حساب لمنتدانا العزيز في تويتر

[لابس بشت]

السلام عليكم ..,

اقترح انشاء حساب خاص بالمنتدى على تويتر للاطلاع على جديد المنتدى بسهولة وزيادة عدد الزوار والاعضاء وخصوصا بعد تويتر الاحظ ان أغلب الناس قل إقبالهم على المنتديات وأصبح تويتر ك (google) تجد فيه كل ماتريد

مجرد اقتراح اشرايكم فيه :)

[Aaziz]

مع اني ما اتوقع ان الاداره بتوافق على هذا الطلب .
ولكني مؤيد و بقوه ،، ولكن بطريقه مدروسه بحيث تسوق للمنتدى ولا تغني مستخدم تويتر عن دخول المنتدى

[لابس بشت]

أكيد طبعا مالنا غنى للمنتدى وفالمواضيع اللي فيها نقاش او بيع او شراء لكن نكتب الموضوع ونحط اللينك في تويتر اللي حاب يطلع عليه

مثلا عندك حساب اسمه اهل قطر في تويتر سجل صاحب الحساب وماشاء عليه متفاعل وصار عنده الفلورز قريب ال27 الف ومنها فتح منتدى بأسم شبكة اهل قطر

وانا متفائل ومتوقع لمنتدانا النجاح لانه يعتبر من قمة المنتديات القطريه

[AMER H]

واضافه في ( APP Stor )

[الحياة حلوة]

والله فكرة حلوة خصوصاً ان تويتر صار كل الاخبار والمواضيع اول باول ...

[مضارب دوسري]

انا ما اشوف انه منها فايده
يعني مثلا وزاره او قناه اخباريه نعم انفق
ولكن شبكة الاسهم القطريه
شنو اللي بتقدمه لتويتر !
في النهايه هذا منتدى مكان للنقاش ومكان للاسهم ومكان للسوق ومكان للبناء
شنو اللي بيتطور لو كان هناك حساب في تويتر !
نكتب مثلا
فلان كتب موضوع عن كذا كذا !

حسب اعتقادي لا فائده مرجوه من فتح حساب ف تويتر ف شيكة الاسهم نار على علم
والمل في قطر يعرف اسم هذا الموقع
والدليل دائما الزوار بالالاف والاعضاء المتواجدون بالمئات

[دنيا الاسهم]

ما اشوف لة فائدة والله اعلم

[alsoq]

تويتر لا يتيح لك حريه الكتابه فا انت مربوط بعدد احرف معينه

[مشهور]

اتفق معك وبقوووووه مثلا طرح المواضيع اول بأول ليكون لك منتدى حساب خاص لان تويتر اصبح الناس كلهم يستخدمونه أكثر من أي برنامج

[أستغفرك يارب]

ياليت لو يكون في برنامج ع الاب ستور

و يكون فيه محرك بحث للسيارات
و ياليت بعد لو تتم تسهيل عمليه الاشتراك يعني تكون بدون ايميل رسمي و تعقيد عالفاضي

[لابس بشت]

اللي تشوفونه لكن اعتقد فالمستقبل القريب بعد ظهور برامج كتويتر ماراح تلقون شئ اسمه منتدى
هذا رأيي والله اعلم