آراء حول قراء جامع محمد عبدالوهاب فالعشر الاواخر

[qatar6]

وين القى اسماء الائمة اللي راح يصلون كل ليلة
جزاكم الله خير

[ام السعف]

وين القى اسماء الائمة اللي راح يصلون كل ليلة
جزاكم الله خير

اطالب من خلال موضوعك هذا انهم لو بيبون لنا مشايخ من خارج قطر
انهم يخلونهم يصلون في الناس كل ركعات صلاة التراويح ،،

على قولة بنتي هناك مشايخ يعيشونك الحدث كأنك فوسطه
وعلى قولة اخوي هناك مشايخ في وجودهم حتى الشيطان العفطي بونتفة يتمكن منك :(

[بريق الحق]

خاطري اروح الحرم يالله منظر موثر

[الجوكر90]

هم 4
مال الله
ومحمد عاشير
ومحمد يحيى
وتركي عبيد المري
وهم يتناوبون بين التراويح والقيام

[بريق الحق]

اطالب من خلال موضوعك هذا انهم لو بيبون لنا مشايخ من خارج قطر
انهم يخلونهم يصلون في الناس كل ركعات صلاة التراويح ،،

على قولة بنتي هناك مشايخ يعيشونك الحدث كأنك فوسطه
وعلى قولة اخوي هناك مشايخ في وجودهم حتى الشيطان العفطي بونتفة يتمكن منك :(

السالفة سالفة الخشووع الشيخ احمد الحواشي اذا يصلي فالحرم شبسوي الحرم كله بصيح معنا صوته عادي

[ام السعف]

السالفة سالفة الخشووع الشيخ احمد الحواشي اذا يصلي فالحرم شبسوي الحرم كله بصيح معنا صوته عادي

طيب لو الواحد يخشع مع اصوات وينام مع اصوات ثانية ؟

الوضع يفرق يا اخوي

سمعت في احدى البرامج ان هناك مقرئيين لهم القدرة على انهم يعيشونك
الاحداث المذكورة في القرآن حسب التغيير في نبرة الصوت والخفض والرفع

فكل هذا يكون له تأثير ويختلف عن قارئ يقرأ القرآن واشوي تحصل نفسك
تفكر في غدى العيد !! :(

[qatar6]

نداء عاجل ومهم جداً لإدارة المساجد
ليش يقتصر جامع عبدالوهاب على اربع أأمة
ليش مايكون اكثر
زيارتي يعيدون النظر في الأصوات الهادية الأكثر من اللازم. وحتى الدعاء
أكيد اللي حضر الدعاء فالشعر الأواخر يعرف ايش اقصد من غير ما اكتب

[ام السعف]

نداء عاجل ومهم جداً لإدارة المساجد
ليش يقتصر جامع عبدالوهاب على اربع أأمة
ليش مايكون اكثر
زيارتي يعيدون النظر في الأصوات الهادية الأكثر من اللازم. وحتى الدعاء
أكيد اللي حضر الدعاء فالشعر الأواخر يعرف ايش اقصد من غير ما اكتب

اتفق معاك

شوف يا اخوي امي اللي طول يومها تشغل على القرآن
لو حطينا على قناة الريان وشافت ان المقرئ من المقرئين المعتادين
قالت لي حطي لعى مكة يا يمة ابرك ،،

الله يجزيهم كل خير القراء،،لكن قراءاتهم وااايد هادية واايد
تحسس الواحد بالنعاس ،،

[بريق الحق]

انا معاج يام السعف في مشايخ عندهم ال ١٠ قراءات بس نادر مايقرون فيها معنا اجوف الواحد يتمتع في سماع القراءات

[khalid525]

تحصلهم في موقع الجامع في الانترنت

[الأصيلة]

صراحة قراء المسجد ماقصروا الله يعطيهم العافية
لكن ترتيلهم ما يجذب مثل بعض الأئمة
يعني لما قرأ الشيخ الغامدي أو إدريس
تغير الوضع واختلف التركيز والخشوع سبحان الله،،،
ياليت أئمتنا القطريين يحاولون يقلدون ها لقراء ،،،

[عـ العبيدلي]

محمد يحيى طاهر ..
يوسف عاشير ..
تركي عبيد المهران ..
مال الله الجابر ..

توهم شباب .. واغلبهم بدوا يأمون من وهم في الثنوي واعدادي ..
وان شاء الله يتعلمون من الباقي ..

لكن بشكل عام .. ممتازين .. يختمون القران كل سنه .. وفيهم الخير .. وان شاء الله قريب نشوفهم من اكبر
قراء العالم الاسلامي ..

لكن الي الملاحظه انه في أئمة مثل ..
ناصر القطامي .. عبدالعزيز الزهراني .. فهد الكندي .. ياسر الدوسري .. فارس عباد .. عبدالمحسن الحارثي
كلهم كانوا موجودين في الدوحه في رمضان لكن للأسف وله واحد فيهم تمت استضافته في
الجامع واقتصروا على فقط 4 .. وكانوا يروحون مساجد محد يدري عنها وصغيره ومكرفوناتها تعبانه ..
يعني حرام يكونون فالدوحه ومايصلون في جامع الدولة

مع ان بعض هالقراء من افضل القراء على مستوى العالم الاسلامي

[هارودز]

اتمنى مشايخ الحرم امثال الشيخ السديس و الشيخ سعود الشريم و الشيخ ماهر المعيقلي
يصلون في جامع الامام

[الزعفراني]

المفروض نشجع الأئمة القطريين وندعمهم .. إذا حطوا لكم أئمة غير قطريين قلتوا وين الأئمة القطريين وإذا حطوا أئمة قطريين قلتوا المفروض مادري شنهو ..

جزاهم الله خير القائمين على الجامع جابوا مشايخ وقراء في أول ايام ومنتصف رمضان .. إدريس أبكر وسعد الغامدي وعبدالولي الأركاني واثنين غيرهم ماتحضرني اساميهم ..

والعشر الاواخر حطوا أئمة قطريين وهذي فرصتهم .. لازم نبرزهم ونشجعهم .. ومن خيرة الأئمة الموجودين

[ملك المشاعر]

أتمنى استضافة الشيخ خالد الجليل في الجامع

[عـ العبيدلي]

المفروض نشجع الأئمة القطريين وندعمهم .. إذا حطوا لكم أئمة غير قطريين قلتوا وين الأئمة القطريين وإذا حطوا أئمة قطريين قلتوا المفروض مادري شنهو ..

جزاهم الله خير القائمين على الجامع جابوا مشايخ وقراء في أول ايام ومنتصف رمضان .. إدريس أبكر وسعد الغامدي وعبدالولي الأركاني واثنين غيرهم ماتحضرني اساميهم ..

والعشر الاواخر حطوا أئمة قطريين وهذي فرصتهم .. لازم نبرزهم ونشجعهم .. ومن خيرة الأئمة الموجودين

صحيح وهالشباب يصلون في الجامع مع بعض من ست سنوات
من ايام جامع الشيوخ واحين جابوهم هالجامع وبصراحه جدا اصوات جميلة وتلاوات رائعة ..

وان شاء الله مع السنوات بنجوفهم من خيرة القراء على مستوى العالم الاسلامي

والجميل في هالائمة انهم مهندسين وموظفين وائمة مساجد وخطباء جمعه

وبصراحه قدوة للشباب

.. الله يوفقهم دنيا واخره

[abo saif]

اقترح ان القارئ الشيخ /محمد صوفي
يكون له دور في امامة جامع الامام محمد بن عبدوالهواب
شيخ قطري وهو على مستوى القراء الكبار على مستوى العالم الاسلامي وصوته جميل جدا

تحياتي لكم

[الأصيلة]

بالعكس نحن نشجع الأئمة القطريين ومانبغي غيرهم
بس ياليت يجددون فيهم ياما شباب حفظة ومتدربين في الأوقاف
وأصواتهم رائعة
ياليت يعطونهم فرصة لو كم ركعة في رمضان
ثانيا الشيوخ الضيوف ليش مايخلونهم يصلون
فينا القيام بدلا من التراويح فقط...
التجديد مطلوب...

[ام السعف]

احنا مب ضد الأئمة القطريين

لكن الفرق جدا مختلف لما تسمع قراءتهم قياسا مع القراء الضيوف

هناك مشايخ لو صليت وراهم والله بتروح لهم حتى لو في شمال قطر بطق لهم درب
علشان تصلي وراهم وتسمع قراءتهم ويحسسونك بكل آية تنقرى ،،

اما القراء القطريين الشباب
قراءاتهم وااايد هادية وااايد ،،

جزاهم الله كل خير على اللي يقومون فيه بس
يبي لهم تطوير بشكل افضل وخاصة لو بيأمون في رمضان
اللي الركعات تحتاج الى قراءة ايات اكثر ،،

الأئمة القطريين يا الزعفراني كانوا يشاركون المشايخ الكبار
في العشرين من شهر رمضا نفي صلاة التراويح

فكانوا صلاة العشا واربع ركعات من صلاة التراويح
يصليها القطري واربع مع الدعاء يصليها الشيخ الضيف

فالقطري كان ينعطى الفرصة

[ام السعف]

بالعكس نحن نشجع الأئمة القطريين ومانبغي غيرهم
بس ياليت يجددون فيهم ياما شباب حفظة ومتدربين في الأوقاف
وأصواتهم رائعة
ياليت يعطونهم فرصة لو كم ركعة في رمضان
ثانيا الشيوخ الضيوف ليش مايخلونهم يصلون
فينا القيام بدلا من التراويح فقط...
التجديد مطلوب...

عني يالاصيلة في مثل هالأمور ما اعرف قطري وغير قطري

ابحث عن الإمام اللي يدخلني في قلب الحدث ،،

احنا كنا في البيت ونسمع الشيخ ادريس ابكر ،، اليهال
كانوا يسكتون ويسمعون له شوفيه ماشاءلله تبارك الرحمن قدرته
على القراءة وادخالنا في قلب الحدث ،،

شوفي الشيخ سعد الغامدي اسلوبه هادي في القراية ومع هذا
تتعايشين مع الايات اللي يقراها ،،

بنتي وولدي راحوا للشيخ ياسر الدوسري في مسيد سباير

يقولون قرايتهم غييير غيير ،، والشيخ عبدالعزيز الزهراني
ضجة عليه في مسيد حصة السويدي يومها ،، والكل يبي يروح له مرة ثانية ،،

ليش كل هذا ؟

سؤال نوجهه للقراء القطريين !!

[القطرية1]

اتمنى من إدارة المساجد اخذ اراء الأعضاء بعين الاعتبار
كما اتمنى من شيوخنا الأفاضل جزاهم خير الجزاء تدريب أصواتهم سواء فالترتيل او الدعاء خصوصا الأيام الفردية

[كاشف الغطاء]

لازم تكسرون مياديف القطري

الأئمة القطريين الموجودين اثبتوا جدارتهم

ومن الائمة المقيمين مواليد قطر اللي اتمنى اشوفهم في مسجد الامام

كاستثناء معاذ اللوح

[saud580]

انا حضرت الصلوات هناك العشر الاواخر فقط. تبارك الله الشباب القطري رائع مع التدريب والاستمراريه راح يمسكون زمام الامور ب الجامع وبتكون لهم شعبيه كبيره لكن مايمنع للتنويع يستفاد من الضيوف بمعنى 4 ركعات الامام القطري المبتدئ. ثم 4 الركعات الثانيه الضيف مع دعاء القنوت للضيف الدعاء كان جدا بارد حفظ للكلام دون معايشه وانا مع الاخ الي ذكر ملاحظه الدعاء. فعلا الدعاء يجب ان يكون بحراره اكثر وايضا الامام يقراء ب الركعه صفحتين يفضل ب الحدر وليس الترتيل يرتل صفحتين بهدوء في الركعه الواحده وهذا فيه اطاله ومط يفضل الحدر ب القراءه. وفقهم الله الفتيه الشباب ومزيدا من الأنجاز والتقدم عيالنا وناخذ بيدهم ويتحملوون ملاحظاتنا.

[الأصيلة]

المفروض نشجع الأئمة القطريين وندعمهم .. إذا حطوا لكم أئمة غير قطريين قلتوا وين الأئمة القطريين وإذا حطوا أئمة قطريين قلتوا المفروض مادري شنهو ..

جزاهم الله خير القائمين على الجامع جابوا مشايخ وقراء في أول ايام ومنتصف رمضان .. إدريس أبكر وسعد الغامدي وعبدالولي الأركاني واثنين غيرهم ماتحضرني اساميهم ..

والعشر الاواخر حطوا أئمة قطريين وهذي فرصتهم .. لازم نبرزهم ونشجعهم .. ومن خيرة الأئمة الموجودين

بالعكس كانوا ماشاء الله في قمة الروعة
وماقصروا بذلوا كل جهدهم وطاقتهم..
وفعلا عيشونا الحدث على قولة أم السعف..
بس الناس تحب التغيير ..

[العاصم]

ممكن تحصلهم علي الويب سايت وكل عام وانتم بخير

[E.h]

مسجد الساده جابو واحد ليله27 صوته نفس السديس وكان المسجد زحمه
وطبعا المساجد الصغيره المسؤولين عنها هم يجيبون المشايخ ولازم مسجد الدولة يتواصلون مع المشايخ ولا هم ما راح يصلون بالناس من غير إذن

[سوبر]

اتمنى لو يجيبون امام مسجد خالد ابن الوليد (الشيخ فؤاد الخامري ) بيكون الوضع افضل

[qatar6]

عيالنا ما شاء الله عليهم ما عليهم قصور وجزاهم الله خير
نحن لا ننتقد لغرض النقد. بل نتطلع للأفضل
ثمان ركعات تأخذ من الوقت اللي ممكن تاخذه عشرين ركعه
القراءة والدعاء جداً بارد
أتمنى من قرائنا التدرب أكثر ليما رمضان القادم
ونتمنى أن نعطي الفرصة لباقي القراء