]|[ تجربتي مع الماء البارد ]|[

[أبو راكان]

سبحان الله العظيم

اليوم وانا اقراء القرآن تذكرت حادثة مرت علي قبل اربع سنوات وقلت لازم انشرها في المنتدى لعل وعسى ان يكون فيها من الفايدة للاعضاء والزوار ونكسب دعوة طيبة منكم في هذا الشهر الفضيل :)

قبل اربع سنوات تقريباً واثناء قرائتي للقرآن وبالتحديد في سورة ( ص ) الاية الكريمة التي يقول فيه الله سبحانة وتعالى : ( واذكر عبدنا أيوب إذ نادى ربه أني مسني الشيطان بنصب وعذاب ،اركض برجلك هذا مغتسل بارد وشراب )

ادركت من خلال هذه الاية ان للماء البارد خصائص قد نجهلها وخصوصاً اننا متعودين على الاستحمام بالماء الدافئ .
قلت خلني اجرب وكان وقتها شتاء والجو بارد والوضع صعب جداً انك تستحم بماء بارد .. ولكني آمنت بالله وايقنت ان مانزل به القرآن شفاء ورحمة للمؤمنين ولن يكون به ضر بإذن الله .
البداية كانت صعبة جداً ولكن بالتدريج ومسح الاعضاء بالماء البارد شيئاً فشيئا يعتاد الجسم بحول الله وقوته على برودة الماء .
ومع الايام يصبح الامر عادي جداً بل يصل الامر الى درجة التلذذ والمتعة .
طبعاً في فصل الصيف انصح بتركيب جهاز تبريد وتكون درجة حرارة الماء بحدود 6 -10درجات مؤية
واللي ماعنده جهاز التبريد يعبي مقدار كلك حجم 5 جالون بالماء ويحط فيه قالب كبير من الثلج ويتركه حتى يذوب تماما .
راح اقولكم ماهي الفايدة بعد هذي التجربة من الاستحمام بالماء البارد وقولوا ماشالله :
زيادة في النشاط والحيوية - مناعة الجسم تقوى وصعب تصيدك انفولونزا بإذن الله - يذهب عنك الحزن والهم باذن الله - يبعث فيك البهجة والسعادة والتفاؤل والراحة النفسية والهدوء والسكينة - يزيد من قدراتك العقلية والانتباه واليقضة وسرعة البديهة - يمنع تساقط الشعر ويؤخر تجاعيد الجلد - يكسبك الشجاعة والثقة بالنفس - يقوي فيك خصلة التريّث والركادة والحلم - في فصل الشتاء بعد التنشيف تحس بالدفئ والحرارة على العكس من الماء الساخن .
والله ياأخوان ان ماذكرته هو ماحصل معي بالتجربة بالضبط بفضل من الله ونعمته ولم يكن هناك اي مضرة قط .

طبعاً الايام اللي اضطر فيها للاستحمام بالماء الدافئ او الساخن لعدم توفر الماء البارد احس بالفرق الكبير والكبير جداً وخصوصاً فيما يخص النفسية والروقان .

حبيت انقل لكم هذه التجربة مع الحيطة والحذر بعدم التعرض بعد الاستحمام مباشرة لتيار هواء مباشر .

هذا والله اعلم وصلى الله على سيدنا محمد وعلى اله وصحبه وسلم

[Rosso]

فعلا
حتى بعد التمرين دايما ننزل بالجاكوزي البارد يسترجعلك طاقتك الي فقدتها بالتمرين

[قلبي الطيب]

انا اتسبح اول شئ بماي دافئ عشان ما أسوي لجسمي صدمة وشوي شوي انزل الحرارة وآخر غسلة لشعري تكون بماي باااارد ينعش الراس

[ROSE]

بارك الله فيك على هالموضوع اخوي أبو راكان

اتذكر يوم كنا في الحج

زارتنا بنت الداعية الزنداني الله يذكرها بالخير ويجزيها كل خير


وشرحت لنا فوائد الماء البارد

ومن ضمن الشرح قالت

لو الواحد صاده صداع وهالصداع دايما يجيه مزمن يعني خل يحط راسه تحت ماي بارد ويشوف النتيجه
لو الوحده تشتكي او الواحد يشتكي من الام المفاصل ،، خل يسبح او يتنقع بماي بارد ويشوف النتيجه
مع يقين تام بانه راح يشفى بعد ما يتنقع فيه

تقول الشيطان خلق من نار وكل امراض العصر من فعل الشيطان ،، لو شربتوا ماي بارد ودامتوا عليه

شوفوا صحتكم كيف بترجع لكم

وفعلا مره صادني صداع حاد ،، والله اني على طول من كثر الصداع مب عارفة طريجي حطيت راسي تحت ماي باااااااااااارد والحمدلله لليوم الصداع ما قرب صوبي جريب السنتين الحين

[teef3beer]

مشكور اخوي عالمعلومات الطيبه وكلامك فعلا صحيح عن الماي البارد

[بوعلي2]

اليوم رحت شركة تدمر طلبت جهاز تكيف للماء طن ونص سعره ٢٩٠٠ ريال وبداوم عليه ان شاء الله

بارك الله فيك ونفع بك

[حسن]

والله كلامك صحيح

اذكر لما كنا بالكليه فا الكليه قديمه وعدد الطالبه كان باالالاف فا مافي صخانات تكفي الالاف وخصوصا بعد التدريب صباحا

وكانت الصخانات على الغاز فماتلحق على التسخين الى اذا انت كنت اول واحد فاحيانا ماكنا نسبح مانقدر من بروده الماء والبرد من صوب

فسئلت واحد قطري كان اقدم منه في الكليه ونشكليه مانقدر نسبح الماي بارد والجو بارد

قال سوو مثلي افتح الرشاش و طب مره وحده

قلت خلاص نجرب

:eek5:

والله لما فتحت الرشاش ودشيت مره وحده
شهقت شهقات متلاحقه تقول رشاش فاتح على الالى ولا شهقات صياح طفل عمره تعدى الخمس

:omg:

اوف اوف اوف والله ماقدر اوصف لكم الشعور تخيل شلون لما واحد يصب عليك شوي ماي بارد فمابالك برشاش بدون الراس المشخل

بعدين استخدمت طريقه ادخل يدي الى فوق ابداء من اليمين وبعدين الاخرى وثم الرجل الى المفصل وبعدها الثانيه وعقبها ادخل راسي مع ابعاد جسمي برع يعني مثلل رقم 2 بالعربي وعقب خلاص استقيم وانتهى الدرس

بس صراحا والله مرت على قوه تهد جبال وصحه ونشاط شي مش طبيعي والازكام نسيناه والسخونه ماتوطوط علينا صحتنه حديد

الى درجه انا نلقي الماي الحار مانسبح فيه نهائي

تعلمنا على الصعيق الى درجه كان تشوف الدخان من قمه راسك وجسمك والله ماقلت لكم الى الصحيح

الحين ياخوي عندي مبرد لكن ابي احاول اتوعد لكن ماقدر

لكن عقب كلامك ذي صدقني لاجرب اليوم واحوال ارجع المجد الاولى ترقبو تجربتي

:secret:


شاكرلك ياخوي على هل المعلومه وجزاك الله خير

انتظروني

:eek5:

:victory:

[مخطط قطري]

جزاك الله خير والماء البارد ينشط الدوره الدمويه حسب ماقريت

[تاجر كشخة]

على طاري الماي البارد يبيلها الحين

[طلعة الروح]

شكرا على المعلومات القيمة

[أبو راكان]

فعلا
حتى بعد التمرين دايما ننزل بالجاكوزي البارد يسترجعلك طاقتك الي فقدتها بالتمرين

مرحبا بالاخت العزيزة روزو
الاستحمام بالماء البارد فعلاً يفجر الطاقات في الجسم ويجعلك تحسين بنشاط غير طبيعي

[أبو راكان]

انا اتسبح اول شئ بماي دافئ عشان ما أسوي لجسمي صدمة وشوي شوي انزل الحرارة وآخر غسلة لشعري تكون بماي باااارد ينعش الراس

التدرج مطلوب وخصوصاً للي مب متعود على الماء البارد
وبالنسبة للشعر ومن باب تجربة ان الماء البارد يوقف التساقط بسبب تنشيطة للدورة الدموية لفروة الراس وبالتالي وصول الدم للشعر وتغذيته

[أبو راكان]

بارك الله فيك على هالموضوع اخوي أبو راكان

اتذكر يوم كنا في الحج

زارتنا بنت الداعية الزنداني الله يذكرها بالخير ويجزيها كل خير


وشرحت لنا فوائد الماء البارد

ومن ضمن الشرح قالت

لو الواحد صاده صداع وهالصداع دايما يجيه مزمن يعني خل يحط راسه تحت ماي بارد ويشوف النتيجه
لو الوحده تشتكي او الواحد يشتكي من الام المفاصل ،، خل يسبح او يتنقع بماي بارد ويشوف النتيجه
مع يقين تام بانه راح يشفى بعد ما يتنقع فيه

تقول الشيطان خلق من نار وكل امراض العصر من فعل الشيطان ،، لو شربتوا ماي بارد ودامتوا عليه

شوفوا صحتكم كيف بترجع لكم

وفعلا مره صادني صداع حاد ،، والله اني على طول من كثر الصداع مب عارفة طريجي حطيت راسي تحت ماي باااااااااااارد والحمدلله لليوم الصداع ما قرب صوبي جريب السنتين الحين

مرحبا ومسهلا بمشرفتنا العزيزة rose
صدقتي فيما تفضلتي به ... بالنسبة لي من عرفت الاستحمام بالماء البارد وبفضل من الله تعالى مااشتكيت من الصداع ولله الحمد
علاوة على ذلك كنت في السابق اشتكي من الخمول والكسل وتكيسر في الجسم ولله الحمد تخلصت من هذا الشعور
اشكرك على الاضافة القيمة ونورتي الموضوع بتواجدك

[أبو راكان]

مشكور اخوي عالمعلومات الطيبه وكلامك فعلا صحيح عن الماي البارد

العفو اختي الفاضلة طيف
والف شكر لك على مرورك وتعليقك

[أبو راكان]

اليوم رحت شركة تدمر طلبت جهاز تكيف للماء طن ونص سعره 2900 ريال وبداوم عليه ان شاء الله

بارك الله فيك ونفع بك

خطوة ممتازة عزيزي الفاضل ابوعلي
واسأل الله تعالى ان تنتفع به خير نفع
وجزاك الله خير

[أبو راكان]

والله كلامك صحيح

اذكر لما كنا بالكليه فا الكليه قديمه وعدد الطالبه كان باالالاف فا مافي صخانات تكفي الالاف وخصوصا بعد التدريب صباحا

وكانت الصخانات على الغاز فماتلحق على التسخين الى اذا انت كنت اول واحد فاحيانا ماكنا نسبح مانقدر من بروده الماء والبرد من صوب

فسئلت واحد قطري كان اقدم منه في الكليه ونشكليه مانقدر نسبح الماي بارد والجو بارد

قال سوو مثلي افتح الرشاش و طب مره وحده

قلت خلاص نجرب

:eek5:

والله لما فتحت الرشاش ودشيت مره وحده
شهقت شهقات متلاحقه تقول رشاش فاتح على الالى ولا شهقات صياح طفل عمره تعدى الخمس

:omg:

اوف اوف اوف والله ماقدر اوصف لكم الشعور تخيل شلون لما واحد يصب عليك شوي ماي بارد فمابالك برشاش بدون الراس المشخل

بعدين استخدمت طريقه ادخل يدي الى فوق ابداء من اليمين وبعدين الاخرى وثم الرجل الى المفصل وبعدها الثانيه وعقبها ادخل راسي مع ابعاد جسمي برع يعني مثلل رقم 2 بالعربي وعقب خلاص استقيم وانتهى الدرس

بس صراحا والله مرت على قوه تهد جبال وصحه ونشاط شي مش طبيعي والازكام نسيناه والسخونه ماتوطوط علينا صحتنه حديد

الى درجه انا نلقي الماي الحار مانسبح فيه نهائي

تعلمنا على الصعيق الى درجه كان تشوف الدخان من قمه راسك وجسمك والله ماقلت لكم الى الصحيح

الحين ياخوي عندي مبرد لكن ابي احاول اتوعد لكن ماقدر

لكن عقب كلامك ذي صدقني لاجرب اليوم واحوال ارجع المجد الاولى ترقبو تجربتي

:secret:


شاكرلك ياخوي على هل المعلومه وجزاك الله خير

انتظروني

:eek5:

:victory:
هلا وغلا بالعزيز الغالي حسن
اذاً لك صولات وجولات مع الماء البارد يابطل :nice:
لاتقطع هالعادة .. وترى الماء الحار والدافي اضرارة كثيرة مثل الكسل وضعف جهاز المناعة والتوتر والعصبية وللأسف اغلب الناس ماتعرف هالشي
لاتنسى يالغالي تفيدنا بعد التجربة وش صار معاك والله يوفقك

[أبو راكان]

جزاك الله خير والماء البارد ينشط الدوره الدمويه حسب ماقريت

مرحبا مليون بالعزيز الغالي مخطط قطري
صدقت يالغالي الماء البارد ينشط الدورة الدموية ويوسع الشرايين ويقوي القلب حسب المعلومات الطبية
بس اتوقع والله اعلم ان الناس اللي تعاني من امراض القلب مايناسبهم بسبب الصدمة اللي يحسها الواحد اول مايسبح بالماء البارد

[أبو راكان]

على طاري الماي البارد يبيلها الحين

هلا وغلا بالتاجرالكاشخ
وقت مشاركتك صج كان يبيله بس الحين خلاص طفحنا ماي وفيمتو وشاي وقهوة :rolleyes2:

[أبو راكان]

شكرا على المعلومات القيمة

لاشكر على واجب اختي العزيزة طلعة الروح
مروركم ومشاركاتكم هي من تستحق الشكر والثناء

[حسن]

هلا وغلا بالعزيز الغالي حسن
اذاً لك صولات وجولات مع الماء البارد يابطل :nice:
لاتقطع هالعادة .. وترى الماء الحار والدافي اضرارة كثيرة مثل الكسل وضعف جهاز المناعة والتوتر والعصبية وللأسف اغلب الناس ماتعرف هالشي
لاتنسى يالغالي تفيدنا بعد التجربة وش صار معاك والله يوفقك

الله حيه بوراكان

ابشرك كسرت القاعده اليوم فتحت الماي على النص لا حار ولا بارد شوي علشان ماتصيدني الشهقه

:)

وعقب حولت على البارد
:eek5:

احس بجلدي وقف وانا امسح بالصابون تقول حشى صابون مع رمل مغسول مال الحكومه
الجلد استنفر على وشعر جسمي وقف
كان يقول وش طاري عليك الزمن الغابر

:omg:

صادتني رقاله واحس ان راسي جمد خلصت بسرعه

المهم ان التجربه نجحت معاي وقلت خلاص وداعا للهيتر


انصح وبقوه

:victory:

[أبو راكان]

الله حيه بوراكان

ابشرك كسرت القاعده اليوم فتحت الماي على النص لا حار ولا بارد شوي علشان ماتصيدني الشهقه

:)

وعقب حولت على البارد
:eek5:

احس بجلدي وقف وانا امسح بالصابون تقول حشى صابون مع رمل مغسول مال الحكومه
الجلد استنفر على وشعر جسمي وقف
كان يقول وش طاري عليك الزمن الغابر

:omg:

صادتني رقاله واحس ان راسي جمد خلصت بسرعه

المهم ان التجربه نجحت معاي وقلت خلاص وداعا للهيتر


انصح وبقوه

:victory:

الله يحييك ويبقيك يابوعلي
يوم بعد يوم بتعوّد عليه وبتجيك ايام بتستمع وماودك تقوم من تحته
اسأل الله تعالى في هذي الليلة المباركة لك ولجميع اخواني الاعضاء دوام الصحة والعافية والمعافاة في الدين والدنيا والاخرة

[بوخالد911]

1000 شكر للمعلومات

[أبو راكان]

1000 شكر للمعلومات
العفو يالغالي بوخالد وكل الشكر لك على مرورك الجميل وتشريفك للموضوع

[kitmat]

والله انا الحين من فترة أفكر في الموضوع عندي اسهال صارله اكثر من 16 سنه لاتستغربون وما حصلت علاج في أي مكان وخصوصا في رمضان من أفطر على طول الحمام الله يكرمكم والحين قمت افكر في الماي البارد يمكن الله يشفيني من اللي أنا فيه

[محاسب]

الصفحات الألكترونيه,,,,,مليئه بهذه المعلومه......
وقاعده مهمه جدااااا لكل من أراد بداية التجربه
(كل شيء زادعن حده .....ينقلب ضده)
.
.
وهذا مثال لما قد تجده في المواقع::
فوائد الاغتسال بالماء البارد :
نشاط الجسم وزيادة تدفق الدم تنشيط عضلة القلب وتقويتها علاج لمرضى سرطان الثدي فقد اثبتت دراسه ألمانية ان الذين خضعوا للعلاج في المياه الباردة لمدة أربعة أسابيع ارتفعت لديهم مستويات المقاومة للأمراض يقلل من الألم لانه يساعد الجسم على اطلاق هرمون الاندورفين القاتل للالم يحسن المزاج وينشط الأعصاب الحسية في الدماغ ينبه الجهاز العصبي مما يساعد على سرعة ردود الأفعال. زيادة نشاط الغدة الدرقية التي تساعد في سرعة عمليه التمثيل الغذائي وإنتاج الطاقة البديلة المستنزفة في النشاط مما يؤخر ظاهره التعب والشعور به. تنشيط غدة البنكرياس وزيادة إفراز هرمون الأنسولين في الدم مما يساعد على سرعة احتراق السكر في الدم. تقوية جهاز المناعة ومقاومة الأمراض :نجد ان كبار السن الأصحاء في “الصين” يستحمون وبشكل جماعي في بحيرات باردة تصل إلى درجة التجمد فبهذا هم يزيدون منْ مناعة أجسادهم ويحسنون منْ أداء أعضاء أجسامهم الداخلية.
تقليل تورم الجسم. شد البشرة ومنع التجاعيد. شفاء من الهم والمس والسحر : قال تعالى في محكم آياته: ” واذكر عبدنا أيوب إذ نادى ربه أني مسني الشيطان بنصب وعذاب “ النظام العلاجي:
للحصول على منافع المياه الباردة، ابدا مع الدش الدافئ المعتاد. كل صباح وعند الانتهاء، قم بإيقاف الماء الدافئ وافتح الماء البارد ثم أبدا بقدميك ثم اليدين ثم الوجه وفروة الراس ثم الجزئ الأمامي من الجسم ثم اسفل الظهر.
ملاحظة :
لا تحاول استخدام المياه الباردة للعلاج إذا كنت تعاني من مرض عضال ، مثل آلام شديدة في الظهر… وتصلب الشرايين وارتفاع في ضغط الدم
مضار الاغتسال بالماء شديد السخونة:
يقول العلامة ابن سينا رحمه اللّـه : ” ان الماء الحار ينفذ قوى الجسم ” اي أنة يضعف الجسد ويتعبة ويزيد حموضة الدم مما يعطي فرصة اكبر للإصابة بالمرض لان الفيروسات تنشأ في وسط حمضي.

[naklan]

مرحبا ياخوي بوراكان وشكراً لك للمعلومات الجميلة

بالنسبة لي سبحان الله بدون ما اقرا فوائد الماء البارد فطرياً احب
الاستحمام بالماء البارد وحتى في الشتاء فقط اعمل شوية تعديل في الشتاء
ولكن ايضاً يميل للبرودة مع اني اول مره اسمع هالمعلومه :nice:

[معماري قطري]

وانا اقرأ الموضوع صادتني قشعريرة أحس مستحيل أتسبح بماي بارد .. مع إني شايف الوالد الله يحفظة يتسبح بماي بارد في البر وجدي كذلك الله يغفر له .. انا أسبح بماي دافيء ويمكن حار وأتنقع في جكوزي وأزيد حرارة الماي.

بس صج آلام المفاصل كلها في إزدياد .. وصحيح الحساسية قوية وزايدة عندي والطبيب نصحني بعدم السباحة وايد وعدم السباحة بماي حار خصوصاً.

الله يجزيك خير بو راكان نبهتني لموضوع مهم باجرب إن شاء الله وباشوف النتيجة.

[بريق الماسه]

انا يقتلني البارد

لاني اخذ الشاور 7 الصباح

الحاار منعش اكثر ....لكن مافي مانع اجرب مع ترك الباب مفتوح

اخاف يغمى علي

[معماري قطري]

انا يقتلني البارد

لاني اخذ الشاور 7 الصباح

الحاار منعش اكثر ....لكن مافي مانع اجرب مع ترك الباب مفتوح

اخاف يغمى علي

ما فيه حل سوى اعتماد التدرج أو على الأقل التخفيف من حرارة الماي

[مستر راشد]

تسلم ياخوي على المعلومات القيمة

اول مره جربت ماي بارد في الشتاء ضربتني دوخه
اشوف البانيو وصل السقف ورد مكانه

لاكن مع تعديل بين الحار والبارد وبعدها اخفف من الحار تدريجياً

[لاجل QT]

صدق الله العظيم

كلامك صحيح الماء البارد له فوائد للجسم

بس انا خوافة اشهق بالقوة ممكن ينقطع النسم عندي وقلبي يطلع من بين ضلوعي

خاطري اتحمل بس مقدر للاسف

[tareq_qa]

الله يجزيك خير اخوي

[ام السعف]

الموضوع حلو وجميل وزي الفل ويعطيك العافية عليه يا صاحبه

لـــــــــــــــــــــكــن

مب اي شخص ممكن يدخل تحت الماي البارد

فلحد يتهور ويجرب الا لو تأكد انه قد الدخول هذا،،

وشكرا لكم

[ام السعف]

الصفحات الألكترونيه,,,,,مليئه بهذه المعلومه......
وقاعده مهمه جدااااا لكل من أراد بداية التجربه
(كل شيء زادعن حده .....ينقلب ضده)
.
.
وهذا مثال لما قد تجده في المواقع::
فوائد الاغتسال بالماء البارد :
نشاط الجسم وزيادة تدفق الدم تنشيط عضلة القلب وتقويتها علاج لمرضى سرطان الثدي فقد اثبتت دراسه ألمانية ان الذين خضعوا للعلاج في المياه الباردة لمدة أربعة أسابيع ارتفعت لديهم مستويات المقاومة للأمراض يقلل من الألم لانه يساعد الجسم على اطلاق هرمون الاندورفين القاتل للالم يحسن المزاج وينشط الأعصاب الحسية في الدماغ ينبه الجهاز العصبي مما يساعد على سرعة ردود الأفعال. زيادة نشاط الغدة الدرقية التي تساعد في سرعة عمليه التمثيل الغذائي وإنتاج الطاقة البديلة المستنزفة في النشاط مما يؤخر ظاهره التعب والشعور به. تنشيط غدة البنكرياس وزيادة إفراز هرمون الأنسولين في الدم مما يساعد على سرعة احتراق السكر في الدم. تقوية جهاز المناعة ومقاومة الأمراض :نجد ان كبار السن الأصحاء في “الصين” يستحمون وبشكل جماعي في بحيرات باردة تصل إلى درجة التجمد فبهذا هم يزيدون منْ مناعة أجسادهم ويحسنون منْ أداء أعضاء أجسامهم الداخلية.
تقليل تورم الجسم. شد البشرة ومنع التجاعيد. شفاء من الهم والمس والسحر : قال تعالى في محكم آياته: ” واذكر عبدنا أيوب إذ نادى ربه أني مسني الشيطان بنصب وعذاب “ النظام العلاجي:
للحصول على منافع المياه الباردة، ابدا مع الدش الدافئ المعتاد. كل صباح وعند الانتهاء، قم بإيقاف الماء الدافئ وافتح الماء البارد ثم أبدا بقدميك ثم اليدين ثم الوجه وفروة الراس ثم الجزئ الأمامي من الجسم ثم اسفل الظهر.
ملاحظة :
لا تحاول استخدام المياه الباردة للعلاج إذا كنت تعاني من مرض عضال ، مثل آلام شديدة في الظهر… وتصلب الشرايين وارتفاع في ضغط الدم
مضار الاغتسال بالماء شديد السخونة:
يقول العلامة ابن سينا رحمه اللّـه : ” ان الماء الحار ينفذ قوى الجسم ” اي أنة يضعف الجسد ويتعبة ويزيد حموضة الدم مما يعطي فرصة اكبر للإصابة بالمرض لان الفيروسات تنشأ في وسط حمضي.

جزاك الله كل خير على الاقتباس

واسمح لي اضيف نقطة مهمة

اصلا حتى هبوط الضغط الماي البارد ايأثر على الشرايين

لاني بطبعي غالبا ما اعاني من هبوط في ضغط الدم
وايام البرد اطراف يدي لو ما دفيتها وما استخدمت ماي دافي
ينسحب الدم منها وتصفر ،، وتزرق لين ترد تاخذ لونها الطبيعي
لو حاولت ادفيها ،،

والحل اني ما اقرب البارد ابدا ،،


فمن جذيه ممكن الدخول الى الماء البارد قد يفيد كثيرين لكن
مب شرط انه يفيد الكل ،،

[ضوى]

ماقدر انا بعز الصيف لازم الماي دافي ماقدر

[ahmed203949]

معلومات قيمة جدا

بارك الله فيك ..

[ام السعف]

ماقدر انا بعز الصيف لازم الماي دافي ماقدر

بغيت اتهور واجرب

لقيت اسناني اتراقل من نفسها قبل ما المس الماي البارد

:(

بس للويه مستحيل استخدم ماي دافي

من كان عمري 25 سنة وحدة نصحتنا وقالت لنا
لا تستخدمون المافي الدافي بيرهل الويه ودايما خلكم مع الماي
اللي مب دافي مب شرط بارد المهم ما يكون دافي ،،

ومع هذا ترهل الويه بس بعد سنين من العمر كح كح كح

[ضوى]

بغيت اتهور واجرب

لقيت اسناني اتراقل من نفسها قبل ما المس الماي البارد

:(

بس للويه مستحيل استخدم ماي دافي

من كان عمري 25 سنة وحدة نصحتنا وقالت لنا
لا تستخدمون المافي الدافي بيرهل الويه ودايما خلكم مع الماي
اللي مب دافي مب شرط بارد المهم ما يكون دافي ،،

ومع هذا ترهل الويه بس بعد سنين من العمر كح كح كح



هههههه انانفسج بالضبط


تبين تردين العين ، ؟

[حمد 2002]

بس سمعت بأن شرب الماي البارد بعد الركض = الجري والتعب مب زين وخطر على القلب ، هل هالمعلومة صحيحه ولا خاطئة ؟

[الزعفراني]

كلام جميل وتجربة مثيره وحلوه .. لكن بودنا لو يوجد دكتور طبي متخصص يعزز مثل هذه المعلومات ويربط بين العلم والحقائق القرآنية العلمية ..

يعني مثلا هل ينفع هالشيء في عز الشتاء ؟؟ :rolleyes2:

وهل ينفع هالشيء في عز الصيف ؟؟

وهل يوجد ضرر لتغير درجة حرارة الانسان بين حالتين متغيرتين في ظروف متسارعه .. يعني اللي نعرفه الانتقال سريعا من جو بارد الى جو حار أو العكس .. يسبب المرض والتعب مثل الصخونه والزكام والصداع ..

:rolleyes2:

[ام السعف]

هههههه انانفسج بالضبط


تبين تردين العين ، ؟

:shy:

اي عين بالضبط ؟

[ضوى]

:shy:

اي عين بالضبط ؟

تقولين الويه ترهل كح كح :waiting::waiting:

[بوخليفة83]

اليوم بجرب اتسبح بالماي البارد وبشوووووف لنتيجة:):)

[ام السعف]

تقولين الويه ترهل كح كح :waiting::waiting:

اهااا

اييه عاد للعمر احكام يا اختج ام 76 اشلون تبين ويهها يبقى ؟ :shy:

[U Welcome]

أم السعف الحين عمرج 76 سنة؟؟
والا مواليد 1976؟؟



قلت بأخذ الحين شور بارد
جسمي كله اقشعر .....

مع الوقت لابد من التجربة

[ام السعف]

أم السعف الحين عمرج 76 سنة؟؟
والا مواليد 1976؟؟



قلت بأخذ الحين شور بارد
جسمي كله اقشعر .....

مع الوقت لابد من التجربة

شوفي مب من مواليد 76
ابدا خالص واصل
واكبر بوااايد
والناس رمضان وكل عام وانتي بخير
ولا اتدققين وايد
:(

[أبو راكان]

والله انا الحين من فترة أفكر في الموضوع عندي اسهال صارله اكثر من 16 سنه لاتستغربون وما حصلت علاج في أي مكان وخصوصا في رمضان من أفطر على طول الحمام الله يكرمكم والحين قمت افكر في الماي البارد يمكن الله يشفيني من اللي أنا فيه

مرحبا بالعزيز الغالي kitmat
اسباب الاسهال اعزكم الله كثيرة واحد اهم اسبابها تهيج القولون العصبي وتأثير بعض الأطعمة والمشروبات والحالة النفسية عليه مما يسبب التلبكات المعوية كالاسهال والامساك وهو من الامراض الشائعة
كذلك من الاسباب الشائعة جرثومة المعدة .. وفي كل الأحوال مالها حل الا ان تعرض نفسك على طبيب باطني متخصص والتشخيص السليم هو اول وأهم طريق للعلاج
شافاك الله وعافاك يالغالي

[أبو راكان]

الصفحات الألكترونيه,,,,,مليئه بهذه المعلومه......
وقاعده مهمه جدااااا لكل من أراد بداية التجربه
(كل شيء زادعن حده .....ينقلب ضده)
.
.
وهذا مثال لما قد تجده في المواقع::
فوائد الاغتسال بالماء البارد :
نشاط الجسم وزيادة تدفق الدم تنشيط عضلة القلب وتقويتها علاج لمرضى سرطان الثدي فقد اثبتت دراسه ألمانية ان الذين خضعوا للعلاج في المياه الباردة لمدة أربعة أسابيع ارتفعت لديهم مستويات المقاومة للأمراض يقلل من الألم لانه يساعد الجسم على اطلاق هرمون الاندورفين القاتل للالم يحسن المزاج وينشط الأعصاب الحسية في الدماغ ينبه الجهاز العصبي مما يساعد على سرعة ردود الأفعال. زيادة نشاط الغدة الدرقية التي تساعد في سرعة عمليه التمثيل الغذائي وإنتاج الطاقة البديلة المستنزفة في النشاط مما يؤخر ظاهره التعب والشعور به. تنشيط غدة البنكرياس وزيادة إفراز هرمون الأنسولين في الدم مما يساعد على سرعة احتراق السكر في الدم. تقوية جهاز المناعة ومقاومة الأمراض :نجد ان كبار السن الأصحاء في “الصين” يستحمون وبشكل جماعي في بحيرات باردة تصل إلى درجة التجمد فبهذا هم يزيدون منْ مناعة أجسادهم ويحسنون منْ أداء أعضاء أجسامهم الداخلية.
تقليل تورم الجسم. شد البشرة ومنع التجاعيد. شفاء من الهم والمس والسحر : قال تعالى في محكم آياته: ” واذكر عبدنا أيوب إذ نادى ربه أني مسني الشيطان بنصب وعذاب “ النظام العلاجي:
للحصول على منافع المياه الباردة، ابدا مع الدش الدافئ المعتاد. كل صباح وعند الانتهاء، قم بإيقاف الماء الدافئ وافتح الماء البارد ثم أبدا بقدميك ثم اليدين ثم الوجه وفروة الراس ثم الجزئ الأمامي من الجسم ثم اسفل الظهر.
ملاحظة :
لا تحاول استخدام المياه الباردة للعلاج إذا كنت تعاني من مرض عضال ، مثل آلام شديدة في الظهر… وتصلب الشرايين وارتفاع في ضغط الدم
مضار الاغتسال بالماء شديد السخونة:
يقول العلامة ابن سينا رحمه اللّـه : ” ان الماء الحار ينفذ قوى الجسم ” اي أنة يضعف الجسد ويتعبة ويزيد حموضة الدم مما يعطي فرصة اكبر للإصابة بالمرض لان الفيروسات تنشأ في وسط حمضي.

الف شكر لك اخي العزيز على الاضافة القيمة والمدعمة للموضوع
لاهنت

[أبو راكان]

مرحبا ياخوي بوراكان وشكراً لك للمعلومات الجميلة

بالنسبة لي سبحان الله بدون ما اقرا فوائد الماء البارد فطرياً احب
الاستحمام بالماء البارد وحتى في الشتاء فقط اعمل شوية تعديل في الشتاء
ولكن ايضاً يميل للبرودة مع اني اول مره اسمع هالمعلومه :nice:

مرحبا مليون بالعزيز الفاضل naklan
منّور يالغالي
لاشك اخي العزيز ان اعتيادك على الاستحمام بالماء البارد يعود عليك بالنفع واثبات ذلك سيكون بتجربتك بالاستحمام بالماء الدافئ او الساخن وسترى مدى الفرق بين الاثنين

[أبو راكان]

وانا اقرأ الموضوع صادتني قشعريرة أحس مستحيل أتسبح بماي بارد .. مع إني شايف الوالد الله يحفظة يتسبح بماي بارد في البر وجدي كذلك الله يغفر له .. انا أسبح بماي دافيء ويمكن حار وأتنقع في جكوزي وأزيد حرارة الماي.

بس صج آلام المفاصل كلها في إزدياد .. وصحيح الحساسية قوية وزايدة عندي والطبيب نصحني بعدم السباحة وايد وعدم السباحة بماي حار خصوصاً.

الله يجزيك خير بو راكان نبهتني لموضوع مهم باجرب إن شاء الله وباشوف النتيجة.

مرحبا ومسهلا بخوي معماري قطري
جرب والتجربة خير برهان ودامك ماجربت من قبل عليك بالدخول تحت الدش بالتدريج حبه حبه لين مايتعود جسمك على الماء البارد
وبأذن الله ستعود عليك التجربة بالنفع
حياك الله يالغالي ويامرحبا بك

[أبو راكان]

انا يقتلني البارد

لاني اخذ الشاور 7 الصباح

الحاار منعش اكثر ....لكن مافي مانع اجرب مع ترك الباب مفتوح

اخاف يغمى علي

سلامتك من الشر اختي العزيزة بريق الماسة
ومثل ماتفضل اخي وعزيزي معماري قطري عليك بالتدرج وترى الماء الحار ماوراه الا المضرة الله يجيرك

[أبو راكان]

تسلم ياخوي على المعلومات القيمة

اول مره جربت ماي بارد في الشتاء ضربتني دوخه
اشوف البانيو وصل السقف ورد مكانه

لاكن مع تعديل بين الحار والبارد وبعدها اخفف من الحار تدريجياً

ههههه ماتشوف شر يالذيب
البداية صعبة لكن مع الايام صدقني بتعوّد وبتستمع
الله يحفظك ويواليك الصحة والعافية

[أبو راكان]

صدق الله العظيم

كلامك صحيح الماء البارد له فوائد للجسم

بس انا خوافة اشهق بالقوة ممكن ينقطع النسم عندي وقلبي يطلع من بين ضلوعي

خاطري اتحمل بس مقدر للاسف

سلامتك اختي العزيزة لاجل
اذا كان الامر فيه مضرة عليك مايحتاج تعيدين التجربة والله يحفظك من الشر

[أبو راكان]

الله يجزيك خير اخوي
بارك الله فيك اخوي العزيز طارق ويامرحبا بك

[أبو راكان]

الموضوع حلو وجميل وزي الفل ويعطيك العافية عليه يا صاحبه

لـــــــــــــــــــــكــن

مب اي شخص ممكن يدخل تحت الماي البارد

فلحد يتهور ويجرب الا لو تأكد انه قد الدخول هذا،،

وشكرا لكم

هلا ومرحبا بإختنا الكبيرة ام السعف
صدقتي فيما تفضلتي به
وخصوصاً من يعانون من امراض القلب قد تتسبب لهم صدمة التعرض للماء البارد بمشاكل لاسمح الله
والله يحفظنا ويحفظكم من كل شر

[أبو راكان]

ماقدر انا بعز الصيف لازم الماي دافي ماقدر
مرحبا بالفاضلة ضوى
ياحبكم للماء الدافي يالحريم .. اشوفكم جميع معلنيين المقاطعة على الماء البارد
جربوا وماراح تندمون

[أبو راكان]

معلومات قيمة جدا

بارك الله فيك ..

جزاك الله خير اخوي العزيز احمد نورت وشرفت الموضوع بتعليقك وتواجدك

[أبو راكان]

بس سمعت بأن شرب الماي البارد بعد الركض = الجري والتعب مب زين وخطر على القلب ، هل هالمعلومة صحيحه ولا خاطئة ؟

هلا وغلا بخوي العزيز حمد
لاشك ان الماء البارد له اضرار وخصوصاً بعد اي جهد بدني وذلك حسب ارشادات الاطباء
تصدق اني مقاطع شرب الماء البارد صارلي اكثر من عشر سنين مااشربه الا نص نص

[أبو راكان]

كلام جميل وتجربة مثيره وحلوه .. لكن بودنا لو يوجد دكتور طبي متخصص يعزز مثل هذه المعلومات ويربط بين العلم والحقائق القرآنية العلمية ..

يعني مثلا هل ينفع هالشيء في عز الشتاء ؟؟ :rolleyes2:

وهل ينفع هالشيء في عز الصيف ؟؟

وهل يوجد ضرر لتغير درجة حرارة الانسان بين حالتين متغيرتين في ظروف متسارعه .. يعني اللي نعرفه الانتقال سريعا من جو بارد الى جو حار أو العكس .. يسبب المرض والتعب مثل الصخونه والزكام والصداع ..

:rolleyes2:
مرحبا مليون بالعزيز الغالي الزعفراني
انا في عز الشتا مااسبح الا بالماء البارد وتصدق انه يدفي الجسم وتحس بحرارة في جسمك عقب ماتنشف ولله الحمد ماعرفت الانفلونزا من يومها
اهم شي ماتتعرض لتيار هواء مباشر الا لين ينشف جسمك وراسك عدل

[أبو راكان]

اليوم بجرب اتسبح بالماي البارد وبشوووووف لنتيجة:):)

لاتنسى تعطينا النتيجة يالغالي بوخليفة علشان الاعضاء يقتنعون بالتجربة
وخصوصاً خواتنا المتخوفين من الماء البارد :nice:

[أبو راكان]

قلت بأخذ الحين شور بارد
جسمي كله اقشعر .....

مع الوقت لابد من التجربة

قوي قلبك اختي العزيزة وبالتدريج بتشوفين الوضع طبيعي بإذن الله

[وطن]

جزاك الله خير ع المعلومة


انا كنت اسويها ايام الجامعة
لما كان يخلص الماي الحار

كنت اسوي نفس حركة حسن
ادش تحت الماي بالدور هاهاهاهاهاها

شكلي بجربها قريباً
استرجع الذكريات


عموما انا ما استخدم ماي حار
ماي دافي الى فاتر

[أبو راكان]

جزاك الله خير ع المعلومة


انا كنت اسويها ايام الجامعة
لما كان يخلص الماي الحار

كنت اسوي نفس حركة حسن
ادش تحت الماي بالدور هاهاهاهاهاها

شكلي بجربها قريباً
استرجع الذكريات


عموما انا ما استخدم ماي حار
ماي دافي الى فاتر
مرحبا ومسهلا بالاخت العزيزة وطن
من اهم فوايد الاستحمام بالماء البارد في الصباح الباكر قبل الذهاب للعمل او الجامعة او المدرسة .. روقان النفسية وتفتح العقل ونشاط الجسم وذهاب الهم والضعف والكسل

[وطن]

مرحبا ومسهلا بالاخت العزيزة وطن
من اهم فوايد الاستحمام بالماء البارد في الصباح الباكر قبل الذهاب للعمل او الجامعة او المدرسة .. روقان النفسية وتفتح العقل ونشاط الجسم وذهاب الهم والضعف والكسل

لا عاد الصبح صعبه
بروحي اقوم اتنافض من البرد

:rolleyes2:

[أبو راكان]

لا عاد الصبح صعبه
بروحي اقوم اتنافض من البرد

:rolleyes2:

هههه جربي والله ماراح تندمين وبعدين ليش اتنافضين خفي ع المكيف شتبين فيه هالعلّة كفاية درجة حرارة الغرفة 23 احلى برودة

[وطن]

هههه جربي والله ماراح تندمين وبعدين ليش اتنافضين خفي ع المكيف شتبين فيه هالعلّة كفاية درجة حرارة الغرفة 23 احلى برودة

لا اكثر من 20 ما تجيني النوده

20 واقل دفع هوا

:victory:

[أبو راكان]

لا اكثر من 20 ما تجيني النوده

20 واقل دفع هوا

:victory:

ماشالله عليج لسه شباب :nice:
بكره بتكبرين وتصيرين نفس حالتنا يالشياب حزات ابند مكيف غرفتي وارقد على مكيف الغرفة الثانية .. الكبر شين ونا اخوج

[وطن]

ماشالله عليج لسه شباب :nice:
بكره بتكبرين وتصيرين نفس حالتنا يالشياب حزات ابند مكيف غرفتي وارقد على مكيف الغرفة الثانية .. الكبر شين ونا اخوج

هاهاهاهاها
الله يعطيك الصحة والعافية اخوي

[معماري قطري]

مرحبا ومسهلا بخوي معماري قطري
جرب والتجربة خير برهان ودامك ماجربت من قبل عليك بالدخول تحت الدش بالتدريج حبه حبه لين مايتعود جسمك على الماء البارد
وبأذن الله ستعود عليك التجربة بالنفع
حياك الله يالغالي ويامرحبا بك

سويتها أمس يا اخوي بس مب بارد بارد وشهقت كم مره .. وحسيت براسي يثلج لكن قاومت ومع النهاية حسيت بدرجة حرارة جسمي تأقلمت مع البرودة وطلعت نشيط .. والشيء الغريب خفت الحساسية مني أول بأول مع إني خذت حبة زيزال دواء الحساسية ما ادري شالسبب .. بس مثل ما قلت قبل الطبيب ناصحني بعدم السباحة بماي حار.

[alsoq]

معلومه

عندا تتسبح بالما الحار او الدافي تتفتح مسامات الجسم كله وهي في ها الحاله عرضه للامراض

وانا بقول لكم قصه حدث لي

فجاه بقع جسمي كل احمر بقع كبيره

انصحوني اروح الحر من شده الحكه اني ما انام

خذيت مرهم مانفع

وفجاء قلت بحط ثلج يخفف الحكه وسبحان الله اختفت البقع اللي حطيت عليها الثلج فا استخدمت الثلج لجسمي كامل وخلا نص ساعه اختفت البقع وراحت الحكم ولا كانه شي صار الحمدلله

[ولد البدر]

معلومة قيمة بارك الله فيك ، هذا بفضل قراءتك لكتاب الله

[حكآية آحسآس]

كلام صحيح حتى ششرب الماي الباارد زين بعد

[بوحارب]

معلومات طيبة انا ما أسبح إلا بالماء البارد فقط

تعس بالأنتعاش ياخي :)

جزاك الله خير بوراكان

[أم نواري1]

جزاك الله خير

[الشاكوش]

اي والله الدشش الباااارد له فوائد جمه خاصتا مع التمرين يرد الروح

[تغلبية]

مرحبا مليون بالعزيز الغالي الزعفراني
انا في عز الشتا مااسبح الا بالماء البارد وتصدق انه يدفي الجسم وتحس بحرارة في جسمك عقب ماتنشف ولله الحمد ماعرفت الانفلونزا من يومها
اهم شي ماتتعرض لتيار هواء مباشر الا لين ينشف جسمك وراسك عدل

فعلاً السبوح بالماي البارد في الشتاء .. يعطيك دفأ موب طبيعي ... واحساس ببودرة جونسون حتى لو ماحطيتها :nice:

وقبل ما تطلع من البيت فنجال قهوة يدفيك من الداخل ويقيك من ضربة الهواء << مجربة


الله يجزاك خير على سرد التجربة الثرية والمثيرة فعلاً ..

من تجاربي ..

الغسيل بالماء البارد جداً انظف حتى للملابس .. اتباعاً لسنة الرسول صل الله عليه وسلم في الدعاء .. ‏اللهم اغسل قلبي بماء الثلج والبرد ونق قلبي من الخطايا كما نقيت الثوب الأبيض من الدنس.. واثبتت الدراسات ذلك ان الماء البارد "يطهـّــر"


فيه قول مأثور عن سيدنا عمر ايضا بما معناه وصححوا لي اذا كان خطأ..
ان اذا المؤمن صار في الجنة فان اكثر شي يشتاق له انه يتوضأ في ليلة باردة بماء بارد
تقريبا بهذا المعنى ...

وكانت الجربة في حد ذاتها مثيرة .. سبحان الله
يعطيك الطمأنينة والرضوان .. قوة العزم .. والاحساس بلذة العبادة في عز البرد كلها تشعرك بقول سيدنا عمر رضي الله عنه
وكما قيل ..اسباغ الوضوء في البرد من اعلى درجات الايمان!

[امـ حمد]

جزاكم الله خير على المعلومات القيمه

[R 7 A L]

حاولت من اول يوم نزلت الموضوع بس ماقدرت
):

[العلم]

حاولت من اول يوم نزلت الموضوع بس ماقدرت
):

+1 :secret:

[R 7 A L]

+1 :secret:

بغى يوقف قلبي :rolleyes2:

[العلم]

ههههههههههههههههههههه ضحكتني.. انا من الروعه جودت هوز الدش بغيت اطيح ههههههههههههههههههه




وحش يابوراكان ماشاء الله عليك ... :nice:

[^NoOOoR^]

لي تجربة شخصية مع الماي البارد ، حيث من سنوات عدة كنت أعاني من مرض ((العد الوردي في الوجه )) حيث الاحمرار الواضح في الوجه و قد تعالجت لمدة طويلة ، وبالأخير لجأت للرقية الشرعية ، و الشيخ الذي كنت أتعالج و أداوم في العلاج عنده نصحني بالمداومة على استعمال الماء البارد و ذكر لي الآيات التي تتحدث عن قصة النبي أيوب عليه السلام و كيف عفيّ و تشافى بفضل الله أولا ثم من الماء البارد ..
وفعلا بالمداومة على العلاج الطبي و الرقية و الماء البارد شفيت من مرض (( العد الوردي )) الذي عانيت منه أكثر من سنة ..
والحمدلله

[أبو راكان]

سويتها أمس يا اخوي بس مب بارد بارد وشهقت كم مره .. وحسيت براسي يثلج لكن قاومت ومع النهاية حسيت بدرجة حرارة جسمي تأقلمت مع البرودة وطلعت نشيط .. والشيء الغريب خفت الحساسية مني أول بأول مع إني خذت حبة زيزال دواء الحساسية ما ادري شالسبب .. بس مثل ما قلت قبل الطبيب ناصحني بعدم السباحة بماي حار.

ماتشوف شر يالغالي وعسى الله يعجل من شفائك
وان شالله مع الاستمرار بتختفي منك الحساسيّة

[أبو راكان]

معلومه

عندا تتسبح بالما الحار او الدافي تتفتح مسامات الجسم كله وهي في ها الحاله عرضه للامراض

وانا بقول لكم قصه حدث لي

فجاه بقع جسمي كل احمر بقع كبيره

انصحوني اروح الحر من شده الحكه اني ما انام

خذيت مرهم مانفع

وفجاء قلت بحط ثلج يخفف الحكه وسبحان الله اختفت البقع اللي حطيت عليها الثلج فا استخدمت الثلج لجسمي كامل وخلا نص ساعه اختفت البقع وراحت الحكم ولا كانه شي صار الحمدلله

مرحبا ومسهلا بالعزيز الغالي alsoq
اشكر لك مشاركتك المدعمة للموضوع واسأل الله تعالى ينعم عليك بالصحة والعافية وان يجيرك من كل شر وسوء

[أبو راكان]

معلومة قيمة بارك الله فيك ، هذا بفضل قراءتك لكتاب الله

هلا وغلا بالأخ العزيز الغالي ولد البدر
نحن مقصرين في هذا الجانب ولو حرصنا على المداومة بقرائتنا للقرآن الكريم وتدبر كل واحد منا معانيه لما وجدتنا في حيرة من امرنا في كثير من جوانب حياتنا
نسأل الله تعالى ان يجعل القرآن الكريم ربيع قلوبنا وذهاب همومنا وشفاءً لاسقامنا وان يذكرنا منه مانسينا وان يجعله تعالى شفيعاً لنا يوم القيامة

منوّر كالبدر ياولد البدر

[أبو راكان]

كلام صحيح حتى ششرب الماي الباارد زين بعد

مرحبا بك اختي العزيزة حكاية احساس
بالنسبة لشرب الماء البارد حسب علمي المتواضع انه لايصلح في كل ايام السنة وخصوصاً في الفترات الانتقالية مابين الصيف والشتاء واللي تنشط فيها الفيروسات ويكون الانسان معرض فيها للاصابة بالانفلونزا

بالنسبة لي طيلة ايام السنة ماأشرب الا الماء المعتدل ومبتعد كل البعد عن الثلج او شرب الماء شديد البرودة

[أبو راكان]

معلومات طيبة انا ما أسبح إلا بالماء البارد فقط

تعس بالأنتعاش ياخي :)

جزاك الله خير بوراكان

الطيب اصلك وساسك ياالغالي بوحارب
الله ينعش ايامك بالهنا والسعادة ويسبغ عليك من نعمة الظاهرة والباطنة

[أبو راكان]

جزاك الله خير

يجزاك ربي كل خير اخوي العزيز بونورة
ويامرحبا بك

[أبو راكان]

اي والله الدشش الباااارد له فوائد جمه خاصتا مع التمرين يرد الروح

اشكرك اخوي العزيز الفاضل الشاكوش على تدعيمك لفكرة الموضوع ومن واقع التجربة
لاهنت يالغالي

[أبو راكان]

فعلاً السبوح بالماي البارد في الشتاء .. يعطيك دفأ موب طبيعي ... واحساس ببودرة جونسون حتى لو ماحطيتها :nice:

وقبل ما تطلع من البيت فنجال قهوة يدفيك من الداخل ويقيك من ضربة الهواء << مجربة


الله يجزاك خير على سرد التجربة الثرية والمثيرة فعلاً ..

من تجاربي ..

الغسيل بالماء البارد جداً انظف حتى للملابس .. اتباعاً لسنة الرسول صل الله عليه وسلم في الدعاء .. ‏اللهم اغسل قلبي بماء الثلج والبرد ونق قلبي من الخطايا كما نقيت الثوب الأبيض من الدنس.. واثبتت الدراسات ذلك ان الماء البارد "يطهـّــر"


فيه قول مأثور عن سيدنا عمر ايضا بما معناه وصححوا لي اذا كان خطأ..
ان اذا المؤمن صار في الجنة فان اكثر شي يشتاق له انه يتوضأ في ليلة باردة بماء بارد
تقريبا بهذا المعنى ...

وكانت الجربة في حد ذاتها مثيرة .. سبحان الله
يعطيك الطمأنينة والرضوان .. قوة العزم .. والاحساس بلذة العبادة في عز البرد كلها تشعرك بقول سيدنا عمر رضي الله عنه
وكما قيل ..اسباغ الوضوء في البرد من اعلى درجات الايمان!

مرحبا ومسهلا بالاخت الفاضلة تغلبية
مشاركاتك واضافاتك في اي موضوع مكسب لنا جميعاً
وهذا ماتعودناه منك دائماً الاثراء في اي موضوع يتواجد فيه قلمك الذهبي
بارك الله فيك وزادك الله علماً وحلما

[أبو راكان]

حاولت من اول يوم نزلت الموضوع بس ماقدرت
):

هههه قو قلبك اخوي العزيز رحال
والله اني اسبح بماء تقول ثلج وانه مع الايام ماعاد يحرك فيني شعرة
صدقني مرة مرتين بتّعود وبتدعيلي :nice:

[أبو راكان]

ههههههههههههههههههههه ضحكتني.. انا من الروعه جودت هوز الدش بغيت اطيح ههههههههههههههههههه




وحش يابوراكان ماشاء الله عليك ... :nice:

هههه ماتشوف شر يالغالي
لاتستسلم حاول مرة أخرى :nice:

[أبو راكان]

لي تجربة شخصية مع الماي البارد ، حيث من سنوات عدة كنت أعاني من مرض ((العد الوردي في الوجه )) حيث الاحمرار الواضح في الوجه و قد تعالجت لمدة طويلة ، وبالأخير لجأت للرقية الشرعية ، و الشيخ الذي كنت أتعالج و أداوم في العلاج عنده نصحني بالمداومة على استعمال الماء البارد و ذكر لي الآيات التي تتحدث عن قصة النبي أيوب عليه السلام و كيف عفيّ و تشافى بفضل الله أولا ثم من الماء البارد ..
وفعلا بالمداومة على العلاج الطبي و الرقية و الماء البارد شفيت من مرض (( العد الوردي )) الذي عانيت منه أكثر من سنة ..
والحمدلله
شافاك الله وعافاك اختي العزيزة نور
قال تعالى ( وننزل من القرآن ماهو شفاء ورحمة للمؤمنين )
شكراً جزيلاً للإضافة القيمة ويامرحبا بك

[المحاميه]

جزاك الله خير على المعلومات الطيبه .. انا كنت اعرف ان الماي البارد ينشط الجسم ويمنع تساقط الشعر ... اما باقي المعلومات جديده ..

بس سؤال .. الماي البارد مايسبب الم في المفاصل؟ او روماتيزم ؟

[@فهد@]

الله يجزاك خير اخووي ابوراكان ماقصرت بمشاركتنا بهالمعلومات المفيده والقيمه... كتب الله لك الاجر ..

والشكر للاخوان والاخوات الي شاركونا بتجاربهم الشخصيه الله يجزاكم خير

فعلا محتاجين مثل هالمواضيع ... المفيده للجميع

[بوعلي2]

عجييب

ركبت من شركة تدمر حتى البياض بيضت

والله الماي البارد مفيد للنفسيه والبشره والنشاط انصحكم فيه

[مستر راشد]

عجييب

ركبت من شركة تدمر حتى البياض بيضت

والله الماي البارد مفيد للنفسيه والبشره والنشاط انصحكم فيه

بوعلي

كم سعر تدمر ؟