العيد فرحه وليس تكلفه !!!!!!!!!!!!!!!!!!!!!!!!!

[حمد 2002]

السلام عليكم ورحمه الله وبركاته

الموضوع يحمل العنوان التالي

(( العيد فرحه وليس تكلفه !!!!!!!!!!!!!!!!!!!!!!!!! ))

انتشرت العاده من قديم الزمان بان الواحد يستقبل العيد بشراء كل ماهو جديد سواءا من ملابس الى الاغراض المنزليه ونجد بأن الناس كانت منذ قديم الزمان تفرح بالعيد بشراء كل ماهو جديد ،، منهم من يشتري دلال قهوى وجاي جداد ومنهم من كان يصبغ بيته فرحا بالعيد ومنهم من كان يغير ويشتري مساند ومطارح جداد فرحا بالعيد وكانت التكلفه قليله ذاك الزمان والناس كانت ((((ماتبالغ بالفرحه بالعيد ))) وماترهق نفسها ماديا اما اليوم :omen2:

صاروا الناس يرهقون نفسهم ويبالغون وايد بالفرحه بالعيد لحد الاسراف والتبذير فمنهم من ايأجر سياره فخمه حق ايام العيد فقط وهالأجار مايقل عن 4000 ريال طبعا ، ومنهم من ايغير اثاث منزله من كراسي وغيره وهالتغير مايقل عن 50 الف ريال :rolleyes2: ، ومنهم من يحجزله الشاليهات طيله ايام العيد والسعر مايقل عن 5 الاف ريال ومنهم ومنهم ومنهم ،،،

اما الآن سأكتفي بما قلت لأترك لكم المجال للحديث عن هذا الموضوع وفقا لسياسه المنتدى وبدون الخروج عن الإطار العام للموضوع ،،،

تحياتي للجميع ،،،

[ولي العهد]

الله يهديك ياحمد خل الناس تستانس في العيد ... الاول احنا نستانس بثوب العيد والغتره والقحفية اليديده والازره يعني ترى لكل زمان دولة ورجال

[حمد 2002]

الله يهديك ياحمد خل الناس تستانس في العيد ... الاول احنا نستانس بثوب العيد والغتره والقحفية اليديده والازره يعني ترى لكل زمان دولة ورجال

هلابك الشيخ ،،،

والله طال عمرك بالعكس انا مع فرحه الناس بالعيد ، ومع شراءهم كل ماهو جديد ، ولكن ليست بالمبالغه والتكلفه العاليه ، وانما بالمعقول وبما يتقبله العقل والمنطق ،،،

تحياتي لك اخووي ،، :victory:

[aziz4z]

حمد أنت اقتصادي وايد , لو عينوك في الموارد البشرية , عاد الله يعينا على الرواتب ههههه
مب كل الناس تبالغ لهاالدرجة إلا مارحم الله

[Khaled Qatar]

خل الناس تستانس ، محد ماخذ فلوس من جيبك ، اللي يقدر يكشخ حلال عليه واللي مايقدر اكيد بيكشخ بالقدر المعقول ، حتى في مقاضي الناس تدخلتم، اترك الخلق للخالق

[حمد 2002]

حمد أنت اقتصادي وايد , لو عينوك في الموارد البشرية , عاد الله يعينا على الرواتب ههههه
مب كل الناس تبالغ لهاالدرجة إلا مارحم الله

ههههه والله بالعكس ياخوك لو بيدي القرار كان بخلي اقل راتب بقطر 100 الف ريال :shy::secret: ،،
مممممم صادق اخوي نفس مافي ناس تبذر وتسرف باالموال بعد فييه ناس هناك فيهم الخير والبركه

تحياتي لك اخووي ،،، :victory:

[ضوى]

اللي عنده لا يخلي شي بخاطره ، بس اهم شي يأدي حق ربه في ماله ،

[ROSE]

انا من الناس اللي حاجزه شاليهات للعيد :shy: مرحبا بالاسراف لو

بيونسني وعيالي وهلي :shy:

[ضوى]

انا من الناس اللي حاجزه شاليهات للعيد :shy: مرحبا بالاسراف لو

بيونسني وعيالي وهلي :shy:


:nice::nice:

[ROSE]

:nice::nice:

وكنت مفكره نسافر بس امي مارضت تسافر ويانا فقلنا مالنا

الا الشاليهات :nice:

[عـ العبيدلي]

دام القرنقعوه صار تكليف .. شبتتوقع حق العيد ..

لكن نقطه صغييييره فقط ..

فواتير اغراض العيد ( نعل " وانتوا بكرامه" , ثياب , شنط , جواتي "وانتوا بكارمه " , ... الخ )

خشوها وله انتوا بنفسكم قطوها .. لا تخلون الشغالات وله العمال يشوفونها ..
لانه ممكن سعر شنطه يكون معاش هالشغاله وله هالدريول سنتين على بعضهم ..
وحتى لمه يروحون معاكم السوق .. حاولوا ما تدفعون جدامهم ..

لانه بصراحه الشي يعور القلب بالنسبه لشخص راتبه 700 .. ويشوف جوتي سعره 7000 ..

والله المستعان ..
والله يتجاوز عنا ويهدينا اذا كنا من المسرفين ..


وأما الإسراف فإنه منهي عنه في كل شيء ولا يجوز. قال تعالى: يَا بَنِي آَدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ المُسْرِفِينَ] {الأعراف:31}.

وقال النبي صلى الله عليه وسلم: كلوا وتصدقوا والبسوا في غير إسراف ولا مخيلة. رواه النسائي وابن ماجه.

ويختلف المقدار المطلوب باختلاف الحاجة إليه، وحال المستعمل يسرا وعسرا ومكانة اجتماعية.
والله أعلم.
الاقتباس من موقع اسلام ويب

الكلام الي بالأحمر يحدد كل واحد وقدرته .. الي عنده خليشتري ..
والي ماعنده لا يكلف على نفسه واهله .. خصوصا الأهل لو ام والابو على قدهم حالهم لا تضغط عليهم ..
لانهم يمكن يتخلون عن ضروريات عشان يلبون حاجة العيال ..

[faisalqatar]

ياخوك اللي يقدر خل يصرف .. وهاي ما يعتبر اسراف ولا تبذير دام الواحد مقتدر ..
عيل يا حمد لين متى بتيمع فلوسك؟ و اخرتها بيي يوم عيالك بيلعبون في الفلوس اللي انت بخلت فيها على نفسك و تميت اتيمعها نفس حنظل ههههه :)

[حمد 2002]

خل الناس تستانس ، محد ماخذ فلوس من جيبك ، اللي يقدر يكشخ حلال عليه واللي مايقدر اكيد بيكشخ بالقدر المعقول ، حتى في مقاضي الناس تدخلتم، اترك الخلق للخالق

ماضيعنا الا هالكلام اتركوا الناس لحالهم ولاتنصحونهم !!!!!!!!! ،،، ان الاسلام يحث على نصح الناس ياخوووي ،، (( الدين النصيحة )))

تحياتي لك خووي خالد ،،، :nice:

[حمد 2002]

اللي عنده لا يخلي شي بخاطره ، بس اهم شي يأدي حق ربه في ماله ،

لازم الواحد مايخلي خاطره وعواطفه ورغباته تطغي عليه واتوديه للتهلكه ياختي ضوى ، لازم الواحد ايكون وسط بكل امور حياته حتى لو عنده ملايين ،،

تحياتي لج ،، :victory::victory:

[ضوى]

لازم الواحد مايخلي خاطره وعواطفه ورغباته تطغي عليه واتوديه للتهلكه ياختي ضوى ، لازم الواحد ايكون وسط بكل امور حياته حتى لو عنده ملايين ،،

تحياتي لج ،، :victory::victory:


ليش ماخذ اللي بخاطري ؟؟ شنهويمنع البي اهوائي ورغباتي ؟؟ اي تهلكة ياخوي ؟؟؟؟ شنهو الوسط اللي تقصده ، صاحب الملايين الوسط عنده المية الف هي الوسط ، واللي عندها مية الف وسطها عشرين يعني حسب اللي عندك تقدر متوسط الصرف عندك .

[حمد 2002]

انا من الناس اللي حاجزه شاليهات للعيد :shy: مرحبا بالاسراف لو

بيونسني وعيالي وهلي :shy:

حلات العيد بالزيارات العائليه بالمنزل والمجلس مابين الاهل والربع والاصدقاء ،،،

وبما ان الاجازه طويله مايمنع ان الواحد ايروح يوم واحد بس الشاليهات او يومين وبتكلفه معقوله ،،، ويمكن انتوا شاليهاتكم بالامارات ارخص واحلى من شاليهاتنا ، وعندكم خيارات ارخص واوسع ،،،

اما بمسأله الاسراف على سبيل الاستمتاع انا ضد رأيج تماما ،، يمكن ساعه أستمتاع تؤدي بصاحبها الى التهلكه ، فلازم الواحد ايحكم عقله ،،

تحياتي لج ،، :) :)

[عـ العبيدلي]

ليش ماخذ اللي بخاطري ؟؟ شنهويمنع البي اهوائي ورغباتي ؟؟ اي تهلكة ياخوي ؟؟؟؟ شنهو الوسط اللي تقصده ، صاحب الملايين الوسط عنده المية الف هي الوسط ، واللي عندها مية الف وسطها عشرين يعني حسب اللي عندك تقدر متوسط الصرف عندك .

من كلام موقع اسلام ويب الي فهمته منه انه كلام اختي ضوى صحيح
شوفوا ردي الي فوق


ويختلف المقدار المطلوب باختلاف الحاجة إليه، وحال المستعمل يسرا وعسرا ومكانة اجتماعية.

[faisalqatar]

حلات العيد بالزيارات العائليه بالمنزل والمجلس مابين الاهل والربع والاصدقاء ،،،

وبما ان الاجازه طويله مايمنع ان الواحد ايروح يوم واحد بس الشاليهات او يومين وبتكلفه معقوله ،،، ويمكن انتوا شاليهاتكم بالامارات ارخص واحلى من شاليهاتنا ، وعندكم خيارات ارخص واوسع ،،،

اما بمسأله الاسراف على سبيل الاستمتاع انا ضد رأيج تماما ،، يمكن ساعه أستمتاع تؤدي بصاحبها الى التهلكه ، فلازم الواحد ايحكم عقله ،،

تحياتي لج ،، :) :)

لو الزيارات العائلية بفلوس بتنزل موضوع تنتقد فيه الزيارات العائلية :weeping:

[حمد 2002]

دام القرنقعوه صار تكليف .. شبتتوقع حق العيد ..

لكن نقطه صغييييره فقط ..

فواتير اغراض العيد ( نعل " وانتوا بكرامه" , ثياب , شنط , جواتي "وانتوا بكارمه " , ... الخ )

خشوها وله انتوا بنفسكم قطوها .. لا تخلون الشغالات وله العمال يشوفونها ..
لانه ممكن سعر شنطه يكون معاش هالشغاله وله هالدريول سنتين على بعضهم ..
وحتى لمه يروحون معاكم السوق .. حاولوا ما تدفعون جدامهم ..

لانه بصراحه الشي يعور القلب بالنسبه لشخص راتبه 700 .. ويشوف جوتي سعره 7000 ..

والله المستعان ..
والله يتجاوز عنا ويهدينا اذا كنا من المسرفين ..


الاقتباس من موقع اسلام ويب

الكلام الي بالأحمر يحدد كل واحد وقدرته .. الي عنده خليشتري ..
والي ماعنده لا يكلف على نفسه واهله .. خصوصا الأهل لو ام والابو على قدهم حالهم لا تضغط عليهم ..
لانهم يمكن يتخلون عن ضروريات عشان يلبون حاجة العيال ..


ياليت كل الناس تفكيرهم نفس تفكيرك وقناعاتك ،،،

تحياااااااااتي لك يالذيب :victory::victory::victory:

[الفا برافو]

ماخبر غيرت اثاث بيتي عشان عيد ؟؟؟ ولا صبغته عشان عيد؟؟ ولا اجرت سياره بس عشان عيد
مادري ياخوي حمد من وين اتييب هالافكار.. واذا انت تعرف ناس يسون هالاشياء فأكيد قلة قليله

ان شاء الله انا مسافر العيد مع عيالي لانه بتكون عباره عن اجازة العيد مع اجازة العطله الصيفيه

وكل عام ونت بخير

تقبل الله طاعاتكم وجملكم الله برضاه

[تحداني]

ماخبر غيرت اثاث بيتي عشان عيد ؟؟؟ ولا صبغته عشان عيد؟؟ ولا اجرت سياره بس عشان عيد
مادري ياخوي حمد من وين اتييب هالافكار.. واذا انت تعرف ناس يسون هالاشياء فأكيد قلة قليله

ان شاء الله انا مسافر العيد مع عيالي لانه بتكون عباره عن اجازة العيد مع اجازة العطله الصيفيه

وكل عام ونت بخير

تقبل الله طاعاتكم وجملكم الله برضاه




صباح الخير على الجميع

ولا اخبر الوالد غير الاثاث ولا السجاد ولا صبغ البيت عشان العيد
العيد بإختصار شديد انك تشتري الجديد وتطلع من رمضان والنفس راضيه مزكيه ومتصدقه
المبالغات ما اطلعت الا من تفاهات البعض من الحريم والبذخ الزائد .. النعمه زواله

اما سفر او ترويح عن نفس هي ما مرتبطه بالعيد
كثر ماهي مرتبطه بأجواء العائله


ويجملكم برضاه :)

[حمد 2002]

ياخوك اللي يقدر خل يصرف .. وهاي ما يعتبر اسراف ولا تبذير دام الواحد مقتدر ..
عيل يا حمد لين متى بتيمع فلوسك؟ و اخرتها بيي يوم عيالك بيلعبون في الفلوس اللي انت بخلت فيها على نفسك و تميت اتيمعها نفس حنظل ههههه :)

الي انا اجوفه وملاحظه بان المقتدرين هم الي مايسرفون بكل امور حياتهم وايعرفون معنى الفلس والريال ، والحمد لله عايشين حياتهم بأحسن مايمكن ، لاكن الي ماعنده فلوس هو الي اتجوفه ايبذر وايحمل نفسه مالا يطاق للأسف ،،،

تحياتي لك استاذ فيصل قطر ،، :victory:

[رهج السنابك]

اللي يقولون ان حمد يبالغ بخصوص الاثاث استغربت منكم:eek5:


انا امي كانت الاول كل عيد تشتري زولية جديدة في البيت :nice:

والشي الاساسي كانت تشتري لنا ذهب كل عيد لازم نلبس ذهب جديد ونبيع ذهب السنه الي قبلها ونزيد فوقه مبلغ بسيط وناخذ جديد :nice:


بس الحين خلاص :( لا زوليه ولا ذهب

عن نفسي هالعيد لو اقولكم شنو شريت بتتخرعون:eek5:

ماشريت شي من زحمة الاسواق اعووووووووذ بالله

ولا فيه شي حلو عدل ماعجبني شي قررت ما اشتري بس صدفه لقيت عرض باحد المحلات الخاصة بالازياء الكويتيه ماكان في بالي اخذ لكن السعر كان لؤطه خذت لي بدله وحده

وعندي كم فستان جداد في الكبت

يعني ماخذت شي جديد الا بدله وحده وبس

[MAZEN37]

اول ثلاث ايام العيد ما تكلف صاحب الاسره الكبيره بالصبغ والدلال والفاله والعيديه ووو 5000ريال
الحين الزمن تغير والدوحه غااااااااليه في تضخم ههههه
كل عام وانتم بخير

[faisalqatar]

الي انا اجوفه وملاحظه بان المقتدرين هم الي مايسرفون بكل امور حياتهم وايعرفون معنى الفلس والريال ، والحمد لله عايشين حياتهم بأحسن مايمكن ، لاكن الي ماعنده فلوس هو الي اتجوفه ايبذر وايحمل نفسه مالا يطاق للأسف ،،،

تحياتي لك استاذ فيصل قطر ،، :victory:

اللي ماعنده و يبذر هاي الله يسلمك لازم ينضرب
لكن انا اتكلم عن المقتدر واللي عنده فلوس كيفه خل يستانس
عيل شحقة ايمع فلوس و اتاجر و استثمر اذا ما بستانس فيها؟

تحياتي لك يا مستر حمد

[OREO]

اعرف وحدة شارية للعيد جدر بــ 4000 ريال و من مميزات الجدر ان يلاحق الغزلان في الشوارع و يسويهم برياني و مجبوس و اهي ماعليها الا تنجب و تاكل ،،،

[OREO]

ياخوي حمد مواضيعك هادفة لكن البعض صعب عليه يفهم موضوعك من اول و ثاني و ثالث مرة و المفروض تذكر معنى الاسراف و التبذير لاجل البعض يتدارك بأن الموضوع لفئة من الناس اللي تصرف فوق طاقتها ،،

يزاك ربي كل خير ياخوي ،،

[شبح الصمت]

اعرف وحدة شارية للعيد جدر بــ 4000 ريال و من مميزات الجدر ان يلاحق الغزلان في الشوارع و يسويهم برياني و مجبوس و اهي ماعليها الا تنجب و تاكل ،،،




هههههههههههههههههههههههههههاي

[ROSE]

http://www.qatarshares.com/vb/showthread.php?t=558702