تمــــيمــــه وأسعارها مالها سقف آعلى

[مبارك سعد]

نعال تميمه آجلكم الله وأسعارها مالها نهايه أو سقف آعلى ومع كل عيد يرفع صاحب المحل السعر والرفع غير مبرر أو طبيعي مابين مئة ريال ومئتي ريال في كل مناسبه أو عيد ولا عنده أي مشكله طبعآ محتكر السلعه وعارف جودتها ولا يوجد منافس له في السوق يعني قمة الاستغلال مثل التويوتا بالضبط ، ولكن نتمنى المقاطعه له وإيجاد البديل المناسب وخلها تخيس عنده :omen2::anger1:

[بوخالد911]

الشررررررررررررررررررررررهة عليكم

حد يشتري الحين


جهز عمرك من اول ارمضان

[بن غيث]

خلنا من موضوع السعر ...

هذا المنتج ايطالي

لكن ﻻ يوجد لهم مصنع في ايطاليا او يتم تصنيعه في ايطاليا اصﻻ ..

اليس هذا غش تجاري يا حماية المستهلك .. !!

[مع الله]

خلنا من موضوع السعر ...

هذا المنتج ايطالي

لكن ﻻ يوجد لهم مصنع في ايطاليا او يتم تصنيعه في ايطاليا اصﻻ ..

اليس هذا غش تجاري يا حماية المستهلك .. !!

وين يتصنع لو سمحت

[بوخالد911]

وين يتصنع لو سمحت

تايلند

ماليزيا

وغيرها من جنوب شرق اسيا

[مع الله]

تايلند

ماليزيا

وغيرها من جنوب شرق اسيا

صراحه كنت اغتقد انها تصنع بايطاليا عموما فعلا الاسعار ضاربه عنده ايش هالجشع وهي تصنع في دول رخيصه

[Class - Qtr]

السلام عليكم

تميمه مقاطعه من خمس سنوات بلا عودة للشراء

كاريتي للحذيه ===== > 500 ريال

نعال ولا اروع

واللي يسافر الامارات انصحه يااخذ لفه في ( المندوس ) للاحذيه عندة افرع في دبي وابوظبي

جودة وسعر النعال في حدود 500 ريال نعال بمعني الكلمه تحس انك لابس شي عدل

في محل راقي جدا اسمه ( paul jourdan ) محل بدل وجنزات فرنسي ينزل احذيه

في اكثر من فرع في ( العين / دبي / ابوظبي ) والنعل مريحيه جدا واشكال حلوة

الاسعار العاديه 300 ريال مع التنزيلات تحصل النعال في حدود 200 ريال

نعال من ناحيه الفخامه والراحه والجودة لا تقل عن كاريتي وتميمه

1200 ريال ادفعها في جوتي جلد ايطالي في نعال تميمه

السعر غالي ومبالغ فيه

[qatarlands]

مشكلتنا حنا هالقطر بربره بس في الجرائد والمنتديات ولكن لاحد يقاطع ولا شئ

خل الكل يقاطع عشان غصب ينزل
المفروض آلمنتدي يحط بنرات للشركات الآي ترفع الأسعار ويدعو العالم للمقاطعة

[بومحمد المطاوعه]

والله الغلط من الشعب

يعني محد يدري بالعيد ومتى ببيكون

جهزو نفسكم من قبل رمضان

انا شاري نعال الله يعزكم من تميمه

قبل رمضان ب ٦٠٠ والحين ب ٨٥٠

اهي بالضبط

[باراكودا]

غير كاريتي كلاسيك == > 500 ريال
لاادور وتتعب حالك .

[bokhalid88]

والله صدقت

[مضارب دوسري]

من قالك محتكر السلعه
كذا شركه افضل من تميمه
اولا تميمه نفس مصنع فانتينو والتيما والفراشه
يعني ما يفرقون عن بعض
عندك نعل الجابر ف رويال بلازا نعل صحيه وممتازه
وعندك سيزار باشيوتي فاللاند تخليك تندم انك كنت تشتري من تميمه :)

[بوحــمد]

في جهه في قطر أسمها حماية المستهلك أول مرة أسمع
لأني أخبر أن أسمها (حماية التجار من المستهلك)
أتمنى من رئيس الوزرار الشيخ عبدالله حفظة الله أن يطالبهم بتقارير شهرية عن مختلف المحلات....

[بوحــمد]

اولا تميمه نفس مصنع فانتينو :)



الله يرحم فانتينو يوم رفع الأسعار قاطعوة العالم الحين أمرة كاتب برى أشتر نعال
وأخذ وحدة مجانآ أتمنى في القريب العاجل الناس تقاطع تميمة ونشوف نفس العبارة

[jaf111]

النعال نفسها ب 250 ريال قبل عشر سنين

لو نحسبها بعد عشر سنين بتسير ب 1600 !!!

[jaf111]

قيل لبعض العلماء من السلف: غلت الأشياء؟ فقال: "أرخصوها بالترك"

[وحيد-الشوق]

يعني تميمة مب ايطالي :(

بس غريبة عندهم نعل ب2000 ريال بعد

والله قاصين علينا بس صج لاحظت الاسعار وايد غالية اخوي شاري نعاله من اسبوع ب1100 انا عندي نعال تميمة للعيد شاريها من سنة ونص لأني خذيت كذا نعال وقت التنزيلات وفي كرتونها هههههه خليتها حق العيد

المهم كاريتي وين صناعتة لايكون بنغالي بعد :(

[مخطط قطري]

ليش كم وصلت اسعار تميمه

[Abdulla Al.F]

تايلند

ماليزيا

وغيرها من جنوب شرق اسيا

وانتو ليش عبالكم الماركات العالميه وين تصنع؟
اغلب مشاغلهم كلها في شرق اسيا ..

حتى منتجات ابل مثل الايفون و الماك بوك و غيرها
صناعتها في شرق اسيا

[Abdulla Al.F]

يعني تميمة مب ايطالي :(

بس غريبة عندهم نعل ب2000 ريال بعد

والله قاصين علينا بس صج لاحظت الاسعار وايد غالية اخوي شاري نعاله من اسبوع ب1100 انا عندي نعال تميمة للعيد شاريها من سنة ونص لأني خذيت كذا نعال وقت التنزيلات وفي كرتونها هههههه خليتها حق العيد

المهم كاريتي وين صناعتة لايكون بنغالي بعد :(

خذ لك نعاله ماركه جودتها احسن من تميمه و بنفس السعر اذا عندهم النعل على 2000
نعل تميمه قطعتها من كم سنه .. اشكال النعل كلها مثل الشي ماتغيرت

[قطــ86ــر]

اتمنى نشوف مقاطعة من الناس
لان حماية المستهلك ما منها فايدة.. صرف رواتب عالفاضي

واللي ناوي يشتري تميمة
بنفس السعر تشتري نويا من البيت الحديث (1500)
كاريتي (750 اذا كثرت)
سيزار باشيوتي (1500 تقريبا)
سانتوني - اللؤلؤة
برايفت كوليكشن - اللؤلؤة

كلهم نفس مستوى الاسعار - بس عالاقل اشتروا شي عدل يا جماعة
تميمة مب الاولية اللي تعمر و صناعتها تمام.. شغل اي كلام و اسعار ثلاث اضعاف

[بوحارب]

التميمة في تايلاند ب 100 ريال تقريباً

كوبي نفس الأصلي

[رحال]

قيل لبعض العلماء من السلف: غلت الأشياء؟ فقال: "أرخصوها بالترك"

[رحال]

قيل لبعض العلماء من السلف: غلت الأشياء؟ فقال: "أرخصوها بالترك"

برافووووو عليك حكيم قلت ماجاد بخاطري

[مبارك سعد]

من قالك محتكر السلعه
كذا شركه افضل من تميمه
اولا تميمه نفس مصنع فانتينو والتيما والفراشه
يعني ما يفرقون عن بعض
عندك نعل الجابر ف رويال بلازا نعل صحيه وممتازه
وعندك سيزار باشيوتي فاللاند تخليك تندم انك كنت تشتري من تميمه :)

ياخوي ترها مش مثل بعض فانتينو تصبغ في القدم مع الوقت ، لو تشوف الناس عنده صج ضرب نعل على ويش ، وسعر التنزيلات عنده هو السعر العادي للعيد اللي طاف .
يعني نصب علني وعلى عينك ياتاجر ، واللي ماعندوش مايلزموش :omen2: :rolleyes2::omen2:

[الواعد]

التميمة في تايلاند ب 100 ريال تقريباً

كوبي نفس الأصلي


يعني اللي في تايلند مب اصلية ؟ اكيد ؟؟؟

كيف افرق بينها وبين الاصلية ؟ مااشوف بينها فرق ابدا

[العلم]

اي والله رافعينها .. النعال على 1200 شدعوه ..

بس شرينا شنسوي تعودنا عليها :secret:

[naklan]

اللهم لك الحمد الكبت عندي معبى
الله يخلي لنا تايلند جلد نعام درجة اولى
تستخدمها لين تمل منها وتحذفها وهي
300 ريال من تايلند الي يمر تايلند
يعبي له شنطه ويحذفها في
الشحن و 5 سنين ما
يمر هالحرامية :)

[بوخالد911]

اي والله رافعينها .. النعال على 1200 شدعوه ..

بس شرينا شنسوي تعودنا عليها :secret:

افاااا

تحط 1200 في نعا
:anger1::anger1::anger1:

الله يهديك


بتحصل غيرهم واررررررررررررررررررخص


:anger1::anger1::anger1::anger1::anger1::anger1::a nger1:

[jaf111]

برافووووو عليك حكيم قلت ماجاد بخاطري


بحثت مابحثت عنه أخوي رحال :nice:

[jaf111]

يعني تميمة مب ايطالي :(

بس غريبة عندهم نعل ب2000 ريال بعد

والله قاصين علينا بس صج لاحظت الاسعار وايد غالية اخوي شاري نعاله من اسبوع ب1100 انا عندي نعال تميمة للعيد شاريها من سنة ونص لأني خذيت كذا نعال وقت التنزيلات وفي كرتونها هههههه خليتها حق العيد

المهم كاريتي وين صناعتة لايكون بنغالي بعد :(

شهادة لله

الجلد النعام الطبيعي عندهم تقعد عندي سنتين أقل شي ! حتى اللي في كاريتي ثامكو النعام الطبيعي سنتين تتم !

[ahmed203949]

التميمة في تايلاند ب 100 ريال تقريباً

كوبي نفس الأصلي

كفوووو يالذيب

انا بعد الوالد جاب لي النعل تميمة من تايلند ب 100 وشي مستحححيل تشوفه كوبي

يعني أفضل جودة تشوفه ويكون سعره ما يتعدى 150 ريال ف تايلند

والمشكلة شتسون طول الايام اللي راحت مفروض واحد يجهز نفسه قبل شهر رمضان والاسعار تكون تممام بس الحين شوف الاسعار ف العشر الاواخر يعني كنت تقدر تشتريه قبل شهر دبل المنتج ...

الله يكون بعون الجميع ..

بارك الله فيكم

[بوخالد911]

شهادة لله

الجلد النعام الطبيعي عندهم تقعد عندي سنتين أقل شي ! حتى اللي في كاريتي ثامكو النعام الطبيعي سنتين تتم !

وحتى النعل من تايلند
تتم لسنتين

والله يحفظنا من البذخ

[البانوش]

التميمة في تايلاند ب 100 ريال تقريباً

كوبي نفس الأصلي

بوحارب الاصلية عندهم بخمسة الاف بات افضل من الكوبي ون انصحك بها

[العلم]

افاااا

تحط 1200 في نعا
:anger1::anger1::anger1:

الله يهديك


بتحصل غيرهم واررررررررررررررررررخص


:anger1::anger1::anger1::anger1::anger1::anger1::a nger1:

غيرهم مايقارنون فالمستوى .. تميمه احسن وارييح وتم اطول .. :secret:

[KSK Logistic]

شارع السد محل الطائف للنعل اسعار ونعل طيبة تشتري وحدة والثانية مجانا

[حمد 2002]

شسمه مالك تميمه ، من وكيل هالماركه ؟ مافكرتوا اتفاهمون معاه وتنصحونه ؟

[عـ العبيدلي]

النعال مردها بتم سنه وبتخترب ..

انا وجهة نظري بـ 1000 اشتري لي 3 نعل .. وكل يوم البس وحده .. ابرك لي
من اني اشتري وحده والبس لين تحلط وتطلع خيوطها عشان احلل الـ 1000 ..

اغراض العيد .. الغتره ب 30 .. والعقال ب 100 ( حق سنتين ) .. والثوب ب 200 .. والنعال ب 1200 عسى ماشر
صارت النعالة اغلى شي لابسه خخخخ

[مضارب دوسري]

ياخوي ترها مش مثل بعض فانتينو تصبغ في القدم مع الوقت ، لو تشوف الناس عنده صج ضرب نعل على ويش ، وسعر التنزيلات عنده هو السعر العادي للعيد اللي طاف .
يعني نصب علني وعلى عينك ياتاجر ، واللي ماعندوش مايلزموش :omen2: :rolleyes2::omen2:

روح سيزار باشيوتي فاللاند :nice:
وقارن مع تميمه :nice:

اغلى بشوي بس نعلهم ما تتغير مع الوقت
مب نفس تميمه اذا توضيت مرتين او ثلاث ولبستها يعني باي باي

[بونووف]

امرس فريت على كذا محل الاسعار خرافيه فلكيه جهنميه

شدعوه تميمه اسعارهم جي لاتقولي انك بتشوف موديل قديم بينزل سعره .. نفس اللي عندي مالت العام نفس السعر ماتغيرت وياريت الكوالتي اوكي اللي عندي اخبر ثاني يوم تبطلت من تحت

رحت المندوس .. نعلهم مريحه صج بس سعرها طاغي 1900 و نوع 1100 وفي على 600 لكن تحس انك لابس طابوقه واشكال ماتقدر تلبسها

الفارس و ثامكو سعار خياليه والاشكال نفي اشكال سوق نابينا تقريبا

[بونووف]

روح سيزار باشيوتي فاللاند :nice:
وقارن مع تميمه :nice:

اغلى بشوي بس نعلهم ما تتغير مع الوقت
مب نفس تميمه اذا توضيت مرتين او ثلاث ولبستها يعني باي باي

سيازر مريحه وتكدها تمام بس عيب الاشكال مب شي ياخي .. يحطون لك نيو كوليكشن وعندي نفسها من 7 سنين:anger1: يمكن السسيف بالمقلوب

اريح شي من تجربة امس المندوس الاشكال اوكي والراحه تووب لكن السعر شوي لك عليه

[بونووف]

خلنا من موضوع السعر ...

هذا المنتج ايطالي

لكن ﻻ يوجد لهم مصنع في ايطاليا او يتم تصنيعه في ايطاليا اصﻻ ..

اليس هذا غش تجاري يا حماية المستهلك .. !!

نفس الايفون هههه made in california assembled in china

[KSK Logistic]

نفس الايفون هههه made in california assembled in china

يارجال انا استورد من الصين ، واقولك اي شي تبية مكتوب علية مصنوع على كيفك ماعندهم مشكلة ، يارجال كلة صيني .

[بوفاطمه]

من المفروض تشتري اغراضك قبل رمضلن او مع بداسة رمضان.

[همر]

نعال تميمه وكاريتي اكس من زمااااان ....

حرام فيهم 350 ريال ... خيوط تتبطل ثاني يوم

وتنبط من تحط عقب كم شهر ... قمة المسخره ...

اذا باحط 850 ريال ولا 1200 ريال في نعال

باخذلي ماركه محترمه مثل سيزاري باشيوتي



وحتى سيزاري ضربت عليه اكس بعد ماجربت

نعل الصالون الازرق .. نعل حول 1200 ريال

وايام التنزيلات اخذهم 950 ريال ...


جربت ايجنر والعام شريت بالدينيني ...

وهالسنه شريت بالدينيني بعد ...

قمه في الراحه ... شي خيالي .. كعب عالي

مريح في المشي ونعالة العام لي الحين ماتبطلت

خيوطها ولا تغير لونها ولا تقشرت كنها برتقاله

مثل تميمه ...


صراحه قمت امر على تميمه وكاريتي اقول والله

مساكين اللي مخدوعين بهالماركات ...

[jaf111]

وحتى النعل من تايلند
تتم لسنتين

والله يحفظنا من البذخ

أنا أتكلم سنتين ماتتغير لالون ولا خيوط

أنا صريح مااتكلم ضد أو مع أنا ضد الغلاء والبذخ الله يحفظنا من البذخ . وأنا شفت البذخ في النعل اللي بو 400 لأني اشتري منهم 3 كل سنه مع استخدامي يتقطعون ٬ يعني بو 1800 أوفر لي

[jaf111]

نعال تميمه وكاريتي اكس من زمااااان ....

حرام فيهم 350 ريال ... خيوط تتبطل ثاني يوم

وتنبط من تحط عقب كم شهر ... قمة المسخره ...

اذا باحط 850 ريال ولا 1200 ريال في نعال

باخذلي ماركه محترمه مثل سيزاري باشيوتي



وحتى سيزاري ضربت عليه اكس بعد ماجربت

نعل الصالون الازرق .. نعل حول 1200 ريال

وايام التنزيلات اخذهم 950 ريال ...


جربت ايجنر والعام شريت بالدينيني ...

وهالسنه شريت بالدينيني بعد ...

قمه في الراحه ... شي خيالي .. كعب عالي

مريح في المشي ونعالة العام لي الحين ماتبطلت

خيوطها ولا تغير لونها ولا تقشرت كنها برتقاله

مثل تميمه ...


صراحه قمت امر على تميمه وكاريتي اقول والله

مساكين اللي مخدوعين بهالماركات ...






يبيعون نعل اسمها نويا بعد ممتازه وتعمر فوق السسنتين بس غاليه شوي ويابسة
في فيفتي ون

[محمد 93]

على قوله محمد سليم نفر مافي مخ الي يشتري نعال 800

[عزووز قطر]

للاسف احنا نهتم للاسم اكثر من الكواليتي

[مبارك سعد]

ياجماعه وين أحصل الله يعزكم النعال اللي يلبسها سمو الامير الوالد وسمو الامير وبعد شفت معالي رئيس الوزراء لابسها ،
هل لها وكيل عندنا في الدوحه شكلها حلو ومقبول .
ضروري .

[طير حوران]

تايلند

ماليزيا

وغيرها من جنوب شرق اسيا

:nice::nice:

صدقت يابوخالد

كل الجماعه

خذها من خبره

وتراها الاصليه مهوب كوبي على مايقولون

[عقار]

ياجماعه وين أحصل الله يعزكم النعال اللي يلبسها سمو الامير الوالد وسمو الامير وبعد شفت معالي رئيس الوزراء لابسها ،
هل لها وكيل عندنا في الدوحه شكلها حلو ومقبول .
ضروري .


اللاند مارك بجانب كليرز لاكسسوارات الاطفال

[عاشق الشهادة]

ياجماعه وين أحصل الله يعزكم النعال اللي يلبسها سمو الامير الوالد وسمو الامير وبعد شفت معالي رئيس الوزراء لابسها ،
هل لها وكيل عندنا في الدوحه شكلها حلو ومقبول .
ضروري .




في محل داخل مجع الاند يبيعها بس ما اعرف اسمه حاليا تبيني اسئله حاضر وبالشوفه
لاني شفتها مره لابسها اخوي وسئلته عنها وقالي هذه نفس الي يلبسها الوالد الشيخ حمد ,
وقالي سعرها 500 ريال والنعال اعزكم الله طبيه .

[jaf111]

ياجماعه وين أحصل الله يعزكم النعال اللي يلبسها سمو الامير الوالد وسمو الامير وبعد شفت معالي رئيس الوزراء لابسها ،
هل لها وكيل عندنا في الدوحه شكلها حلو ومقبول .
ضروري .

اسمها fitflop في ناس يجيبونها من برع ويبيعونها

كنت أطلبها من الإنترنت بس خلصت عليها طلب كبير

وهذي هي اذا لك خاطر تطلبها
http://compare.ebay.com/like/271242936765?var=lv&ltyp=AllFixedPriceItemTypes&var=sbar&_lwgsi=y&cbt=y#

[jaf111]

في محل داخل مجع الاند يبيعها بس ما اعرف اسمه حاليا تبيني اسئله حاضر وبالشوفه
لاني شفتها مره لابسها اخوي وسئلته عنها وقالي هذه نفس الي يلبسها الوالد الشيخ حمد ,
وقالي سعرها 500 ريال والنعال اعزكم الله طبيه .

غالي
مع الشحن ب260 ريال

[Riku3]

شارع السد محل الطائف للنعل اسعار ونعل طيبة تشتري وحدة والثانية مجانا
هالمحل كان جيد لانه اسعاره رخيصه في نعالة يالله تكمل سنة .. بس قاطعته لانه من يوم ما سوى عرض اشتر وحده وخذ الثانية ببلاش صارت اسعاره اكثر من ضعفين !! ..

نفس النعال الي كنت اخذها بـ 230 صارت 580 والثانية ببلاش .. سرقه وغش .

[زورق]

كاريتي ماركه إيطاليه ميه في الميه وتصنع في إيطاليا واسمها كاريتي نسبه الرجل مالك المصنع

[فــلان]

وديت ولدي مقاسه 5 ( طفل ) قالوا لي 700 و 750 عطيتهم ظهري وطلعت بهالسعر أروح آخذ له من الصالون الأزرق ماركه عالميه معروفه وكوالتي أعبر بمليون مره

[فــلان]

كاريتي ماركه إيطاليه ميه في الميه وتصنع في إيطاليا واسمها كاريتي نسبه الرجل مالك المصنع

:victory: هذي لنعال اللي تنلبس صدقت

[آخر الفرسان]

احنا شعب بارد في مسألة ( المقاطعة ) !!

حقيقة مؤلمة

ذكرتوني بقصة مدينة في البرازيل
جاء رجل ليشتري بيض .. فوجد السعر مرتفع
بقيمة 25 درهم ( ربع ريال ) طبعا بما يساوي عندنا !!
وسأل عن سبب ارتفاع السعر .. فالجواب طبعاً تماشياً مع الوضع العالمي
فتركهم وذهب .. وجاء غيره ونفس القصة .. تركهم وذهب .. واخر كذلك !!
المهم .. أتضح أنهم لا يتناقلون اخبار الغلاء !! وكانت المفاجأه طبعاً !!
وعندها .. لاحظوا التجار بأن المدينة كلهم قاطعوا بهدووووء
وخاس البيض عندهم .. فأضطروا لإعادة السعر .. وأستمرت المقاطعة ..
فتم اعلان بيع البيض بتخفيضات بما يساوي ربع ريال عندنا ..
فتواصلت المقاطعة .. واخيراً وصل سعر البيض الى نصف السعر السابق
فبدأو بالشراء حينها .. والاخبار تقول بأن السعر لازال ثابت بنصف السعر السابق !!

المسألة ليست ربع ريال .. أو منتج معين كالبيض

المسألة مبدأ .. وثقافه

عندنا لو 100 يقاطعون .. 200 يروحون يشترون !!
لا احساس ولا مبالاة .. عندهم فلوس يعني خلاص بيشترون !؟

احنا نستاهل التلاعب بنا .. والتجار يستاهلون جشعهم !!

[مبارك سعد]

في محل داخل مجع الاند يبيعها بس ما اعرف اسمه حاليا تبيني اسئله حاضر وبالشوفه
لاني شفتها مره لابسها اخوي وسئلته عنها وقالي هذه نفس الي يلبسها الوالد الشيخ حمد ,
وقالي سعرها 500 ريال والنعال اعزكم الله طبيه .

ياريــــــت يالغالي :nice:

[مبارك سعد]

اسمها fitflop في ناس يجيبونها من برع ويبيعونها

كنت أطلبها من الإنترنت بس خلصت عليها طلب كبير

وهذي هي اذا لك خاطر تطلبها
http://compare.ebay.com/like/271242936765?var=lv&ltyp=AllFixedPriceItemTypes&var=sbar&_lwgsi=y&cbt=y#

في حد يجيبها ياريت نعرف من للتواصل معه :nice:

[قطري92]

انا عن نفسي مرتاح نفسيآ وعقليآ

اشتري نعاله اسمها Aerosoft عزكم الله

سعرها 29 وبعد الخصم 26 ريال

مريحه وكشخه وتم معاي اكثر من سنتين

اخر مره شريت 3 منهم لانه المنتج بدا يختفي تقريبآ ...

الموقع سوق واقف..

[bohilal191]

الله يخلي نعل تايلاند جايب درزن معاي وكلها تميمة

[ماجد]

شارع السد محل الطائف للنعل اسعار ونعل طيبة تشتري وحدة والثانية مجانا

والله انا جربت النعل اللي في محل الطائف

بصراحة جودة واسعار زينة ومن بعدها

ودعت التميمة وكاريتي

[ابوعلي]

يازين الله يعزكم نعل تميمه من تايلند كل سنه لي سنتين اروح واجيب للأخوان والنسايب والعيال وبسعر في حدود 100 ريال ولكن عندنا ابشع انواع الاستغلال

[العلم]

ابوعلي لاتقهرونا :weeping:شلون تميمه على 100 ريال :(


أم النصب اللي عندنا فالدوحة ..



ياشبااااااااب 

ماشاء الله عليكم تفاعلتوا فالموضوع واستفدنا أشياء جديدة .. أنا فاتح موضوع من فترة عن مستلزمات الرجل وكل مايستجد فيها .. ياليت لو تطلون عليه يالحبايب ونستفيد من بعض .. :shy:

[الســـهم]

في حد يجيبها ياريت نعرف من للتواصل معه :nice:

مرحبا اخوي مبارك ..

انا البس من هالنعال وانت بكرامه حاليا , جابها لي اخوي وبسعر 450 ريال من شخص يطلبهم من النت ويبيعهم عندنا , واتوقع سعره مناسب مقارنه بسعرها في محلات ( فوت لوكر ) بالمولات وتلاقيها عندهم بحدود الـ 500 ريال او اكثر اشوي ..

النعال تكرم ويكرم القارئ مريحه نوعا ما , واللي عاجبني فيها وهذي ميزتها انها ما تتوسع وكل ما البسها احس اني البسها اول مره ..

حبيت انبه على شي واحد وهي القياسات , انا البس قياس 40 فالشوزات والنعل قياس 7 , اما هذي النعال البسها بقياس 42 واللي هو 8 فالنعل ..

[همر]

يبيعون نعل اسمها نويا بعد ممتازه وتعمر فوق السسنتين بس غاليه شوي ويابسة
في فيفتي ون


ماقدر البس النعل اليابسه

عندي نقرس بعيد عنكم ولازم

تكون النعل ناعمه وكعب عالي

ولا ماقدر امشي :(




ابوعلي لاتقهرونا :weeping:شلون تميمه على 100 ريال :(


أم النصب اللي عندنا فالدوحة ..



ياشبااااااااب 

ماشاء الله عليكم تفاعلتوا فالموضوع واستفدنا أشياء جديدة .. أنا فاتح موضوع من فترة عن مستلزمات الرجل وكل مايستجد فيها .. ياليت لو تطلون عليه يالحبايب ونستفيد من بعض .. :shy:


اكيد بنستفيد من الموضوع











دام الحريم مايطبونه :secret:

:nice:

[طيب]

في علم التسويق فيه شي أسمه السياسة التسويقية وفي شي أسمه الشريحة المستهدفة في المجتمع مهب كل تاجر مجبور انه يبيع بسعر يرضي جميع شرائح المجتمع.
وهذا الشي احس أنه غائب عن الاخوان اللي يشتكون من غلاء نعالات تميمه .
للتوضيح ليش الناس ما شتكي من غلاء سيارات بورش مثلاً لانها سيارة معروفة وماركه . وهذا ما يريد الوصول له صاحب نعلات تميمه في اعتقادي.

[bohilal191]

يازين الله يعزكم نعل تميمه من تايلند كل سنه لي سنتين اروح واجيب للأخوان والنسايب والعيال وبسعر في حدود 100 ريال ولكن عندنا ابشع انواع الاستغلال

شهر 6 رحت يالغالي وخذت لي درزن والسعر 75 ريال

[مبارك سعد]

مرحبا اخوي مبارك ..

انا البس من هالنعال وانت بكرامه حاليا , جابها لي اخوي وبسعر 450 ريال من شخص يطلبهم من النت ويبيعهم عندنا , واتوقع سعره مناسب مقارنه بسعرها في محلات ( فوت لوكر ) بالمولات وتلاقيها عندهم بحدود الـ 500 ريال او اكثر اشوي ..

النعال تكرم ويكرم القارئ مريحه نوعا ما , واللي عاجبني فيها وهذي ميزتها انها ما تتوسع وكل ما البسها احس اني البسها اول مره ..

حبيت انبه على شي واحد وهي القياسات , انا البس قياس 40 فالشوزات والنعل قياس 7 , اما هذي النعال البسها بقياس 42 واللي هو 8 فالنعل ..

يالشيخ ممكن رقم الشخص اللي يطلبها للتواصل معه :nice: ..

[مجهووول]

مالك الا بارجيل الي فالستي والنعل الي عنده وانت بكرامه من اريح النعل ماتزيد عن 450 ريال

[وحيد-الشوق]

يا اخوان يعني الحين نعل تميمة في تايلاند نفس الي تنباع اهنيه بالضبط لأنه الفرق شاسع هناك ب100 وعندنا 1000 ريال

يليت الاخوان الي عندهم نعل تايلاند يرفقون الصور عشان نقارن بالشكل والجوده

[برشلوني قطر]

يا اخوان يعني الحين نعل تميمة في تايلاند نفس الي تنباع اهنيه بالضبط لأنه الفرق شاسع هناك ب100 وعندنا 1000 ريال

يليت الاخوان الي عندهم نعل تايلاند يرفقون الصور عشان نقارن بالشكل والجوده


ماكنت افارق تميمه وكاريتي.

والله من طرشلي واحد نعل تايلند تميمه وكاريتي ماقمت استعمل غيرهم

واذا بغيت اوصي حد رايح ياخذلي 2

ومثل ماقلت يمكن السعر 100 وشي

[العلم]

خلاص لبسناها وانتهينا ..:secret:


بس تميمة تايلند فكرتن منتازة :victory: فرق السماء من الأرض .. بس الكواليتي مادري شلون !

[bohilal191]

تميمة تايلاند

http://i.imgur.com/dR6aAPJ.png

امس لبستها

[سهم عتيج]

الخيارات كثيرة جداً وبنفس الجودة ان لم تكن أحسن وبأسعار افضل

شخصيا عندي سياسة أني استغل فترات التنزيلات والعروض وأشتري وأخزن للمناسبات

قبل رمضان كان هناك عرض من باشيوتي تشتري نعال والأخرى مجانا وأخذت ولله الحمد وتشاركت مع احد الأصدقاء،، وكان فيه عرض اخر من البيت الحديث بنصف السعر وأخذت وجودتها أعلى من تميمة

الفارس والمندوس جودتهم لا تقل عن تميمة خاصة ماركة اسبيروني وشخصيا ارتاح لهم أكثر من تميمة وعروضهم في التنزيلات ممتازة

[اللوز]

كم اغلى نعال في تميمة
علشان اتميز !!

[اللوز]

يقال ان جلود النعل في تايلاند مصدرها جلد الخنزير
فهكذا الاسعار عندهم رخيصة

[خزامئ]

ممكن نعرف كيف نحصل على تميمه من تايلند
هل عندهم موقع نطلب منه
او عن طريق التجار ماستفدنا شي

[مع الله]

اذا مصنوعه من جلد الخنزير فبلاش منها

[غاردينيا]

فانتينو
جوده وسعر ولا اروع

ويسوي عروض حلوه

بلا تميمه بلا عوار رأس

[alnoida]

في حد يجيبها ياريت نعرف من للتواصل معه :nice:


https://www.facebook.com/notes/fitflop-middle-east/fitflop-middle-east-retailers/132762520124204

[AL-MAYSTRO]

لو بس يتحدون الشعب في حمله المقاطعه

كان احنا بخير وكان تسنعوا التجار ونزلت الاسعار غصب

لاكن ربعنا اغلبيتهم يحبون الغالي والمفوشر