ابي طريقة القهوة العربية المضبوطه

[الـخـور]

السلام عليكم ورحمة الله


ممكن تفيدوني كيف اسوي قهوة عربية ...درجة اولى .. :nice:

بالمقادير .. وطريقة الغلي .. جزاكم الله خير

[للصبر اخر]

توني اشوف موضوع بالنت عن قهوه للي مايعرف يسوي
موفرينها مثل النسكافيه ٣ في ١
اعذرني ما اقدر افيدك لاني ما اشربهاا

[كلاسيك قطر]

بسم الله الرحمن الرحيم

السلام عليكم ورحمة الله وبر كاته

حبيت اليوم انقل لكم طريقة صحيحة ومضمونه لعمل القهوه العربية

جبت لكم اليوم طريقة القهوة العربيه أتمنى تعجبكم,,

http://up.graaam.com/up1/pic4/6018057260.jpg
المقادير:

5 ملاعق شاهي مليانة بن هرري محموس بني فاتح مطحون ناعم,,

2 ملعقة شاهي هيل ,,

شوية زعفران,,

حليب كوفي ميت,, اذا لم يوجد نضع قطرات حليب بوني سائل او اي نوع,,

http://up.graaam.com/up1/pic4/7996365265.jpg

الطريقة:

نقيس مقدار دلة القهوة ماء ,, ونزيد على مقدار الدلة بيالة ماء,,ونحطها بالأبريق ونضعها عالنار ونضيف البن,,

ونتركها تغلي الى أن يتقطع قلبها ,, لمدة ربع ساعة أقل شئ,,وإذا القهوة مطحونة طحن خشن مو ناعم ,,

نزيد الوقت عن ربع ساعة,,

http://up.graaam.com/up1/pic4/fdaf112521.jpg

في الدلة نحط شوية حليب تقريبا 1ملعقة شاي ,,و2 ملعقة هيل,, وشوية زعفران,,



http://up.graaam.com/up1/pic4/53605475c1.jpg

بعدين نصب القهوة في الدلة ,,وتمتعي بأحلى قهوة عند كل رشفة فنجان

http://up.graaam.com/up1/pic4/2cb8113eb6.jpg

http://up.graaam.com/up1/pic4/8e32531b98.jpg



منقوووووول

[alsoq]

القهوه العربيه لا ينفع معها الكوفي ميت

هيل
زعفران
قهوه

ولذه القهوه يعتمد على حمسه القهوة

اذا كان محموسه زياده يطلع طعمها قوي وكل ما خفت الحمسه قل طعم المذاق

[للصبر اخر]

انا اخذها للوالده من محل في سوق العلي
وما اشربها لن فيها مسماار

[مخطط قطري]

حياك المجلس وبعلمك شلون يسونها المقهوي عندي من ستاف الديوان سابقا

[قطرية مثقفة]

انا اخذها للوالده من محل في سوق العلي
وما اشربها لن فيها مسماار

صلالة في سوق العلي قهوته عجيبه وفرش

[Aaziz]

بعطيك طريقتي الي تعلمتها من الشيبان و للحين مستمر عليها .

حمسه القهوه لازم تكون محموسه شوي زياده ، يعني حبات القهوه تكون مايله للبني اكثر من اللون الاشقر او الاقرب للبيج .

بالنسبه للهيل يكون مطحون طحن خفيف جدا جدا . يعني يادوب الحبه تنكسر مرتين او ثلاث

المسمار وهذا على حسب الرغبه يكون مطحون ناعم .

و الطريقه كالتالي و المقادير تقريبيه للدله متوسطه الحجم

اولا: نحط الماء في الدله الاولى و الي تكون اكبر حجم من الدله الثانيه المخصصه للهيل .
وحاليا الناس يستخدمون الابريق الخاص بالقهوه ،، الي هو موجود على اليسار في هذي الصوره (ويسمى المطباخة) و تختلف التسميه من ناس لناس

http://images.alwatanvoice.com/news/large/9998325685.jpg

تحط فيها ماء مقدار اكثر من النصف بقليل

وتخليه لين يغلي .. و تبعده عن النار عند اضافه مسحوق القهوه عشان مايفوح فوق .
الكميه تكون مقدار فنجالين قهوه و نص من الفناجيل الحجم العادي .
وتخليه يطبخ على نار هاديه لمده تقريبا 5 دقائق من الغليان و تضيف المسمار كميه قليله جدا (مقدار ملعقه او نص ملعقه شاي صغيره)

بعدين تبعده عن النار لحد ماتركد القهوه في قاع الدله و تنزل ترسبات القهوه الى الاسفل .

تروح للدله الثانيه (وتسمى المبهارة) و تضع فيها مقدار فنجال قهوه من الهيل .

و تشخل القهوه الي خليتها تركد شوي في الدله الي فيها هيل .. الي موجوده في الصوره على اليمين .. وهنا ركز ،، الهيل يطبخ مره وحده فقط عشان مايصير طعمه قوي و يحرق اللسان .. و تضيف شوي زعفران للدله ..
وكذا تكون القهوه جاهزه .. تقدر تصب من الدله هذي (الي فيها الهيل) مباشره باستخدام الشخال المعروف وهو من اللليف . او انك تصب القهوه في الدله المنزليه العاديه (الزمزمية او الترمس)

وهذي الطريقه الي اعرفها ولا احب القهوه الا بهذي الطريقه .

ولا افضل القهوه الي يحطون معاها حليب او نكهات اضافيه .. مجرد قهوه و مسمار خفيف و هيل و شي بسيط زعفران .

[الـخـور]

توني اشوف موضوع بالنت عن قهوه للي مايعرف يسوي
موفرينها مثل النسكافيه 3 في 1
اعذرني ما اقدر افيدك لاني ما اشربهاا

يكفي مرورك .. وجزاج الله خير

[الـخـور]

كلاسيك قطر ، السوق ..

مشكورين على الطرق >> راح اجرب ان شاء الله ...
بس اعتقد الحليب ماينفع مع القهوة العربية

[الـخـور]

حياك المجلس وبعلمك شلون يسونها المقهوي عندي من ستاف الديوان سابقا

الله يجزاك خير اخوي مخطط ...

فعلا قهوة الديوان مالها حل .. وحتى قهوة الوزير بالشغل عندنا .. يوسيها بلوشي بس مايعلم الخلطة لحد
:(

[الـخـور]

بعطيك طريقتي الي تعلمتها من الشيبان و للحين مستمر عليها .

حمسه القهوه لازم تكون محموسه شوي زياده ، يعني حبات القهوه تكون مايله للبني اكثر من اللون الاشقر او الاقرب للبيج .

بالنسبه للهيل يكون مطحون طحن خفيف جدا جدا . يعني يادوب الحبه تنكسر مرتين او ثلاث

المسمار وهذا على حسب الرغبه يكون مطحون ناعم .

و الطريقه كالتالي و المقادير تقريبيه للدله متوسطه الحجم

اولا: نحط الماء في الدله الاولى و الي تكون اكبر حجم من الدله الثانيه المخصصه للهيل .
وحاليا الناس يستخدمون الابريق الخاص بالقهوه ،، الي هو موجود على اليسار في هذي الصوره (ويسمى المطباخة) و تختلف التسميه من ناس لناس

http://images.alwatanvoice.com/news/large/9998325685.jpg

تحط فيها ماء مقدار اكثر من النصف بقليل

وتخليه لين يغلي .. و تبعده عن النار عند اضافه مسحوق القهوه عشان مايفوح فوق .
الكميه تكون مقدار فنجالين قهوه و نص من الفناجيل الحجم العادي .
وتخليه يطبخ على نار هاديه لمده تقريبا 5 دقائق من الغليان و تضيف المسمار كميه قليله جدا (مقدار ملعقه او نص ملعقه شاي صغيره)

بعدين تبعده عن النار لحد ماتركد القهوه في قاع الدله و تنزل ترسبات القهوه الى الاسفل .

تروح للدله الثانيه (وتسمى المبهارة) و تضع فيها مقدار فنجال قهوه من الهيل .

و تشخل القهوه الي خليتها تركد شوي في الدله الي فيها هيل .. الي موجوده في الصوره على اليمين .. وهنا ركز ،، الهيل يطبخ مره وحده فقط عشان مايصير طعمه قوي و يحرق اللسان .. و تضيف شوي زعفران للدله ..
وكذا تكون القهوه جاهزه .. تقدر تصب من الدله هذي (الي فيها الهيل) مباشره باستخدام الشخال المعروف وهو من اللليف . او انك تصب القهوه في الدله المنزليه العاديه (الزمزمية او الترمس)

وهذي الطريقه الي اعرفها ولا احب القهوه الا بهذي الطريقه .

ولا افضل القهوه الي يحطون معاها حليب او نكهات اضافيه .. مجرد قهوه و مسمار خفيف و هيل و شي بسيط زعفران .



انا بعد ماحب القهوة الي فيها حليب .. اصلا بعض الشيبان يشوفون عيب نحط حليب فالقهوة
راح اجرب طريقتك ان شاء الله وجزاك الله خير

[عندليب قطر]

راح اجرب ان شاء الله

[الـخـور]

مشكورين على الطريقة.. الحمد لله قدرنا نسوي قهوة تنشرب


بس المشكلة مب عارف المقدار الصحيح من القهوة في كل لتر ماء ..

انا عندي دلة حجمها ٢ لتر تقريبا .. كم كمية القهوة (البن المطحون) الصحيحة وشكثر نخليها تغلي؟

[القطو السمين]

كل لتر فنجال قهوة وربع وحمسة القهوة مخلوطة بين حمسة واحد وربع وواحد ونص ومعها يخلط قليل من المستكة والمسمار والزعفران والدلة يوضع فيها فنجان وربع جناد مع زعفران عند غلي القهوة نوطي النار وتترك تغلي لمدة عشرين دقيقة لين ينزل الحثال تحت ملاحظة عند وضع الماء في البداية لاتضع عليها القهوة حتى يغلي الماء

[الـخـور]

كل لتر فنجال قهوة وربع وحمسة القهوة مخلوطة بين حمسة واحد وربع وواحد ونص ومعها يخلط قليل من المستكة والمسمار والزعفران والدلة يوضع فيها فنجان وربع جناد مع زعفران عند غلي القهوة نوطي النار وتترك تغلي لمدة عشرين دقيقة لين ينزل الحثال تحت ملاحظة عند وضع الماء في البداية لاتضع عليها القهوة حتى يغلي الماء


جزاك الله خير اخوي على الطريقة

[sweet qatar]

بشر أخوي ضبطت معاك ولا لا..؟؟

[الـخـور]

بشر أخوي ضبطت معاك ولا لا..؟؟

ايوه الحمد لله ضبط معاي كذا طريقة وكذا طعم .. منها الجاهز الي شريته من احد الخوات الاسرة المتعففة

وايضا شريت خلطة ثانية للقهوة جاهزة من محلات الجنوب .. له فروع كثيرة
عجبتني خلطة المحل نفسه مع القهوة البرية ... بس وصي المحل يزيد زنجيبل شوي تعطي نكهة احلى للقهوة وممكن تزيدين علبة زعفران


واكتشفت ان كل ماكان الشي فرش كان احسن .. يعني الواحد ياخذ الهيل والقهوة حب .. ويشتري طحانة كهربائية صغيرة
ويطحن على حسب الحاجة اليومية .. لكن يبيلها طولة بال ومزاج

[Aaziz]

زين ظبطت القهوه

فعلا كلامك انها تكون فريش احسن.
و الاحسن تاخذها حب اخضر مش محمصه و انت تحمسها و تطحنها و تظبط المقادير على كيفك.
احنا نستخدم جهاز الذره. ولا عقبه للقهوه هذي صورته

http://www.bikudo.com/photo_stock/72091.jpg

و اذا خذت الخلطات الجاهزه من المحلات خل يقسمها لك في اكياس صغيره (نص كيلو) ويسكرها لك باحكام بجهاز الحراره و خلها في الثلاجه عشان ماتغير

[sweet qatar]

عليكم بالعافية

صح كلامك.. واذا بتاخذ القهوة مطحونة من المحمصة لازم تتأكد ان المكينة الي يستخدمونها للقهوة ما يستخدمونها لغيرها

والهيل تطحنه في وقته .. نكهته وريحته بتطلع معاك لو استخدمت كميات بسيطة
اما القديم بتحتاج كميات أكبر و كثرته تضر بالصحة


أحب الزنجبيل في القهوة.. بس في قهوتي ما ازيد على 4 مكونات قهوة و زعفران وهيل ومسمار
وماعرف للخلطات الجاهزة ماتضبط معاي

[الـخـور]

عليكم بالعافية

صح كلامك.. واذا بتاخذ القهوة مطحونة من المحمصة لازم تتأكد ان المكينة الي يستخدمونها للقهوة ما يستخدمونها لغيرها

والهيل تطحنه في وقته .. نكهته وريحته بتطلع معاك لو استخدمت كميات بسيطة
اما القديم بتحتاج كميات أكبر و كثرته تضر بالصحة


أحب الزنجبيل في القهوة.. بس في قهوتي ما ازيد على 4 مكونات قهوة و زعفران وهيل ومسمار
وماعرف للخلطات الجاهزة ماتضبط معاي


في خلطة الايرانية الجهازة .. هاي ب10 ريال العلبة الصغيره ..يبيعونها محلات القهوة
مجرد ربع ملعقة فالدلة لتر بعدين تصبين القهوة وتتركينه

اغلب الخلطات تنحط فالدلة شي بسيط عقبها تصب القهوة فوقها وتتم في الدلة دقيقتين عشان
تبين طعم الخلطة

[sweet qatar]

ان شالله بجربها.. جزاك الله خير

[بو خليفه 123]

سلامي عليك يا كلاسيك :victory:

[حسن]

يقولون لاتشرب الى قهوه منصوري

مادري وش السالفه فيهم بنسئل بوسعيد

شوف ياخوي انا دائما اشتري القهوه من سوق العلي مخلوطه بس مهب ام اكياس مضغوطه اللى يجيبونها من الحساء الاول هذيك ماتنفع بيزه

ورقم القليه اضن 1ونص زينه على كيف كيفك نحط كميه في غوري خاص للقهوه فقط ونخليها على الضو يمكن ربع ساعه لين تطبخ وعقب قصر عليها شوي كلش يمكن 5 دقايق وطف النار وخلها حولى 3 دقايق وعقب زلها في الدله بس لاتنسى ان تحط في الدله 3 معالق صغيره هيل

وخذها مني نصيحه انا دايما القهوه عندنا فقط لا سبوع تقريبا والهيل نطحنه عندنا في البيت وبكميه لاسبوع واقل علشان ماتروح ريحته
ودائما استخدم اغراش ورق العنب ولا الجام المربى المهم اي شي قزاز ويكون له غطى محكم مايطلع ريحه الهيل ولا القهوه وهذه الطريقه حافظنا على جودتها


شوف شربت قهو كثير بس في واحد معانا اسمه عاهد بالطيور يسوي قهوه ماعليها كلام

تفر الراس

:rolleyes2:

تمحرك من المسمار والزنجبيل

بالتوفيق

[الـخـور]

جزاك الله خير اخوي حسن على النصيحة ..

انا ماجربت الي في سوق العلي كلش ..
لكن ناوي ان شاء الله اذا مريت قريب من سوق العلي باخذ من عنده كيلو للتجربة

[للصبر اخر]

سوق العلي قوله يطحنها لك
واذا رفض خلك مصررر وقوله ابي مطحونه فريش
عندها بالمسمار وانا ماحب المسمار واقوله يطحن لي وحده فريش

[بصمة قطرية]

في خلطة الايرانية الجهازة .. هاي ب10 ريال العلبة الصغيره ..يبيعونها محلات القهوة
مجرد ربع ملعقة فالدلة لتر بعدين تصبين القهوة وتتركينه

اغلب الخلطات تنحط فالدلة شي بسيط عقبها تصب القهوة فوقها وتتم في الدلة دقيقتين عشان
تبين طعم الخلطة

بهار القهوة :victory:


الهيل حلاته تطحنه في وقته
الفرش غيييير ..

[الأصيلة]

أنصحكم بالقهوة البرية ( اليمنية )
احلى من الهرري
جربوها حمسة رقم 1 ونص وكثروا الهيل في الدلة
وشوي زعفران وممن نقط ماء ورد..
واستمتعوا بالقهوة الأصلية الطيبة...
وبدون إضافات ثانية
ممكن مع القهوة عند الغلي تحطون 5 حبات مسمار غير مطحون يفوح معاها
يعطي نكهة أما غير ذلك ( زنجبيل أو خلطات جاهزة )
فيخرب طعمها ويقضي على نكهتها

القهوة البرية موجودة في صلالة وفي محل الجنوب والمحل اللي بسوق الغرافة...

[الشامخ]

مادة في القرنفل تتسبب بإتلاف الأنسجة وتسمم الكبد
الرياض: منصور الحاتم كشف عدد من التجارب المخبرية التي أجريت في مستشفى الملك فيصل التخصصي ومركز الأبحاث في الرياض عن وجود مادة في القرنفل أو ما يسمى في بعض المناطق السعودية بالمسمار أو "العويدي" تتسبب في " إتلاف الأنسجة وحدوث سمية في الكبد بينما يتم استخدامه مع بعض الأغذية الشعبية مثل الرز وإضافته إلى القهوة كبديل للهيل نظرا لانخفاض سعره والنكهة المتميزة التي يضفيها عليها , بالإضافة إلى بعض الاستخدامات الأخرى.
وأكد استشاري السموم وتحليل الأدوية والأعشاب مديرالمختبر المرجعي للسموم والأدوية المعدلة وراثيا في مستشفى الملك فيصل التخصصي في الرياض الدكتور محمد الطفيل أن التحاليل التي أجراها المستشفى على مادة القرنفل أثبتت وجود مادة " يجنول " التي تتسبب في تهيج الأنسجة وتليفها وإتلافها إذا تم تعاطيه بكميات كبيرة وعلى فترات طويلة, ويتسبب في سمية الكبد للإنسان بفعل زيت " يجنول " الموجود بنسبة 70 % - 85 % في الحبة الواحدة من القرنفل, مشيرا إلى أن الأمر يزداد خطورة في حال تعاطيه من قبل شخص يعاني أصلا مشكلات في وظائف الكبد , في حين نفى وجود تأثيرات سلبية نتيجة تعاطيه بنسب قليلة وفي فترات متفرقة ضمن البهارات أو في القهوة.
وحذر الطفيل من استخدامه بكثرة , خاصة عندما يعمد كثير من الناس إلى وضعه على السن المتهيج على الرغم من قدرته على تخدير الألم إلا أنه قد يؤدي إلى تلف أنسجة اللثة إذا ترك لفترات طويلة دون أن يشعر بذلك من يستخدمه

[السامـي]

المسمار والزعفران تنطحن مع الهيل ولا تقربها القهوة أثناء الغلي.