طلب هام وعاجل oredo تفضلو بالدخول للاهمية !!

[Aaziz]

السلام عليكم

طفح الكيل و كرهت رقم تلفوني إلي احتفظ فيه من سنين طويله بسبب الازعاج الحاصل من المحلات التجارية و الشركات .

لذى ارجو كعميل قديم في شركة الاتصالات oredo وقف هذا الازعاج الذي لم اجلبه لنفسي في يوم من الايام .

كل كم يوم واصلتني رساله دعايه و فيها رقم تلفون المحل او الشركه ،، و اتصل لهم و احقق معهم من وين جبتو رقم تلفوني و انا في حياتي ماتعاملت معاكم .. و في الغالب الرد يكون ان ارقام الهواتف توصلنا من قسم اخر و انا موظف تسويق فقط مهمتي الاتصال او الرد على المكالمات .

سؤال : هل كل ما جاتني رساله مطلوب اني اتصل و احرق اعصابي بسبب هذا الازعاج ؟

لذلك يا شركة oredo المحترمة فضلاً و تكرماً منكم و ايضاً رجاااااء اطالبكم بحق من حقوقي كعميل وهو الخصوصية و عدم الازعاج بان تضعو رقم مخصص لهذا النوع من الشكاوي ، يتصل العميل و يبلغ عن الشركه المزعجة و انتم مشكورين تتفضلون بالتفاهم مع هذه الشركة بحكم انكم الجهة المشغلة و المسؤوله عن خصوصية عملائها .

[Aaziz]

كما ارجو من الصحفيين او اي جريدة يتبنون هذا الطلب و ينشرون هذا الموضوع لانه فعلا امر مزعج .
ممكن البعض الرساله ماتكون امر مهم او مزعج بالنسبه له ، لكن الناس ظروف و اعذروني عن شرح الاسباب.

[JN000N]

مزززززعج من قلللب
ومب بس المسجات مالت المحلات حتى الارقام الوهميه الخارجيه الي يتصلون اذونا باتصالاتهم
مستحيل اوريدو مايقدرون يسوون شي !!!

[Aaziz]

مزززززعج من قلللب
ومب بس المسجات مالت المحلات حتى الارقام الوهميه الخارجيه الي يتصلون اذونا باتصالاتهم
مستحيل اوريدو مايقدرون يسوون شي !!!

الارقام الي تتصل من برى هذا امر اخر و كيوتل مالها سلطه عليه .

ولكن ازعاج الرسايل ليش ؟
و الشركات التي ترسل هذي الدعايات انا ما سبق و تعاملت معاها و اسم الشركه و رقم التلفون موجود !!

مثلا في الايميل ،، توصل دعايات ،، لكن شركه الهوت ميل مسويه خدمه الجنك ميل .. شغلها و راح تتخلص من هذي الرسائل المزعجه .

الحل الوحيد في يد اوريدو .

انا مره وحده فقط الي تسببت في هذا الشي لنفسي . و هو محل داماس ،، شريت شغله و خذو رقمي ،، رحت لهم المحل و قلت للموظف الي تعاملت معاه ليش ترسلون لي رسايل ؟
انت طلبت رقم تلفوني عشان الفاتوره ،، و المفروض منك تستأذن اذا بغيت تحط رقمي في قائمه الارقام الي ترسل لها .
كان شخص محترم و ذويق و اعتذر و قدامي دخل على السستم و شال رقم تلفوني . و من يومها ماوصلتني منهم اي رساله .

[Charisma]

موضوع في الصميم ..


انا مثلك ياخوي كنت اعاني من هالرسايل واتصلت في كيوتل اكثر من مره وقلت لهم ان في رسايل اعلانيه توصلني بشكل يومي ومكثف واستفسرت منهم اذا انهم يعطون الشركات التجاريه ارقام هواتف عملائها او لا
قالي ماعندي علم .. وقالي في حركه عشان توقف الرسايل وهي انك ترسل رساله unsub all ** لرقم معين
مايحضرني حاليا .. لكن المشكله انك لو ارسلت هالرساله ووقفت الاعلانات التجاريه .. راح تتوقف عندك خدمه مطراش وخدمه البنك .. وخدمات اخرى يمكن تحتاجها في عملك اذا كان عملك يرسلك رسايل عن طريق مركز اتصال خاص فيه ..


لكن فعلا اتمنى ان اوريدو ينظمون موضوع الاعلانات للي حابها يشترك فيها واللي مايبي خلاص مب اطفشون عيشته .. واللي تستغرب منه اكثر ان اغلب الرسايل اللي توصلك من محلات وشركات ماعمرك سمعت فيها او تعاملت وياها ... يبقى السؤال من وين خذوا رقمك !! والجواب واضح واذا ماكانت مقابل مبالغ بعد

[start555]

بالنسبه لي ماشوف اي ازعاج بالرسايل ....ان كان القصد بالازعاج هو نغمة الجوال كلها ثواني وتنتهي

اما اذا كان الوقت متأخر بالليل اخلي الجوال على الصامت واسحبها نوووومه

وهذا رأيي الشخصي

[بوخالد911]

صحيح

انا تجيني مسجات عشوائية دعائية

ومرررررررررة طبيت بشركة عدل

خليتهم بيزى ما يسووون

[قوت القلوب]

ايقاف رسائل الاعلانات وتشغيلها

ترسل رسالة الى
92600
تكتب فيها unsub all
بتوقف كل الاعلانات ماعدا البنوك ومطراش

وللتشغيل مره ثانية
92600
sub all

[سداوي&مدريدي]

اي والله كلامك صحيح عوروا روسنا بالمسجات

[Aaziz]

موضوع في الصميم ..
انا مثلك ياخوي كنت اعاني من هالرسايل واتصلت في كيوتل اكثر من مره وقلت لهم ان في رسايل اعلانيه توصلني بشكل يومي ومكثف واستفسرت منهم اذا انهم يعطون الشركات التجاريه ارقام هواتف عملائها او لا
قالي ماعندي علم .. وقالي في حركه عشان توقف الرسايل وهي انك ترسل رساله unsub all ** لرقم معين
مايحضرني حاليا .. لكن المشكله انك لو ارسلت هالرساله ووقفت الاعلانات التجاريه .. راح تتوقف عندك خدمه مطراش وخدمه البنك .. وخدمات اخرى يمكن تحتاجها في عملك اذا كان عملك يرسلك رسايل عن طريق مركز اتصال خاص فيه ..
لكن فعلا اتمنى ان اوريدو ينظمون موضوع الاعلانات للي حابها يشترك فيها واللي مايبي خلاص مب اطفشون عيشته .. واللي تستغرب منه اكثر ان اغلب الرسايل اللي توصلك من محلات وشركات ماعمرك سمعت فيها او تعاملت وياها ... يبقى السؤال من وين خذوا رقمك !! والجواب واضح واذا ماكانت مقابل مبالغ بعد

اوريدو المفروض منها تحترم عملائها بشكل افضل من هذا ،،، اذكر سابقا كانت فيه خدمه استعلامات الدليل 180 كنت تقدر تطلب منهم انهم مايحطون رقمك ضمن ارقام الناس .. وكان هذا الشي بمقابل للاسف الشديد .. يعني تدفع عشان تنعم بخصوصية اكثر .

و بخصوص حركه الغاء جميع الرسائل هذا اسلوب لوي ذراع ... ترسل هذا الامر unsub all و تنقطع عنك جميع الرسائل ماعدى الرسائل الي من تلفون شخصي .. هذا يعني ان الوضع قابل للتصحيح من الناحيه التقنيه .
ولكن والله اعلم اعتد انهم يحطونك امام خيارين احلاهما مر .



بالنسبه لي ماشوف اي ازعاج بالرسايل ....ان كان القصد بالازعاج هو نغمة الجوال كلها ثواني وتنتهي

اما اذا كان الوقت متأخر بالليل اخلي الجوال على الصامت واسحبها نوووومه

وهذا رأيي الشخصي

كل التقدير لرأيك الشخصي
ولكن ما يناسبك قد لا يناسب غيرك .. محدثك على سبيل المثال اعمل بنظام شفتات
ولا ابالغ ان قلت لك رساله توصلني على الجوال تعني اني لازم اجهز شنطتي و اتجه للمطار في مهمه عمل طارئه .

فا اترك لخيالك ان شخص يصحى من النوم على رساله وهو يقول الله يستر ،، و اذا فتح الرساله ولا معهد لغه او محل عمره ما سمع فيه .
الناس ظروف و طلبنا بمنحنا خصوصيه في خدمات ندفع لها من اموالنا هو اقل حق من حقوقنا كعملاء و كبشررررر لنا رغبات يجب ان تحترم .

[Aaziz]

صحيح

انا تجيني مسجات عشوائية دعائية

ومرررررررررة طبيت بشركة عدل

خليتهم بيزى ما يسووون

بوخالد ،، لاتقول عني عصبي ترى ما انلام .

مره كنت توني راد من دوام ليل (داخل البيت الساعه 7 الصبح) ميت من التعب ،، و نمت و الساعه 10 يعني ماصار لي ساعتين من نمت صحيت على تلفون من رقم ارضي غريب .
رديت ولا واحد متصل من احد البنوك الي في حياتي ماتعاملت وياها . يعرض علي سلفه مادري ايش .. طبيت في بطنه بس ماحبيت اخرب النومه .
كملت و اتصلت له قبل نهايه الدوام .
قلت له والله ثم والله انك الان اذا ما تقول لي من وين جبت رقمي و اسمي وجهة عملي و وظيفتي و راتبي @@
لا اطلع الحين اروح مركز الشرطه اتقدم بشكوى ضدك انت شخصيا و اسمك و مكان عملك قلتهم لي.
سكر و كلمني من موبايله الشخصي و قال لي من وين جاب هذي المعلومات و ترجاني ما اتسبب له في مشكله كونه توه جاي البلد و متعين و يبي يترزق الله .
و هالشي الي خلاني اتراجع عن قراري الي كنت فعلا جاد فيه مقابل انه مايرجع يتصل لي مره ثانيه .


ايقاف رسائل الاعلانات وتشغيلها

ترسل رسالة الى
92600
تكتب فيها unsub all
بتوقف كل الاعلانات ماعدا البنوك ومطراش

وللتشغيل مره ثانية
92600
sub all

هل انت متاكد ان رسايل البنك و مطراش ماراح تتوقف عني اذا سويت الي قلت عنه .
اوريدو قالوها لي شخصيا و ذكروها الشباب قبلي ان رسايل البنك و مطراش راح تتوقف .

[Aaziz]

يا شباب هل المجلس الاعلى للاتصالات له علاقه بالموضوع .

هل ممكن حد يتواصل معاهم يسوي فينا خير



اي والله كلامك صحيح عوروا روسنا بالمسجات

عاد مالنا الا نشتكي و ان شاءالله يوصل صوتنا .
ماتعرف حد من الصحفيين يكتب لو نبذه صغيره في الجريده عن الموضوع .

[مافي مثلي]

عندي 4 ارقام تمل من الرسايل خاصه واحد محد يعرفه من الي يعرفوني وجديد كله رسايل
الا معهد الا عروض

[عبدالعزيز 101]

لو تبي تعرف ان مطراش بينقطع او لا امش ١٤٠ عند الرادار :)

[عبدالرحمن1]

وحياتك تمشي ١٤٠ عند الرادار يجيك رساله من مطراش وبعد
بيجيك على الواتس اب هذي غير ياحبيبي هذا قانون

[abo0o0od QtR]

بالنسبة لهموضوع

اورديو ما لها اي علاقة لانها ما تزود الشركات باي معلومات عن العملاء نهائيا لا ارقام ولا بيانات العملاء

بالنسبة للمسجات انا كل يوم اقعد من النوم احصل مسجين ولا 3 لكن ما تزعجني

نومي ثقيل بوكلين يحفر جدام الباب البيت صارله اسبوع ما اثر فيتي :shy:

[أم محمد 90]

اللي يقول مااشوف انها تأثر
راجع فاتورتك الشهرية بتشوف حول مبلغ 200 او 300 ريال مكتوب (خدمة ترفيه)
وهذي الخدمة لما تطلب الغاءها بيشلخ عليك الموظف مال كيوتل وبيقول طرش مسسج unsub all
وطبعا سويناها وللحين نفس المشكلة
عادي اقوم من النوم الاقي 6 مسجات وكلها مسجات تبدأ من 922 أو مسجات محلات مالها داعي !!

ترى ازعاج جد :)

[Aaziz]

عندي 4 ارقام تمل من الرسايل خاصه واحد محد يعرفه من الي يعرفوني وجديد كله رسايل
الا معهد الا عروض

الله المستعان ،، و انا ليش استحمل هذا الازعاج .
الشركه المشغله مسؤوله تقاو هذا الشي بمعرفتها .
انا في امريكا ،، عمره ماجاتني رساله دعايه مع العلم اني احط رقمي في اي محل اشتري منه شي .
محد يتصل لي او يطرش لي رساله الا لشي يستحق و يكون فيه معلومه انا انتظرها .
لانهم برى يعرفون ان الزبون يقدر يحاسب الشركه .


بالنسبة لهموضوع

اورديو ما لها اي علاقة لانها ما تزود الشركات باي معلومات عن العملاء نهائيا لا ارقام ولا بيانات العملاء

بالنسبة للمسجات انا كل يوم اقعد من النوم احصل مسجين ولا 3 لكن ما تزعجني

نومي ثقيل بوكلين يحفر جدام الباب البيت صارله اسبوع ما اثر فيتي :shy:

سابقا كيوتل كانت تتبنا هذا الفعل بشكل رسمي غير معلن .
الشركات تطلب منها ارسال رسايل على مثلا الفين رقم ،، بمبلغ معين .
حاليا لا اعلم ،، و هذا مش موضوعنا ابدا .

حاليا هي المسؤوله عن وقف هذا الازعااااج بمحاسبه الشركات الي ترسل على ارقام الناس بدون لا يطلبون .


اللي يقول مااشوف انها تأثر
راجع فاتورتك الشهرية بتشوف حول مبلغ 200 او 300 ريال مكتوب (خدمة ترفيه)
وهذي الخدمة لما تطلب الغاءها بيشلخ عليك الموظف مال كيوتل وبيقول طرش مسسج unsub all
وطبعا سويناها وللحين نفس المشكلة
عادي اقوم من النوم الاقي 6 مسجات وكلها مسجات تبدأ من 922 أو مسجات محلات مالها داعي !!

ترى ازعاج جد :)

الي تتكلمين عنه هذا موضوع اخر ... الازعاج من شركات تجاريه (محلات) هم الي يرسلون

[abdo222]

يالغالي والله عن تجربه

اريدو حلوا هال المشكله عندي في اقل من 12 ساعه

حطيت شكوى عنهم في الانستجرام وتيوتر وسويت لهم تاج ,, ردوا علي طلبوا رقمي بعد نص ساعه

بعد ثلاث ساعات اتصلوا فيني ,, كنسلوا استقبال المسجات من جهات معينه ,, و قعد يقول لي شنو الي ابيهم وشنو الي منزعج منهم ,,

[ضوى]

ايقاف رسائل الاعلانات وتشغيلها

ترسل رسالة الى
92600
تكتب فيها unsub all
بتوقف كل الاعلانات ماعدا البنوك ومطراش

وللتشغيل مره ثانية
92600
sub all


والله ولا فادت ولا زالت تجيني الرسايل

[Aaziz]

يالغالي والله عن تجربه

اريدو حلوا هال المشكله عندي في اقل من 12 ساعه

حطيت شكوى عنهم في الانستجرام وتيوتر وسويت لهم تاج ,, ردوا علي طلبوا رقمي بعد نص ساعه

بعد ثلاث ساعات اتصلوا فيني ,, كنسلوا استقبال المسجات من جهات معينه ,, و قعد يقول لي شنو الي ابيهم وشنو الي منزعج منهم ,,

صادق الشيخ ... انا تواصلت معاهم قبل سنتين و وصلت الى الشخص الي المفروض اوصل له بخصوص ازعاج الرسايل ،، و كانت بنت قطريه .
شرحت لها الوضع و قالت انا داخله على الرسايل الي قاعده توصلك و قالتلي عن كذا شركه كانو يطرشون لي .. و وقفت الرسايل منهم . هذا شي ما انكره ابدا .

ولكن
الشركات الي ترسل الدعايات هذي شركات متجدده كل يوم شركه غير .
اوريدو اذا وقفو الرسايل عن الشركات الي سبق ارسلت ايش راح يسوون مع الشركات الجديده الي بتبدا ارسال رسايلها على تلفوناتنا .

اوريدو لو يبدون بمحاسبه الشركات بناء على شكوى تقدم بها العملاء ،، راح توقف هذي الشركات عند حدها ،، و ماراح يرسلون الا بعد استأذان الشخص و تخييره هل ترغب بتلقي رسائل دعائيه ام لا .

هذا هو الحل الناجح من وجهة نظري والله اعلم .

[لابس بشت]

انا تجيني مسجات مش اقل من 6 ولا 7 مسجات فاليوم وكلها دعايات
وكلمتهم وقالوا لي ارسل رساله على هذا الرقم 92600 وفعلا وقفت المسجات كلها حتى مسج البنك
وكلمت البنك قالوا لي انهم يرسلون لي المسجات لكن ماتوصل لي
واضطريت اشغل الخدمة مره ثانية وقاموا يزعجوني من جديد
نظام اوريدو يا تاخذه كله او تخليه كله
ياليت يشوفون لنا حل

[Aaziz]

انا تجيني مسجات مش اقل من 6 ولا 7 مسجات فاليوم وكلها دعايات
وكلمتهم وقالوا لي ارسل رساله على هذا الرقم 92600 وفعلا وقفت المسجات كلها حتى مسج البنك
وكلمت البنك قالوا لي انهم يرسلون لي المسجات لكن ماتوصل لي
واضطريت اشغل الخدمة مره ثانية وقاموا يزعجوني من جديد
نظام اوريدو يا تاخذه كله او تخليه كله
ياليت يشوفون لنا حل

عاد المصيبه و السؤال الي ما احب اسمع جوابه
اني اذا مسافر هل هذي المسجات الدعائيه راح تحسب علي فاتوره بسبب اني استقبلت رسايل و انا مسافر .
هذي مشكله والله و سبب قانوني اني اتقدم بشكوى نتيجه اني اخسر فلوس في شي مالي ذنب فيه .. انا مسافر من فتره طويله و تلفوني القطري حاطه سايلنت و بس استقبل رسايل .