وبعدين يا Ooredoo .؟

[..er..]

السلام عليكم ورحمه الله وبركاته

موضوعي اليوم غير شكل ومايرفع الضغط ابد

وصلني مسج من اوريدو بموضوع المزاد اللي راح يصير يوم الجمعه اللي طاف طابعآ ..تقريبآ في بداية رمضان .. اعتقد الجميع وصلهم هالمسج
المهم قلت باخذ للوالده رقم مميز او شبه مميز كهديه ..
دخلت خذت فره بالأرقام المعروضه واعجبني رقم وحاولت احجزه وطلع محجوز .. وسعره 2250 وطبعآ اللي سعره من 1000 لين 5500 راح يكون عليهم خصم 50%
على كلام الموظف في الكول سنتر 111
المهم لقيت رقم حليو سعره 750 وطبعآ الموظف معي على الخط :telephone:
قلت لقيت رقم سعره 750 وابيه قال احجزه وعطاني المعلومات وقال بالحرف الواحد اذا بتاخذه كرت هلا بيطلع عليك ب 750 ريال وان اخذته شهري راح يطلع لك الرقم مجانآ
ف تدرون يازين المجان بلا خساره ولا حاجه ف انا اكدت عليه مره ومرتين وثلاث وابشركم اربع مرات هل اذا اخذته شهري راح ادفع 750 ولا ؟؟!!!

قال ابدآ ولا ريال غير 50 ريال قيمه الشريحه وتدفع الفاتوره اللي بتنزل عليه كل تاريخ صدور للفاتوره فقلت توكلت على الله ورحت يوم الجمعه بالليل لفرع حياة بلازا ومسكت دور مع العالم والزحمه وكلن ياخذ له رقم فقابلت الموظفه وعطيتها الرقم الشخصي وطلعت لي الرقم قالت ادفع لو سمحت 750
عاد انا وجهي تغير لكذا لون كيف ادفع وهو قايل ماتدفع المهم قلت لها عن الموضوع ونادت لي السوبر فايزر وشرحت له كلام الموظف بالكول سنتر قال لي لحظه وراجع لك وراح داخل وعقب تقريبآ اربع لـ خمس دقايق رجع وقال خلاص صح عندنا برموشن ومزاد .. إلخ وماكان عندي خبر والحين تاكدت الرقم ليك ياباشه مجانا

فسويت فيه مثل ماسويت بموظف الكول سنتر عدت عليه الف مره اكيد ياباشه ماراح تدفعوني شي مثلآ 750 ريال ؟!!!!
قال ههههه لا خلاص مش حتدفع غير قيمه الشريحه والفاتوره فقط قلت حلو اذا بتدفعوني عطني خبر احوله هلا ابرك لي قال لا خلاص مافيه أي شي غير الخمسين تبع السيم كارد والفاتوره طبعآ انا خذت باقه شهري 55 يعني بتطلع اخر اول شهر 105 ريال وشهريآ 55 ريال وعقب ثلاث شهور بحوله هلا فقال السوبر فايزر صح عليك انت عليك بس 3 شهور تدفعهم بعدين عاوز تئطعوه ولا تحولوه يبئ بكيفك :victory:

الزبده رحت اليوم الاثنين لفرع شارع الشافي دخلت على الموظف بدفع فواتيري فطلع فيه لخبطه بفاتورة تلفوني ورحت اراجع المدير وسالته عن التلفون الجديد قال عليك الله يسلمك 855 ريال :eek5:
كيف شلون منين شصار :rolleyes2:
قال قيمه الخط وقيمه الشريحه والفاتوره الشهريه طلع المجموع 855 :omg: قلت طيب وشرحت له السالفه قال انا مالي خص روح راجع الكول سنتر ولا راجع فرع الحياة بلازا :rolleyes2:

الزبده شالوضع مع Ooredoo ؟

ترى مب حاله كل يوم تنقز لنا بنصبه جديده !!!


ف انتظار اقتراحاتكم :omen2:

[Locale]

بوق عيني عينك
خدمتهم تعبانه الصراحه ايضيعون وقتنا مع اخطائهم
يحسبون الناس فاضيه ماعندها مشاغل

[JN000N]

ههههههههههه قصو عليك
عشان كل واحد يسوي نفسه مايدري لين توصل لمرحله انك تقول قلعتها دفعة بلا عن راسي وتدفع
وماجنه كلش الموضوع يفترض ان الكل يدرون عنه ان مجاني مب انت تروح تبلغهم جنهم يحليلهم توهم يتعلمون من العميل

[بوخالد911]

هلا

اطلب مقابلة لمن هو أعلى منصبا من المشرف
رئيس قسم
مساعد مدير
المدير

واطلب احضار التسجيل

واكتب وغرد في تويتر

واحشرهم

وبتشووف الرد السريع

[..er..]

بوق عيني عينك
خدمتهم تعبانه الصراحه ايضيعون وقتنا مع اخطائهم
يحسبون الناس فاضيه ماعندها مشاغل

كلمت الكول سنتر وحولني على السوبر فايزر اللي نقعني تقريبآ 12 دقيقه لين رد وكان اسلوبه تمام
وماشفت منه أي شي ووعدني انه يحول الموضوع لقسم الشكاوي .. إلخ
في اثناء مكالمتي له كلمت واحد من الربع محامي وعطيته الموضوع كامل
اذا ماخلصوني راح نباشر برفع قضيه عليهم .. ادري راح تقولون كلها الا 750 وماتسوى .. إلخ
لو يبون مني 100 الف بس بوجه حق انا راضي اما من تحت لتحت ومع خدع وحركات بهلوانيه لا والله ان ارفع عليهم قضيه وان امرمطهم
مايسوى علي الف مره أأكد على الموظف بالكول سنتر وبالفرع واخر شي اطلع انا الغلطان والغلط راكبني
في انتظار الشكوى والتنقيعه واذا خلصوني ولا بنيت لي خيمه عند المحكمه

[..er..]

ههههههههههه قصو عليك
عشان كل واحد يسوي نفسه مايدري لين توصل لمرحله انك تقول قلعتها دفعة بلا عن راسي وتدفع
وماجنه كلش الموضوع يفترض ان الكل يدرون عنه ان مجاني مب انت تروح تبلغهم جنهم يحليلهم توهم يتعلمون من العميل


أي هذا سنعهم بس انا فاضي لهم ماوراي أي شي وماخذ اجازه سنويه
وبخلي كل حاجه عشان عيونهم


هلا

اطلب مقابلة لمن هو أعلى منصبا من المشرف
رئيس قسم
مساعد مدير
المدير

واطلب احضار التسجيل

واكتب وغرد في تويتر

واحشرهم

وبتشووف الرد السريع

وهذا اللي راح يصير دخول سريع بتويتر وفضيحه بجلاجل على قولة اخوانا المصريين

[بوخالد911]

وهذا اللي راح يصير دخول سريع بتويتر وفضيحه بجلاجل على قولة اخوانا المصريين

حلووووووووووووووووووووووو

والله يوفقكم

وحطنا بالصورة وش يصير معك:nice::nice::nice:

[..er..]

حلووووووووووووووووووووووو

والله يوفقكم

وحطنا بالصورة وش يصير معك:nice::nice::nice:

لاتحاتي :nice::nice::nice:

[l0o0rd-qtr]

كل شي ببلاش اصلا في اوريدووو

بس يدفعونا كل شي خخخخ

[بصمة قطرية]

دامك قلت بترفع قضية
الصبح بيكلمونك أوريدو بيقولون لك فاتورتك صفر :tease:

[bohilal191]

صار عندك لبس في الموضوع يالغالي اوريدوا عندها شرط لما تاخذ رقم مميز وتحوله شهري ماتدفع قيمة الرقم كاش وتجيك القيمة على الفاتورة بس لما تحوله هلا تدفع قيمة الرقم كاش وهذا اللي صار معاك والموظف مافهمك الموضوع عدل المقصود مجانا انك مابتدفع كاش والفاتورة قيمتها صح والله يعينك

[..er..]

كل شي ببلاش اصلا في اوريدووو

بس يدفعونا كل شي خخخخ

هذي مشكلتنا ينفضونا نفض بدون سابق انذار


دامك قلت بترفع قضية
الصبح بيكلمونك أوريدو بيقولون لك فاتورتك صفر :tease:

ان ماسنعوني وخلصوني والله مابين عيوني الا المحكمه مب حاله :omen2:

صار عندك لبس في الموضوع يالغالي اوريدوا عندها شرط لما تاخذ رقم مميز وتحوله شهري ماتدفع قيمة الرقم كاش وتجيك القيمة على الفاتورة بس لما تحوله هلا تدفع قيمة الرقم كاش وهذا اللي صار معاك والموظف مافهمك الموضوع عدل المقصود مجانا انك مابتدفع كاش والفاتورة قيمتها صح والله يعينك

على عيني وراسي مافيه أي مشكله لو يطلبون مني 10 الاف راح ادفعها وانا مغمض بس المفروض والصحيح انهم يوضحون هالنقطه ترى طفشت الموظفين بهالسؤال ( ماراح ينزل علي أي شي غير الفاتوره اللي هي 105 ؟؟ يعني اكيد ماراح تنزل الـ 750 ؟ )

لا موظف الكول سنتر ولا موظف الفرع كلهم اكدوا انه ماراح ينزل غير قيمه السيم كارد والباقه الشهريه
سبحان الله تولدت السالفه وبقدرة قادر نزلت الـ 750

كلمني سوبر فايزر الكول سنتر البارحه وقلت لاتزود معي كلام راجع تسجيلات المكالمات وراح تدري اني أكدت الف مره على الموظف ونفى ان الـ المبلغ راح ينزل وان الرقم مجآنآ وبكل برود قال راح اسجل لك شكوى

[بوخالد911]

متااااااااابع

ما الجديد؟

[..er..]

للأسف ماصار جديد بالموضوع من عقب البلاغ في قسم الشكاوي بـ اوريدو من ليلة العيد ..

ومتابع وياهم ونشوف تاليتها معهم .. وتم صدور الفاتوره ووصلني المسج 853 ريال :|

[كتكوت الوحش]

لاحول الله يارب

[ملكة البورصة]

مرحبا اخوي اتصل على 103 خدمة حماية المستهلك الخاص بوزارة الاتصلات الجهة اللي تحاسب فودافون وكيوتل وعطهم رقم الشكوى وهم باذن الله يجيبون لك حقك.. وراح يحققون فالموضوع بالنيابة عنك.. وبالتوفيق

[وليف الشوق]

الله المستعان ولا حياة لمن تنادي وصار الموضوع مادي اكثر من انه يكون معنوي

[الجوكر90]

صارت معاي نفس السالفه
ناطر شالي يصير معاك عشان اسوي نفسك

[..er..]

لاحول الله يارب

بتسهل ان شاء الله :nice:


مرحبا اخوي اتصل على 103 خدمة حماية المستهلك الخاص بوزارة الاتصلات الجهة اللي تحاسب فودافون وكيوتل وعطهم رقم الشكوى وهم باذن الله يجيبون لك حقك.. وراح يحققون فالموضوع بالنيابة عنك.. وبالتوفيق

اتصلت على الرقم اختي وخذوا الموضوع والمعلومات كامله اخر شي قالوا مانقدر نسوي لك شي الا بعد 30 يوم من تقديم البلاغ او يسكروا البلاغ وهو ماخلص :rolleyes2:
وقالت لي الاخت اللي على الكول سنتر انتظر لين تاريخ 6\9 وكلمنا وراح نباشر الموضوع وان شاء الله يخلص :telephone:


الله المستعان ولا حياة لمن تنادي وصار الموضوع مادي اكثر من انه يكون معنوي

والله العظيم لو طلبوا 10 الاف عطيتهم ماعندي مشكله بس تكون بوجه حق مب من تحت لتحت وبعرض مضلل واعلان فاشل :omen2:


صارت معاي نفس السالفه
ناطر شالي يصير معاك عشان اسوي نفسك

الافضل اخوي تقدم بلاغ علشان ماينقعونك مثلي وتروح الايام وتتوقف تلفوناتك حاليا التلفون اللي عليه المشكله توقف وتلفوناتي كلها بتتوقف بسبته بس حمايه المستهلك قالوا اذا تلفون ثاني توقف بسبب هالتلفون كلمنا وراح نشخلهم لك :telephone:
عاد مادري يشخلونهم ولا ياخذون الفلوس النص بالنص :tease:

راح اشوف شيصير وارد بالموضوع هنا ونشوف اوريدو شتريدو منا :(

[..er..]

تم الانتهاء من الشكوى اليوم الجمعه
بعد معاناه لمده شهر وزيآده ..

ووصلني اتصال من واحد من الاخوان في فرع الحياة بلازا
وبعد اخذ وعطى قال بحط المشكله على الموظفه اللي طلعت لك الكرت < شوفوا لوين وصلت الجراءه
مع العلم ان الموظفه كنسلت كل شي من عندها واستعانت بالمدير لتكمله الاجراء معي
وبعد رفضي لـ هالكلام وان الموظفه مالها أي خص قام وقال انا بدفع المبلغ شرايك ترضاها ؟!!!
رديت عليه وقلت بالذمه هالكلام يمشي انك انت تدفع شلك خص تدفع وانت ماخذيت ولا عطيت معي ولا شفتك اساسا بالفرع وكلامي كله بالكول سنتر وبالاخ المصري اللي بالفرع
تجيني انت تبي تاخذني بالشيمه وتقول بتدفع ؟!!!
طبعآ بعد هالكلام قام يلف ويدور وقلت له من الاخر انا ماراح ادفع شي وانت كذلك ماراح تدفع شي ولا لك حق تدفع الحق ينقال الشركه سوت لنا عرض وهمي وكل الكلام اللي وصلني والمعلومات غير واللي صار غير ف الشركه تتحمل وياليت تراجعون التسجيلات وصار لي شهر اقول لكم راجعوا التسجيلات
قال خلاص انا ابي اسكر الشكوى الحين شتشوف الحل ترضى اني ادفع ولا اخصم على الموظفه !!!
قلت خلاص دام السالفه كذا راح اكمل الشكوى معكم ومع حمايه المستهلك للاتصالات < الله يجزى الاخ او الاخت اللي عطاني رقمهم وبالمناسبه رقمهم 103 يتابعون الشكوى وياخذون حقك من فودافون و اريدو
المهم قال لي لحظه وبتصل لك وفجأه بعد خمس لـ عشر دقآيق وصلني مسج ان المبلغ انشال من التلفون وباقي فقط فاتورة التلفون اللي هي 50 للشريحه و 55 الباقه الشهريه
وتكيسلت اكلمهم واسأل شصار ورحت وسددت الـ 155 ريال وهذا هو شغال التلفون وكان الله غفورآ رحيمآ

والف شكر للأخوان اللي تابعوا الموضوع معي ووجهوني :)

[7llo]

صحيح انه اوريدو اطلع لك فواتير بمالغ خياليه بس بصراحه افضل من واجد شركات بالنسبه لي ادفع زياده واشتري راحه بالي

[..er..]

صحيح انه اوريدو اطلع لك فواتير بمالغ خياليه بس بصراحه افضل من واجد شركات بالنسبه لي ادفع زياده واشتري راحه بالي

مافيه أي مشكله بس بوجه حق المبلغ اللي يطلبونه مب مسأله بخل او غيره بس يكفي طمع من 99 وهم شغالين مثل المنشار على الشعب

[bohilal191]

تم الانتهاء من الشكوى اليوم الجمعه
بعد معاناه لمده شهر وزيآده ..

ووصلني اتصال من واحد من الاخوان في فرع الحياة بلازا
وبعد اخذ وعطى قال بحط المشكله على الموظفه اللي طلعت لك الكرت < شوفوا لوين وصلت الجراءه
مع العلم ان الموظفه كنسلت كل شي من عندها واستعانت بالمدير لتكمله الاجراء معي
وبعد رفضي لـ هالكلام وان الموظفه مالها أي خص قام وقال انا بدفع المبلغ شرايك ترضاها ؟!!!
رديت عليه وقلت بالذمه هالكلام يمشي انك انت تدفع شلك خص تدفع وانت ماخذيت ولا عطيت معي ولا شفتك اساسا بالفرع وكلامي كله بالكول سنتر وبالاخ المصري اللي بالفرع
تجيني انت تبي تاخذني بالشيمه وتقول بتدفع ؟!!!
طبعآ بعد هالكلام قام يلف ويدور وقلت له من الاخر انا ماراح ادفع شي وانت كذلك ماراح تدفع شي ولا لك حق تدفع الحق ينقال الشركه سوت لنا عرض وهمي وكل الكلام اللي وصلني والمعلومات غير واللي صار غير ف الشركه تتحمل وياليت تراجعون التسجيلات وصار لي شهر اقول لكم راجعوا التسجيلات
قال خلاص انا ابي اسكر الشكوى الحين شتشوف الحل ترضى اني ادفع ولا اخصم على الموظفه !!!
قلت خلاص دام السالفه كذا راح اكمل الشكوى معكم ومع حمايه المستهلك للاتصالات < الله يجزى الاخ او الاخت اللي عطاني رقمهم وبالمناسبه رقمهم 103 يتابعون الشكوى وياخذون حقك من فودافون و اريدو
المهم قال لي لحظه وبتصل لك وفجأه بعد خمس لـ عشر دقآيق وصلني مسج ان المبلغ انشال من التلفون وباقي فقط فاتورة التلفون اللي هي 50 للشريحه و 55 الباقه الشهريه
وتكيسلت اكلمهم واسأل شصار ورحت وسددت الـ 155 ريال وهذا هو شغال التلفون وكان الله غفورآ رحيمآ

والف شكر للأخوان اللي تابعوا الموضوع معي ووجهوني :)

راجع ياخوي وشوف شصار،،،الظاهر حد دفع وعشان يفتكون من المسائلة

[..er..]

راجع ياخوي وشوف شصار،،،الظاهر حد دفع وعشان يفتكون من المسائلة

ايه اكيد حد دفع منهم او من السستم نفسه نزل المبلغ
بس مالي خلق اروح لهم دام عرفوا غلطتهم وخلصوا الموضوع خلاص انا مرتاح ولله الحمد