استشارة :كيف تنققل خبر زواج مطلقة

[بنت شرق]

كيف تنقل المطلقة خبر زواجها لطليقها بدون ماتثير حفظيته ويصر على أخذ اليهال
من حضانتها والا الافضل انها داري الموضوع ،وخصوصا اذا كان الزوج من النوع الي يكيد
ويدور الفرص ضد مطلقته ويحب يغيظها ويحرق اعصابها مع انه لديه زوجة ثانية

[ولد الشحانية]

تخلي واحد من اخوانها يتفاهم معاه ويقول له انها بتزوج حتي لو بغا العيال يروح يقدم عالمحكمه وهي اللي تفصل بشانهم او هي تروح للمحكمه وتقول لهم ان طليقها متزوج وهي تبي تتزوج وتبي العيال وافضل الثانيه انها تروح هي للمحكمه عشان مايلحقها حق عقب والله يسهل الامور بينهم

[المجروح81]

المحكمه هي الي تفصل بينكم

[monatee]

القانون يقول الاطفال القصر ياخذهم ابوهم في حال زواج الام من رجل اخر

بدون محكمه بدون خرابيط يقدر يجي البيت ويشيلهم كلهم ويحرق قلب امهم

لو راحت الام اشتكت بيقولون لها هاي القانون ومن حقه ،، حتى لو الاب متزوج


واذا الاب مثل ماقلتي من النوع اللي يدور الزله ،، فخل تشيل فكره الزواج من راسها اذا تبي عيالها

[MAZEN37]

مرده بيعرف والكوره بملعبه
مالكم الا التفاهم مع كبيره يعني والده والدته عمه الشخص الي يمون عليه وان عيي مالكم الا القبول بحكم الشرع والله ييسر اموركم

[جارح]

كيف تنقل المطلقة خبر زواجها لطليقها بدون ماتثير حفظيته ويصر على أخذ اليهال
من حضانتها والا الافضل انها داري الموضوع ،وخصوصا اذا كان الزوج من النوع الي يكيد
ويدور الفرص ضد مطلقته ويحب يغيظها ويحرق اعصابها مع انه لديه زوجة ثانية

من رايي اذا مصره عالزواج انصحها تحاول ترجع له وتقنعه ان رجوعها عشان لعيال يعيشون بين ابوهم وامهم ابرك لهم وافضل
واذا هي مو راضيه ترجع له فمن حقه قانونيا ياخذ لعيال دام انها بتتزوج وانا مع حضانه لابو لعياله ولا يتمون عند زوج امهم واعرف فيه ناس بيعارضوني كثير لاكن للامانه مع الوقت لابد يتغير زوج الام على عيالها ويفرق بينهم وبين عياله ولو زوجة الاب رفضتهم يعتمد على الاب يايضحي بعياله او زوجته لاكن بالاخيريعيشون عنداحدى الجدتين وهذا اسلم وافضل للجميع
الابناء هم دايم ضحية نقص العقول بين الزوجين لو فكروا بعقل قبل اتخاذ قرار الطلاق لما وصل بنا الحال للبحث عن حلول للابناء بعد وقوع الفاس في الراس
الله هم ارفق بفلذات اكبادنا واعنهم على تسرعنا وحماقتنا

[معماري قطري]

من تتطلق يفترض انه ما له حكم عليها .. ولا ليكون استوى ولي أمرها بالزواج الفاشل

الطلاق نهاية شراكة وقطع علاقات دبلوماسية

[أخت الكل]

الافضل ان بحالة زواج الأم العيال يروحون عند الأب

وعموما الوضوح في التعامل وهو الأفضل والصحيح

[روز باريس]

تقول له بتزوج تعال خذ عيالك وتحدك اذا خذهم بس نحاسه علشان ماتعرس
يبغي قوات قلب من الام

[حكآية آحسآس]

التفاهم والاسلوب الزين هو الحل وكل شي له حل وماراح يوقف بنصيبها بس يمكن عشان عياله .تبين له كل شي وعن وضع العيال وتخلي احد من اخوانها يكون تفكيره عقلاني ويكلمه وعليها بالدعاء .. فرصتها هالاياام..ومبرووك مقداماً وعسى الله يسعدها ويسسهل امورها ياارب.

[رهج السنابك]

دامه متزوج تطمني وارقدي وامني مرته الثانيه مابترضى اصلا العيال يجونها عاد لو عندها عيال بيكون احلا واحلا

بتقول له يالطيب مابي عيالك وساعتها بيهون


الف مبروك الزواج ولا تعلمين ولا شيء هذا رايي

[OREO]

كيف تنقل المطلقة خبر زواجها لطليقها بدون ماتثير حفظيته ويصر على أخذ اليهال
من حضانتها والا الافضل انها داري الموضوع ،وخصوصا اذا كان الزوج من النوع الي يكيد
ويدور الفرص ضد مطلقته ويحب يغيظها ويحرق اعصابها مع انه لديه زوجة ثانية

انزين الشرع شيقول ،، ؟؟

[ضوى]

اللي اعرفه اذا تزوجت الام الحضانه تروح لام الزوجة او احد خواتها

[monatee]

دامه متزوج تطمني وارقدي وامني مرته الثانيه مابترضى اصلا العيال يجونها عاد لو عندها عيال بيكون احلا واحلا

بتقول له يالطيب مابي عيالك وساعتها بيهون


الف مبروك الزواج ولا تعلمين ولا شيء هذا رايي

الاغلبيه الحين يعرفون هالشي

فالابو ياخذ العيال ويحطهم عند امه ،، المهم ياخذهم ياخذهم بس نحاسه في الام

[غزلان]

ماعرف ليش المطلق ينقلب الى عدو بعد الطلاق

شاهلدف من انه يمنع مطلقته انها تتزوج بهالتهديد:(

[لاجل QT]

مسكينة المطلقة ام العيال كل شي يصعبونة عليها

خلها تشوف حد من اهلها قادر على الاقناع دبلوماسي في الحوار

[أسد الجزيرة]

شرعاً تنتقل الحضانة للاب عند زواج الام و القانون القطري مستمد معظمه من الشرع

في حالة زواج الام تنتقل الحضانة للاب ثم ام الاب*

[Mo7mmad]

اللي اعرفه اذا تزوجت الام الحضانه تروح لام الزوجة او احد خواتها


لا يا اختي المعلومة غلط

تسقط الحضانه اول ما تتزوج الام

[مليت]

ايذا عليه بنات لابد يعرف ويعتمد على سبب الطلاق

بعضهم يطنش وبعضهم ياخذ اعياله

[النشميه]

التفاهم والاسلوب الزين هو الحل وكل شي له حل وماراح يوقف بنصيبها بس يمكن عشان عياله .تبين له كل شي وعن وضع العيال وتخلي احد من اخوانها يكون تفكيره عقلاني ويكلمه وعليها بالدعاء .. فرصتها هالاياام..ومبرووك مقداماً وعسى الله يسعدها ويسسهل امورها ياارب.

:nice:

[ضوى]

مسكينة المطلقة ، لو فكرت تعيش حياه ثانية احرموها من عيالها ، يعني لو طفل بسن الرضاعة بعد تسقط الحضانه عنها ؟

[النهار]

مسكينة المطلقة ، لو فكرت تعيش حياه ثانية احرموها من عيالها ، يعني لو طفل بسن الرضاعة بعد تسقط الحضانه عنها ؟

يتم عند امه سنتين وبعدها تروح الحضانه للأب او ام امه اواحدى خواته

[ضوى]

يتم عند امه سنتين وبعدها تروح الحضانه للأب او ام امه اواحدى خواته

الله يعين الام اتوقع بتنتظر لين يكبرون وعقب تفكر بالزواج

[بوحارب]

اللف والدوران في هالأمور ما يصلح !!!

[بوحارب]

شرعاً تنتقل الحضانة للاب عند زواج الام و القانون القطري مستمد معظمه من الشرع

في حالة زواج الام تنتقل الحضانة للاب ثم ام الاب*

هل هذي القوانين من الشرع ولا أجتهادات أهل القانون ؟؟

[رحال]

أختي العزيزة ..

لماذا تعتبرين الطلاق نهاية وليس بداية ..

أنظري للوضع بمنظار آخر .. أنت أنهيت حياة لم يكتب لها الله بالنجاح ..

وان شاء الرحمن ستبدئين حياة جديدة ، قد تكون أكثر سعادة وراحة ..

أتركي الماضي ولاتلتفتين إليه ، وكوني طبيعية وتلقائية ، وثقي بنفسك

ولاتشتكي لحد ، وأبتعدي عن الكبرياء والعناد والتحدي ، وأكثري من

الدعاء من أن الله يوفقك ويرزقك السعادة ..

فأحمدي الله على قدره لك .. ولعل صبرك على ذلك وأحتسابك

يكون فيه خير وأجر عظيم بإذن الله .

وفقك الله وسدد خطاك ..

[أسد الجزيرة]

هل هذي القوانين من الشرع ولا أجتهادات أهل القانون ؟؟

من المجمع عليه بين العلماء أن المرأة أحق بحضانة الطفل ما لم يبلغ سن التمييز، حيث إن الطفل في هذه المرحلة من العمر بحاجة إلى الحنان ونوع من الرعاية لا يقدر عليها إلا النساء ، ولكن هذا الحق يسقط إذا تزوجت ، لأنها تنشغل بزوجها عن القيام بخدمة ولدها ، ولتعارض المصالح مصلحة المحضون ومصلحة الزوج، وقد نقل ابن المنذر رحمه الله إجماع العلماء على سقوط حق ا لأم في الحضانة بالزواج.

http://islamqa.info/ar/ref/20473

[khalid525]

اذا هو من النوع اللي يدور الزلة احسن لا تخش عنه مفروض تقوله وتدخل حد يمون عليه ويقنعه ،
اعرف واحد من هالنوعية اول ما تزوجت طليقته سحب عياله ووزعهم عند خواته لانه متزوج وزوجته ما تسمح له يدخلهم البيت ، العيال حالتهم حالة ، مفروض في هذي الحالات مؤسسات الدولة ترجع العيال لامهم واذا امهم ما عطتهم حقهم تاخذهم مؤسسة تربيهم في مكان واحد افضل من حالة الشتات اللي يعيشون فيها اليهال المساكين لانهم في هذي الحالة يفقدون ابوهم وامهم واخوانهم .

[أسد الجزيرة]

و هل زوج الام يرضى بتربية ابنائها
و هل زوج الام كفؤ انه يربيهم

[zaid]

الله يوفقها ان شاء الله

بس بقول رائ ولا احد يززعل

اذا عندها فوق الاثنين خل تتفرغ لهم وتربيهم حرام يتشتتون من الجهتين

لا اب ولا ام يعني الواحد قبل لا يفكر ينفصل مايفكر بهالمساكين وش بيصير عليهم

[moonبنتnight]

اللي اعرفه اذا تزوجت الام الحضانه تروح لام الزوجة او احد خواتها

هذا في القانون البحريني ما في القانون القطري غير 00

[ولي العهد]

مسكينة المراة .. يعني يازوج ثاني يا العيال .... ؟

[ولي العهد]

دامه متزوج تطمني وارقدي وامني مرته الثانيه مابترضى اصلا العيال يجونها عاد لو عندها عيال بيكون احلا واحلا

بتقول له يالطيب مابي عيالك وساعتها بيهون


الف مبروك الزواج ولا تعلمين ولا شيء هذا رايي


الموضوع ذكر ان المطلقه هي الي تبي اتزوج ... سؤال وابي اجابة بالذمه .. تقدرين اتوقعين على ورقة انج متنازله عن عيالج ؟؟

[شبح الصمت]

مجتمع دوم ينقد على المطلقة مجتمع نظرته المطلقة ارتكبت الجرم .. !!!

تمنى الخير لغيرك فلربما وجد ما لم يجده عندك ولربما اعطيته ما يستحقه وأعطاك ما لم تستحقه ، ولربما اعطاك ما لم تستحقه واعطيته ما يستحقه

الزبده من حق الزوجة انها تتزوج وتعيش حياتها ليش اهي مب بشر مب انسانه مب مخلوق الله خلقه له روح وله مشاعر ..

اختي اذا تشوف المرآة في الرجل الي بتاخذه الطيبه وسعة الصدر على اعيالها تعقدها وتتوكل فلربما أصبح أفضل من والدهم وكذلك الحال عند الرجل ان لم تستطيعي اختي الوفاء والدين في اطفالك او ابنائك فالافضل ان تسلميهم والدهم ويكون الدور عليه في التربية وتكون زوجته هي الام ..

ولكن في الاخير الاب والام لا يتعوضون في مشاعرهم ..

الله يستر على الجميع ويوفقهم

[رهج السنابك]

الموضوع ذكر ان المطلقه هي الي تبي اتزوج ... سؤال وابي اجابة بالذمه .. تقدرين اتوقعين على ورقة انج متنازله عن عيالج ؟؟

ليش توقع على التنازل؟!!

انا فاهمه الموضوع المطلقة تبي تتزوج وخايفة ان طليقها ياخذ عيالها وطليقها اصلا متزوج

من جذي قلت ماراح ياخذهم لان وين بيوديهم؟؟ زوجته اكيد بترفض كافي عيالها واهله اذا امه عايشه مره عيوز وين بتاخذ العيال واذا عنده خوات احتمال متزوجات ماراح يربون عيال اخوهم عندهم

يعني الدعوة مب اكثر من انه يبي يخوفها ويحرق قلبها لكن دايما وابدا الريال عقب مايطلق ويتزوج ينسى العيال الاوليين لانه بيتوهق فيهم ان اصر انه ياخذهم

[رهج السنابك]

رايي الشخصي في هالمواضيع


انا دايما وابدا ضد ان المطلقة الي عندها عيال تتزوج

تهتم بعيالها وتربيهم وهم بيكونون سندها