أين يذهب القطري بالعيد َ!!!!!!!!!!!!!!!!!!!!!!!!!

[حمد 2002]

السلام عليكم ورحمه الله وبركاته

الموضوع يحمل العنوان التالي

(( أين يذهب القطري بالعيد َ!!!!!!!!!!!!!!!!!!!!!!!!! ))

الكورنيش محتل من قبل اخوانا العرب والأسيويين !!!!!!!!!! وحر وموت وكله عمال وعزاب وكله اعمال صيانه ،،،

حديقة الحيوان وسكروها للصيانة !!!!!!!!!!!!!!

البحر حرررررررررررررر وماعندنا شواطىء نفس العالم !!!!!!!!!!!!!!!!!

المطاعم زحمه ومافيها اماكن خاصه للعائلات فقط الا ماندر !!!!!!!!!!!!

البر ممم لا لا ماينفع :rolleyes2: ،،،،

المتحف الوطني ماعندنا متحف وطني للحين والمتحف الاسلامي حافظينه عن ظهر قلب ،،،

شنسوي الاستعراض مممممممممم حوادث ومب فاضين نتكسر ونموت :shy: ،،،،

مممممم وين انروح وين انروح السينما ممممم سينما الخليج كلها هنود والسينما مال المجمعات اول شيء زحمه وثاني شيء مب فاضين انضيع اجر رمضان بروحتنا للسينما ،،،،

وين انروح المجمعات زحمممه ومافيه مواقف والمجمعات بالعيد ينترسون هنود وبتان ،،،

وين انروح وين انروح حديقه البدع ههههههههههههههاي :rolleyes2: لا لا ماتنفع ،،،،

شاليهات ممممممم ماعندنا شاليهات نفس الدول الاخرى واسعارهم نار بالعيد ،،،

كتارا مممممممم لا ماينفع ، كتارا وما ادراك ماكتارا :omen2: ،،،

سوق واقف زحمه زحمه ومافي مواقف كافيه وماعندنا الا سوق شعبي واحد في قطر ،،،،،،


الحل كالتالي :-

الغاء هيئه السياحه لأن ماعندنا سياحه الصراحه ،،،،،،،،

والحل الثاني هو السفر :victory: ،،،

والحلول الاخرى والاقتراحات والاراء باتركها لكم وفقا لسياسه المنتدى وبدون الخروج عن الإطار العام للموضوع ،،،

تحياتي للجميييييييييع ،،،

[بريق الحق]

عيدك مبارك يالغالي والله كريم

[ام السعف]

مالك الا زيارة الأهل والأصدقاء ثلاث ايام متتالية ومن ثم يا وليدنا يا حمد

تاخذ لك بريك وتدخل بيات صيفي تحت اللحاف وتنام نوم اهل الكهف
وتضبط نفسك حق الصلوات وتكمل نوم لين تخلص الاجازة

وكل عام وانت بخير

[ام السعف]

عيدك مبارك يالغالي والله كريم

اللي سمعته ان ما يصير تبارك بالعيد الا عقب صلاة العيد

صح ولا لا ؟

[الجوكر90]

وﻻ مكان اسراف وتبذير
اقعد فالبيت

[مافي مثلي]

زياره ارقاد زياره ارقاد
اصلا ماعندنا شيء عدل تروحه لا سيف سنع
ولا احتفال بالعيد
اصلا بالعئد تحس اهل قطر هاجروا تحصل الشوارع فاضيه

[بنت شرق]

سافر وسوا مثل الشباب قطية للسفرة
ايه نسيت اكتب السنة مافي كورنيش فيه حفريات بالكورنيش

[pink pearl]

السياحة في البلد تدخل ملايين لو بس سوينا مشاريع ضخمة
فعلاً الواحد مايدري وين يروح، لله المشتكى ياهيئة السياحة

[aziz4z]

حمد أنت ماسك العيد على الآخر , مافي شيء ماكتبت عنه هههه
ويش تسوي في هالجو الحار على الكورنيش , خلك على المجالس , العيد زيارات الاهل و الاصحاب , ترى وناسة
نسيت , غير أثاث البيت , واحجز شاليهات , و اصبغ البيت هههه

[وحيد-الشوق]

سافر وسوا مثل الشباب قطية للسفرة
ايه نسيت اكتب السنة مافي كورنيش فيه حفريات بالكورنيش

ههههههه والله الكورنيش صاير ماينطاق زحمه والواحد يتعب اعصابه عالفاضي

انا عن نفسي بنثبر في البيت لأنه هالعيد مافي جدول والي اعرفهم مسافرين :(

[مافي مثلي]

حديقه الحيوان مسكره من 3 سنوات ولين 2018 مسكره ينطرون الفيل يبيض
مدينه الاعاب ماعندنا علاء الدين سكروا ليش ماتدري!!!
جزيره النخيل شلوها وخلوا الشجره اليتيمه الي فيها مدري معلم سياحه ولا شنو
الشواطى كلها سكروا صوب رمادا والغربي
شليهات عندنا ضرب ومحجوزه من قبل العيد بشهرين واسعار فلكيه يعني ليلتين تقريبا 6الاف
فوين الشباب يطقون بالسفر او استعراض ومسابق
اصلا العيد مسماه صار عيد النوم

[بوخليفة83]

انا في العيد ازور الاهل ومن مجلس لين مجلس
الطلعه والتمشايه في العيد ماتنفع كلش

[MAZEN37]

اللي سمعته ان ما يصير تبارك بالعيد الا عقب صلاة العيد

صح ولا لا ؟
يا ام السعف مشيها علشان خاطري
كل عام وانتم بخير

[رهج السنابك]

فيه مدينه ترفيهيه بيسوونها في محيرجة اعلنت عنها هيئه السياحة

[7llo]

سافر روح اي مكان غير جو ووسع الخاطر

[Qt.1]

اللي سمعته ان ما يصير تبارك بالعيد الا عقب صلاة العيد

صح ولا لا ؟

فعلا احنى مانعايد على بعض الا عقب الصلاه .

[Qt.1]

عن نفسي ياحمد طيارتي تقلع قبل العيد بيوم :nice:

[ام السعف]

فعلا احنى مانعايد على بعض الا عقب الصلاه .

عاد شلي بيوق سيل المسجات اللي بدت تودع رمضان وتتحضر للعيد
وقبل الزحمة يعيدون عليك باسبوع قبل العيد :(

[العلم]

فعلاكلامك منطقي جدا ... بس نروح نكرك ونعود البيت :rolleyes2:

[Qt.1]

عاد شلي بيوق سيل المسجات اللي بدت تودع رمضان وتتحضر للعيد
وقبل الزحمة يعيدون عليك باسبوع قبل العيد :(

مجرد عاده صارت عندنا , والا يمكن مع الزحمه ايخافون ينسون .

[alrasee]

دبي.....

[Serenade]

مممممم وين انروح وين انروح السينما ممممم سينما الخليج كلها هنود والسينما مال المجمعات اول شيء زحمه وثاني شيء مب فاضين انضيع اجر رمضان بروحتنا للسينما ،،،،



شلون بتضيع اجر رمضان بروحتك للسينما؟........

[سعود العمادي]

السلام عليكم

موضوعك شيق اخوي حمد

احنا في قطر ماعندنا شي نستاانس فيه

لا مدينة العاب ولا شاليهات مثل الناس مثل ماااقلت الاسعاااار نااار يون العيد

والكورنيش اعمال صيااانه لين شهر ١٢

وكتارا ههههه لاتعليق

لا ذاااك اليوم اشوف اعلان هيئة السياحه على تلفزيون

كاااتبين وجهتك في العيد قطر

الله كررريم

[airbus]

ماعندك الا المطار

[السهم الملتهب]

الى دبي

[النهار]

يروح فريج البتان 3 ايام ويعيد هناك ها ايش رايك :nice:

[ولد صلالة]

اخوي حمد وجميع الإخوان
حياكم معنا في صلالة
المطر والخضرة والهواء العليل والضيافة علينا

[ابن البيطار]

من له نفس يروح او يستانس واخوانا المسلمين في كل مكان يقتلون وتنتهك حقوقهم .

قال عليه الصلاة والسلام (( مَثَلُ المؤمنين في تَوَادِّهم وتراحُمهم وتعاطُفهم: مثلُ الجسد، إِذا اشتكى منه عضو: تَدَاعَى له سائرُ الجسد بالسَّهَرِ والحُمِّى ))
[أخرجه البخاري ومسلم عن النعمان بن بشير]

[غزلان]

حديقه المتحف ولا يتمشى على الكورنيش

[alsoq]

ملك الى زياره الاهل
الحر ما يخليك تروح مكان

[ANONYMOUS]

حتى عند كرك النعيمي و وقت الشاي زحمه

سو خطه تزور كل قرايبك وربعك كل بيت نص ساعه

[بوخالد911]

روووووووووح عايد هلك

وتذكر الحديث : خيركم خيركم لأهله

والله يوفق

[نيساني]

روووووووووح عايد هلك

وتذكر الحديث : خيركم خيركم لأهله

والله يوفق

:nice:

[حسن]

مالك الا زيارة الأهل والأصدقاء ثلاث ايام متتالية ومن ثم يا وليدنا يا حمد

تاخذ لك بريك وتدخل بيات صيفي تحت اللحاف وتنام نوم اهل الكهف
وتضبط نفسك حق الصلوات وتكمل نوم لين تخلص الاجازة

وكل عام وانت بخير

كان زين يام السعف الحين الكثير ماعاد يعيد على هله شرده سفر ولا رقاد
المجتمع تغير عقب الزياده




مجرد عاده صارت عندنا , والا يمكن مع الزحمه ايخافون ينسون .

اي والله اصبحت عاده للاسف سيئه اشوفها
عندي موظفين عرب توهم متوظفين من شهريرن كلهم سافرو يعيدون على اهلهم رغم بلدانهم كلها مشاكل وغثى

وقلت لهم انتو توكم جايين قالو مايحلى العيد الى في بلادنا
قلت في خاطري كان زين يسمعونكم ربعنا

الكثير طاير من الحين يالله المستعان

انا اعرف ناس قطريين مايعيدون على عمامهم عماتهم خالاتهم اخوانهم اكثر من عشر سنوات واقسم بالله
قبل العيد طارو


شوف ياحمد انا باروح الكورنيش وباودي 2كيلوموز وجحه وسكين عوده اذا لك خاطر مر على

[بوخالد911]

سووووووووووووري للكلام اللي بكتبه


للاسف بعض المتدينيين اخر همهم صلة الرحم ولا ييفتكرون فيهم

عيل شالفرق بذي الحالة بين المتدين:anger1::anger1::anger1: القاطع لرحمه وبين الصايع:anger1::anger1::anger1: القاطع لرحمه؟!؟!؟

كلاهما سيان

:anger1::anger1::anger1::anger1::anger1:

[ام السعف]

كان زين يام السعف الحين الكثير ماعاد يعيد على هله شرده سفر ولا رقاد
المجتمع تغير عقب الزياده



الحمدلله ما احب اعيد الا بوسط الناس اللي احسهم مني وفيني


ربي لا تغير علي يارب

قول أمين

[ام السعف]

يا ام السعف مشيها علشان خاطري
كل عام وانتم بخير

خلاص بعديها وبسكت ومب متكلمة في الموضوع اسبوع كامل

[حسن]

الحمدلله ما احب اعيد الا بوسط الناس اللي احسهم مني وفيني


ربي لا تغير علي يارب

قول أمين


امين

لو خليت لاخربت ياام السعف الحمدلله ماعمر عيدت برع قطر الى مره وهو غصب عني لو يسير ارجع اعيد كان زين لاكن مايسير

وهو الحج

[كيلو حديد]

مالك الا زيارة الأهل والأصدقاء ثلاث ايام متتالية ومن ثم يا وليدنا يا حمد

تاخذ لك بريك وتدخل بيات صيفي تحت اللحاف وتنام نوم اهل الكهف
وتضبط نفسك حق الصلوات وتكمل نوم لين تخلص الاجازة

وكل عام وانت بخير

ههههههههههههههههه :nice:

[طبيب قطري]

حديقه اسباير

[الجنوبي]

اقرى كتب

[عاشق العديد]

لاتحتار ولاتفكرر مجلسسسك ولا خذلك رحاله وبسط فالعديد

[Class - Qtr]

السلام عليكم

القطري اللي عندة فلوس ماتردة الا اوربا والدول الباردة اسبوع ولا سبوعين مادري عن

زحمه العيد والاحتفالات في قطر والقطري ذوي الدخل المحدود انصحه بالعمرة في شوال

وبعدها الطائف اسبوع درجه الحرارة مثل اوربا الظهر 25 درجه وفليل 17 جوي اوربي

[الجنوبي]

وبعدها الطائف اسبوع درجه الحرارة مثل اوربا الظهر 25 درجه وفليل 17 جوي اوربي
من ناحية جو اوروبي فهو جو اوروبي هههه
http://www.burnews.com/contents/newsm/34332.jpg

[Class - Qtr]

من ناحية جو اوروبي فهو جو اوروبي هههه
http://www.burnews.com/contents/newsm/34332.jpg



سوال اذا سمحت

كم مدينه ملاهي كبيرة في الطائف اللي عديتهم فوق 5 مادري انت اكيد خبرتك احسن مني

انا رحت ملاهي في اغلب دول العالم كثر اللي في الطائف واحذي بعض وربي ماشفت


:nice:

[الجنوبي]

سوال اذا سمحت

كم مدينه ملاهي كبيرة في الطائف اللي عديتهم فوق 5 مادري انت اكيد خبرتك احسن مني

انا رحت ملاهي في اغلب دول العالم كثر اللي في الطائف واحذي بعض وربي ماشفت


:nice:

انا معاك الطايف جوها حلو وفيها العاب كثيرة حق البزران لكن بصراحة تفتقر للخدمات والنظافة اذا كان ولابد ابها احلى بمليون مرة

[Class - Qtr]

انا معاك الطايف جوها حلو وفيها العاب كثيرة حق البزران لكن بصراحة تفتقر للخدمات والنظافة اذا كان ولابد ابها احلى بمليون مرة


اخوي الجنوبي

المسافه بين قطر الي ابها بالسيارة ( 1750 ) كيلو يعني انت تطلع معاي انت تروح ابها

وانا اروح ثلاث دول مجاورة هي سوريا ( دمشق ) الاردن ( عمان ) لبنان ( بيروت ) تخيل

انا امر على هالثلاث دول وانت في الطريق :nop: , انا الطائف اتكلم عن الهدا والشفا

باقي المناطق لاتضيع وقتك فيها اتصور ماتفتقر للنظافه فيها فلل وفيها شقق بمستوي شقق

دبي على قد ماتدفع بتحصل نظافه وفخامه بس ادفع شوي من الريالات

انا اروح الطائف عشان مكه المكرمه اروح لها بدون زيارة مكه

لا طبعا لان المسافه ( 1300 كيلو ) من قطر الي الطائف

بس اروح ابها ( 1750 كيلو ) سجن اشغال شاقه

موضوع ابها افضل من الطائف لكل مكان

اجواء وطبيعه ووناسه مختلفه

لكن تبقي ابها افضل

:shy:

[مرحوم قطر]

ممممممممممممممممممممممممممممممم

انا رايي يختلف عنك

ما انصحك تقعد في الدوحه

في العيد اول شي زيارات و سلام لين الغدا


بعدين السفر ماينفع السفر في دول الخليج لان مالك الا الامارات

و زحمممممممممممممممممممممممممه و البحرين ماتنراح بسبب الاحداث و الزحمه الا اذا بتروح عمان

او بتفتر في ربوع السعوديه ذي شي ثاني خخخخخخخخخخخخخخخخخخ

و حتى الدول العربيه ماتنفع كلها ثورات و شرق اسيا زحمة بوعراب الا اذا بتطلع برع صوب اوروبا شي ثاني


فا مالك الا قطر

و نتكلم عن قطر

اول شي الدوحه ما تنفع في العيد بسبب الزحمه الا اذا بتخلي يوم العيد حق زيارات الاهل

فمالك الا تطلع برع الدوحه و برع الدوحه ما تنفع الا حق اهل البر و البحر

و اذا كنت راعي بر او بحر الاختيارات قدامك كثيره و نقول منها


طريق الشمال : راس مطبخ ذخيره عريده المرونه فويرط يلبيه على فويرط احلى جو الغاريه الزباره

ممكن تاخذ لك لفه تكتشف المناطق على خط الشمال و تمر على المواقع الاثريه

ترى انا مالي في الاثار ولاهي ابحولي بس يوم شفتها وايد عجبتني بس ذي تقدر تروح لها ثاني العيد

لان تفتح اعتقد 9 الصبح لين 6 المغرب يعني ما بيمديك اول يوم و المناطق الاثريه ترى كثيره حوالي 10 قرى ماذكر


خط دخان : و يلبيه على خط دخان عنك زكريت القصير بروق ام باب و اماكن ثانيه و انت ماشي من طريق ام باب

رايح صوب طريق سلوى الخط القديم بتمر على اسياف ولا اروع خصوصتاً اذا بتودي اهلك ممكن اتم طول العيد

ولا احد يدري عنك في اسياف حلوه و مسكره بين حزوم دوم اودي اهلي اهناك و يستانسون وايد


روح العديد بس روح من ورى عن الشباب و ازعاجهم و ادخل داخل العديد حق الهدوء و الجو الحلو

ترى في هلمناطق الجور سبحان الله بارد لان صوب بحور و مناطق فاضيه تقدر تقول مهجوره فا هواها حلو


اذا لك في البر روح صوب النقيان ترى الحين صعب تلاقي احد صوب النقيان تقدر تقول انهجرت باسثناء الخراره

ولا صوب العريق ولا سوده نثيل خط بوسمره بشكل عام ترى في بران كثيره حلوه اذا بتروح اهناك بتستانس وايد


واذا هلاماكن ماعجبتك ادخل البحر اذا ماعندكم طراد الله لا يهينك قطيه انت و الشباب

و اجرولكم لنج ولا يخت صغير و اسعارهم حلوه ياكثرهم محذفين في البندر ادخل البحر و استانس

و اذا تبي تترس البرنامج روح فيلاجيو و خذ اخر عرض عشان لين تعود تروح السينما و تمرون على اي مطعم

تتعشون فيه



ترى الاختيارات في قطر وايد و انا اقولكم بصراحه في قطر اذا مالك في البر او البحر الله يعينك سافر ولا بتتملل في العيد




انا عن نفسي صراحه ذي وناستي


عندنا ترى اختيارات حلوه بس يبيله من يرتب جدوله و يعرف وين يروح

مب يروح الستي و يقولي زحمة هنود و بتان ولا يروح يروح الكرنيش يقول زحمه و اجانب حد في العيد يروح الكرنيش

[ضوى]

عن نفسي ثاني العيد مسافرة ان شاء الله قريب الشهر ويااارب نستمتع ان شاء الله

[JN000N]

بااااال ليش جذي انتو !!
متششششششائمين جنكم الا بتفطسون اذا تميتو فالدوحه
بعدين لو راعي الموضوع بدل مايكون جذي متشائم لو مخلي السؤال وين نروح فالعيد وخلونا نتشارك الاماكن ونعلم بعض تجاربنا ووين رحنا ووين بنروح ومخططاتنا عالاقل نستفيد
نعين ونعاون
لكن جذي جنكم سمج تلبطون تنطرون الاجازه عشان كلن يشل عليه
ومحد عنده مانع قبل العيد او عقبه يسافر << هههاي تذكرت موضوع نبي العشر الاواخر اجازه هه وقالو لا محنا بمسافرين بنقعد نتعبد
ذابحتكم الاماني المثاليه
الحجي ببلاش لان خخخخ
عموماً في اماكن وايد الواحد يروحها ف قطر
اولا: ايام العيد اغلبها تنقضي بين الاهل والمعايده عليهم الا اذا قاطعين ف اهلكم هاي شي ثاني
ثانيا الوناسه لليهال قبل الكبار ليش؟ لان الكبار الميالس والقعدات تونسهم اكثر < الا اذا تحبون المهايل واليهال هم الي يبلفيت بعياديهم يبون يلعبون والا يشترون العاب او غيره
ثالثا اللي بيسافر الله يحفظه بالعكس هذي اجازه ومن حقهم وخاصه ماكان في وقت قبل رمضان للسفر
رابعا اللي ما سافر لا يقعد يضيق على عمره وعلى اللي حوله وينتقد وهو يالس مكانه انت بروحك لو تبي بتخلق جو وناسه لكن العيز ذابحكم وماتبون الا بس تنتقدون وتبون الوناسه تطق بيبانكم وتدش عليكم

[bohilal191]

يمدحون الزيارات اليومية

[BoFahed]

بيتك بيتك يا عم الحج علا قولة اللمبي هههههههههه البيت العود احسن مكان قعدة وسوالف وضحك مع الاهل من الترصص و المناظر الوسخة اللي يشوفها الواحد برا في كتارا ولا سوق واقف وغييره

اوplan Bاول وثاني في الدوحه وعقبها اخذا اليهال و دفها علا دبي فعاليات شواطي العاب مسرحيات مجمعات ملاهي لليهال توسع الصدر

[ولي العهد]

في اماكن ليش مافيه .. روح الالعاب الي في نابينا واذا مب من مستواك روح الجنقل زون ولا اشتر لك مكيف صحراويه واقعد في الفرضه

[الحياة الخالدة]

يروح دبي .. بس عاد يقرقش مخباه شوي .. يعني لا يصير حزر

[العنيده]

في مسرحية بتنعرض من اول العيد :)
و القرية التراثية ..

[حسن]

يروح دبي .. بس عاد يقرقش مخباه شوي .. يعني لا يصير حزر

:funny:


هو لازم يروح ياحمد مكان اساسا يوم العيد حلاته تعيد اول يوم وثاني يوم وثالث يوم
شفيكم كله صايدكم الملل وكله مكتئبين

طيعني تعال الكورنيش ناكل موز ونعطيها من الجح الزين وانت تشوف الابراج تبرق
ايباه

:)

[أم محمد 90]

بل بل بل ليش ليش كل هالتشائم !
أنا أهلي يحنون علي نروح دبي بالعيد ! مايبون يعيدون بقطر
لكن ليش اروح حق الزحمة واخواننا من الجنسية المعروفة اللي تترس دبي وماتخلي شبر الا واحتلتها ! لا وبعد جايين قطر !!

عموماً قسم وقتك .. ترى الوقت يمشي بسرعة

أول يوم معروف ، البعض يكون مواصل بسبب التعود ع سهر رمضان
الصبح يكشخ ويتزاور الين العصر وبعدها يدش بغيبوبة هههههه لين
صحى اذا بيكمل زيارات ولا بيقعد فالبيت يريح ..

ثاني يوم اذا مازرت احد بعد كمل زياراتك واذا خلصت الزيارات
اختارو بيت حد من الربع تتجمعون عنده فالمجلس
واللي من زمان ماشفتوه بعد اعزموه وتغدو ، وعقب الغدا طلعو تمششو
وكلش عادي خذو لفة ف كتارا واللؤلؤة ، في كوفي شوبات فاللؤلؤة جدا جدا
هاااااااااااادية ورااااااااااايقة والله العظيم الواحد يقعد هناك يسولف ويتونس ..

ثالث يوم طبعاً اضربها رقدة لين تشبع هههههههه
وعقب خذ اقرب ربع لك وروحو سينما (الظهر او العصر) مش لازم المغرب مع الزحمة
وعقب السينما اختارو لكم مطعم حلو (تكونون حاجزين فيه قبل عشان تضمنون)
والمطاعم ف قطر وايد ومب شوي ..

وبعد اشياء وايد فكر شوي ، خصوصاً انتو شباب تقدرون تسوون اشياء وايد

احنا البنات مالنا الا جمعات العياييز وويه متنتي وويه شلابسة
خلها ع الله واحمد ربك

[JN000N]

بل بل بل ليش ليش كل هالتشائم !
أنا أهلي يحنون علي نروح دبي بالعيد ! مايبون يعيدون بقطر
لكن ليش اروح حق الزحمة واخواننا من الجنسية المعروفة اللي تترس دبي وماتخلي شبر الا واحتلتها ! لا وبعد جايين قطر !!

عموماً قسم وقتك .. ترى الوقت يمشي بسرعة

أول يوم معروف ، البعض يكون مواصل بسبب التعود ع سهر رمضان
الصبح يكشخ ويتزاور الين العصر وبعدها يدش بغيبوبة هههههه لين
صحى اذا بيكمل زيارات ولا بيقعد فالبيت يريح ..

ثاني يوم اذا مازرت احد بعد كمل زياراتك واذا خلصت الزيارات
اختارو بيت حد من الربع تتجمعون عنده فالمجلس
واللي من زمان ماشفتوه بعد اعزموه وتغدو ، وعقب الغدا طلعو تمششو
وكلش عادي خذو لفة ف كتارا واللؤلؤة ، في كوفي شوبات فاللؤلؤة جدا جدا
هاااااااااااادية ورااااااااااايقة والله العظيم الواحد يقعد هناك يسولف ويتونس ..

ثالث يوم طبعاً اضربها رقدة لين تشبع هههههههه
وعقب خذ اقرب ربع لك وروحو سينما (الظهر او العصر) مش لازم المغرب مع الزحمة
وعقب السينما اختارو لكم مطعم حلو (تكونون حاجزين فيه قبل عشان تضمنون)
والمطاعم ف قطر وايد ومب شوي ..

وبعد اشياء وايد فكر شوي ، خصوصاً انتو شباب تقدرون تسوون اشياء وايد

احنا البنات مالنا الا جمعات العياييز وويه متنتي وويه شلابسة
خلها ع الله واحمد ربك

متحلفه فيهم افلق روسهم بالدله :omen2:

[أم محمد 90]

حديقه المتحف ولا يتمشى على الكورنيش

حديقة المتحف بعد العشاء يكون الجو مقبول الى جيييد
وهادية وراااايقة والله والقطريين فيها قليلين جداً
واغلب الناس الحين هوايتها التصوير شلو الكاميرا وروحو هناك :victory:

::


http://up.arabseyes.com/uploads2013/04_08_13137560627078911.jpg (http://up.arabseyes.com/)

[أم محمد 90]

متحلفه فيهم افلق روسهم بالدله :omen2:

مشكله اذا جاتج وحدة كبيرة فالسن شتردين عليها
ولا اذا جاتج وحدة من (هبة عمليات تصغير المعدة) وفجأة اضعفت وتجي تتفلسف عليج انج متنانة شتردين :anger1:

[JN000N]

مشكله اذا جاتج وحدة كبيرة فالسن شتردين عليها
ولا اذا جاتج وحدة من (هبة عمليات تصغير المعدة) وفجأة اضعفت وتجي تتفلسف عليج انج متنانة شتردين :anger1:

العيوز تهون تقولج فرس شحلوج
لكن ماليل التصغير قوليلها لو فيج خير ماشققوج عشان تضعفين :omen2:اما انا امتن واضعف على هواي

[أم محمد 90]

العيوز تهون تقولج فرس شحلوج
لكن ماليل التصغير قوليلها لو فيج خير ماشققوج عشان تضعفين :omen2:اما انا امتن واضعف على هواي

هههههههههه ف نص الجبهة :victory:

[أم نواري1]

الحين تبي تتعبد العشر الأواخر
تقوم تبي تزاحم الهنود في السينما .؟!

شله بعد تتعب نفسك وتتعبد
وإلا بس التعبد والتقرب لله بترك المعاصي بس فالعشر الأواخر.؟!

طبعا ماراح أرد شي بالموضوع
لأنه تناقض مع ماقبله ومجرد فضفضه
شفت نفسك فاضي قلت خل أكتب أي شي .!

لا ويلومونا يقولون ليش كله ضد حمد
ياعنصريه ضد الحريم
ياعنصرية ضد هالأجانب الفقارى
ياتناقض وتشتت بين المواضيع المختلفه.!

[faisalqatar]

الحين تبي تتعبد العشر الأواخر
تقوم تبي تزاحم الهنود في السينما .؟!

شله بعد تتعب نفسك وتتعبد
وإلا بس التعبد والتقرب لله بترك المعاصي بس فالعشر الأواخر.؟!

طبعا ماراح أرد شي بالموضوع
لأنه تناقض مع ماقبله ومجرد فضفضه
شفت نفسك فاضي قلت خل أكتب أي شي .!

لا ويلومونا يقولون ليش كله ضد حمد
ياعنصريه ضد الحريم
ياعنصرية ضد هالأجانب الفقارى
ياتناقض وتشتت بين المواضيع المختلفه.!


و قبل كم يوم يقول ليش الاسراف والسفر ههههه

مالك حل والله يا حمد :nice:

[Rider]

صوموا الست من شوال ابرك لحد يضيع الاجازة بعدبين يقول ماقدر اصوم

[عاشق العديد]

الجدول فالعيـد ...

اول يوم مع الاهل زيارات وحركات وتصوير .. غدا عشاء وترتيبات .. في نفس اليوم خذلك مكيف ومكينه هوندا
والربع ينطرونك فالعديد ركب المكينه والمكيففف وارقددددددد لين ثاني يـوم .. ثاني يوم يبتدي الجدول من حداق وتمشايهههه وجو ولا اروع ..

وخذلك غدا من الصيد

وعشاء مشششوي يارباه ..



يومين تتستانس فيهم عقب تعود الدوحه .. تقعد عند هلكك وخلاص روح داوم بعد شتبي .؟

[alhurmsi]

سبحان الله .. غريب هالزمن كل شيء فيه ملل وزهق وطفش مع أنه متوفر كل شيء ..
تخيل أنك عايش قبل 30 سنة وما عندك لا مول ولا متحف ولا كورنيش ولا كتارا ولا مسرح .. صدقني ما راح تزهق ..
قبل كانوا الناس مستانسين وهم ما عندهم لا سياحه ولا شي .. واللحين الناس زهقانين وكل شيء متوفر وموجود ..
فالمراد أن حجم السعادة هو مقياس ما تنظر اليه نفسك وما تملكه من حولك .. مجرد أنك تقضي العيد مع اهلك وربعك وجماعتك وفي ديرتك وانت متعافي هذا في حد ذاته أجمل عيد في حياتك

[DreamBox]

الله يعينك ياخوي ..

بعد قراءة مابين السطور

حسيت من كلامك انك ماتملك :
يخت
زرع
شاليه
بيت في ماربيا
شقة فاللبنان
دورة ساعتين من الشغل في باريس
(منحة) علاج في أمريكا (علاج طبيعي ومساج)

أسمعني الله يسلمك ..

عندك حلين ، ياتقبض طريق بر ولا جو ..

اذا بر روح البحرين ، واذا جو روح دبي

واذا مافيه سيولة عندك حلين .. :

الحل الأول يا اتأجر لك شالية غرفة وحده فالشاليها ..

الحل الثاني تفرش بسطه فوق سطح البيت واتشوف الالعاب الناريه

انا عن نفسي اخترت الحل الأخير :nice:

[شبح الصمت]

الله يعينك ياخوي ..

بعد قراءة مابين السطور

حسيت من كلامك انك ماتملك :
يخت
زرع
شاليه
بيت في ماربيا
شقة فاللبنان
دورة ساعتين من الشغل في باريس
(منحة) علاج في أمريكا (علاج طبيعي ومساج)

أسمعني الله يسلمك ..

عندك حلين ، ياتقبض طريق بر ولا جو ..

اذا بر روح البحرين ، واذا جو روح دبي

واذا مافيه سيولة عندك حلين .. :

الحل الأول يا اتأجر لك شالية غرفة وحده فالشاليها ..

الحل الثاني تفرش بسطه فوق سطح البيت واتشوف الالعاب الناريه

انا عن نفسي اخترت الحل الأخير :nice:




انا مؤيد للحل الاخير وبقوه واضافة انه يطير له حمام من الساعة 5 لين 6 ..

[ام ناصر1]

وانا بطريقي لمعيذر يوميا اشوف اعلان مؤسسة قطر فونديشن عن قرية وناسة بس ما ادري شموضوعها

دورت بالنت وحصلت هالفقرة ...
إعلنت الهيئة العامة للسياحة عن إقامتها مدينة وناسة الترفيهية
بمركز الدوحة للمعارض خلال أيام
عيد الفطر المبارك على مساحة 1500
متر مربع، ضمن برنامج مكثف
ستعتمده الهيئة في أكثر من موقع.
وقالت الهيئة خلال اجتماع مع
الصحافيين إن المدينة ستكون
مكيفة ومجهزة بكامل الخدمات
وتحتوي على العديد من الفعاليات
والمشاركات. وتستمر الفعاليات
بالمدينة من أول أيام عيد الفطر
المبارك وحتى يوم 15 سبتمبر
المقبل.
وتقام مدينة وناسة الجديدة تحت
شعار مرح وتسلية وتسوق. ويشارك
في فعاليات المدينة عروض المرح
للشخصيات الكرتونية وفعاليات
باهرة على مسرح المعرض.
وتتضمن فعاليات المدينة ألعاباً
إلكترونية وكهربائية لمختلف
الأعمار، فيما ستتراوح رسوم هذه
الألعاب بين 5 و 10 و 15 ريالا، كما
ستتضمن المدينة ركن الأطفال
للرسوم والقراءة والتلوين من خلال
مشرفين على الأطفال، علاوة على
سلسلة مطاعم.
ويشمل البرنامج التفصيلي لعيد
الفطر تنظيم فعاليات في 6 مجمعات
تجارية تحظى بإقبال واسع من قبل
الزوار ويتعلق الأمر بحياة بلازا
ومول الخور ولاجونا مول وسيتي
سنتر ومجمع لاند مارك ومجمع
فلاجيو، وذلك خلال الفترة ما بين 8
إلى 17 أغسطس المقبل، من الساعة
الواحدة ظهراً وحتى العاشرة مساء.
كما يشمل البرنامج إقامة فعاليات
في الاتحاد القطري للرماية والقوس
والسهم وأخرى بوزارة الثقافة
والفنون، ومدينة أكوابارك، ومتحف
الشيخ فيصل، ومتحف الفن
الإسلامي، ونادي قطر الرياضي.
وأعلنت الهيئة عن إطلاقها حملة
تسويقية وترويجية في الدول
المجاورة عبر مختلف الوسائل
الإعلامية المرئية والمقروءة، وشبكة
الإنترنت وشبكات التواصل"

بعد كتارا منزلين اليوم مع جريدة الشرق احتفالهم بالعيد ...

[jaf111]

خط الشمال

[MaRuKoO]

مالك الا زيارة الأهل والأصدقاء ثلاث ايام متتالية ومن ثم يا وليدنا يا حمد

تاخذ لك بريك وتدخل بيات صيفي تحت اللحاف وتنام نوم اهل الكهف
وتضبط نفسك حق الصلوات وتكمل نوم لين تخلص الاجازة

وكل عام وانت بخير

هههههه عجزنا قبل اواننا هههههه

[بريق الحق]

يذهب الى الفراش وينام