عمال احد المقاهي لم يستلموا رواتب 4 شهور .. ما الحل؟؟

[faisalqatar]

السلام عليكم ورحمة الله وبركاته

امس كنت في احد المقاهي الشعبية المعروفة .. كنت رايح حق الشباب عادتي امر عليهم بين فترة و فترة و جاني احد العمال وكان مخيس و يتكلم من طرف خشمه قلت له: مدير ليش زعلان؟
قالي اكيد انا يجي زعلان .. معاش ثلاثه شهر كفيل مايعطي والحين هذا 4 شهر (الكلام بلهجته)

قلت له شلون ما عطاك الراتب قالي مب بس انا كل اللي في القهوة !!

والمشكلة يا اخوان ان هالقهوة بالذات اتطلع ذهب و فل ناس طول اليوم وبالكاد اتحصل لك مكان !

يعني صاحب القهوة الله يسامحه مافكر في هالامور:

اولا: احنا في شهر الرحمة و اهو ما رحم هالمساكين اللي تغربوا عن اهلهم عشان هالكم بيزة
ثانيا: الشيشة اساساً فلوسها حرام و بعد يزيد الحرام بأنه ياكل حلال هالمساكين؟


انا نزلت هالموضوع قلت يمكن في حد من الاعضاء عنده صلاحية يحاسب راعي هالقهوة او يعرف حد ممكن يحل مشكلة هالمساكين .. ياريت اللي في يده شي او ممكن يحل المشكلة يكلمني على الخاص وبرسل له اسم القهوة

و طبعا الموضوع مفتوح للمناقشة و يامرحبا بالجميع

(ملاحظه: اتمنى محد يقول لي ان احنا في رمضان و شموديك الشيشة لان هاي مب موضوعنا واللي يبي ينصح مرحبا فيه ع الخاص)

اخوكم فيصل..

[حمد 2002]

شخص فاتح له شيشه وايتاجر بهالأمور شتنتظر منه ؟!!!!!!!

[faisalqatar]

شخص فاتح له شيشه وايتاجر بهالأمور شتنتظر منه ؟!!!!!!!

اي والله صدقت يا عزيزي حمد

[ولي العهد]

الحل عند وزارة العمل خل العامل يروح مع ربعه هناك واذا يخاف الله لايهينك اتصل انت على وزارة العمل وقولهم مايقصرون ... انا صارت وياي بس مع عمال بنيان وكلمت وزارة العمل وماقصروا وصكوا راعي الشركة انذار

[عـ العبيدلي]

شخص فاتح له شيشه وايتاجر بهالأمور شتنتظر منه ؟!!!!!!!

صادق والله

[@north_star@]

بوجهه على وزارة العمل

[aziz4z]

الحل عند وزارة العمل خل العامل يروح مع ربعه هناك واذا يخاف الله لايهينك اتصل انت على وزارة العمل وقولهم مايقصرون ...

صح كلامك , ما يقصرون معاه , وزارة العمل تكفل حقوقهم

[faisalqatar]

الله يجزاكم خير على الردود و ان شاء الله بكلمهم بنفسي

[بونووف]

عرفت القهوه

وادي السيل

[بن غيث]

اذا عمال القهوة اقل من عشرة عمال .. ﻻ يطبق على القهوة قانون العمل
يشتكون في المحكمة العمالية ..

[نايم سهران]

الله يجزيك الخير ويكثر من أمثالك ،،، قليل ممن يراعي حقوق الغير

[faisalqatar]

عرفت القهوه

وادي السيل

لالا مب هي هههههه
بس والله يا بونووف طلعت من الطيبين ههههه

[بونووف]

لالا مب هي هههههه
بس والله يا بونووف طلعت من الطيبين ههههه

:nice: صار لي فتره قاطعهم وماقمت اشوفك قلت يمكن هي ... طلعت انت مغير مكانك :tease:

[faisalqatar]

الله يجزيك الخير ويكثر من أمثالك ،،، قليل ممن يراعي حقوق الغير

و اياك ياخوي
تراهم بشر و محتاجين اكثر من الكل
راعي القهوة يستلم مئات الالوف و توه فاتح فرع في الامارات
و حارم هالمساكين اللي اهاليهم يعتمدون عليهم واللي رواتبهم مستحيل اتعدي ال1000 ريال

[أَلَمْ يَعْلَمْ بِأَنَّ اللَّهَ يَرَى] العلق 14

[faisalqatar]

:nice: صار لي فتره قاطعهم وماقمت اشوفك قلت يمكن هي ... طلعت انت مغير مكانك :tease:

عرف بنفسك على الخاص لو سمحت ههههه

[بونووف]

عرف بنفسك على الخاص لو سمحت ههههه

هلا فيصل .. ما اعرفك ترى .. بس خبرك المكان صغير والشباب نفسهم مايتغيرون
:tease:

[faisalqatar]

هلا فيصل .. ما اعرفك ترى .. بس خبرك المكان صغير والشباب نفسهم مايتغيرون
:tease:

انا قمت اروح القهوة الثانية اللي ورى وادي السيل .. اهدى المكان و خدمة افضل

و نتشرف بمعرفتك و فعلا رواد وادي السيل معروفين ههههه

[BoFahed]

جات عليه اخوي شكثر اركب عمال اوصلهم او يشتغلون عندي بالبيت وهم علا كفالة ناس هوامير بالبلد ويشتكون ما ياخذون رواتبهم والمصيبة تكون من مدراء الشركات عديمين الذمة والضمير(غالبيتهم جنسية عربية ) اللي ياخذون رواتبهم اللي بالملايين ويستثمرونها لصالحهم وعقب كم شهر يعطونهم مستغلين ضعفهم وخوفهم علا لقمة عيشهم لانه ما يقدرون يكلمون راعي الشركة الاصلي اللي ما يدري كل شي عن الشركة الا في وقت جني الارباح

[king fish]

الحل عند وزارة العمل خل العامل يروح مع ربعه هناك واذا يخاف الله لايهينك اتصل انت على وزارة العمل وقولهم مايقصرون ... انا صارت وياي بس مع عمال بنيان وكلمت وزارة العمل وماقصروا وصكوا راعي الشركة انذار


المفروض تغلق المنشأه المخالفه بعد انذارين اعرف واحد يشتغل في شركه مرفوع عليها كذا قضيه وجزاهم الله خير قاموا يايقاف الاستقدام ويجب ان توقف اذا تكرر الموضوع دينا الاسلامي اوصانا بالأجير

[king fish]

جات عليه اخوي شكثر اركب عمال اوصلهم او يشتغلون عندي بالبيت وهم علا كفالة ناس هوامير بالبلد ويشتكون ما ياخذون رواتبهم والمصيبة تكون من مدراء الشركات عديمين الذمة والضمير(غالبيتهم جنسية عربية ) اللي ياخذون رواتبهم اللي بالملايين ويستثمرونها لصالحهم وعقب كم شهر يعطونهم مستغلين ضعفهم وخوفهم علا لقمة عيشهم لانه ما يقدرون يكلمون راعي الشركة الاصلي اللي ما يدري كل شي عن الشركة الا في وقت جني الارباح

كيف ما يدري !!!!!!!!
مين الي يوقع العقود؟ من الي يوقع القروض ؟؟
معقوله ما في حد عرف يوصل للكفيل ويشتكي على المدير العربي (ما اعرف بس حاس المدير عربي من افريقيا)
معقوله ما وصله اشعار من ادارة العمل بسبب الرواتب ؟
ياريت يتم استدعاء الكفيل لادارة العمل اذا كان في تظلم من العامل لانه هو المسؤل عن المدير العربي

[أم نواري1]

وصى عليهم الرسول - صلى الله عليه وسلم-
أعطوا الأجير أجره قبل أن يجف عرقه
وهم لا خوف من الله ولا عمل بسنة رسوله

يا ويلهم من الله
والله مايتهنون بولا فلس وحياتهم وإن كثرة ملايينهم جحيم مهما أظهروا لك السعادة
شلون يرتاحون والمسكين يدعوا عليهم
وربك يقبل دعوته لأنه مظلوم ولو كان غير مسلم

الحل ذكروه الإخوان تسوي خير لو اشتكيت عليه

[faisalqatar]

شكرا للكل و فعلا اللي ماسك هالقهوة من الجنسية العربية وانا حاس ان اهو اللي ياكل حقهم ..

بإذن الله بحاول اني اوصل الشكوى للجهة المناسبة

[Rider]

رايح شيشه في رمضان

[باراكودا]

عرفت القهوه

وادي السيل

ممكن اول حرف مع أسم الفريج .

[king fish]

رايح شيشه في رمضان


ليش في غير رمضان عادي الشيشه

[khaldoon]

انا قمت اروح القهوة الثانية اللي ورى وادي السيل .. اهدى المكان و خدمة افضل

و نتشرف بمعرفتك و فعلا رواد وادي السيل معروفين ههههه

معناته انا لازم اكون بعرفك و انت تعرفني:secret:

[Northqatar]

السلام عليكم

أولاً :

جزاك الله خير على انك مهتم بموضوع العمال
وورد بالأثر
عن الرسول الأكرم "صلى الله عليه وسلم " :

الراحمون يرحمهم الله .

أسأل الله ان نكون منهم

ثانياً :

خلهم يروحون ادارة العمل بالبصناعية

شارع 13

ادارة علاقات العمل ويفتحون بلاغ وبعدها بيستدعون صاحب العلاقة

لكن للأسف دائماص بعد هالنوع من الشكواي تنهى خدمات العمالين

وهذا موقع الوزاره على " قوقل ايرث "

https://maps.google.com/maps?f=q&source=s_q&hl=en&geocode=&q=25+15+48+n+,+51+32+32+E&aq=&sll=37.0625,-95.677068&sspn=37.819897,79.013672&vpsrc=6&ie=UTF8&t=m&ll=25.201476,51.429952&spn=0.00597,0.011319&z=17

[أم علي 2010]

اعتقد السفارة ممكن تحل الموضوع

مره كنت مع شغالتي في سفارة سيريلانكا شفت بتر كبير مكتوب في رقم يتصلون بهم في حالات العنف و عدم دفع الراتب و و و الخ

ممكن يشوفون سفارتهم

[طاش]

والله ماعتقد لانه يقدر يتصل في ادارة العمل وعلى طول ينتهي الموضوع

[Ashom Qatar]

شخص فاتح له شيشه وايتاجر بهالأمور شتنتظر منه ؟!!!!!!!

اي والله صادق

[باراكودا]

ممكن اول حرف مع أسم الفريج .

خلاص عرفتها الشيشة موقعها في البدع صوب وكالة الكاديلاك .

[بوخالد911]

السلام عليكم

أولاً :



ثانياً :

خلهم يروحون ادارة العمل بالبصناعية

شارع 13

ادارة علاقات العمل ويفتحون بلاغ وبعدها بيستدعون صاحب العلاقة

لكن للأسف دائماص بعد هالنوع من الشكواي تنهى خدمات العمالين

وهذا موقع الوزاره على " قوقل ايرث "

https://maps.google.com/maps?f=q&source=s_q&hl=en&geocode=&q=25+15+48+n+,+51+32+32+E&aq=&sll=37.0625,-95.677068&sspn=37.819897,79.013672&vpsrc=6&ie=UTF8&t=m&ll=25.201476,51.429952&spn=0.00597,0.011319&z=17

هذا الكلام الصح

:victory::victory::victory:

[جفى الجوارح]

خل يشتكي عشان يسحبون رخصته
عقب خل يطق اصبع

و عشان عقب ما تحصل مكان تشيش فيه هههههههه

[يراعٌ فراتي]

وقع في "المحرم "

فهل سيخشى "المكروه "

[Northqatar]

اعتقد السفارة ممكن تحل الموضوع

مره كنت مع شغالتي في سفارة سيريلانكا شفت بتر كبير مكتوب في رقم يتصلون بهم في حالات العنف و عدم دفع الراتب و و و الخ

ممكن يشوفون سفارتهم

ممكن تدخلوا لانها كفالة شخصية

امــــــــــــــــــــــــــا

في حالة الشكوى العمالية لاتتدخل السفارة

بالكفالات الخاصة بالشركات

يرحون ادارة العمل واذا ما انحل الموضوع المحكمة واذا ما أنحل حقوق الأنسان



هذا الكلام الصح

:victory::victory::victory:

حاظرين ياخوي



خل يشتكي عشان يسحبون رخصته
عقب خل يطق اصبع

و عشان عقب ما تحصل مكان تشيش فيه هههههههه

ما تنسحب الرخصة عشان شكوى عمالية !!!

[العضيد2]

الله يهديه هو او المدير
او كلاهما

[RO7 QATAR]

كل شي ولا بكر ووو بي بي
انا اقترح إنشاء جميعة وندفع رواتبهم وبعدها تتم مطالبة صاحب الترخيص

[faisalqatar]

شكرا لكم و انا كلمت العمال و قلت لهم عن وزارة العمل و ان شاء الله حقهم ما بيضيع

و للعلم مب شيشة وادي السيل ..

و شكرا

[al_maystro]

ان كان كلام العمال صحيح فحسبنا الله ونعم الوكيل في الراعي المسوؤل