احنا ايش مشكلتنا معا الخدم بالذات في الخليج

[alsoq]

السلام عليكم

انا الحمدلله صادفتني مشكله مره واحده معا خادمه هنديه وسفرتها بعد ما اخذت كل حقوقها وهي اللي طالبه السفر بسبب صحه امها


عندنا في الخليج بالذات لا يوجد بيت الى معه مشكله معا الخدم وبعضها يوصل للمراحل تضر باهل البيت

يا ترى ايش الاسباب علمأ انهم بدول الاخرى لا يوجد لهم مشاكل مثل الخليج



نبي نطلع بنتيجه ماهي الاسباب

[اجرام]

للاسف البعض يعامل الخدم على انه ملكه وباعتقادي ان هالصور انرسمت عند العماله ا حتى في بلدهم هذا الي يخليهم يجون وهم مشحونين

وبعض الخدم ينجبرون انهم يشتغلون خدم من اهاليهم هذا الي يخليهم يدورن اي شي يخليهم يتكنسلون ويرجعون لبلدهم والاسباب كثيرا

[مستر راشد]

وجهة نظري الغلط من المعزب
اختصار ههه

[فراغ]

أخوي مشكلتنا منا وفينا
عجزنا نطبخ أكلنا
عجزنا نربي أولادنا أثمن شيئ عندنا ووضعنهم في أيدي الخدم وتحت رحمتهم
أخو لو تعاونت الأسرة كبارها وصغارها كان محتجنا للخدم والريوليه
مشكلتنا أننا غير مرتبين
لو جلست كل أسرة وتفقوا على أدارة حياتهم كان محتجنا لتدخيل غرباء بيننا
ليست المشكلة في الأمكانيات ولفلوس التي ضيعت أطفالنا في أيدي الخدم ومعانات الطفل البدنيه والنفيسية تحت رحمت من لا يرحم
المشكلة منا وفينا

[ابوالحارث]

السبب ان القوانيين عندنا لصالحهم و يتم تعليمهم ذلك قبل الوصول للخليج

[alsoq]

انا عن نفسي للامانه

1- اخليهم ينامون الظهر وفي الليل بعد 10
2- موفر لهم كل ما يحتاجونه من ماكل وملبس
3- اعطيهم اجازه يوم كامل في الاسبوع وهو يوم السبت

وصار لهم عندي 7 سنوات لم اسمع منهم اي كلمه شغالين والحمدلله

هذا تعاملي معهم

[alsoq]

السبب ان القوانيين عندنا لصالحهم و يتم تعليمهم ذلك قبل الوصول للخليج

انا بقول لك سبب قد يكون هو السبب الرئيسي من وجهة نظري

لما تروح لهم الفيزا يبيع اللي وراه ودونه سوى رجل او امرأه او يرهن بيته
ويقلون له عكس ما يشوفه عندما يجي ويتورط لاهم باللي قادرين يرجعون ومن ناحيه ثانيه الشغل تعب عليه والله اعلم

[ANONYMOUS]

المعامله

[فقط قطر]

سوء المعاملة.....والتعامل معهم على اساس اسياد وعبيد...ونظرة دونية...
كل هذا يولد الكراهية والبغض....

[teef3beer]

سوء المعاملة.....والتعامل معهم على اساس اسياد وعبيد...ونظرة دونية...
كل هذا يولد الكراهية والبغض....

:nice::nice::nice::nice::nice::nice::nice:

[aziz4z]

من عادتي ما أحب أشوف حد زعلان , فقبل فترة شفت خدامة شكلها غير , فحبيت أسألها , فقالت أنها جت قطر عن طريق شركة في فلبيين , وهاي الشركة تعاقدت مع شركة في قطر , فالشركة اللي في فلبيين أخذ بيتها رهن , و المفروض تدفع شهريا 500 ريال للشركة , أنا انصدمت قلت المسكينة هاي ايش بتوفر لتعليم عيالها
واللي ييجي لقطر , يبيع أرضه أو سيارته , وصعب يرد بلده و غير ضامن يدور شغل
كأنهم في إحساس عبيد , و العبيد ياما كثر مشاكلهم عبر التاريخ , و لذلك الاسلام قضى على العبودية , فأحسن إلى الناس تستعبد قلوبهم
الله يصلح حال كل الناس

[ابن الجزيرة]

نبدا اولا من التسمية

نسميهم هنا خدم او خادم ...

بينما في الدول والشعوب الاخرى تسمى مدبرة منزل

هل شاهدت موضوع هنا في المنتدى بعنوان " خادمة للبيع"

وعليه قس الامور الاخرى

[الجوكر90]

المعامله الحسنه
ولله الحمد احنا الخدامه تقوم 8 او 9 وتنظف وتغسل لين 12 وبعدها ترتاح لين 1 ونص او 2 وبعدين ترجع ترتاح من 4 لين 5 ونص وفليل ترقد 11
بس المعامله منا احنا غير يعني لو قلت لها جيبي ثيابي عادي تنسى اروح انا واجيب ثيابي او اقولها نظفي غرفتي واظلع وارجع واشوفها ع حالتها ماقولها شي يمكن تعبانه
حتى امي تقول خلوها ﻻن بروحها فالبيت والبيت كبير عليها
بس امي تتهاوش معاها اذا غلطت وهم مايتكلمون ﻻن يدرون ماراح تهاوشهم الا عشان يتعلمون
حتى ابوي مايحب يجيب عامل ويسفره ويقطع رزقه الا اذا العامل طلب هالشي

عندنا الطباخ اكله مب حلو استغفر الله مايعرف يسوي شي ويطبخ ع كيفه وانا ما اكل اي شي اقول حق ابوي انزين كلمه ذبحنا من الدهن والفلفل يقول تعبت من كثر ماكلمه مافي فايده يعني اسفره واقطع رزقه
طبعا انا الي اكلها وماتغدى

[معماري قطري]

انا عن نفسي للامانه

1- اخليهم ينامون الظهر وفي الليل بعد 10
2- موفر لهم كل ما يحتاجونه من ماكل وملبس
3- اعطيهم اجازه يوم كامل في الاسبوع وهو يوم السبت

وصار لهم عندي 7 سنوات لم اسمع منهم اي كلمه شغالين والحمدلله

هذا تعاملي معهم

إنت ذكرت الصح والواجب .. وما جزاء الإحسان إلا إحساناً .. عندنا كان سايق هندي نحيس وصبرنا عليه 14 سنة ولا ضريناه بشيء وتحملنا نفسه التعبانه وقصته طويله .. بس يوم بغيت أستغني عنه حولت كفالته لشركة علشان يستفيد وما انتقمت منه مثل ما يسوي البعض.

وغير عندي الخادمة تعيش معززة مكرمة وتتعلم شغلها وتاخذ حقوقها كاملة حتى الحق في كلمة شكراً، والدفاع عنها لو سوت شيء غلط وعصب عليها حد، والترفيه من وقت لوقت بمبلغ بسيط ومرافقة العائلة لأحد الأسواق، والسكن الجيد من فرش وتلفزيون وغرفة خاصة والأكل من مستوى أكلنا وحسب ما يحبون لو حبوا يطبخون خاص بهم .. وكل هذا والحمد لله ما نواجه مشاكل وعلى العكس اللي يشتغل عندنا يبي يرجع مرة ثانية وبعضهم بالراحة يوصلون 10 سنين وأكثر معانا .. نسيت أقول في كل سفرة لبلادهم تعودت أعطيهم مبلغ وأسلفهم إن حبوا سلفة على إن لو رجعوا تنخصم منهم.

الحمد لله من طيب المعاملة أسلمت عندنا فلبينية.

[تحداني]

صدقتم " المعامله " فقط
نادر جدا جدا جدا جدا جدا خدامه تجينا وتروح
كلهم راضيين وسعيدين .. الله لا يغيرهم علينا
واخر وحده مسيحيه فلبينيه هم قالت بروح وبرد لكم ان شاء الله



جملكم الله برضاه

[استقرار]

لأنن نستعبدهم فقط .. ولا نعاملهم لا بإنسانية ولا بتعاليم الإسلام .. إلا ماندر من الناس

[Aaziz]

انا ملاحظ ان الخادمه اذا كانت عند عجوز ،، يعني راعيه البيت تكون كبيره في السن فوق 55 سنه ،، يكونون الخدم اوكيه
اما اذا راعيه البيت شابه الاحظ الخدم مشاكلهم تكثر .
واعتقد السبب ان البنات الصغار حريصات اكثر ولا يطوفون و يبون ياخذون حقهم من وجود الخادمه (حقهم المتعارف عليه عند كل الناس و الي تتقاضا الخادمه راتب مقابله)

[حسن]

الحمدلله انا اللي عندي مرتاحين واخر راحه
مااشتكي منهم
وابشركم بركه هذا الشهر كلهم دبل راتب
ينامون من الساعه 2 الى 4 ومن بعد الساعه 7 مساء مالهم حاجه عندي في الفله
العيال يتعشون وينامون الساعه 7 كلهم في سابع نومه وكل شي مرتب
يتعشون الخدامات ويرحون الى غرفهم الى الصباح ثاني يوم

ماعندهم عندي اي مسؤليه طفل ولله الحمد
من انولدو عيالي الى الان

البعض ممارايت الخدامه مثل الدوامه والله ماترقد الى فوق 12 وفي النهار على طول كرف حتىالماي معلمين اليهال مايعتمدون على نفسهم

والله انا ماشوفهم في البيت اطلع الصبح
ينضفون ويمسحون واذا عندهم غسيل خذوه
من تجي الساعه 9 الى هم في المطبخ الخارجي خلاص انتهى عملهم داخل

وجود المره في البيت يحل مشاكل كثيره
والحمد لله الله لايغير علينا
:)

[musel999]

اتمنى يجي قانون يحد ساعات عمله ب8 ساعات يوميا ويخصص لهم اجازه يوم واحد بالاسبوع