بسافر لوس انجليس [الأرشيف] - منتديات شبكة الأسهم القطرية

الامير

01-08-2013, 01:54 AM

كيف الحال اخوان ابي اصحاب الخبر انا مسافر مع العائله والحمدالله انا احب ارتب رحله قبلها بوقت المهم الحجز طياران والفندق كلها اوكيه الى سياره الي 8 اشخاص احد كن الاخوان يفيدني عن مكتب تاجير سياره بكم لاني صراحه استفسار يطلون غالي لي يطلب 500دولار في اليوم ولي 600 وانتو ايش رايكم واين الاماكن لاني اول مره اروح هذه المنطقه

مستر راشد

01-08-2013, 03:21 AM

ان شاءلله اهل الخبره بيفيدونك

موفق اخوي

مستر راشد

01-08-2013, 03:56 AM

ان شاءلله اهل الخبره بيفيدونك

موفق اخوي

بوجاسم566

05-08-2013, 05:18 AM

Aaziz

05-08-2013, 05:33 AM

السلام عليكم

اخوي بالنسبه للسياره هي اسهل شي بيواجهك .

اول ماتوصل مطار لوس انجلس ،، اطلع من المطار بتشوف فانات (باصات) كل باص خاص بشركه تاجير .. اركب الباص الخاص بالشركه الي تبيها بدون استأذان :nice:
و بيوديك مسافه 2 كيلو داخل المطار لمقر الشركه .
انصحك بشركه
http://www.floridainjuryattorneyblawg.com/avis.jpg
او
http://o.aolcdn.com/os/autos/photos/miscellaneous/20120611_budget-car-rental_612mz.jpg

قول لهم ابي ميني فان ،، الي بابه ينسحب على الجنب ،، فيه منه تيوتا حلو جدا و فيه منه كلايسلر و هوندا ،، هو لسبع ركاب و بيكفيك ان شاءالله .

ما انصحك تحجز قبل من اي موقع .
هذي افضل و ارخص طريقه و خذها طبعا مع تامين .

بوسعود1122

05-08-2013, 05:56 AM

بالتوفيق اخوي ،، علئ فكرة الشعب الامريكي طيب جدا و تحس فيهم طبايع العرب ودودين وماعندهم عنصرية الانجليز والالمان

رُفق المجنّا

09-08-2013, 10:26 AM

احجز عن طريق priceline أو expedia

- تقل القيمة أذا أكثر من 25 سنة
- الحجز الأسبوعي يوفر عليك
- فلل السيارة قبل ترجعها
- تسليم السيارة في نفس المكتب توفر عليك مبلغ بسيط
- استخدم القارمن الخاص بك لأن قيمته اليومية من 10 دولار فما فوق

* شيكت لك ع برايس لاين واليوكن أو ما يشابهه: بـ ٥٤٥ اسبوعياً زد عليها التامين والتكاليف الأخرى فما أعتقد يزيد عن ٦٥٠ دولار

موفق

ANONYMOUS

10-08-2013, 01:01 AM

500 دولار باليوم واجد

العام خذت جراند شيروكي 2012 اسبوعين ب 1800 دولار او حولها .. لا وكان غالي بعد .. غالبا من شركة هيرتز او بجت ناسي بالضبط.. بس احد الشركات العالميه المعروفه

لو تاخذه من المطار اغلى .. اركب اي مواصلات لين الفندق.. وبعدين على سعه دور لك مكتب .. بتلاقي وايد ..

أصلي

26-08-2013, 03:56 PM

الأخ الأمير..أسمحلي بهذه المداخلة و التي تعتبر أول مداخلة لي في هذا الموقع الجميل..
بخصوص تأجير السيارة في لوس أنجلوس عندك خيارات عدة..بأمكانك الحجز عن طريق هذا الموقع cheaptickets.com
أو عن طريق موقع أخر carrentals.com
بلنسبة لي أستعملت الموقع الأول عدة مرات و طلعت لي السيارة العادية في حدود 35 دولار في اليوم..طبعا في مطار لوس أنجلوس كل شركات السيارات عندها أفرع و في باص بياخدك لمكان الشركة اللي أنت حاجز منه..أنا شخصيا أفضل الحجز عن طريق النت نسبة لرخص الأسعار..
بخصوص سؤالك الأخر ويش الأماكن الحلوة هناك..حبيت أقول لك أنك و بكل صراحة أخترت أجمل مدينة في أمريكا..لوس أنجلوس فيها كل شئ..أماكن سياحية في قمة الجمال..لازم يكون عندك سيارة و جي بي أس..بلنسبة لبرنامج الملاحة فيك تستخدم اللي في الجوال (سواء غالكسي أو أي فون) و فيك تأجرو من محل السيارات..الأماكن الجميلة كلتالي..سانتا مونيكا و فيها ال 3rd street promondae
manhattin Beach..Redondo Beach..Vinice Beach..هذه المناطق ساحلية على المحيط و برضو انصحك تروح Malibu و هي تبعد حوالي 10 دقائق من سانتا مونيكا..
Long Beach ( و فيها منطقة الداون تاون و shorline village)
في المناطق اللي على west los angeles مثل منطقة westwood ..Beverly Hills
في بيفرلي هيلز يوجد Rodeo Drive و فيها بيوت الأزياء العالمية (بس ما أنصحك تشتري منها)
في ويستوود عندك مجموعة من المطاعم الايرانية و عندك مكان جميل للتمشية westood village
فيها كمية من المطاعم و الكوفي شوب..
عندك هولييوود ممكن تروح في الشارع الرئيسي Hollywood Blvd و تاخد الباص المكشوف يوديكم على أماكن ما الممثلين ساكنين و يمرروكم بلقرب من علامة هوليوود المشهورة ..يعني الباص بيوديكم في أهم المعالم و الرحلة تقريبا من ساعتين لين 3 ساعات..
Universal Studio تبولكم على الاقل يومين عشان تركبو كل الألعاب الفيها..ما أدري أشلون أوصف هذا المكان..الدخول ليها بيكلف حوالي 80 دولار بس التذكرة صالحة لمدة سنة كاملة..أنا لمان رحت أمريكا من 5 شهور في أسبوعين رحنا لها 3 مرات..
Disney Land تقع في جنوب لوس أنجلوس منطقة أنهايم تبعد حوالي الساعة..فيها حديقتين
بلنسبة للمولات عندك The Groove مول جميل و مكان لتجمع الخليجيين..أيضا عندك Century City Mall في المنطقة القريبة من ويستوود و بيفرلي هيلز..و هو مول مفتوح و فيها سينمات
أيضا عندك Delamo Mall طبعا التسوق في أمريكا رخيص جدا..و لو حابب أسعار أرخص من المولات روح على ال outlet و يوجد منها الكثير بس هي خارج المدينة شوي..كمثال عندك Camarello Outlet
تبعد حوالي الساعة في أتجاه الشمال و أنت رايح لها بتمر على أماكن طبيعية جميلة..
و لو بتحب المتاحف عندك مجموعة متاحف صغيرة في شارع هوليوود..و عندك Getty Museum في منطقة ماليبو..متحف كبير و فخم جدا و يقع في أعلى الجبل و يطل على المحيط...
لو أتجهنا على مناطق جنوب لوس أنجلوس عندك فيها أماكن جميلة كمثال.. Irvine..Newport
Hunington Beach
الحديث يا أخي عن لوس أنجلوس يطول و يطول..و فيها أستعادة زكريات الجامعة لي..
أتمنى أنك تقضي وقت جميل و لو عندك أي أستفسار أنا حاضر
.. Beach..Hungtiton Beach

وليف الشوق

26-08-2013, 04:07 PM

لوس انجلوس ؟ مااقول غير الله يعينك على المسافه بالطيارة اللي كسرت ظهري

معماري قطري

28-08-2013, 12:13 AM

السعر وايد غالي الا اذا سيارة مع سائق .. وبعد احس غالي .. شوف إكتب في قوقل سيارة للايجار في لوس انجلوس وبتطلع لك شركات وايد .. حاول تحجز أحسن لك وبدون ما تحط رقم الفيزا شركات وايد تسويها يعني رحت أو ما رحت عادي .. ومثل ما ذكر الأخ عزيز من تطلع بتشوف مواقف ولكل شركة باص يودي للشركة والشركات قريبة من المطار.

بس إن كنت تعبان من السفر وايد وما تقدر تسوق روح الفندق في باص من الفندق أو تكسي وعن طريق الفندق بتقدر تدبر سيارة بسهولة .. ولا تاخذ الا ميني فان تيوتا أو غيرها التيوتا السيينا عجيبة ل 8 أشخاص وكم من شنطة... شوفها في تقريري هنيه .. وأخف وأسهل سواقتها من السيارات الكبيرة .. وإذا تبي أكبر خذ فان حق 12 شخص.

انا العام سفرتي كانت قريبة حول 3 ساعات ونص وسقت بس تعبت في آخر الليل ومكان غريب علي والفندق بعيد وايد بس الحمد لله وصلنا .. من الفندق وحول الفندق بتحصل بسهولة .. انا خذت دودج أذكر ل 25 يوم في حدود 400 دولار مع التأمين... لا ودخلوني ساحة قالوا لي طب وتنقى السيارة فيها سويجها شوفها وان عجبتك شغل وروح وعند الباب يسجلون الرقم على الورقه ويقولون لك تيسر.