لوسمحتوا ، ضيعت رقم الخزنة وفيها اغراض مهمة

[باحث علم]

السلام عليكم

عندي خزنة نوع UCHIDA

فيها مفتاح .. وفيها باسوورد الدائري الفر ( ما ادري شسمه ) :shy:

المفتاح موجود بس الرقم حق المفتاح الدائري نسيته ،لاني من الاول ما استخدمته لما جابوا الخزنة قالوا لي على الرقم وقلت لهم مابغي غير المفتاح والرقم مش ضروري ، وحطيت تيب ولزقت المفتاح الدائري عشان مايتحرك ، وتميت افتح واغلق عن طريق المفتاح ، لين واحد من العيال الله يسامحه شال اللزقه عن الدائرية وغير الارقام وماعاد فتحت .

السؤال ، ايش اسوي عشان احل الموضوع ، مع العلم اني اشتريت الخزنة من محل كان فاحت في الستي سنتر مال مكاتب وتسكر الحين ولا ادري وينه ولا ادري ايش اسمه اساسا ، هالكلام قبل اربع سنين تقريبا او خمسة

وانا اعتقد ان الرقم اللي هم حطوه لي كان رقم افتراضي ، يعني رقم يحطونه لاي خزنة ، فاذا حد فيكم يعرف هالرقم ياليت يطرشه لي خاص ، وشكرا

مرفق لكم صورة التجوري
http://im38.gulfup.com/jFbJ2.jpg (http://www.gulfup.com/?4nV8rs)

[Fahad Alqahtani]

صارت لي نفس المشكلة ورحت لمركز الشرطة وخذيت ورقة بفتح الخزنة وبعدها رحت محل في سوق ال علي وفتحها بالدريل ..

[qatarman8008]

اخوي.. حاول تكلم المحل اللي شريتها منه..
اذا مافيه..
شوف لك راعي مفاتيح..
اذا مافيه..
شوف لك واحد راعي سوابق.. بواق..
اذا مافيه..
عليك بالحل اللي فوق.. دريل..

[أم علي 2010]

اذا كتيب التجوري موجود بتحصل مكتوبه الطريقة

و كلم محلات الشاهين لان عندهم أنواع من الخزائن

[عاشق العديد]

انا مع الي يقول راعي سسوابق هم الخبـره

[بونووف]

الرقم الافتراضي بيكون فالكتيب .. اتوقع الكتيب اختفى بعد 4 سنين

مر على الشاهين عندهم خزاين وهم خبره فهالسوالف وفي مكان ثاني عند محلات الزينه اللي صوب اشارات المجنون ... اخبره هناك بعد بيتزاهت ..

[بونووف]

الافضل اتطلع ورقه من المركز عشان محد يلعوزك اذا وديت الخزنه لانه ماتوقع حد بيساعدك من غير الورقه

[ولي العهد]

انا خايف انه انسرق من الخزنه فلوس وتبي تعرف من الي يعرف رقم الخزنة

ماعلينا ... في محل في سوق العلي مال مفاتيح اخبر منذ مبطي رحت لهم وقالوا لي انهم يفتحون خزنات لذالك جرب وروح لهم ماراح اتخسر شي

[ولي العهد]

الافضل اتطلع ورقه من المركز عشان محد يلعوزك اذا وديت الخزنه لانه ماتوقع حد بيساعدك من غير الورقه


بو نووف الخزنة في بيته يعني مايحتاي ورقة من الشرطة

[رذاذ]

.. الادوات المطلوبة سماعة دكتور فقط وحس نبضها ان قالت تك تك تووك توك يعني الرقم الصح ..


مشكله اني ما افتح خزنات صغيرة
ههههههههههههههههههه

ولا بودي اساعدك ...

[abdo222]

جرب تكتب اسمها الكامل في جوجل او اليوتيوب ,, لعل يطلع لك حل بالانجليزي او يطلع لك الرقم الافتراضي

[الكلدي]

خلف التجوري في معلومات الخزنه والمصنع
وعلى ماعتقد نوعها يابانيه
في رقم مسلسل ارسله للشركه وهم بيتصرفون

انا كنت مضيع المفاتيح خلال شهر وصلني منهم نسخه

[شمس المغيب]

المحل اللي شريت منه الخزنة يفتحونها لك
و ورقة موافقة الشرطة مهمه
الا اذا عندك الفاتورة هذا شي ثاني

[الحاقول]

في الفندق السنه الماضيه ضيعت الرقم السري للخزنه

ولما اخبرت الفندق .. حضر شخص الى غرفتي ومعه رجل امن من الفندق ووضع

جهاز خاص على الخزينه وتم عن طريق هذا الجهاز الكشف عن الرقم السري

وبعدها طلب منى التوقيع على ورقه بان فتح الخزينه تم بمعرفتي وبناء على طلبي

[دوحة الجميع]

أولاً لازم ورقة من شرطة العاصمة إذا تبغي محل المفاتيح يفتحها لك ، ثانياً في محلات وايد يبيعون خزائن مثل :- مفروشات ايفل عند جسر الجيده
المفروشات العالمية عند اشارات بيت بوكشيشه مقابل المبنى الاداري لوزارة البلدية في النتزه
مجمع نصرالله شارع الخليج داخل السوق بتلاقي ( محلات نصرالله ) عنددوار جسر الجيده

[مستر راشد]

انا بافتحها لك بس بشرط
30% من الي فالخزنه لي هههه


اكتب اسم الخزنه في قوقل يمكن يطلع لك الرقم الافتراضي

[فتك العديد]

اخوي التجوري الي عندك وكيله نصر الله الي في طريق سلوى مر عليه وانشاء الله يحل مشكلتك

[باحث علم]

والله التعليقات روعه ههههههههه
الله يجزاكم خير
بشوف نصر الله يارب يساعدونا
مشكورين

[jassim_9]

صار معاي نفس الشي لازم تبلغ في مركز الشرطة وأي محل مفاتيح يفتحها لك بوجود شرطي عشان يسجل محتويات الخزنة كامله

[يراعٌ فراتي]

http://www.you tube.com/watch?v=UWY5ZoAYcSs


طريقة تموت ضحك

بس ما تنفع معك
لان الخزنة اللي عندك عودة و مب الكترونية