عرض وكالة النيسان .. ضــمــان شـــامــــل !!!

[بـويوسف]

السلام عليكم ورحمة الله


طبعن اغلب الشباب يعرفون عرض نيسان

ضمان شامل

انا واحد من كثير من الي انغشوا بعرض النيسان

قبل لا اشتري الموتر

سالت الموظف:
الضمان يشمل كل شي في الموتر؟

قال لي:
كل شي الا الاشياء الاستهلاكية البسيطة .. منها ربلات المسّاحة

قلت له:
اهم شي الكلتش؟ (لان سمعت ان الكلتش فيه عيب)

قال لي:
اكيد الكلتش على الضمان اذا احترق

انتهت المحادثة وقلت له توكل ع الله وخلص اجراءات الموتر


واليوم الموتر ماشي 30 الف كم

وقالوا الكلتش احترق ..:eek5:

قلت لهم بدلوه ليش تقولون لي (الرجال امئمن ع الضمان) :funny:

قال لي بتدفع حروة ال6000 ريال مع الخصم :rolleyes2:

رحت كلمت المسؤول قلت له موتري عليه ضمان شامل

قال لي:
الضمان مايشمل الكلتش .. يشمل قير مكينة وايل وفلتر وشغلات بسيطة

ويوم كنت عند المسؤل .. واحد عنده انفينيتي وواحد عنده نيسان وكانوا يتكلمون عن الضمان الشامل وليش ما يشمل كل شي نفس ما قال لهم الموظف قبل شراء الموتر

قبل كنت انصح الشباب .. يالربع مالكم الا النيسان .. ضمان والموتر ماعليه كلام


بس اليوم اقول ..
الموتر ما عليه كلام .. والوكالة ع الدنيا السلام


خلاصة الموضوع
1- الضمان الشامل خدعة وغش تجاري .. للتسويق لسيارتهم
2- الموتر فيه عيب من المصنع (الكلتش يحترق بسرعة).. والوكالة مب راضيين يعترفون بالمشكلة .. وللعلم انا لا راعي بر ولا استعراض ولا سوء استخدام


حــمــاية المستهلك .. شالحل..؟؟

والي عنده مشكلة مع وكالة النيسان .. يذكر مشكلته

[السلولي]

سالت الموظف:
الضمان يشمل كل شي في الموتر؟

قال لي:
كل شي الا الاشياء الاستهلاكية البسيطة .. منها ربلات المسّاحة

قلت له:
اهم شي الكلتش؟ (لان سمعت ان الكلتش فيه عيب)


و بس الكلتش فيه عيب السياره بكبرها تفشل الصراحه


وانت مدام عارف ان فيها عيب ليش تاخذها والا تحب زياره الصناعيه





قال لي:
اكيد الكلتش على الضمان اذا احترق

انتهت المحادثة وقلت له توكل ع الله وخلص اجراءات الموتر





انتتهت المحادثه :omg: يعني انت شاري سمك في ماي :omen2:

[w.qatar]

اخوي المفروض قبل ما تشتري تتصل على الصيانه او تروح عندهم و تسال وتتاكد من صحة كلام اللي بالشو روم نصابين زين ما طحت بنفس مشكلتك كنت باخذ انفنتي و من كثره مدحهم للسياره و مبالغتهم في مدحها شكيت تواصلت مع الصيانه و طلع نص كلام اللي بالمعرض كذب

طبعا لو ما عندك ورق يثبت انهم قالوا الضمان يشمل كل شي حقك بيكون ضايع

الحين مالك الا حمايه المستهلك و هذيلا بعد نصابين بيضيعون وقتك على الفاضي

[طلعة الروح]

انا معاك أن السيارة زينة لكن الوكالة زفتة ،

وفعلا الضمان ما يشمل كل شي ، الشاطر اللي يتحرى ويعرف من البداية اللي له واللي عليه، راجع كتيب الضمان ، توقع انك تدفع لهم هالاشياء اللي يقولون عنها بسيطة

خدمة ما بعد البيع معدومة خصوصا موظفين المعارض قبل ماتشتري يقولك بنوفر لك ونعطيك وبنحط وبنشيل و كله كلام فاضي

ان شالله ماكون ظلمتهم واتمنى من السيد / هشام المانع ان يقرا الموضوع ويشوف مشاكل الوكالة وشكاوي العملاء أول بأول ويسعى لحلها

[الكواري 1972]

وكالة النيسان

اذا ماتلعلع معاهم مافي فايده

فوق هذا يمكن تاخذ حقك يمكن

الله يعينكم

[بوخالد911]

هلا

موتري النيسان مو 2012 عليه ضمان وسيرفس فري لمدة 3 سنوات

من شهر اتصل موظف علي وعرض علي التالي :

ادفع 3000 ريال عشان أمدد السيرفس الى سنتين مجانا
فتصير المدة كلها 5 سنوات

قلت له عطني فرصة وبتصل لك

وبعدها دقيت عليه وقلت : انا موافق بشرط !!!!!!!!!!!!!!!!!!!!!

قال لي وايش هو؟
قلت : يكون شامل الشغلات التالية :
التواير
السفايف
البطارية

وأصريت ع كلامي وقلت له كلم ادارتك وخلهم يوافقون ع شروطي وانا بجيييييييييييكم بسرعة الصاروخ وبدفع


والى هذا اليوم ما اتصل الموظف !!!!!!!!!!!!!!


الخلاصة : مثل ما هم يحطون شروط انتوا بعد حطوا شروطكم

بس االي يبط جبدي مؤشر البترول كلللهت يعطيني انه مصفررررررررررر
مع انه الموتر فيه بترووووول

[l0o0rd-qtr]

صدقتوا الوكالات تعطي عروض

من زين عروضها ضمان على سفايف هاي اللي يقدرون عليه ولا الباقي تدفعه انت

[البارع]

اناحالف مايدش بيتي ماركة نيسان ملك لي من عشرين سنه

[بـويوسف]

انتتهت المحادثه :omg: يعني انت شاري سمك في ماي :omen2:

يعني تبغي اشرح لك الموضوع كامل وكم يوم صار لي وانا اروح وارجع ع الوكالة عشان اخلص الموتر .. الي كتبته بالمختصر المفيد الله يرحم والديك


اخوي المفروض قبل ما تشتري تتصل على الصيانه او تروح عندهم و تسال وتتاكد من صحة كلام اللي بالشو روم نصابين زين ما طحت بنفس مشكلتك كنت باخذ انفنتي و من كثره مدحهم للسياره و مبالغتهم في مدحها شكيت تواصلت مع الصيانه و طلع نص كلام اللي بالمعرض كذب

طبعا لو ما عندك ورق يثبت انهم قالوا الضمان يشمل كل شي حقك بيكون ضايع

الحين مالك الا حمايه المستهلك و هذيلا بعد نصابين بيضيعون وقتك على الفاضي

المفروض اني اتاكد لكن خذت على كلام موظف المبيعات .. والحمد لله ع كل حال

وانا نزلت الموضوع عشان اي واحد يفكر ياخذ موتر ما يصيده نفس ما صادني

[بـويوسف]

طبعن عرض النيسان

يقولون لك عرض شامل وعرض شامل

هم يتحملون السيرفس العادي فقط لا غير

بس لما تبغي تشتري السيارة يطيرك سما .. يقول لك عرض شامل كل شي على الوكالة لين 60 الف او 3 سنوات

تقول له كل شي كل شي !!! .. هني يتوهق ويقول لك الا الشغلات البسيطة مثل ربلات المسّاحة والتواير

وحزة الحزة تشوف ان الضمان الشامل ما يتحمل الا السيرفس العادي ويجبرونك تدفع الفاتورة

[موظف بالبورصه]

بالعقل يعني من متى الكلج صار عالظمان من يوم مانزلت المواتر لين االيوم اي موتر نزل عليه ظمان الكلج !!!

هذا شي استهلاكي ...

[بـويوسف]

بالعقل يعني من متى الكلج صار عالظمان من يوم مانزلت المواتر لين االيوم اي موتر نزل عليه ظمان الكلج !!!

هذا شي استهلاكي ...

بالعقل اخوي بالعقل

اذا الكلج نفس النيسان القديم يعمر مب مشكلة

لكن سيرفرس ال30 الف كم يقولون لك الكلج احترق وانت مب راعي استعراض ولا بر .. هاي اكيد مب شي طبيعي

يعني البطارية تعتبر شي استهلاكي .. بس اذا ما كملت 6 شهور تتبدل مجاني

بعدين انا ما قلت لك ان الكلج ع الضمان .. ركز شوي

انا قلت عن الضمان الشامل .. وعلى كلام موظف المبيعات

[اللوز]

مشكلتك شي واحد
اخذت كلام مسموع مش مكتوب

[king fish]

سيارتي نيسان كان في صوت نفس صوت خرير الماء في المكينه قلت اوديها الوكاله قالي بسويلك كشف بعد الكشف اذا ماصلحت السياره عندنا راح تدفع 500 ريال قولت اوكي سوي الكشف المهم بعد الكشف سوا تقرير ب 10000 ريال
بدل السبنسر كامل( مع ان السياره عدت الفحص الفني وماقالي فيها صوت )
بدل ما ادري ايش المهمطلعلي كذا خراب وكذا قطعه ب 10000 ريال
دفعت 500 ريال الكشف ووديتها كراج برا عادي قالي المشكه وين شريت القطعه وراح الصوت وكلفني التصليح
250 ريال الحمدلله اني خسرت 500 ريال ولا خسرت 10000 ريال

[بوخالد911]

مشكلتك شي واحد
اخذت كلام مسموع مش مكتوب

فعلا قالوها


خير الكلام ما قل ودل:nice::victory::victory::victory::victory::nice :

[كتكوت الوحش]

اناحالف مايدش بيتي ماركة نيسان ملك لي من عشرين سنه

النيسان صار عندي نفس السياره الفيات او البيجو دليت عليه

[يوسف0]

بويوسف انت حاس انه السيارة فيها مشكلة وانت تسوقها؟

لان الوكالات حراميه من زماااااااااااااااااااااااااااااااان

ونفس ما قال كنج فش جيكها اولاً وصلحها برع افضل

وانا من ايام نيسان 2000 وانا غاسل ايدي من شركتهم تعقدت شوي

[حمد911]

لو انا مكانك أبيع السيارة وأفك نفسي من عوار الرأس وأشتري لاندكروزر ابرك

[بـويوسف]

مشكلتك شي واحد
اخذت كلام مسموع مش مكتوب

صاااادق اخوي

[بوفاطمه]

معوض خير يالغالي.
هذول اصحاب العارض لو يحلفون من اليوم الى يوم الدين ما اصدقهم بكلمة وحدة .

[بـويوسف]

يالربع انا منزل الموضوع وادري ان مافي حل:secret:


لا حماية المستهلك ولا وكالة النيسان


بس عشان الي يفكر ياخذ نيسان .. ما يسمع كلام موظف المبيعات
لانه يقول شي
والضمان شي ثاني
ووقت التصليح والخربات شي ثالث
والسيرفس معدوم .. يعني موتري زلغوه 3 مرات .. مره الباب ومره الصدام ومره البانه وبكل برود يقولون لي عادي نصبغ لك :anger1:



وما اقول الا

حسبي الله :nice: ونعم الوكيل

[همر]

بالعقل يعني من متى الكلج صار عالظمان من يوم مانزلت المواتر لين االيوم اي موتر نزل عليه ظمان الكلج !!!

هذا شي استهلاكي ...


وكالة البي ام ...

لما يقولون لك سيرفس كونتراكت ... يعني حتى المشاشات

يبدلونها ببلاش...



مشكلة وكالات العلوك لي بغوا يقلدون الوكالات المحترمه

المفروض ماتصدقونهم اصلا ... لان اذا ماكانت هذي متطلبات

الشركه الام فقول للمصداقيه تشاو...

[معماري قطري]

الملاحظ إن كل وكالات المانع مشاكلهم كثيرة في الصيانة

الفورد والجيب .. وفي السعودية من أفضل السيارات

حظي إني قريت هالموضوع ولا كنت ناوي أشوف الجيب أو النيسان حق البيت بس شكلي ما لي الا التيوتا.

[..er..]

الله يقطع واردها

صحيح انها سياره خذت 2012 اصفار 400 حصان
مشى 3000 دق الدفرنش اللي قدام وعقب طلعة الروح بدلوه على الضمان ومشى 5000 ولع المكيف وعقب طلعة الروح ضبطوه على الضمان استعملته سنه بالضبط وقفته بمعرض ماجاب الا صفر ريال :)
وفريته على الشريطيه ماراح الا ب 165 :(
وقطيته ونذرت وحرمت مايدخل بيتي نيسان بأسمي

[MAZEN37]

الله يقطع واردها

صحيح انها سياره خذت 2012 اصفار 400 حصان
مشى 3000 دق الدفرنش اللي قدام وعقب طلعة الروح بدلوه على الضمان ومشى 5000 ولع المكيف وعقب طلعة الروح ضبطوه على الضمان استعملته سنه بالضبط وقفته بمعرض ماجاب الا صفر ريال :)
وفريته على الشريطيه ماراح الا ب 165 :(
وقطيته ونذرت وحرمت مايدخل بيتي نيسان بأسمي
:eek5::eek5::eek5: شتقول ؟:eek5::eek5::eek5:
مب لهدرجه بخست الموتر

[..er..]

:eek5::eek5::eek5: شتقول ؟:eek5::eek5::eek5:
مب لهدرجه بخست الموتر

صدقني لو جابت اقل كان بعت بعد
الشريطيه رصوني بزاويه
والمعارض محد قال على السياره بريال

[كتكوت الوحش]

الله يقطع واردها

صحيح انها سياره خذت 2012 اصفار 400 حصان
مشى 3000 دق الدفرنش اللي قدام وعقب طلعة الروح بدلوه على الضمان ومشى 5000 ولع المكيف وعقب طلعة الروح ضبطوه على الضمان استعملته سنه بالضبط وقفته بمعرض ماجاب الا صفر ريال :)
وفريته على الشريطيه ماراح الا ب 165 :(
وقطيته ونذرت وحرمت مايدخل بيتي نيسان بأسمي
النيسان اتسميها سياره يا رجال أنسى شئ اسمه نيسان خلاص راحوا الطيبين بيجو اشًرف منها

[الشاكوش]

ليش يا جماعة الخير لهدرجة النيسان خايس ؟:eek5:
وانا مفكر اخذ لي واحد :secret:
واعرف شكثر ناس يمدحونه مادري هم تورطو فيه ويبون يورطونا معاهم

[al-obaidly]

اوسخ وكيل في الدوحه نننننننننننننننننننننننصابين مليون

[كازانوفا]

استغفر الله احس دايما البياعين في كل اماكن بياعين كلام
لا ذمه ولا ضمير

الله المستعان

[كتكوت الوحش]

ليش يا جماعة الخير لهدرجة النيسان خايس ؟:eek5:
وانا مفكر اخذ لي واحد :secret:
واعرف شكثر ناس يمدحونه مادري هم تورطو فيه ويبون يورطونا معاهم

صحيح الي مأخذه ويقول لك خذه يبي يورطك فيه حاسب تقرب من النيسان باستثناء البيك أب وارد اليابان فقط بعد ان جيت للحق الهايلكس بديل عنه

[بن مفتاح]

ليش يا جماعة الخير لهدرجة النيسان خايس ؟:eek5:
وانا مفكر اخذ لي واحد :secret:
واعرف شكثر ناس يمدحونه مادري هم تورطو فيه ويبون يورطونا معاهم



وانا مثل اخوي .. يا ما قريت اللي يمدحونه ويقولون احسن من اللكسزس .. ويمدحون مشيه ورفاهيته وقوته ..

هل كانوا يبالغون .. والا يمكن ان البعض من النياسين بها عيوب .. ويمكن هالسيارات حالات نادرة ..

الله يعينك اخوي .. واللي يبي يشتري يتأكد من الضمــــــــــــــــان .. والله يعوضك خير .. وجزاك الله خير على التنبيه ..

[وحيد-الشوق]

نفترض النيسان خايس ووكيلهم تعبان وكيل التويوتا شيطلع !!!!

[hxamad]

نفس الرنج

[رجل الجزيرة]

وأنا عمري ما شريت نيسان

تويوتا وبس.


:)

[bo3adel]

تبي الصراحه وكالة النيسان مادخلت مزاجي ابد

مع اني مب من ملاك هالموتر الحمدلله لكن ولد خالتي كان عنده موتر وصارت له كم سالفه معاهم .. مشكلته من النوع الطيب اللي يسكت عن حقه

كنا الله يسلمكم بنسافر عمان عن طريق البر .. وكان مكيف الفتك 2009 فيه مشكله انه مايبرد .. ودينا الموتر الوكاله وتم عندهم اسبوع قلنا لهم صلحتو الموتر؟ قالو ايه ودفعوه فلوس وكان المكيف حار بس قلنا معليه يمكن لان توه طالع من الوكاله

بس نسينا نخليهم يبدلون ايل تشييكة ال 30 الف او ال 20 الف ماذكر بالضبط .. رحنا ودينا الموتر محطه دحيل فرع النيسان هناك

ثاني يوم استلمنا الموتر الا يقول الهندي الفاتوره بهالمبلغ .. قلت له ليش يالطيب؟ قال فلتر المكيف محترق شوفه صاير كنه فحم

معناه ان هم خلو الموتر اسبوع ودفعو الرجال على شي مادفعه .. قلت له روح لهم وتهاوش معاهم .. قال ياريال خل يولون

مشكلتنا احنا نسكت عن حقنا .. انا لو منك اروح حق مدير مبيعات نيسان في الشركه واوصل لاكبر مسؤول واقوله فلان الفلاني قالي كيت وكيت وكيت .. والحين ليش ادفع قيمة الكلتش؟

اذا بتمشون ع الكذب ع الناس قولولنا من البداية عشان ماننصدم خلكم واضحين .. واذا تبي بعد تخرعهم شوي قولهم بكلم مدير المبيعات ف الشرق الاوسط وععقبها الشركه الام او حلو لي المشكله

هالوكاله ربعنا كانو يدخلون مواتر مزوده وتنفحص وتتشيك بدون مايطيح الظمان .. وغيرهم لو يبدل ايل برع يمكن يقولون له مالك شي عندنا

[bo3adel]

هلا

موتري النيسان مو 2012 عليه ضمان وسيرفس فري لمدة 3 سنوات

من شهر اتصل موظف علي وعرض علي التالي :

ادفع 3000 ريال عشان أمدد السيرفس الى سنتين مجانا
فتصير المدة كلها 5 سنوات

قلت له عطني فرصة وبتصل لك

وبعدها دقيت عليه وقلت : انا موافق بشرط !!!!!!!!!!!!!!!!!!!!!

قال لي وايش هو؟
قلت : يكون شامل الشغلات التالية :
التواير
السفايف
البطارية

وأصريت ع كلامي وقلت له كلم ادارتك وخلهم يوافقون ع شروطي وانا بجيييييييييييكم بسرعة الصاروخ وبدفع


والى هذا اليوم ما اتصل الموظف !!!!!!!!!!!!!!


الخلاصة : مثل ما هم يحطون شروط انتوا بعد حطوا شروطكم

بس االي يبط جبدي مؤشر البترول كلللهت يعطيني انه مصفررررررررررر
مع انه الموتر فيه بترووووول

قايلك خذ فكسار ماسمعت الكلام هههههههههههههههههههههه

ها تبدل وتزيدني 200 الف

بخصوص مؤشر البترول .. ال94 اللي عندي ماسواها :secret:

روح سوو لهم سالفه خل يصلحون موترك


وتذكرت سالفه .. رفيج خالي كان عنده مشكله ف التكييف وموتره انفنتي .. قالو له تبديل مكيف كامل بمبلغ وقدره فووق العشره بوايد

قاله خالي في واحد مال مكيفات ف نجمه روح شوفه .. صلح له الموتر بـ 250 ريال طلع فيه تنسيم ف الهوز

[القطيني]

المشكلة كلام الموظفيين ما عليه دليل وما تقدر اتحاسب عليه أو تسترد حقك لأنه مافي دليل
أكثر ما هنالك لو جت كذا شكوى على الموظف نفسه يمكن ياخذون اجراء ضد الموظف لكن حقك ما بيوصلك للاسف

صار معي الموضوع مع القطرية لين سألت على ترجيع التذكرة والكلام اختلف كله يوم جيت ارجعها

[S S]

اذ عندك فاتورة السياره اول ماشريتها بتعرف الي لك ولي عليك او اقرا كتيب الضمان اذ كان موجود عندك بتعرف كل شي يغطيه الضمان او ما يغطيه كل شي بتحصله امسجل مع فتره الضمان من بدايته حتا نهايته وموفق انشالله،،

[hanayen]

انا الأهل عندي الليت الأمامي اخترب في اقل من سنه وضمانها شامل على ما قالوا لنا لما دخلنا السيارة رفضوا يغيرون الليت على الضمان

[اابوحمزه]

موفقين دوما

[اابوحمزه]

ويعطيكم العافيه

[اابوحمزه]

موفقين دوم

[اابوحمزه]

ويعطيكم العافي

[اليشم]

وأنا الي أقول للوالد طلعلك نيسان وأخذته الوكاله وأحاول أقنعه، زين ما سمع كلامي كنت بورطه:shy:

[الشلهوب]

انا كنت ناوي اشتري نيسان لكن الحين هونت لكن باسالكم ياخون انتوا اتكلمون عن كلش القير عادي او التماتيك الله ايجازيكم خير

[شموخ-qtr]

الصراحه موتر كشكل حلو وراهي (( من برع الله الله ومن داخل يعلم الله ))
لكن ابرز مشاكله
سفايف بسرعه تخترب
مؤشر البترول كله مصفر
التكييف حااار


وغير ان سمانه غالي

الله يعين لو بسعره ولي قطيته عليه شريت لكزس ابرك ..