ضروري وين مكان مكتب بلاغات هروب الخدم

[المحقق كونان]

السلام عليكم

خدامتنا شردت امس وابي ابلغ عنها حسبي الله ونعم الوكيل

ضروري وين مكان مكتب بلاغات هروب الخدم مع خريطة توضيحيه اذا امكن

يا ليت يتم الموضوع في العام شوي

[وحيد-الشوق]

البحث والمتابعة اخوي

بالنسبة للمكان شوف الرابط وماعندي علم اذا لهم فروع ثانية او يصير تقدم في مكان ثاني غيره لأني من كم سنة بلغت هناك

الله يعينك والله رزيله هالخدامة :(

http://www.moi.gov.qa/site/arabic/departments/SearchDept/resources/images/2008/01/20_1501.gif

[باراكودا]

روح أقرب مركز شرطة خاص بمنطقتكم وقدم بلاغ هروب ..

[الـخـور]

انا نفس الشي اهربت خدامتي حسبي الله عليها
البعض شكلهم خبر فالهروب .. كملت ٣ شهور وكم يوم ... واصبح مكتب الخدم مايعوضني عنها بشيء :(

الحمد لله

[خيالة قطر]

البحث والمتابعه اللي فشارع سلوى وانت رايح السعوديه

[بوراشد82]

وانا بعد الشغالة هربت يوم الجمعه

[jajassim]

يتم بلاغ في اى مراكز الخدمات الموحدة والمنافذ بالاضافة الى ادارة البحث والمتابعة ، باستثناء إدارتي أمن العاصمة والريان

وللعلم ،، في حاله مرور أكثر من شهر من تاريخ تقديم الـشكوى وتـم القبض عليهم , فـلا يـتحمل الكفيل قيمه التذكره أما إذا كانت المده أقل من شهر فيلتزم الكفيل بدفع قيمه التذكره.


http://www.moi.gov.qa/site/arabic/departments/PassportDept/sections/sec874/index.html

[Sari]

انا نفس الشي اهربت خدامتي حسبي الله عليها
البعض شكلهم خبر فالهروب .. كملت 3 شهور وكم يوم ... واصبح مكتب الخدم مايعوضني عنها بشيء :(

الحمد لله

ماودي اظلم المكتب لأكن شمعنى 3 اشهر وكم يوم !

[الـخـور]

ماودي اظلم المكتب لأكن شمعنى 3 اشهر وكم يوم !

هذي الي انا موفاهمه .. وصارلها الان اكثر من 3 اسابيع مابينت

الله المستعان .. الحذر من مكاتب الخدم ..وهروب الخدم صار بكثرة

يقولي واحد من الشباب احسن شي انك تمسك راتب 3 شهور ماتعطي الخدامة لين تكمل سنتين

بس ماتعودنا احنا على هالطريقة وفنفس الوقت مافي مشكلة ضمانات من بقاء الخادمة سنتين

الواحد يدفع قريب 10 الاف.. واخر شي تشتغل بس 3 شهور

[الـخـور]

يتم بلاغ في اى مراكز الخدمات الموحدة والمنافذ بالاضافة الى ادارة البحث والمتابعة ، باستثناء إدارتي أمن العاصمة والريان

وللعلم ،، في حاله مرور أكثر من شهر من تاريخ تقديم الـشكوى وتـم القبض عليهم , فـلا يـتحمل الكفيل قيمه التذكره أما إذا كانت المده أقل من شهر فيلتزم الكفيل بدفع قيمه التذكره.


http://www.moi.gov.qa/site/arabic/departments/passportdept/sections/sec874/index.html



اخوي هل في اسناد قانوني لموضوع التذكرة ..
لان برغم الي خسرته من رسوم المكتب .. فهل بعد اكون ملزوم ادفع تذكرتها

[وطن]

الله يكون بعونكم اخوي


اللي اعرفه يتم التبليغ عند اي مركز شرطة


هذي الي انا موفاهمه .. وصارلها الان اكثر من 3 اسابيع مابينت

الله المستعان .. الحذر من مكاتب الخدم ..وهروب الخدم صار بكثرة

يقولي واحد من الشباب احسن شي انك تمسك راتب 3 شهور ماتعطي الخدامة لين تكمل سنتين

بس ماتعودنا احنا على هالطريقة وفنفس الوقت مافي مشكلة ضمانات من بقاء الخادمة سنتين

الواحد يدفع قريب 10 الاف.. واخر شي تشتغل بس 3 شهور

وصلوا 13- 15 الف :(

[بو خليفه 123]

السيناريو :

بعد شهر او شهرين من تاريخ الهروب بتسلم نفسها للشرطه .
بيتصل فيك الضابط "رأفت الهجان" و بيطلب منك حضورك . تسأله وش السالفه . يقولك انت تعال بس و بتعرف الموضوع .
طبعاً طول المشوار بطنك يعورك و تتذكر كل شي سويته في حياتك من ايام الثانويه .

بتوصل المركز بيقولك هذي خدامتك , و ماتبغي تشتغل عندكم . بتسفرها على حسابك ولا شلون ؟

طبعاً اذا قلت له لأ من حق الضابط "قانونياً" انه يحطك بلاك لست في الجوازات بعدم استطاعتك استقدام أي خادمه او سائق بالمستقبل لمجرد رفضك دفع تذكرة تسفير الخادمه .

فلذلك بترضخ للامر الواقع و بتدفع تذكرتها و انت تضحك .. يُغلق الملف .. ترجع البيت


اسأل مجرب