هل نعاني نقص في محطات الوقود

[اجرام]

السلام عليكم ورحمة الله

الموضوع واضح من العنوان وانا الي لاحظته ان للاسف في بعض المناطق. والمحطات اذا الواحد يبي يعبي بترول للسيارته يمسك دور ويمكن الدور يوصل الى 20 دقيقه تقريبا

على سبيل مثال هذا الي شفته قبل يومين مريت على محطة وقود الي عند نادي الغرافه حصلت السيارات واقفه لين الشارع الي اقصد به خارج محيط المحطه تقريبا اذا ابي انتظر بتكون قدامي 15 سياره تقريبا طبعا مشيت ولا عبيت بالمحطه والكلام بعد ينطبق تقريبا ايضا على محطة طيبه .

[بريق الحق]

تعال الوكره وجووف مافي الا محطه وحده فالوكره

[قطر77]

الزحمة سارت من بعد إغلاق محطة الوجبة و محطة الشقب ، تم ازالتهم ولم يتم انشاء اي مشروع مكان المحطات

[بن غيث]

نعم .. يوجد نقص حاد جدا

[ملك المشاعر]

فيه مشكلة صغر مساحة المحطات الجديدة

[MAZEN37]

دراسات فاشله لوقود
تبي تاكل الخضر واليابس وماتبي تبني محطات جديده وممنوع تراخيص انشاء محطات للقطاع الخاص

[مافي مثلي]

تبي تنصدم مر محطه وقود الي بين اشارات السنيما ودوار المول مسكرين الشارع العالم من الزحمه

[بصمة قطرية]

تبي تنصدم مر محطه وقود الي بين اشارات السنيما ودوار المول مسكرين الشارع العالم من الزحمه

اي والله
الشارع جداً قصير
و الزحمة غير طبيعية
مكانها غلط ..!!!
مافي تخطيط صحيح لتوزيع المحطات و أماكنها ..!!!
محطة بترول الفروسية سكروها و للحين على حطة ايدك ..!!!

[aziz4z]

مافي تنظيم ولا تخطيط , الوقود سكرت كل المحطات الخاصة

[لاجل QT]

نعانى من نقص محطات الوقود ومن شكل المحطات المسكرب

ياريت يجددون محطة الخيسة تفشل بصراحة كانها من ايام السبعينات

غير اللينات الخاصة بصب البترول كلة مغلقة فاطبيعي يستوى ضغط وزحمة

[FCB 123]

تعال الوكره وجووف مافي الا محطه وحده فالوكره

صح كلامك

الله يعين

[7llo]

الشيخ ترا انت عايش هنا بنعمه احمد ربك 20 دقيقه ترا في مصر توقف اكثر من 12 ساعه عشان تصب بترول واحيانا توصل 15 ساعه يعني يبيلك يوك كامل عشان تصب بترول هنا ماعجبتك المحطه تشقح رصيف وتدخل عكس السير وتطلع من المحطه وتروح محطه ثانيه

[اجرام]

نعانى من نقص محطات الوقود ومن شكل المحطات المسكرب

ياريت يجددون محطة الخيسة تفشل بصراحة كانها من ايام السبعينات

غير اللينات الخاصة بصب البترول كلة مغلقة فاطبيعي يستوى ضغط وزحمة

انا معاك ان المحطه قديمه لكن مساحت المحطه والمحلات الي داخل المحطه اتفيدنا بشكل كبير

[اجرام]

الشيخ ترا انت عايش هنا بنعمه احمد ربك 20 دقيقه ترا في مصر توقف اكثر من 12 ساعه عشان تصب بترول واحيانا توصل 15 ساعه يعني يبيلك يوك كامل عشان تصب بترول هنا ماعجبتك المحطه تشقح رصيف وتدخل عكس السير وتطلع من المحطه وتروح محطه ثانيه

اللهم لك الحمد والشكر

انا الي اقصده ان في مناطق اتحصل ازدحام على المحطه بعكس مناطق اخرى اتحصل الحركه اعتياديه

[Aaziz]

نقص مدقع

[الفا برافو]

والله ياخوي نقص غير طبيعي ....ودايما لما في دبي واشوف هالمحطات اللي بكل مكان اتذكر وضعنا بالدوحه ... اصلا مافي تخطيط منتسق مع الزياده الهائله بعدد السيارت سواء الخاصه او النقل .
وقود احتكرت انشاء المحطات وصج محطاتها راقيه ومتكامله لكن هبابها كم محطة سوتهم ..
تخيل منطقه ممتده من السد الى النصرالى فريج بن محمود الى فريج عبدالعزيز والغانم القديم والسلطه القديمه وام غويلينه الى جسر بو عبود ومعاهم منطقة سوق واقف والبدع و الكورنيش والابراج كل هالمساحه مافيها الى 4 محطات صغيره اذا ماخانني التفكير.. وحده عند مستشفى الرميله والثانيه فريج عبدالعزيز والثالثه عند تقاطع سناء (دوار الفلكس واجن سابقا) والرابعه مقابله الميناء عند بلدية الدوحه ..ماعتقد في غيرهم :)
والله المستعان....

تقبل الله طاعاتكم وجملكم برضاه

[عـ العبيدلي]

الكرنيش مافيه اله محطه وحده .. ونص الوقت مافيها بترول سوبر ..

وفي محطة التيسير عند المطار الدولي .. لين يوصل دورك عشان تصب بترول يبيلك تانكي بترول يحترق وانت تنطر بس

[توشيبا]

اي والله
الشارع جداً قصير
و الزحمة غير طبيعية
مكانها غلط ..!!!
مافي تخطيط صحيح لتوزيع المحطات و أماكنها ..!!!
محطة بترول الفروسية سكروها و للحين على حطة ايدك ..!!!

محطه بترول الفروسيه كانت فاكه ازمه بالاخص سكان مريخ ومعيذر

الحين مريخ وشعبيات خليفه والريان القديم والجديد ولقطه ومعيذر مالنا الا محطه العطيه ومقابلتها وقود ومحطه النايف اذا وقود تسببت في تسكير محطه العطيه و النايف اشلون بتكون الزحمه علي وقود بيضيع اليوم كله في الطابور علي شان شويه بترول

[توشيبا]

الكرنيش مافيه اله محطه وحده .. ونص الوقت مافيها بترول سوبر ..

وفي محطة التيسير عند المطار الدولي .. لين يوصل دورك عشان تصب بترول يبيلك تانكي بترول يحترق وانت تنطر بس

اي والله صدقت ماعندهم سوبر :anger1:

ومحطه التيسير اكثر الزحمه عليها من الاشتركات للمندوبين واهل الشركات الخاصه والحكوميه :rolleyes2:

[Level]

السلام عليكم

الاهم من هذا كله الطريق الممتد من ابوسمرة الى دوار الصناعية لايوجد به سوى محطة بترول واحدة قبل دوار الصناعية بـ600 متر علماً بان الجهة المقابلة من دوار الصناعية الى ابوسمرة 4 محطات واحده فقط لوقود وللأمانه محطة رائعه والباقي محطات شخصية قديمه جداً بإستثناء المحطة الملاصقة لدوار الصناعية

يعني تحمل تدخل قطر وانت جاي من السعودية بدون ماتعبي بترول في سلوى بتفضي سيارتك لامحاله

جزاكم الله خير وتقبل الله صيامكم وقيامكم

[طرفه]

دراسات فاشله لوقود
تبي تاكل الخضر واليابس وماتبي تبني محطات جديده وممنوع تراخيص انشاء محطات للقطاع الخاص



جزاك الله خير
قلت الحقيقة التي لا يعلمها الكثير من الناس
مدير عام وقود لا يرحم ولا يخلي رحمة الله تنزل
فاشل إداريا وتجاريا . لم يستطيع مواكبة التطور والزحف العمراني
بالدولة مع أن الحكومة تقف وراء وقود لكي تنجح ويستفيد المواطن

[مزيون الدوحه]

المشكله تنحل بتكبير المحطه وزيادة عدد مكاين تعبئه البترول
يعني مضيقين على نفسم مااعرف ليش
واللي يسافر السعودية على الخطوط بيلاحظ الفرق في الحجم
وما ابالغ اذا قلت توصل 6 اضعاف حجم محطات وقود او اكثر .
عقلية شركة وقود مشابهه لعقلية اشغال
مايستوعبون الخطأ الا اذا طاح الفاس في الراس

[مخطط قطري]

الحل بسيط جدا فتح رخص الوقود بمواصفات واشترطات سلامه عاليه وتصميم مطور والغاء احتكار وقود اللي عجزت وفشلت تغطى كل قطر

[Qt.1]

دراسات فاشله لوقود
تبي تاكل الخضر واليابس وماتبي تبني محطات جديده وممنوع تراخيص انشاء محطات للقطاع الخاص

في محلات في الغرافه فيها حفر لتغيير الايل من اسنين اللحين سكرو كل الحفر ! سالته ليش قال البلديه سكرو الحفر وقالو ممنوع ! :confused:

[عايش فرحان]

دراسات فاشله لوقود
تبي تاكل الخضر واليابس وماتبي تبني محطات جديده وممنوع تراخيص انشاء محطات للقطاع الخاص

نفس سياسة كروة الفاشلة

بخصوص محطات البترول .. في مناطق تحصل محطتين جنب بعض و ما عليهم طلب و فيه أماكن تعاني شح في المحطات مثل الوكرة وأجزاء من الخليج الغربي و غيرهم كثير.

[Ashom Qatar]

لو كسروا احتكار المحطات كانت تارسه الدنيا
اهي المشروع الي كنت اتمنى اسويه بس جات وقود واحتكرت كل شي

[Class - Qtr]

السلام عليكم

نعم عندنا نقص في محطات الوقود في قطر بالاضافه الي ( صغر ) مساحه محطات البترول

يعني تدخل في بعض الاحيان المحطه تجوف زحمه غير طبيعيه داخلها وتنتظر فترات طويله

عشان تعبى بترول وهذي نتيجه لسوء اماكن محطات البترول عندنا في قطر اغلب المحطات

[بوNasser]

نعم عندنا نقص في محطات الوقود والسبب

الإحتكار

كما هو الحال في كثير من الأنشطة ( قاعات أفراح، منتجعات وشاليهات،......الخ)

[w.qatar]

السبب اداره وقود الفاشله مالت عليهم
لما كنت بالجامعه كان مشروع تخرجي سنه 2008عن محطات البترول كلش ما لقينا اي تعاون من وقود
ولا حتى اهتموا بنتايج المشروع اللي بتفيدهم بشكل كبير

http://www10.0zz0.com/2013/08/01/17/512821258.png

[alsoq]

اخوي طريق من دوحه للشمال 100 كيلو ومن الدوحه للعديد 70 كيلو وتانكي السياره يمشيك 400 كيلو

والمحطات وايد الحين

ما اعتقد فيه نقص

[fhd4]

السبب اداره وقود الفاشله مالت عليهم
لما كنت بالجامعه كان مشروع تخرجي سنه 2008عن محطات البترول كلش ما لقينا اي تعاون من وقود
ولا حتى اهتموا بنتايج المشروع اللي بتفيدهم بشكل كبير

http://www10.0zz0.com/2013/08/01/17/512821258.png

هذا كان تعليقي ... بس ما شاء الله مادريت انه فيه طلبة مسويين عليه دراسة ...

المشكلة ليست في عدد المحطات ... ولكن في توزيعها الغبي جدا ... معظم المحطات في جهة واحدة فقط ...

ولدرجة ان عندنا دوار نسميه بومحطتين (أعتقد معروف) وفي نفس الجهة بعد ...

[معماري قطري]

من فترة تكلمت عن تخطيط الطرق الحديثة الطويلة في أمريكا وكيف يسون محطات كبيرة متكاملة، وتكون فيها محطة وقود كبيرة ومتكامله وفيها سكن حسب الحاجة .. يعني كل محطة تختلف عن المحطة الأُخرى حسب الحاجة والطلب على الخدمة .. وفيهم مطاعم وسوبرماركت صغير وغير من الخدمات من صيانة سيارات ومواقف كثيرة لشاحنات ولسيارات عادية.

المحطات هذي تجي وسط الجزيرة بين اتجاهي الشارع .. وهذي صورة جوية توضح ما أقصد

http://im15.gulfup.com/7UTL1.bmp (http://www.gulfup.com/?ZBUyxZ)

وهذي صورة مقربة توضح توزيع مواقف السيارات والشاحنات .. ويبين لنا الطريق المفترق عن هذي المحطة أو الإستراحة الحديثة بمعنى أصح .. يتكون من مسارين في كل إتجاه ولين قربت من المدينة تزيد المسارات حتى 7 أو 8 مسارات حسب الحاجة .. هذا أسميه تخطيط وواضح ويبين وتكلمت عنه مع بعض المسؤولين وقت تنفيذ طريق سلوى قال بتكون محطتين في كل اتجاه .. وللحين ما تم تنفيذ الا محطة وحده على ما اعتقد.

http://im23.gulfup.com/3jz21.bmp (http://www.gulfup.com/?Agtba9)

وهذا رابط الموضوع للإطلاع.

http://www.qatarshares.com/vb/showthread.php?t=511242&page=5

[معماري قطري]

يُلاحظ من الصورة الجوية الأُولى إن الأرض مدفونة بجرف الحواف وعمل الطريق مرتفع عن الأرض حوله لسهولة تصريف مياه الأمطار .. ويا زين أمطار فلوريدا وسيولها .. وهناك بحيرتي تجميع مياه أمطار مفتوحتين في أطراف الإستراحة .. هذا مع وجود أماكن فاضية لتوسعات مستقبلية... وهذه المحطات زرتها على الطبيعة ويكون بعضها مزدحم وفيه مركز إرشاد سياحي وعدة مكاتب وبعضها مركز شرطة وغيره من الخدمات.

[Aaziz]

معماري قطر ... نظام المحطات هذا ممتاز جدا و ماراح اقول عنه ذكري ،، بقول انه بديهي .. و عليك الباقي

ناخذ مثال .. محطتين وقود الي فتحوهم على خط الشمال قريب ام صلال

محطه غرب و محطه مقابلها جهة الشرق

طيب اجمعوهم في محطه وحده بين الشارعين و بحجم المحطتين سوى .

[بوحارب]

كلامك سليم

[معماري قطري]

معماري قطر ... نظام المحطات هذا ممتاز جدا و ماراح اقول عنه ذكري ،، بقول انه بديهي .. و عليك الباقي

ناخذ مثال .. محطتين وقود الي فتحوهم على خط الشمال قريب ام صلال

محطه غرب و محطه مقابلها جهة الشرق

طيب اجمعوهم في محطه وحده بين الشارعين و بحجم المحطتين سوى .

جهل يا اخوي شتقول .. والخبراء اللي يجيبونهم من كل مكان أما شياب منتهين أو شباب توهم متخرجين، وما ييبون الا المتردية والنطيحة ويبعدون أي قطري قديم ساهم في تصميم البلاد وعنده اهتمام ومعرفة والأهم تخصص مفيد، وحكومتنا ما عليها قصور تقدر تأهل العشرات علمياً لهذي المناصب وغيرها.

مره لفت انتباهي زميل لي لإثنين من خبراء أشغال يبين عليهم إنجليز لأنهم صافين جنب بعض ويتناقشون عن الشغل في طريق سلوى .. كانوا كاشخين ببدل وكرفتات وكان كل واحد منهم راكب رنج بقراطيسه .. ما يحلم يحصل الرنج في بلاده حصله من ورا أشغال وبدون ما يدفع فيه ريال.

تدري يا اخوي إن من ضمن عقود الشركات حق أعمال المنشآت لأسياد 2006 توفير سيارات جديدة لموظفي اللجنة الأولمبية ومنهم من خذ بي ام إكس 5 وغيرها من السيارات على حساب المشاريع .. وهذا لازم تندفع قيمته وبغالي للمقاول .. ما يضحك إن تعلمنا من الأساس ما ناخذ حتى دعاية بسيطة للشركة لكن المفاهيم اختلطت... وغير اللي يسون شركات وهمية ويجيبون عمال بالمئات ويلزمون المقاولين بتشغيل عمالهم وتأجير سياراتهم .. هذي إمبراطورية إيش قال .. أو إشكال كما يسميها البعض.

[Aaziz]

كل ماتقرب اكثر من مشاريع الطرق عندنا و اشغال و تتعمق في تفاصيل الامور كلما تزداد احباط .

ممكن سؤال : موجه لاهم 5 اشخاص في اشغال .

ليش ماتتعاملون مع المهندسين عندكم نفس الاطباء .
بعد التخرج ينتسب للمؤسسة و بدايه حياته المهنيه يلف مستشفيات العالم اما دوره اما يعمل في مستشفى لفتره من الزمن ،، يحتك و يكتسب خبرات غيره .. و يرجع يطبق

الي لاحظته في شوارع امريكا ،، هو اتقان التصميم سواء اتساع الشارع او ميلان الجسر او الرم على ماقالو .
مريت على شوارع رئيسيه كبيره تتفرع منها جسور بمسار واحد فقط .
مسار واحد = المفروض ازدحام و اختناق و دربكه سير .
ولكن الواقع انسياب ممتاز جدا لحركه السير و اساسا تم تصميم المخرج بهذا الشكل ليعطي تدفق متنظم للسيارات بحيث ان نهايته توصل الى شارع رئيسي داخل المدينه .

ناس تصمم لاحتياجها تماما