بيت متكامل !!!!!!!!!!!!!

[حمد 2002]

السلام عليكم ورحمه الله وبركاته

(( بيت متكامل !!!!!!!!!!!!! ))

كم ايكلف او كم لازم الواحد ايحط له ميزانيه لو يبي يبني بيت متكامل من مصعد كهربائي وبرجه سباحه وحديقه ومجالس ومطابخ خارجيه وداخليه وصاله رياضيه ومكتب ووووو ؟ ،،،


تحياتي للجميع ،،،

[ريان]

الحسبه صعبه جدا

المساحه تحكم ونوع التشطيب والاثاث

لكن خل في باللك 3500 ريال للمتر

اذا بتشطب شي حلو مع اثاث راقي

والعلم عند الله سبحانه

[K.A]

حسب مساحه البنيان وذوقك
يعني لو البيت مساحته 600 حط في بالك اقل شي مليونين ونص الى 3 مليون

[Bozizoo]

الحسبه صعبه جدا

المساحه تحكم ونوع التشطيب والاثاث

لكن خل في باللك 3500 ريال للمتر

اذا بتشطب شي حلو مع اثاث راقي

والعلم عند الله سبحانه

مثل ماقالك اخونا يعتمد على حسب نوع التشطيبات
على سبيل المثال الباب ممكن تسوي 1200 ريال
وممكن 3000 ريال
الارضيات ممكن بورسلان 40 ريال وممكن رخام 400 ريال
بس عموما ممكن تشطب بشي محترم يكلفك المتر المربع2000 ريال
+- 100 ريال

[Azizuk]

حط في بالك راح يكلفك 3 ونص مليون إلى 4 مليون براحه هذا إذا مواصل 5 مليون إذا تشطيب راقي وأثاث فاخر ونوع التكيف والى آخره

[مواقف النجادة]

بس عموما ممكن تشطب بشي محترم يكلفك المتر المربع2000 ريال
+- 100 ريال

هذي الحدود اللي اعرفها .. في مستوى التشطيب الشائع و المقبول عند هل قطر..

الشباب اللي يتكلمون عن 3000 أو 3500 يا أما هوامير.. أو مقاولين !

[معماري قطري]

معليش شوي خروج عن صلب الموضوع

أي واحد بيبني لازم يعرف إمكانياته، وأرضه وموقعها وخطته المستقبلية، ولازم يحسب كل شيء صح بالنسبة للمال المتوفر، والمال المتوقع الحصول عليه في السنوات الثلاث القادمة لأن هذي الفترة المحدودة للنياء والسكن، ويحاول قد ما يقدر انه ما يدخل في دوامة الديون الا القروض الحسنة .. والحكومة ما قصرت من هذي الناحية قرض بناء وقرض أعباء معيشة وقرض سيارة.

حوض السباحة حسب المساحة والتجهيزات والمواصفات .. المطابخ كذلك وغيرها من كافة تجهيز المنزل .. وفيه عندنا الأساسيات اللي الواجب الواحد ما يتنازل عنها ويضمن إنها تكون على جودة عالية .. مثل الكهرباء وحسن بناء الهيكل الإنشائي وحمايته حتى يعمر فترة طويلة .. ولا ننسى إن في العالم بيوت خشب تقاوم أجواء صعبة وأصعب من أجواءنا ولها مئات السنين موجودة، وكذلك المصنوعة من باقي المواد.

لا ننسى كذلك إن البناء تكلفة وجهد وتعب على المالك وأُسرته، وإن كان فيه قصور ولو بسيط يكون خسارة معنوية بتعاني منها الأُسرة لفترة طويلة، فأخذ أكثر ما يمكن هو المفروض لأن التعب واحد ومع حساب باقي العوامل وعدم المبالغة في أُمور تزينية ما لها فائدة أو طائل.

المساحات يجب أن تكون مدروسة للمعيشة وللنوم وللتخزين وللخدمات من طبخ وغسيل واستحمام .. فلا يعقل أن نخطط لبناء حمام كبير ويكون تجهيزه بسيط بحيث يكون أغلبه فراغ وكذلك مطبخ كبير وترتيبه يجعل استخدامه متعب ومزعج .. فالثلاجة في زاوية والفرن في زاوية والمغسلة بعيدة ويتعب من يطبخ من طول المسافات.

التركيز على الأُمور العملية قبل الجمالية أهم وأفضل ولو وفقنا بين الإثنين بنكون وصلنا للتميز، فشيء جميل وعملي وسهل الإستخدام ويعمر طويلاً سيكون مفضل واختيار جيد.

أمس مع أحد الإخوان لشراء بورسلان أرضيات وصراحة شفت الكثير من المواد الرديئة وهو كذلك طلع على دراية وانتباه تام .. فالصيني أغلبه في السوق عبارة عن عجينة بورسلان وفوقها صبغة سيراميك رخيصة ورديئة التنفيذ ولو دققت في القطعة تجد الحواف متكسرة، وحسب رؤية سابقة لي شاهدت بورسلان بنقوشات جميلة جداً لكن هذه الألوان بهتت وبدت تزول بسبب الغسيل والمشي عليها.

طبيعي أن كل هذه العوامل تدخل في التكلفة .. زد على ذلك ولع الناس بالحجر اللذي تكلفته تصل ل 10% إلى 20% من قيمة المنزل والتكييف المركزي أو الدكتد سبلت، واللي لو غيرناه ورضينا بالسبلت العادي ومن أفضل الأنواع إفتكينا من مشاكل كثيرة وتكلفة كبيرة .. يدخل ضمن التكلفة زيادة ارتفاع الأسقف والصيانة والتنظيف للدكتات واحتمال ازالة الأسقف المستعارة واعادة تركيبها.

[معماري قطري]

هذي الحدود اللي اعرفها .. في مستوى التشطيب الشائع و المقبول عند هل قطر..

الشباب اللي يتكلمون عن 3000 أو 3500 يا أما هوامير.. أو مقاولين !


هذي تكلفة التشطيب لا تنسى تكلفة البناء حول 1200 ريال تطلع بين 3000 و 3500

[Bozizoo]

يا معماري قطري يا اخي دائما لك لمسات سحريه في اي موضوع
و تثري الموضوع بتداخلاتك
ما شاءالله عليك
)خمسه وخميسه(

[Bozizoo]

هذي تكلفة التشطيب لا تنسى تكلفة البناء حول 1200 ريال تطلع بين 3000 و 3500

اسمح لي هنا انا مب معاك بالمره هذه اسعار مبالغ فيها جدا و يمكن تحصلها في مشاريع (فلل )نادره
وليس باغلبيه المشاريع ولذا لا تعمم
اغلب المشاريع ىاقل من هذا بكثير مثل ماوضحت و وضح اخوي مواقف النجاده

[Azizuk]

أنا بيتي مساحة البنيان 1300 متر مربع والتكلفة عظم وبلاستر 1550 مليون ريال الكهرباء 230 ألف والمصعد 200 ألف والماي 100 ألف الجبس 200 ألف الرخام تحت والدرج والصاله فوق 200 ألف رخام إسباني المطبخ الداخلي 70 ألف ( 70 ألف ) التكيف دكت سبلت 250 ألف باقي الشبابيك والجي آر سي 110 ألف وباقي الصبغ والديكور الداخلي والباركيه الثريات والدرابزين وعليك الحساب باقي الأثاث والحمامات الله يعزكم وغير وغير الكماليات الثانية

[معماري قطري]

اسمح لي هنا انا مب معاك بالمره هذه اسعار مبالغ فيها جدا و يمكن تحصلها في مشاريع (فلل )نادره
وليس باغلبيه المشاريع ولذا لا تعمم
اغلب المشاريع ىاقل من هذا بكثير مثل ماوضحت و وضح اخوي مواقف النجاده

بو زيزو إخوي ما عممت بس للتسعير العالي وممكن نحصل حتى أعلى إذا افترضت واحد بيحط نوع أرضيات ب 10000 مثلاً وللبيت كله مستحيل اننا نقول بيكلفه المتر 10000 ريال بيكلفه مؤكد أكثر.

[Stars]

أخوي معماري قطر يعطيك العافية حسيت من مداخلتك إنك ما تأيد الدكت اسبلت وان مشاكلها وتكلفتها عالية مثل زيادة الارتفاعات والصيانة وممكن إزالة الأسقف والجبس
أخوي ممكن تفيدني أكثر بخصوص الدكت الاسبلت

[معماري قطري]

أخوي معماري قطر يعطيك العافية حسيت من مداخلتك إنك ما تأيد الدكت اسبلت وان مشاكلها وتكلفتها عالية مثل زيادة الارتفاعات والصيانة وممكن إزالة الأسقف والجبس
أخوي ممكن تفيدني أكثر بخصوص الدكت الاسبلت

الله يسلمك انا مب مختص تكييف لكن بمقارنة بسيطة .. الدكت سبلت دخلت فيه شركات أي كلام ونافست الشركات الزينة وخلتها تنزل مواصفاتها حتى ينزل السعر، ومهما نزل السعر يبقى غالي والصيانة أصعب .. انا ألحين ساكن في شقة تكييفها دكت سبلت لكن مزعج ضعف ازعاج السبلت العادي .. مخارج أو مداخل الهواء عليها غبار أسود .. الشكل ما اشوفه وايد يفرق.

لو تبي دكت سبلت من شركة متسوبيشي بيكلفك ما يقارب 400 ألف والسبلت قريب من ربع القيمة وتكييف جودة عالية في الإثنين .. ودوم فيه خيار وفيه خيار بديل والواحد يختار الأنسب .. وممكن نختار دكتد سبلت لأجزاء من البيت مثل الدور العلوي ونخلي تحت بس سبلت .. بس نختار أفضل الأنواع وأفضل المواصفات .. اللي يقهر شركات كبيرة تتكفل بالمكيف وتجهيزاته وتعطي شغل الدكت لشركات تسوي أي كلام .. مهم وايد العقد يكون واضح ونوعية الدكتات وعينات منها.

أتمنى شرحت ما فيه الكفاية وسوقنا كبير ولا رقابة ولا يحزنون.

[Stars]

يعطيك العافية

[الكواري 1972]

صج البنيان هم

توني بالخرايط

الله يوفقكم

... متابع