وين موقع السفارة الفرنسية

[عبير قطر]

السلام عليكم

قريت ان السفارة الفرنسية قريبة من الفورسيزون بس حبيت اعرف المكان بالضبط وايشلون شكل المبنى من برع

وابي اعرف الاوراق اللي يبونها مني غير التأمين الصحي وصورة الجواز وابي اسأل ان ولدي يوم رحت اصوره المصور قال له ابتسم الحين اقرا في الجريدة ان فيه واحد رفضوا يعطونه فيزا لانه كان مبتسم هل صحيح هالكلام؟؟؟ يعني اصورة مرة ثانية؟؟؟

[مساهم فنان]

موقعهافي الدفنة موقع السفارات ... بالضبط عند السفارة السعودية
المطلوب صور ( قول للمصورالصور للفيزا وأعتقد الواحد ما يكون مبتسماً ) -السفارة الفرنسية تتساهل كثيراً، لقد رأيت فيها أشخاصاً لم يحضروا صوراً فأخذوا لهم صوراً -
المطلوب التأمين والأبلكيشن والصور ، وأعتقد صورة من البطاقة الشخصية

المهم تأخذ موعد من السفارة لتقديم الطلب وذلك عن طريق موقعهم . سو الوعد في أقرب وقت لأن مواعيدهم بعيدة جداً .

[الدبلوماسي]

انا عن نفسي لما اجدد اقامتي اهناك يطلبون صورة بدون اي شي على الراس او ابتسامه وتكون العين واضحه
اما بخصوص المتطلبات تعبئة الطلب + صورتين 2 خلفية بيضـة + حجـز تذكــرة + حجــز فنــدق + تاميــن صحي + 300 ريال رسوم الفيــزا والحضور للتقديم واخذ موعد عن طريق موقع السفارة :)

[Chambray]

انا عن نفسي لما اجدد اقامتي اهناك يطلبون صورة بدون اي شي على الراس او ابتسامه وتكون العين واضحه
اما بخصوص المتطلبات تعبئة الطلب + صورتين 2 خلفية بيضـة + حجـز تذكــرة + حجــز فنــدق + تاميــن صحي + 300 ريال رسوم الفيــزا والحضور للتقديم واخذ موعد عن طريق موقع السفارة :)

:nice:

اهم شئ ( الموعد ) بدون موعد انسى يدخلونكم
والصور يصورون عندهم في السفارة



بس الفلوس ( كااااااااااااااااااااش ) ماعندهم بالبطاقة

[عبير قطر]

اشكركم على المعلومات المفيدة

[عبير قطر]

واذا فيه شمخة على الابهام هل راح اتأثر؟؟

[مشتاقة لقطر]

لو سمحتو كيف اخذ موعد لان رحت السفارة عطاني ورقة فيها موقعهم

بس ماعرفت اشلون اخذ موعد

لو عندكم حد يخلصلي الفيزا مستعجلة باكون شاكرة لكم

[عبير قطر]

اختي مشتاقة لقطر انا باقول لج ...اتروحين ريجنسي اللي في السد فيه قسم التأشيرات وهم بيسوون لج التأمين والحجوزات وكل شي.....انا من شهرين وانا ادور على حد ايخللص لي وتوني ادري عن هالمعلومة ... وبعد عرفت ان الطفل اقل من 12 سنه مب لازم ايروح السفارة وبعد عرفت ان الاطفال لازم ما يبتسمون في الصورة ولا يضحكون

[عبير قطر]

أي وبعد لاتتحنون للعيد لا انتي ولا البنات الصغار