الفزعة يا وجيه الخير

[math~story]

بسم الله الرحمن الرحيم


السلام عليكم ورحمة الله وبركاته طبعا ما راح اطول عليكم بدخل فالموضوع على طول ....

ام مسكينة عندها عيال ايتام من مجلس التعاون ...
طلع لهم قرار بالحصول على الجنسية لكن قالولهم ادارة الجنسية والجوازات يجيبون استثناء
وااااعليه الحرمة مسكينة وعيالها ايتام محد عندهم غير الله من وين بيجيبون الاستنثاء...
وين الفزعة يا اهل الفزعة واااا عليه ايتام ونحن فالعشر الاواخر من رمضان
اللي يقدر يساعدهم ول يعرف احد يقول ولكم الاجر ...

[ام السعف]

استثناء اشحقى .؟

[math~story]

استثناء اشحقى .؟

حق الجنسية ياختي

[ام السعف]

حق الجنسية ياختي

ما فهمت بالضبط ،

الحين هم حصلوا على الموافقة اشحقى الاستثناء

وعذرا لو اني كثرت من الاستفسارات حتى لو مب بيدي اسوي شي :(

[حمد 2002]

يعني شنو استثناء مافهمت والله ؟

[math~story]

ما فهمت بالضبط ،

الحين هم حصلوا على الموافقة اشحقى الاستثناء

وعذرا لو اني كثرت من الاستفسارات حتى لو مب بيدي اسوي شي :(

الاستثناء يعني حسب اللي اعرفه ان الشخص ياخذه مراعه لظروفة
يمكن هالشكل

[ام السعف]

الاستثناء يعني حسب اللي اعرفه ان الشخص ياخذه مراعه لظروفة
يمكن هالشكل

هم لو بغوا يعطون الواحد الجنسية بيعطونه وهو منسدح في كوخه فوق تلة
في جنوب افريقيا ،، ما فيها شي اسمه مراعاة لظروفه :(

[math~story]

يعني شنو استثناء مافهمت والله ؟

يعني كتاب من سمو الامير بالموافقة

[math~story]

هم لو بغوا يعطون الواحد الجنسية بيعطونه وهو منسدح في كوخه فوق تلة
في جنوب افريقيا ،، ما فيها شي اسمه مراعاة لظروفه :(

والله انج صادقة ياختي ... لين بغو يعطون يعطون اللي يبونه
ول هذي مسكينة قطعة قلبي واااا عليه

[ام السعف]

والله انج صادقة ياختي ... لين بغو يعطون يعطون اللي يبونه
ول هذي مسكينة قطعة قلبي واااا عليه

الله يفرج همها ويسخر لها من يخفف عنها

امين يارب العالمين

[Al-Kuwari]

لو طلع لهم قرار يعني ما يحتاجون استثناء لان القرار تم الموافقة عليه ؟!

الله يعينهم ويستر عليهم

[خالد624]

أوصيها بالدعاء وربي ييسر امورهم ..

[وحيد-الشوق]

يعني كتاب من سمو الامير بالموافقة

طيب اختي شلون فيه موافقة وبيعطونهم الجنسية ولازم كتاب من سمو الامير

اتوقع الموضوع مب جذي يمكن قالوا لها تقدرين تحصلين عالجنسية بأستثناء او موافقة مباشرة من سمو الامير والله اعلم

[alsoq]

او قصدك احد يزكيها علشان تحصل على الجنسيه

[مخطط قطري]

اتوقع في لبس في الموضوع قرار الامير سيادي وفوق القانون اي استثناء يطلبونه الجوازات بعد قرار منح الجنسيه من سمو الامير هو اعلى سلطه في البلد وقراره نافذ ولايجوز على اي جهه كانت او مدير الجوازات او حتى وزير الداخليه بصفته التعنت والمماطله في قرار منح الجنسيه
فلاستثناء فوق قرار اميري
احفظي اخر 4 كلمات كتبتهم وارسليهم للسيد اللي طلب منكم الاستثناء

[khalid525]

ممكن استثناء من التنازل عن جنسيتهم الاولى ؟

[al-obaidly]

لو في يدي بعطي حتى اهل الوثايق بعد والله يكون في عونها

[مخطط قطري]

ممكن استثناء من التنازل عن جنسيتهم الاولى ؟

مايوصل ملفهم للديوان للعرض على سمو الامير الى بعد استيفاء جميع الشروط الواجب توافرها في اكتساب الجنسيه واهمها هو التنازل عن الجنسيه الاصليه ومن اول يوم يقدم طلب حصوله على الجنسيه يوقع على اوراق التنازل من الجنسيه الاصليه ويتم اعلام دولته بهالشي اذا كان خليجي من خلال الشبكه الخليجيه الامنيه واذا برا الخليج ابلاغ السفاره الي يتبع لها واذا هو بدون او تعمد اخفاء جنسيته الاصليه يسجل في الجهاز انه بدون
فبالتالي ماتطلع الاوراق من وزاره الداخليه على الديوان الا ملف الشخص كامل معروض على اللجنه وبمجرد صدور قرار المنح الاميري يعتبر الشخص قطري فبالتالي تعد موافقه سمو الامير انهاء لكافه الاجراءات ولايتطلب من المستفيد من الجنسيه اي طلبات اخرى وينتبهه حق التعليمات اللي في الجواز وخصوصا اخر صفحه

[khalid525]

مايوصل ملفهم للديوان للعرض على سمو الامير الى بعد استيفاء جميع الشروط الواجب توافرها في اكتساب الجنسيه واهمها هو التنازل عن الجنسيه الاصليه ومن اول يوم يقدم طلب حصوله على الجنسيه يوقع على اوراق التنازل من الجنسيه الاصليه ويتم اعلام دولته بهالشي اذا كان خليجي من خلال الشبكه الخليجيه الامنيه واذا برا الخليج ابلاغ السفاره الي يتبع لها واذا هو بدون او تعمد اخفاء جنسيته الاصليه يسجل في الجهاز انه بدون
فبالتالي ماتطلع الاوراق من وزاره الداخليه على الديوان الا ملف الشخص كامل معروض على اللجنه وبمجرد صدور قرار المنح الاميري يعتبر الشخص قطري فبالتالي تعد موافقه سمو الامير انهاء لكافه الاجراءات ولايتطلب من المستفيد من الجنسيه اي طلبات اخرى وينتبهه حق التعليمات اللي في الجواز وخصوصا اخر صفحه

اشكرك على هالمعلومة ، بس شلون يتنازل عن جنسيته القديمة وما بعد جت الموافقة ؟

[مخطط قطري]

لو في يدي بعطي حتى اهل الوثايق بعد والله يكون في عونها
العبيدلي ترى موضوع الجنسيه ماهو بفزعه ناس متخصصه تدرس الطلبات وتشوف هل هذا الشخص فعلا يستحق انه يكون قطري ولالا
وترفع الامر لسمو الامير الي هو صاحب القرار

[مخطط قطري]

اشكرك على هالمعلومة ، بس شلون يتنازل عن جنسيته القديمة وما بعد جت الموافقة ؟

في اوراق يوقع عليها في حال اكتسابك الجنسيه القطريه تسقط عنك الجنسيه الحاليه وقبل تنرفع الكشوف الديوان يتصلون فيه وياخذون جوازه وتعتبر هذي موافقه مبدئيه لحين موافقه سمو الامير وتكون في غضون ايام واذا تم التعليق عليها للحفظ او يعرض لاحقا او لمزيد من الدراسه يسلم جوازه له ويعتبر عدم موافقه
وخلني اوضح لك شغله هامه جدا في هذا الامر ولنفرض مكتسب الجنسيه اصله خليجي وسلم جنسيته للسلطات في قطر وتمت الاجراءات القانونيه في اكتسابه للجنسيه القطريه يسافر بلده الخليجي بجوازه القطري وفي بلده يطلب اصدار بدل فاقد فيبين ف السستم الموحد انه هو قطري وتوه حاصل ع الجنسيه يقولهم مابيها ابي ارجع جنسيتي الاصليه ومع الاسف هو غير صادق ويتحايل ويصير مزدوج وفعلا يحصل ع الجنسيه ويستغل بعض الثغرات وممكن مايدخلونه ف السستم ع اعتبار انه موجود خلاص بالجنسيتين ويخلونه انه قطري وبس بعد اكتشاف قطر لهذا الشي مثلا وهذا صار في حالات كثيره تسحب الجنسيه القطريه منه فورا وفي فرق بين الاسقاط والسحب وفي مثل حالته يعتبر مجنس فتسحب ومعنى السحب انه لا امل في رجوع الجنسيه له مره اخرى

[Taiki]

انزين التجنيس حالياً مفتوح ولا لأ؟
سمعنا أن تقديم الطلبات متوقف في الديوان أو حتئ ما يوصل الديوان؟
إذا مفتوح وين يتم التقديم و عن طريق أي جهة؟

[kmk]

هم لو بغوا يعطون الواحد الجنسية بيعطونه وهو منسدح في كوخه فوق تلة
في جنوب افريقيا ،، ما فيها شي اسمه مراعاة لظروفه :(

خخخخخخخخ

[السيف5]

اعتقد ان اللي سألت راعية الموضوع قصدها بالاستثناء هو الاتي

هناك ناس كثيرين تنطبق عليهم شروط منح الجنسية حسب اللجنة
ولكن من الطبيعي اللجنة ترفع كتاب بمطابقتهم للشروط الى وزير الداخلية
ومنه الى سمو الامير للموافقة النهائية
يعني تريد استثناء من سمو الامير