ليش ماعندنى مدينه العاب كبيرة

[قطري 777]

بسم الله الرحمن الرحيم


والله اتمنى يكون عندنى مدينه العاب كبيرة على نظام دزني لاند واحسن وتكون متنفس لاولادنا ولنى احنى بعد :) وفي نفس الوقت مصدر دخل للدوله مشروع تجاري ناجح !

شرايكم ؟؟:victory:

[qrt_trading]

يارييييييييييييييييييييت بس أتكون مسكره مش مفتوحة لان في جونا ذي الألعاب راح تخترب مثل ما صار في علاء الدين.

[Rosso]

نتمنى ذلك

[Ashom Qatar]

وين الي يسمع

[لاجل QT]

بيكون المشروع فاشل اذا سوة مفتوح جونا مايساعد ابدا

الحل انهم يسون مجمع ضخم مغلق للالعاب الترفيهية

[محمد 93]

الجو مايساعد في الصيف الطير مايطير :weeping:

[بوحارب]

ياريت والله وبالنسبة للجو خلاص تعودنا على حرارة الصيف

حتى إذا الحرارة وصلت 50 تلقى الواحد يكرك عند باب البيت

مع حبة زقارة وتحصل عليه ديون وقضايا ومع ذلك يقول الحياة حلو ومافيه احسن من جو قطر هههههه

[fzaa_qatar]

فيه مدينه ترفيهيه في لوسيل شغالين فيها .. اعتقد فرع من مدينه العاب فامريكا

[سداوي&مدريدي]

اي والله نتمنى ياليت نسوي مدينه ملاهي اتكون الأكبر والوحيده من نوعها في العالم ,,ليش لا دام الامكانيات موجوده :nice:

[hot2000]

ما تنفع مدينة إلعاب مفتوحة لازم تكون مغلقه علشان تستغل في اكل الأوقات

أي فائدتها تستغل خلال ٣ اشهر

مشروع خسران

[غايه الطواش]

سمعت عن سكس فلاغ بس مادري ايش صار بالموضوع

[قطري 777]

اي والله نتمنى ياليت نسوي مدينه ملاهي اتكون الأكبر والوحيده من نوعها في العالم ,,ليش لا دام الامكانيات موجوده :nice:


بكل بساطه حليتها كلشي متوفر واي نت ؟ صح عليك : ))

[قطري 777]

ما تنفع مدينة إلعاب مفتوحة لازم تكون مغلقه علشان تستغل في اكل الأوقات

أي فائدتها تستغل خلال ٣ اشهر

مشروع خسران


يخي لو شهررر بسنه والله ارضين ماعندك مشكله :nice:

[حمد 2002]

أي نييييييييييييي ذلك ،،

تحياتي لك ،،

[قطري 777]

سمعت عن سكس فلاغ بس مادري ايش صار بالموضوع



منورة ياست :nice:

[العلم]

في سر فالموضوع .. المشروع نجاحه واضح وضوح الشمس .. والناس تطالب به من زمان ..



بس فيه بلاء :secret:

[المجدم]

والمصيبة ما يعملون صيانة الا بالمواسم ، وسلمونا على حديقة الحيوانات؟؟؟؟ العاب سناء صيانة متى؟؟؟ بالعيد على اساس انه عندهم شغل وحركة بغير العيد؟؟؟؟

[حمد 2002]

في سر فالموضوع .. المشروع نجاحه واضح وضوح الشمس .. والناس تطالب به من زمان ..



بس فيه بلاء :secret:

:omg: اتهقى السبب .................

[بنسل]

كبرنا وﻻ لعبنا :(
انشالله عيالنا يلعبون :(

[JN000N]

مسكره تكلف اكثر
ومسكره محتاجه ناس لها ذمة وضمير تجابل المشروع مب لين يصير حريق او اي شي تطلع البلاوي
وعادي حتى لو شتويه موسميه نفس القريه العالميه ماعندنا مشاكل
احنا نعاني من الحر والدول تعاني من المطر والبرق
لكن ما سكرو الالعاب اللهم وقفو بعض الالعاب الي يضرها البرق والمطر
يعني مساله الصيف مش قاتله لهالدرجه
حلاته المكان مفتوووووووح وكبيييير وسيارات قولف للتنقل الداخلي ومطاعم ومرافق صحيه وسكيوريتيه ومصليات
لو الحر ياثر جان جفتو كتارا فاضي فالصيف
والالعاب بالاهتمام فيها ماراح تخترب
لنأمل مستقبلاً ان هالامور بتصير

[جبر ال جبر]

اذكر المدينه الترفيهيه علاء الدين قعدت 7 سنوات ومانجحت او نجحت مادري بس اذكر كل مانجيها زحمه

[منصور.]

بالعكس مسكره احسن مثل مدينة فيراري في ابوظبي مكيفه ورافيه جدآ ولا يوجد بها خطوره سيفتي لابعد الحدود والعاب للصغار والكبار تدفع حوالي 225 تقريبآ للشخص ويلعب لين اتسكر الملاهي بلاش والمطاعم طبعآ بفلوس ليش مايسون مثلها ولايسمونها فيراري يسمونها لامبورغيني ويتفقون ويا الشركه أول شي دعايه لها على مستوى كبير ويكون المشروع مدعوم ومشترك من الصوبين

[Dexter]

سمعت أن فيه مدينة ألعاب قاعدين يبنونها وبتكون الأكبر في الشرق الأوسط، بس للحين مافيه تحديث بخصوص المشروع :weeping:

[أبوهيا]

مافي مكان تودي اليهال فيه
العاب سناء 80 بالميه من اللعاب مختربه
العاب المجمعات لو بتلعب بكل لعبه بتخلصهم كلهم ب20 دقيقه وكلهم نفس اللعاب
حديقه الحيوان الغوها  بطريقه ثانيه شدعوه صيانه بتاريخ مفتوح من 4سنوات
اكوا بارك فاشله ومافيها اي سيفتي وماتيجي 20 بالميه من مستوى الي بدبي ولا البحرين
ويجون يقلون العالم بالاعياد مسافر بالاجازه مسافر بالويك اند مسافرين

[باحث علم]

عالم فراري في ابوظبي مدينة عملاقة للالعاب ومغلقة بالكامل
ياليت يسوون مثلها

[العلم]

حمد لاتهقوني انا ماقلت شيء ...........:secret:



الموضوع فيه إن ...:con2:

[بوغانم995]

والله بعد الذي شفناه في أتلا نــتــس ..........يبي له ....مدينه مسكره .....و الموضوع ماهو صعب .....تغطى بألواح شفافه عاكسه ..موشرط تكون زجاج .....بلاستك سميك ...يعكس اشعة الشمس ...اما أحواض السباحه ...تكون مكشوفه ....وعلى ضفافها يكون الظل .....محد يستحمل حرارة الصيف ....وحتى الشمسيات ..روح دورلك شمسيه في أتــلانــتــس ......وأغلبهم عليهم أفوط .....ومحد قاعد ....بسسسسسس

[المحاميه]

من زمان اقول شدعوه قطر بكبرها مافيها مدينة ملاهي عدله .. شاللي ناقصنا عشان مايكون عندنا.. تخيلوا سياح اييون ويقولون وين الملاهي نقولهم ماعندنا..

مادري متى بيكون عندنا شي يبيض الويه ..

[mubarak750]

من زمان اقول شدعوه قطر بكبرها مافيها مدينة ملاهي عدله .. شاللي ناقصنا عشان مايكون عندنا.. تخيلوا سياح اييون ويقولون وين الملاهي نقولهم ماعندنا..

مادري متى بيكون عندنا شي يبيض الويه ..


احنا دايما جذيه لا خلصو كل الدول وسوو احنا نسوي, لا نروح بعيد كدزانيا ما خلت مكان مافتحو اسمع حتى في الدمام بيفتحون واحنا للحين نفكر وندرس , حتى ملاهي المعارض اللي سووها حق العيد انا رحت وياريتني ما رحت كلها العاب مالت الثمانينات حتى سناء احسن صراحة شئ يفشل. العثيم مول مال الاحساء العبه احسن من ارقى مجمع عندنا , احنا مو ذابحنا الا الاحتكار عندنا شوية تجار ما ادري جنهم ما جافو خير شياب وعقلياتهم مصدية من زمان لاهم اللي يبون يسوون ولا يبون يخلون الشباب ولا المستثمرين الاجانب يسون شئ يعني يبيلنا اقل شئ 30 سنة ايلين هالكم شيبه يتوكلون بعدين ابشر بالخير

[الزعفراني]

مشروع غير مجدي .. لانه مكلف جدا والعوائد مدري متى بتغطي تكاليف المشروع هذا غير المصاريف التشغيليه للمشروع .. غير ان جونا حار اغلب اشهر السنه .. غير ان عدد السكان قليل .. يعني الرواد والزوار راح يكون قليل فما بالك لو كانت تكلفة الدخول او الالعاب او استخدام مرافق الملاهي مرتفعه ..

[♫ احسـاسـ طفلـهـ ♫]

لازم يجبرون الناس تسافر يعني :weeping: .. وانا صرت اكره السفر ودي اقعد بس هني لو ابلط بالكورنيش واحلط بس سووا لنا شي سياحي يرحم والديكم الشعب صاده ملل رهيب بلاد شكبرها ماعندها مكان سياحي ترفيهي !! :weeping: ليه كده يا قماعه ارحمونا بئى


موضوعك جا ع الجرح والله لان صج سنييييييييييييييييييييييييين والشعب ينادي بهالشي لكن لا حياة لمن تنادي اموت واعرف ايش السبب !!

[رُفق المجنّا]

لو افترضنا أن 40٪ من الشعب يسافر في العيد وأن عدد الشعب 300 ألف فهذا يساوي 120 ألف ولو قسمنا العدد ع 5 كمتوسط لعدد أفراد الأسرة = 24 ألف أسرة وبمتوسط صرف خلال الاجازة 20 ألف = 480 مليون !

لو تمكّنت هيئة السياحة من تأسيس قاعدة قوية للسياحة في قطر فسنظل نشكرها لسنين طوال ولكن اقتصر جهدها ع مناسبة واحدة فقط !

في دبي هنالك مهرجانين سنويين ( الصيف والتسوق ) وجهود جبارة بحق لأنهم مؤمنين بأهمية القطاع السياحي ولكن نحن في قطر نفس الفعاليات في كل عام تقريباً

سيرك + آل أبو عصا "الطويلين" + مهرجين وشخصيات كرتونية من القرن السابع عشر + و20 لعبة والسلام !

[mubarak750]

لازم يجبرون الناس تسافر يعني :weeping: .. وانا صرت اكره السفر ودي اقعد بس هني لو ابلط بالكورنيش واحلط بس سووا لنا شي سياحي يرحم والديكم الشعب صاده ملل رهيب بلاد شكبرها ماعندها مكان سياحي ترفيهي !! :weeping: ليه كده يا قماعه ارحمونا بئى


موضوعك جا ع الجرح والله لان صج سنييييييييييييييييييييييييين والشعب ينادي بهالشي لكن لا حياة لمن تنادي اموت واعرف ايش السبب !!

انشاءلله اعيال عيالج بيجوفون مدينة الملاهي

[المحاميه]

لو افترضنا أن 40٪ من الشعب يسافر في العيد وأن عدد الشعب 300 ألف فهذا يساوي 120 ألف ولو قسمنا العدد ع 5 كمتوسط لعدد أفراد الأسرة = 24 ألف أسرة وبمتوسط صرف خلال الاجازة 20 ألف = 480 مليون !

لو تمكّنت هيئة السياحة من تأسيس قاعدة قوية للسياحة في قطر فسنظل نشكرها لسنين طوال ولكن اقتصر جهدها ع مناسبة واحدة فقط !

في دبي هنالك مهرجانين سنويين ( الصيف والتسوق ) وجهود جبارة بحق لأنهم مؤمنين بأهمية القطاع السياحي ولكن نحن في قطر نفس الفعاليات في كل عام تقريباً

سيرك + آل أبو عصا "الطويلين" + مهرجين وشخصيات كرتونية من القرن السابع عشر + و20 لعبة والسلام !

:(:(:(

[قطري 777]

مشروع غير مجدي .. لانه مكلف جدا والعوائد مدري متى بتغطي تكاليف المشروع هذا غير المصاريف التشغيليه للمشروع .. غير ان جونا حار اغلب اشهر السنه .. غير ان عدد السكان قليل .. يعني الرواد والزوار راح يكون قليل فما بالك لو كانت تكلفة الدخول او الالعاب او استخدام مرافق الملاهي مرتفعه ..



مشروع مب فاشل واذا مكلف يعتبر اسثمار طويل الاجل مب شرط يجيب راس ماله في يوم وليله وبعدين لو تسوي مدينه العاب تكون الاكبر في العالم لاتستبعد العالم يحجزون من بلادهم وتزداد نسبه السياحه وتوصل ارقام خياليه لسبب هاذي المدينه

والاهم من هذا كله يلاقي المواطن والمقيم مكان حلووو يودي عياله واسرته ويستحق ان يقضي يوم كامل فيه بدووون ملل .

[بصمة قطرية]

ليش ما عندنا ..!!!؟؟