ثقافة الشراء في المجتمع القطري..

[qatarman8008]

السلام عليكم ورحمة الله..
من خلال تجربتي مع التسوق في موسم العيد هذا العام لاحظت كيف ان ثقافة الشراء في المجتمع القطري تختلف اختلافا كبيرا عن مثيلاتها في الدول المجاورة مثل الامارات والسعودية والبحرين..
الكثير من القطريين .. وليس كلهم.. يعتبرون السعر هو مقياس للجودة..
ف لو كانت هناك سلعة ب 200 ريال.. ستكون حتما ااجود من ابو 100 ريال..
هذا ادى الى ارتفاع جنوني في اسعار السلع.. واصبح التجار يرددون عبارة لو رخيص ما احد بيشتريه..!!
الكثير من القطريين .. وليس كلهم.. يشترون بضائع بدون علم ب مدة الضمان و شروط التعويض والاستبدال..
ولهذا تجد هناك الكثير من الشكاوى حول النصب والاحتيال في المحلات..
الكثير من القطريين.. وليس كلهم.. لا يدققون في حسابات البضاعة اامشتراه.. فمثلا.. في الجمعية يشتري اغراض ب 700 ريال ويطلع دافع 750 او 800 ريال .. وصارت امام عيني الكثير من هذه المواقف.. ثم يعتذر صاحب الكاشير عن الخطا ويعيد باقي المبلغ..!!
الكثير من القطريين.. وليس كلهم.. يعتبرون المفاصل عيب وفشله.. مع ان هذا هو اساس البيع والشراء حتى تضمن افضل قيمة لنقودك..

طبعا طرحت لكم هذا الموضوع للنقاش.. وتوني راجع من السعودية.. شفت ولد عمره 6 سنوات عند مغسلة الثياب يهاوش الهندي ويقول له ليش انت تغسل الثوب باربع ريال وباقي المغاسل بثلاث ريال ..
قام الهندي ينزل في السعر.. مافي مشكله ميشان انته انا يسوي ثلاثة ريال..
لكن الولد رفض ان يعطيه الثياب.. وقال له.. يامحمد ترى فيه في الديرة مغاسل واجد وانا مش ملزوم اغسل عندك..!!
الصراحة ذهلت من رد هذا الولد.. بالنسبة له المشكلة مو مشكلة الريال والريالين.. المشكلة هي انه اعتبر صاحب المغسلة نصاب واستغلالي .. ولا يسمح لنفسه ان يتعامل مع هالاشكال..
على العكس تماما.. عندنا في الدوحة تجد الشاب او الفتاه اذا عجبه شي ياخذه .. حتى قبل ان يسال عن السعر.. وبيشتريه حتى لو كان سعره اغلى من السوق.. مو مشكلة..

وكل عام وانتم بخير.. قبل الزحمة..

[ولي العهد]

للاسف هذا هو حال البعض وماادري من الي رسخ في عقولهم هذي المقوله (( الغالي سعره فيه ))

[خليفـة]

موضوع جميل ومفيد يالغالي
انا معاك في كل النقاط الي ذكرتها
بالفعل كثير من المواطنين ما ينتبهون للنقاط الي ذكرتها
مثل صلاحية السلعة او سعرها او او الخ ..
عموما .. انت قلتها يالغالي
الكثير منا يفتقر لـ "ثقافة الشراء"
وهذا امر لازم يتعلمه الانسان من ولي أمره في المقام
الأول
يعني انا لما اشوف تصرفات والدي في السوق ومع الباعه
بسوي مثله مستقبلاً

على طاري الشراء اخوي .. واحنا في زحمة العيد
انا ومن واقع تجربه
انصح الجميع ان يقوم بشراء كل مستلزماته الشخصية
والأسرية الخاصة بالعيد قبل العيد .. وليكن بفتره
لاتقل عن اسبوعين او ثلاثه
وستلاحظون الفرق في السعر
طبعا باستثناء المأكولات .. مظطرين ناخذها ليلة العيد

كل عام والجميع بخير
وشاكر لك الطرح الجميل
:)

خليفــة

[عبدالرحمن1]

صراحه موضوع يستحق انه ينتشر ويفهمون معناه الناس
انا اعرف ناس والله حالتهم أقل بكثير من حالتي
وندخل المحل ويشتري الحاجه ولايجادل في السعر
صار الناس يستحون من المكاسر في السعر العيب
موب انك تكاسر العيب انه يستغفلك

[بوحارب]

اختلف معاك أخوي انا أشوف المجتمع القطري صار متفتح للسوق

ويعرف سوالف التجار وحركاتهم في زيادة الأسعار واللف والدوران !!

وخاصة بعد زيادة الرواتب الأخيرة الكل صار يحاسب على فلوسه من جشع التجار

اما سالفه الجودة والسعر الأغلى هو الأفضل اتفق معاك في هالنقطة

وأنا من هذا النوع الشي الأغلى هو الأفضل :(

[برشلوني قطر]

موضوع تشكر عليه...

وعلشان اكون صاادق معاك جدام ربي فيني الكثيير من الي قلته ولا احااسب اذا رحت

اشتري ولا ادقق كثير...حتى الجمعيه كنت الكاشير احاسب..وهي تحسب الاغراض وسمعت

الصوت انها احسبت السلعه مرتين واخر شي خليتها تشيك وفعلا اطلعت حاسبته مرتين..

والظاهر تصير واايد وانا مادقق....

وبخصوص السلعه الغاليه والله ياخوي كنت البس نعال الكارتيه والتميمه ( الله يعزكم ) ولا غيرهم

ولاااكن مره واحد من الربع خذلي من تايلاند كارتيه وتميمه وجربتهم...وصرت اوصي اي

حد يروح يجيب لي...لاني فعلا ارتحت فيهاا...والسعر مايتعدى 100 وشوي يمكن

[اجرام]

شكرا لك عزيزي على طرح الموضوع المهم خاصه بوقتنا الحالي

ابي اتكلم اول شي عن التربيه
التربيه لها عامله بهذا الشي للاسف بعض الاباء ما يأخذ عياله لو يبي يشتري مقاضي البيت او حتى الكراجات فإكيد الولد اذا كبر بيكون جاهل بالأمور هذي وحتى شخصية الولد بتكون ضعيفه وهذا الي مخلي المحلات يستغلونا
والشي الثاني بعض المحلات اذا جاء شاب يبي يشتري شي اتحصله يبي يستغل لان انرسمت صوره عندهم ان الشباب مفهين بعكس الشياب اتحصل البياع يحسب له الف حساب ويعرف ان الي قدامه فاهم ومايقدر يستغله

[JN000N]

اي والله وانت الصصاج ياخوي

في وحده الله يستر عليها تسوي عبايات من دولة خليجيه هي
كانت عباياتها ماتتعدى 1000 او 1500 اكثثر شي
ايون يشوفون العباه يسالون عن السعر تقولهم 1000 يروحون عنها!!
قالت محد يشتري مع ان عباياتي رخيصه وحلوه ؟ وفعلا عباياتها وايد حلوه
قالت لها وحده حبيبتي انتي ف قطر اللي ب 1000 خليه 2000 واللي 1500 خليه 2500
قالت بس حرام هي ماتكلفني اكثر من 500 او اقل قالولها سوي جذي وبيشترون
وصج من رفعت اسعارها والبنات مستخفين على عباياتها


ف ثقافة الاسعار عندنا مادري شلون صايره والتجار مستغلينه واحنا هني من انواع الزبو ان يقول عادي الخير وايد بشتري شالمشكله لو غالي والتاجر مستفيد حط مبلغ زايد ف جيبه

[الزعفراني]

موضوع رائع حقيقة .. اعتقد ومن مشاهداتي وتجاربي ان نسبة كبيرة من عامة الناس يفتقدون لثقافة الشراء .. خصوصا النساء .. السؤال شنهي الأسباب ؟؟

[ام السعف]

السلام عليكم ورحمة الله..
من خلال تجربتي مع التسوق في موسم العيد هذا العام لاحظت كيف ان ثقافة الشراء في المجتمع القطري تختلف اختلافا كبيرا عن مثيلاتها في الدول المجاورة مثل الامارات والسعودية والبحرين..
الكثير من القطريين .. وليس كلهم.. يعتبرون السعر هو مقياس للجودة..
ف لو كانت هناك سلعة ب 200 ريال.. ستكون حتما ااجود من ابو 100 ريال..
هذا ادى الى ارتفاع جنوني في اسعار السلع.. واصبح التجار يرددون عبارة لو رخيص ما احد بيشتريه..!!
الكثير من القطريين .. وليس كلهم.. يشترون بضائع بدون علم ب مدة الضمان و شروط التعويض والاستبدال..
ولهذا تجد هناك الكثير من الشكاوى حول النصب والاحتيال في المحلات..
الكثير من القطريين.. وليس كلهم.. لا يدققون في حسابات البضاعة اامشتراه.. فمثلا.. في الجمعية يشتري اغراض ب 700 ريال ويطلع دافع 750 او 800 ريال .. وصارت امام عيني الكثير من هذه المواقف.. ثم يعتذر صاحب الكاشير عن الخطا ويعيد باقي المبلغ..!!
الكثير من القطريين.. وليس كلهم.. يعتبرون المفاصل عيب وفشله.. مع ان هذا هو اساس البيع والشراء حتى تضمن افضل قيمة لنقودك..

طبعا طرحت لكم هذا الموضوع للنقاش.. وتوني راجع من السعودية.. شفت ولد عمره 6 سنوات عند مغسلة الثياب يهاوش الهندي ويقول له ليش انت تغسل الثوب باربع ريال وباقي المغاسل بثلاث ريال ..
قام الهندي ينزل في السعر.. مافي مشكله ميشان انته انا يسوي ثلاثة ريال..
لكن الولد رفض ان يعطيه الثياب.. وقال له.. يامحمد ترى فيه في الديرة مغاسل واجد وانا مش ملزوم اغسل عندك..!!
الصراحة ذهلت من رد هذا الولد.. بالنسبة له المشكلة مو مشكلة الريال والريالين.. المشكلة هي انه اعتبر صاحب المغسلة نصاب واستغلالي .. ولا يسمح لنفسه ان يتعامل مع هالاشكال..
على العكس تماما.. عندنا في الدوحة تجد الشاب او الفتاه اذا عجبه شي ياخذه .. حتى قبل ان يسال عن السعر.. وبيشتريه حتى لو كان سعره اغلى من السوق.. مو مشكلة..

وكل عام وانتم بخير.. قبل الزحمة..

كلامك واقعي للاسف الشديد :(

[ام السعف]

موضوع رائع حقيقة .. اعتقد ومن مشاهداتي وتجاربي ان نسبة كبيرة من عامة الناس يفتقدون لثقافة الشراء .. خصوصا النساء .. السؤال شنهي الأسباب ؟؟

البلا لم الرجال ييصيرون اخس من النساء

هذيلا شنهو حلهم ؟

[qatarman8008]

اي والله وانت الصصاج ياخوي

في وحده الله يستر عليها تسوي عبايات من دولة خليجيه هي
كانت عباياتها ماتتعدى 1000 او 1500 اكثثر شي
ايون يشوفون العباه يسالون عن السعر تقولهم 1000 يروحون عنها!!
قالت محد يشتري مع ان عباياتي رخيصه وحلوه ؟ وفعلا عباياتها وايد حلوه
قالت لها وحده حبيبتي انتي ف قطر اللي ب 1000 خليه 2000 واللي 1500 خليه 2500
قالت بس حرام هي ماتكلفني اكثر من 500 او اقل قالولها سوي جذي وبيشترون
وصج من رفعت اسعارها والبنات مستخفين على عباياتها


ف ثقافة الاسعار عندنا مادري شلون صايره والتجار مستغلينه واحنا هني من انواع الزبو ان يقول عادي الخير وايد بشتري شالمشكله لو غالي والتاجر مستفيد حط مبلغ زايد ف جيبه

عباية بالفين..!!
اذكر كنت مرة في محل عبي مع اهلي.. ورايح استلم العباية اللي فصلتها لهم ب 850 ريال.. ودشت وحدة كذا طول بعرض.. وعجبتها نفس العباية ونفس الموديل ونفس الخلق.. قالت بكم هالعباية .. قال لها الهندي.. 1200 ماما.. هذا جديد موديل.. والله وطلعت البوك ودفعت عربون 500..!!

[بوحارب]

البلا لم الرجال ييصيرون اخس من النساء

هذيلا شنهو حلهم ؟

ماظن فيه رجال يشترون اكثر من الحريم

إلا حالات نااااااااادرة جداً

يعني في ال1000 شخص 1:omg:

[عضوو]

هناك فرق بين ثقافة الشراء وهوس الشراء ومانعيشه في دول الخليج هو هوس الشراء

[JN000N]

عباية بالفين..!!
اذكر كنت مرة في محل عبي مع اهلي.. ورايح استلم العباية اللي فصلتها لهم ب 850 ريال.. ودشت وحدة كذا طول بعرض.. وعجبتها نفس العباية ونفس الموديل ونفس الخلق.. قالت بكم هالعباية .. قال لها الهندي.. 1200 ماما.. هذا جديد موديل.. والله وطلعت البوك ودفعت عربون 500..!!

لا وين هذي 1200 يبلاش عندها عشان جي ع طول طلعت ال500




ماظن فيه رجال يشترون اكثر من الحريم

إلا حالات نااااااااادرة جداً

يعني في ال1000 شخص 1:omg:

اسمله عليك وين عايش يا سي السيد :omen2:

[qatarman8008]

هناك فرق بين ثقافة الشراء وهوس الشراء ومانعيشه في دول الخليج هو هوس الشراء

لامانع من هوس الشراء اذا كان الانسان مقتدر.. ومن غير تبذير..
لكن ينصبون على المشتري وهو يدري.. هذي وش تقول عنها..

[بوخالد911]

انا من النوع اللي افتح عيني ع النهبة اللي حزات تصير
والله يحفظنا من جشع التجارررر

[تغلبية]

فلوس زايدة ومب عارفين شلون يصرفونها ..:( او موب عارفين يخططون عدل لمسستقبلهم المالي << وايد كبييرة الكلمة ..:(

ويزيد الطين بله ان المحلات والتجار عارفين سلوكيات المشترين وطريقة تفكيرهم

هالشي خلا مال بو 100 بالراحة يكون بــ 1000 وهلم جرا !!

[عندليب قطر]

صدقت ياخوي

[أخت الكل]

مجتمعنا مجتمع استهلاكي والقدرة الشرائية عندنا عالية جدا

فعلا السلعة كل ما ارتفع سعرها كانت جودتها عالية ونادر لما يمر على غش في هالموضوع بالذات وإذا فيه تلاعب فهو في منتجات محدوده

بالنسبة للغش في الفواتر هذى كثير ما تحصل مع الوالده الله يبارك لي في عمرها
دايم لما اراجع الفاتوره الاقي فيه سلعه او سلعتين في الفاتورة الوالده ما شرتهم أصلا

أو إن الشغاله ماخذه مثلا كرت تلفون وداعسته مع اغراض الوالدة بدون لا تحس
وهنا تحسبها الوالده ضمن خانة دفعة البلاء

[ام السعف]

ماظن فيه رجال يشترون اكثر من الحريم

إلا حالات نااااااااادرة جداً

يعني في ال1000 شخص 1:omg:

مرات ما ادري ليش احس بعض الريايل كأنهم يايين من كوكب ما خلف الشمس

انت دخلت باريس جاليري اللي اعده مال الفقارى قياسا
مع المحلات الثانية وشوف البعض من الرجال من القطريين اشلون ذابحين
اعمارهم على سوالف تافهة من زرار على 800
او قلم على 1000

والحين يايينك يتشيكون على اللي عندك اصلي ولا مب اصلي

وانهم ما يتشرون الا الاصلي

والجوتي تكرم خذوه من الماركة الفلانية وسعره 1800

انت خذت لك لفة على موضوع التقليد والأصلي علشان
تشوف نوعية بعض الرجال اللي ما يحطون فلوسهم الا في الماركات

الحين لا تكون الماركات الرجالية بسعر الليلام والحريمية
اسعارها عالمية :(

[حسن]

مجتمعنا مجتمع استهلاكي والقدرة الشرائية عندنا عالية جدا

فعلا السلعة كل ما ارتفع سعرها كانت جودتها عالية ونادر لما يمر على غش في هالموضوع بالذات وإذا فيه تلاعب فهو في منتجات محدوده

بالنسبة للغش في الفواتر هذى كثير ما تحصل مع الوالده الله يبارك لي في عمرها
دايم لما اراجع الفاتوره الاقي فيه سلعه او سلعتين في الفاتورة الوالده ما شرتهم أصلا

أو إن الشغاله ماخذه مثلا كرت تلفون وداعسته مع اغراض الوالدة بدون لا تحس
وهنا تحسبها الوالده ضمن خانة دفعة البلاء

ذكرتي جمله مفيده في ردك

السبب يرجع للفائض المالي اللي تتمتع به الاسره القطريه

وهذا لايختلف عليه نفر واحد مهب اثنان بعد

:)

فالكثير استغنى عن ثقافه الترشيد والبحث عن الجوده

يالله اشتر وقط الخير وايد

لكن لو كان الدخل قليل كان شفتي ياحسب حق الانه قبل الريال

في فتره السنين العجاف اللي مرت على الدوله

اذكر تشوفين الناس موتره رايح الرفرف فيها يقولك خله يولي ولا تعال سمكره هذا اذا قالوله الشرطه شي ولا خلاه على ماهو عليه

ولد عمتى عنده محل اكبر واقدم قطع غيار السيارات

امر عليه واقوله وش الحال يقول ناشفه ماعاد فيه زباين مع العلم بضاعته تعتبر تجاريه مش اصليه يعني حتى التقليد مايبون يركبونه ماعندهم بيزات كلش

والسياره تاخذ 10 سنوات وهب راضي يبدلها

اما الحين اذا الصدام صاده شمخ بس

قال ركب جديد

والموتر اخر مووديل واذا نزل الموديل الي عقبه وغيرو فيه خط لزقه ولا رنق انش واحد

قال موتري صار قديم حلات الجديد بجدته


الطفره الماليه هي اللي تغير تفكير الاانسان

من الاحسن الى الاسواء ومن الاسواء الى الاحسن


فا شفتي شلون تغيرت ثقافه الشراء
عندنا

اشوف ماعاد حد يطري الحسا يجيب شامبو
دفاف ولا فاين الريم

:victory:

[ام السعف]

ذكرتي جمله مفيده في ردك

السبب يرجع للفائض المالي اللي تتمتع به الاسره القطريه

وهذا لايختلف عليه نفر واحد مهب اثنان بعد

:)

فالكثير استغنى عن ثقافه الترشيد والبحث عن الجوده

يالله اشتر وقط الخير وايد

لكن لو كان الدخل قليل كان شفتي ياحسب حق الانه قبل الريال

في فتره السنين العجاف اللي مرت على الدوله

اذكر تشوفين الناس موتره رايح الرفرف فيها يقولك خله يولي ولا تعال سمكره هذا اذا قالوله الشرطه شي ولا خلاه على ماهو عليه

ولد عمتى عنده محل اكبر واقدم قطع غيار السيارات

امر عليه واقوله وش الحال يقول ناشفه ماعاد فيه زباين مع العلم بضاعته تعتبر تجاريه مش اصليه يعني حتى التقليد مايبون يركبونه ماعندهم بيزات كلش

والسياره تاخذ 10 سنوات وهب راضي يبدلها

اما الحين اذا الصدام صاده شمخ بس

قال ركب جديد

والموتر اخر مووديل واذا نزل الموديل الي عقبه وغيرو فيه خط لزقه ولا رنق انش واحد

قال موتري صار قديم حلات الجديد بجدته


الطفره الماليه هي اللي تغير تفكير الاانسان

من الاحسن الى الاسواء ومن الاسواء الى الاحسن


فا شفتي شلون تغيرت ثقافه الشراء
عندنا

اشوف ماعاد حد يطري الحسا يجيب شامبو
دفاف ولا فاين الريم

:victory:

اييه الحين الفائض هو السبب ؟


الله يرحم ايام الكمبيلات والديون البنكية اللي كانت تنصرف
على نفس الموضوع ونفس السوالف ،،

[حسن]

اييه الحين الفائض هو السبب ؟


الله يرحم ايام الكمبيلات والديون البنكية اللي كانت تنصرف
على نفس الموضوع ونفس السوالف ،،

وين خبرك عتيج ياام السعف

الحين الكمبياله ماسمعته الا منك انقرضت ويااسمك

:)

شوفي عقب الزياده سنه وحده غطت الناس ديونها ورتبت اوضاعها

والسنه ذي يقولون وانا شفت بعيني
اطلع من البيت الى سوق واقف في اربع الى 5 دقايق

معجزه

الشوارع فاضيه والمطار عندنا يقولك قاص
من العالم

وش عليهم المدرسه اصبحت ب 50000 الف

راتب لوائين وفوقهم شرطي دعايه في احد الدول المجاوره

القريبه

:victory:

[ام السعف]

وين خبرك عتيج ياام السعف

الحين الكمبياله ماسمعته الا منك انقرضت ويااسمك

:)

شوفي عقب الزياده سنه وحده غطت الناس ديونها ورتبت اوضاعها

والسنه ذي يقولون وانا شفت بعيني
اطلع من البيت الى سوق واقف في اربع الى 5 دقايق

معجزه

الشوارع فاضيه والمطار عندنا يقولك قاص
من العالم

وش عليهم المدرسه اصبحت ب 50000 الف

راتب لوائين وفوقهم شرطي دعايه في احد الدول المجاوره

القريبه

:victory:

خايفة والله من عيون الناس على قطر واهل قطر

الكل باق عيونه علينا :eek5:

اما بخصوص الحسا .....................> للحين اسمع عن ناس
تتشرى اغراض من هناك وفي ناس اقلبوها تجارة ما شاءالله عليهم والله يبارك لهم
اييبون اغراض من هناك ويبعيونها على اللي اهنيه :telephone:

وفي اللي ينطبق عليهم
" اللي عمره ما تبخر تبخر واحترق "

من ياتهم هالبيزات قاموا يلعبون علينا ادوار ماري انطوانيت
عاد مب كأنهم هم اللي يتسلفون علشان عصير مانجا من معصرة حمود
اللي لافتته ماكلها الدود !!

[أخت الكل]

وين هالحين حتى اهل الإحساء صاروا يتذمرون منا من ندخلها
مساكين هالحين ينزلون الرياض يتقضون منها
يقولون إن اهل قطر خلو الحسا غاليه


نصيحة اللي يبي عياله إقتصاديين في الإنفاق خل يربيهم على التوفير

[السامـي]

موضوعك يستحق +A.
:ok2:

[qatarman8008]

اهل قطر بخير ونعمة والحمدلله..
لكن مو هذا موضوعنا.. موضوعنا عن ثقافة الشراء وليس البذخ في الشراء..
يعني الشي اللي بعشر نشتريه بعشرين.. حتى لو كان سعره عشر بس..
واللي بمية نشتريه بميتين.. الحساب يطلع 500 ندفع 600.. لا ندقق ولا نحاسب..
ترى فيه بلدان ثانية ناس عندهم خير.. لكن روح شوفه لما يشتري شي.. يدقق.. ويفاصل.. ويسال ويقارن.. عشان يتاكد ان السلعة هذي سعرها فيها.. وما يرضى باي شكل من اشكال الغش التجاري..
مشكلتنا ليست النعمة والفلوس الزايدة... مشكلتنا مشكلة نقص في الوعي والثقافة وسوء التدبير..

[qatarman8008]

في القرنقعوه اللي طاف.. رحت مع بنتي الصغيرة محل يفصل اكسسوارات على الراس... خرز باشكال والوان مختلفة يركبهم على خيط بلاستيك...
مسكينة البنت.. صديقاتها كلهم اشتروا من هالمحل.. وتبي مثلهم.. المهم...
دخلنا المحل.. رسم لنا تشكيله وروانا الخرز.. بكم.. قال بستمية وخمسين..!!!
نعم.. ستمية وخمسين.. ليش.. تدري ان بها السعر اشتري ذهب..
ياجماعة اني رحت الرونق.. وشريت علب الخرز كل علبة فيها درزن بثلاثة ريال...
وشريت لي كم خيط بلاستيك تشكيلة حلوة.. طلع الحساب كله 16 ريال...وركبتهم في البيت.. طلع احسن من اللي في المحل بالف مرة...
شوفوا الفرق.. من 16 ريال الى ستمية وخمسين.. المشكلة ان قدامي فيه ناس يشترون... عااااادي..
وقيس على هالكلام.. العبايات النسائية.. كم قيمة الخلق وكم قيمة الخيوط والفصوص... وينباعون بالف والفين...
والله اني داخل محل عبي اكاسر الهندي.. ويوم دشوا بنتين قلب وجهه عني... لانه يدري ان هذولي يدفعون ولا يسالون..

[حسن]

في القرنقعوه اللي طاف.. رحت مع بنتي الصغيرة محل يفصل اكسسوارات على الراس... خرز باشكال والوان مختلفة يركبهم على خيط بلاستيك...
مسكينة البنت.. صديقاتها كلهم اشتروا من هالمحل.. وتبي مثلهم.. المهم...
دخلنا المحل.. رسم لنا تشكيله وروانا الخرز.. بكم.. قال بستمية وخمسين..!!!
نعم.. ستمية وخمسين.. ليش.. تدري ان بها السعر اشتري ذهب..
ياجماعة اني رحت الرونق.. وشريت علب الخرز كل علبة فيها درزن بثلاثة ريال...
وشريت لي كم خيط بلاستيك تشكيلة حلوة.. طلع الحساب كله 16 ريال...وركبتهم في البيت.. طلع احسن من اللي في المحل بالف مرة...
شوفوا الفرق.. من 16 ريال الى ستمية وخمسين.. المشكلة ان قدامي فيه ناس يشترون... عااااادي..
وقيس على هالكلام.. العبايات النسائية.. كم قيمة الخلق وكم قيمة الخيوط والفصوص... وينباعون بالف والفين...
والله اني داخل محل عبي اكاسر الهندي.. ويوم دشوا بنتين قلب وجهه عني... لانه يدري ان هذولي يدفعون ولا يسالون..

ان تكلمنا ندمنا وان سكتنا قهر

:weeping:


الله يهدي النسوان