..


بغيت استفسر عن فالة العيد ..

اللي حجز يقولنا من وين حجز وشلون كانت الاسعار معاه ..

وابي مقترحاتكم لمحلات عندهم شغلات غريبه لفالة العيد ..

ويعطيكم ألف عافيه ..

[alsoq]

عني باخذ كل يوم بيومه من الفواكه
والاشياء الثانيه اهم شي نظافة في شوكلاته مو صايدتها حراره ورادين مبردينهم انتبهوا

[Abdullah_89]

عني باخذ كل يوم بيومه من الفواكه
والاشياء الثانيه اهم شي نظافة في شوكلاته مو صايدتها حراره ورادين مبردينهم انتبهوا


في انواع مثل البيتي فور والحلويات وحلى القهوه لازم نطلبها قبل ..
الشوكلاه والفواكه امر مقدور عليه وممكن ناخذها ليلة العيد ..
اما الاشياء الثانيه لازم حجز من الحين ويمكن الواحد يحصل حجز ويمكن لا ..

[هجمة مرتدة]

جرب فنيال في الانستغرام
Fenyal

[Abdullah_89]

جرب فنيال في الانستغرام
fenyal


جربناة من قبل شغلها جدا رائع لكن سعرها جدا غالي ..

[اهل قطر]

العيد منوع بين شعبي وغيره ' احب اسوي اليقط والخبيص والبلاليط . وكيك المنجا من البتيل ، البستك من سوق واقف والي اسمع به زين اشتريه

[وحيد-الشوق]

العيد منوع بين شعبي وغيره ' احب اسوي اليقط والخبيص والبلاليط . وكيك المنجا من البتيل ، البستك من سوق واقف والي اسمع به زين اشتريه

اهم شيء كيك المانجا مال البتيل :nice:

احنا نحب نشكل ودايما ناخذ بيتي فور من الحلويات السويسرية وعندهم ميني تارت عجييب

[باراكودا]

أشكل من الحلويات السويسرية والفواكه من لولو الغرافه .

[راعي السهم الأول]

:nice:

روح السد مجمع الرويال بلازا أدخل من البوابه الخلفيه و على وجهك يسار مقابل بنك الدوحه
في كاونتر حق حلويات كويتيه شعبيه أسمه قرص عقيلي جربهم

تحياتي

[ضيء الامل]

توسكانا
حلويات الطارق

[Abdullah_89]

تسلمون وكل الشكر على مروركم ومقترحاتكم

اضيف لكم توسكانا عندهم حلى القهوه وحلويات وموالح وصوانيهم حلوة وعندهم فطاير حلوة

وفي محل جنب محطه تيوتا اللي عند اللاند مارك بعد البنك التجاري يبيع حلى القهوه وحلويات بس سعره غالي شوي

[باراكودا]

وين محل توسكانا يالطيبين ممكن شرح من جميع الجهات الاربع .

[storm..]

محل اومسيتي في الخريطيات جنب نادي الخريطيات

[@الأدعم@]

وين محل توسكانا يالطيبين ممكن شرح من جميع الجهات الاربع .


توساكانا في سوق محطه بوهامور

[@الأدعم@]

في محل حلويات جديد في دار السلام الدور الاول عندهم بتي فور وموالح وكيك

[dohasecret]

في محل اسمه عصروني أبيع سندويشات مني الفرنسية روعه في الغرافة طبعا تطلبين منهم بيوم على أساس أجهزونها وتقدر ين انتي تؤدين لهم صواني وحطون لج فيها وسعره روعه ،،،،وبنسبة للحلويات في محلات كثيره نتعامل معاهم عندج محل زنجبيل في رويال بلازا اشوي غالي بس وايد شغالات حلوه عنده ً،،،،،،وعنده موالح وحلويات وعندج محل السنيورة حق البغلاوه والكنافه أنواع ،،، والكيكات أنا عن نفسي جربت كيكه لسيغال

[باراكودا]

توساكانا في سوق محطه بوهامور

تسلم يالادعم على الاجابه

ممكن الاجابة على سوالى :
وين أحسن محل يبيع موالح .

[@الأدعم@]

تسلم يالادعم على الاجابه

ممكن الاجابة على سوالى :
وين أحسن محل يبيع موالح .


الله يسلمك
الموالح عند هيد يارد شارع سلوى وعندك شوبان ممتاز

[بوحارب]

انا حاط ميزانية لفاله العيد 6000 ريال بس هههههههه

لا لا اتغشمر بس اقلد بعض الناس خخخخ

[رهج السنابك]

بوحارب فلوسه وايد هاموووور

[الخيالة]

إحنا كل شي نسوي في البيت تارت الفواكه والكاب كيك والبيتي فور والكيك :)

[Abdullah_89]

إحنا كل شي نسوي في البيت تارت الفواكه والكاب كيك والبيتي فور والكيك :)

ماشاء الله

[Abdullah_89]

حجزت في توسكانا حلى القهوه والموالح والبيتي فور واسعارهم حلوة

والحلويات الشعبيه حجزته في معيذر محل اسمه زنجبيل مثل ( قرص عقيلي و الخبيص والرنقينه وغيرها ... )

انا الفطاير حجزت في ماي بيك

والكيك باخذه من لاسيجال

والفواكه باخذها ليله العيد


وكل عام وانتم بخير مقدما

[باراكودا]

الله يسلمك
الموالح عند هيد يارد شارع سلوى وعندك شوبان ممتاز

شكرا لك يالادعم على الاجابه وماقصرت الله يعطيك العافيه .

[غاردينيا]

شكرا لك يالادعم على الاجابه وماقصرت الله يعطيك العافيه .

موالح زنجبيل لذيذه

[غاردينيا]

فوالة العيد منوعه شغلات من برع وشغلات نسويها في البيت

المحلات كثيرة والواحد يحتار

[shgawia]

1- محل ماكرون : موالح وبيتيفور وعنده سندويشات وفطائر ميني وعنده الميني كيك حلو بعد
2- محل زنجبيل : عنده ومالح وحلويات وبقلاوه
3- فندق لاسيجال : كيكات وموالح وبيتيفور
4- حلويات طارق : معمول تمر لذيذ
5- حلويات ماسيس : معمول الفستق روعه
6- مخبز البتيل : ميني كيك فرنسي وكيكات حلوه
7- شوبان : الموالح زينه
8- لونوتر : كيكات صغيرة وايسكريمات وموالح
9- برالين : بين محطة الاند مارك والأندمارك عنده حلويات مجنون قطر بعد أوك
10- والشوكولاتة : بالتشي ولافندوم
11- فندق الشيراتون : كيكة الفراولة وام علي
١٢- فوشون : كيك موس كيك عادي وموالح وبيتيفور وكيكات فرنسية صغيره ومعجنات وشوكولاتة
١٣- هيديارد : كيكات فرنسية صغيره ومعجنات وشوكولاته وموالح وبيتيفور
١٤- كندور : شوكولاته وموالح وبيتيفور
١٥- لادورية : (لا ماكرون حلويات فرنسية)
١٦- بن العميد + الرفاعي : مكسرات
١٧- زهرة الغاردينيا + المحل الهولندي في الاندمارك أو فيلاجيو : للورد

أتمنى انك استفدت

[E.h]

احلى محلات موالح
لامكارون فمعيذر بس رفيجتي قالت انه صكر
زنجبيل بعد روعه
لاغزال بن عمران جنب المطابخ عنده موالح وبتي فور وحلويات مغربيه

عندك شكلمه عاد معروفه عند الحريم بس أكيد زحمه عندها

كيكات البتيل ولاسيغال والشيراتون احلى شي وتشيز كيك اوبرا
بتي فور صراحه ماحب الا مال حلويات طارق

شوكلاته
وايد محلات وكلهم نفس الشي
كنافه من نابلسي ولا كنفجي

مكسرات من سوق واقف محل فردوس

هاي اللي أتذكره حاليا

[بصمة قطرية]

أتعامل مع لو مكرون في السندويشات و الموالح
للأسف رحت له اليوم سمكر ..!!!
مريت الضيافة
عنده شغلات جديدة و حلوة
حبيتها
إخترت من عنده كم شغلة
مريت حلويات طارق خذت الرنقينة ..
و خذت بعد موالح حلوة ..

الخنفروش و سويت الكورن فلكس و الفطاير نسويها في البيت ..

[shgawia]

محل ماكرون توه فاتح في محطة بترول المانع اللي عند دوار ميرش

[بنت مريخ]

طلبت ٤ أصناف من مس ديور
لها حساب في الآنستغرام
بالاضافة الى كيك و مكسرات

[للصبر اخر]

اممممممم انا مره خذت البقلاوه من مخابز الغرافه وايد حلوووه
واغلب تعاملاتي مع اي محل بائت بالفشل
اسوي الفاله بالبيت احسن

[آنــه]

لي ماكرون هذا رقمه : 44431344

[رهج السنابك]

احلى محلات موالح
لامكارون فمعيذر بس رفيجتي قالت انه صكر
زنجبيل بعد روعه
لاغزال بن عمران جنب المطابخ عنده موالح وبتي فور وحلويات مغربيه

عندك شكلمه عاد معروفه عند الحريم بس أكيد زحمه عندها

كيكات البتيل ولاسيغال والشيراتون احلى شي وتشيز كيك اوبرا
بتي فور صراحه ماحب الا مال حلويات طارق

شوكلاته
وايد محلات وكلهم نفس الشي
كنافه من نابلسي ولا كنفجي

مكسرات من سوق واقف محل فردوس

هاي اللي أتذكره حاليا



كم اسعار كيكات الشيراتون

[رهج السنابك]

طلبت ٤ أصناف من مس ديور
لها حساب في الآنستغرام
بالاضافة الى كيك و مكسرات

شنو اكاونتها

[بنت مريخ]

Miss_dior122 تفضلي

[بوحارب]

توني جاي من مخابز الغرافة

عندهم تشكيلات حلوة موالح وبيتي4 وبقلاوه ومعمول وغيره

وفيه مع صحون راقية

واسعارهم روعة

خذيتلي كم صحن حق الغرفة وعلينا بالعافية هاهااااهههه

[الخيالة]

جربوا بعد من
Uniquecupcakesdoha
في انستجرام شوفوا الصور

[وحيد-الشوق]

Miss_dior122 تفضلي

بس اسعارها غالية صراحه درزن حلى كيك 12 حبة ب180 :secret:

[للصبر اخر]

وحييد
هاي رخيصه
انا دوم اتعامل مع وحده اسمها ام سلطان
احب كيك الفالوده عندهاا
اخذ الميني كب كييك