ايجابيات زيادة 2011

[زقرتي ومزاجي]

بسم الله الرحمن الرحيم


دعاء

اللهم لك الحمد حتى ترضى ولك الحمد إذا رضيت ولك الحمد بعد الرِّضـا..
لك الحمد أنت قيوم السماوات والأرض ومن فيهن، ولك الحمد لك ملك السماوات والأرض ومن فيهن، ولك الحمد أنت نور السماوات والأرض ومن فيهن



http://t0.gstatic.com/images?q=tbn:ANd9GcTf2jyjidTjk81aJ_wptf_oJ27BK2ah2 SfzTFlE1otGNb7Two3oz3BVSe-Qeg

نستكمل موضوعنا السابق في 2011http://www.qatarshares.com/vb/showthread.php?t=478726



والأن بعد سنة و 11 شهرا

ما الاثر الايجابي للزيادة التي من الله بها علينا في 9/2011

محاور النقاش

- هل فعلا تم تسديد البعض منا لديونه
- هل تم خفض سقف او سداد بطاقات visa card - master card
- هل تم انشاء حسابات توفير فعلية
- هل تم انشاء حسابات توفير للأبناء
-هل تم بناء بيت العمر

http://t3.gstatic.com/images?q=tbn:ANd9GcQw8Kg2PBoU9lIqZ51mNkcGRGWM4Nppq DGCZCpFDXsQ7OAXskTI4lDaHQ

لكم المايك

[وحيد-الشوق]

الا قول زادت الديون وكثر المفوشر والهياط اللكزس موديل 2013 جنه كامري والبورش والرنج صاروا جنهم كروزارت من كثرهم

[Mo7mmad]

نقلت من بنك ربوي

الى المصرف

وادعوا لي ربي يهونها باقي 4 سنين

[زقرتي ومزاجي]

الا قول زادت الديون وكثر المفوشر والهياط اللكزس موديل 2013 جنه كامري والبورش والرنج صاروا جنهم كروزارت من كثرهم

اخوي وحيد
ودنا نشوف تجارب شخصية في فن الادخار وحسن التصرف المالي
يعطيك الف عافية على المداخله هذي :nice:

[زقرتي ومزاجي]

نقلت من بنك ربوي

الى المصرف

وادعوا لي ربي يهونها باقي 4 سنين


خطوه حلوه ماشاء الله عليك ربي يهونها عليك وييسر امورك ويوفقك
هذي من ثمار الزيادة اخوي وحيد الشوق

[زقرتي ومزاجي]

واحد من ربعي يقولي الزيادة اللي في 2011 حطيتها في حساب التوفير واعتبرت انها ماجاتني

[مشموم]

الحمدلله والشكر على النعمة ، اول مرة ادخر من اشتغلت
وبعد قدرت ابتدي بمشرع تجاري
الديون موجودة (سلفة سيارة + اعباء ) بس الحمدلله بدون ضغوط
وماقدرت ادخر وابتدي بالمشرع الا بعد الزيادة و الحكمة في الصرف

[زقرتي ومزاجي]

الحمدلله والشكر على النعمة ، اول مرة ادخر من اشتغلت
وبعد قدرت ابتدي بمشرع تجاري
الديون موجودة (سلفة سيارة + اعباء ) بس الحمدلله بدون ضغوط
وماقدرت ادخر وابتدي بالمشرع الا بعد الزيادة و الحكمة في الصرف


الله يبارك لج في الرزق ... موفقه اختي

[Sari]

الحمد لله نقلت المصرف وباقي شهرين واخلص ابشركم وبنيت البيت وعقبالكم بس شكلي برووس في سلفية جامدة الله يستر ):

[زقرتي ومزاجي]

الحمد لله نقلت المصرف وباقي شهرين واخلص ابشركم وبنيت البيت وعقبالكم بس شكلي برووس في سلفية جامدة الله يستر ):


ليكون ناوي على الثانية كح كح لاحد يتهور :nice:

[Sari]

اذا مشو الحريم عندنا نفس نظام مهر الهند بفكر بعد ):

[زقرتي ومزاجي]

اذا مشو الحريم عندنا نفس نظام مهر الهند بفكر بعد ):


ههههههههههههههههه
ههههههههههههههههه الله يقطع بليسك

[أستغفرك يارب]

الا قول زادت الديون وكثر المفوشر والهياط اللكزس موديل 2013 جنه كامري والبورش والرنج صاروا جنهم كروزارت من كثرهم

أأيد اخوي وحيد

[بوخالد911]

موضوعك أكثر من روعة
الحمدلله
الامور أفضل من قبل بكثير
والله لا يغير علينا

وبيت العمر بعده للحين ما خلص

[زقرتي ومزاجي]

أأيد اخوي وحيد


ودنا نركز على الايجابيات عشان الكل يستفيد من الخبرات
:)

[زقرتي ومزاجي]

موضوعك أكثر من روعة
الحمدلله
الامور أفضل من قبل بكثير
والله لا يغير علينا

وبيت العمر بعده للحين ما خلص


اللهم امين :nice:
:) اذا خلص البيت بتعزمنا على عيش ولحم :)

[بوخالد911]

اللهم امين :nice:
:) اذا خلص البيت بتعزمنا على عيش ولحم :)

نقوووول يا ررررب

[khalid525]

الحمدلله يالنسبة لي و ربعي كانت ايجابية ، تم ادخار الزيادة اللي شرا بيت واللي كمل بنيانه واللي شرا ارض واللي سدد ديونه وللحين محافظين على الادخار والتوفير وعايشين على رواتبنا اللي قبل الزيادة ولله الحمد والمنه.

توصلنا الى نتيجة ان الدين والسلفيات ممنوعه وكل يمد ريله على قد لحافه وفعلا كانت استراتيجية مجديه .

[زقرتي ومزاجي]

الحمدلله يالنسبة لي و ربعي كانت ايجابية ، تم ادخار الزيادة اللي شرا بيت واللي كمل بنيانه واللي شرا ارض واللي سدد ديونه وللحين محافظين على الادخار والتوفير وعايشين على رواتبنا اللي قبل الزيادة ولله الحمد والمنه.

توصلنا الى نتيجة ان الدين والسلفيات ممنوعه وكل يمد ريله على قد لحافه وفعلا كانت استراتيجية مجديه .


ماشاء الله ... و 5/5 الله يوفقكم ويبارك لكم :nice:

[بوخالد911]

الحمدلله يالنسبة لي و ربعي كانت ايجابية ، تم ادخار الزيادة اللي شرا بيت واللي كمل بنيانه واللي شرا ارض واللي سدد ديونه وللحين محافظين على الادخار والتوفير وعايشين على رواتبنا اللي قبل الزيادة ولله الحمد والمنه.

توصلنا الى نتيجة ان الدين والسلفيات ممنوعه وكل يمد ريله على قد لحافه وفعلا كانت استراتيجية مجديه .

ممتاززززززز للغاية
:nice::nice::nice:

[حـ ن ـيـ ن]

الحمدلله من قبل ومن بعد ،

بعد الزيادة استطعنا شراء منزل

صديقتي أتمت بنيان الطابق الـ 2

والبعض كأنها لم تكن الله يزيدهم

والبعض يتساءل كيف أدخر فالراتب لا يتبقى منه شيء !!!

[مرحوم قطر]

انا رفعت القسط و سويت لي حساب توفير

و الحمدلله كان علي وايد وايد

سويت القسط 10 الاف يسحبون 7 و اروح انا ادفع 3 كل شهر

و الحمدلله الحين باقي علي اقل من 10 الاف بعد ما كان علي حوالي 200 الف

و حساب التوفير كنت احط فيها 5000 و الشركه الحمدلله مدخولها حلو

و بنيت لي ملحق و جمعت فلوس حق المهر و الشبكه و العرس و كل شي يعني بتزوج ابلاش بدون سلفيه

حتى شهر العسل حطيت له ميزانيه حلوه حق سفره شهر ونص يعني بفتل

[زقرتي ومزاجي]

الحمدلله من قبل ومن بعد ،

بعد الزيادة استطعنا شراء منزل

صديقتي أتمت بنيان الطابق الـ 2

والبعض كأنها لم تكن الله يزيدهم

والبعض يتساءل كيف أدخر فالراتب لا يتبقى منه شيء !!!


3 نماذج ممتازه :nice:


بالنسبة للادخار الحل الوحيد هو تخفيف المصاريف
وفي الردود الجاية باذن الله باكتب قواعد الادخار حسب ماقريتها وطريقة مضاعفه الملكية

[زقرتي ومزاجي]

انا رفعت القسط و سويت لي حساب توفير

و الحمدلله كان علي وايد وايد

سويت القسط 10 الاف يسحبون 7 و اروح انا ادفع 3 كل شهر

و الحمدلله الحين باقي علي اقل من 10 الاف بعد ما كان علي حوالي 200 الف

و حساب التوفير كنت احط فيها 5000 و الشركه الحمدلله مدخولها حلو

و بنيت لي ملحق و جمعت فلوس حق المهر و الشبكه و العرس و كل شي يعني بتزوج ابلاش بدون سلفيه

حتى شهر العسل حطيت له ميزانيه حلوه حق سفره شهر ونص يعني بفتل



طريقة ذكية وانت واحد من الاشخاص اللي يفكرون ويخططون لمستقبلهم .. الله يبارك في الشركة ... ولا تنسى تعزمنا على عرسك الله يتمم بخير

[رهج السنابك]

كنت احسب موضوعك دراسة اقتصادية *_*

طبعا الزيادة انعكست ايجابيا على التجارة والاقتصاد لان زادت القوة الشرائية

ارتفعت الاجارات :)
ارتفع العقار :)
ارتفع سعر الذهب رغم انه عالميا لكن ايضا في قطر
ارتفعت ارباح التجار
نشطت مكاتب السياحة ووكالات السفر والطيران
اتوقع زادت نسبة اغلاق الديون
ارتفع حجم الزكاة وهذا طبعا مردوده خارجيا يعني ساهمنا في حل مشكلة فقراء وايد بالعالم :)

---

شخصيا لين الحين اجمع لي مبلغ لمشروع ماقدرت اكمل المبلغ حتى مع الزياده لكن ان شاء الله كلها ست شهور او سنه اكون وصلت المبلغ المطلوب

[دااانة قطر]

اولا الحمدلله
من قبل الزياده كنت احط مبلغ في التوفير يمكن ۳ارباع الراتب وصرفي من راتب زوجي الله يرحمه
بعد الزياده بعد الحمدلله لكن الاسعار مرتفعه صرت احط نص الراتب في التوفير
الشي الحلو ان مع علي سلفيات في البنوك واني نقلت للمصرف الاسلامي



دعواتكم اوفر دفعه واشتري بيت العمر
شرايكم اصحاب الخبره في مصرف الريان؟

[ولد العرب]

واحد من ربعي يقولي الزيادة اللي في 2011 حطيتها في حساب التوفير واعتبرت انها ماجاتني

من توظفت ومن جات الزياده حطيتها بالتوفير والحين سحبتها كلها وحطيتها ببيت العمر :rolleyes2:

[أم علي 2010]

له الحمد والشكر

انا من قبل كنت أوفر لكن زدت مبلغ التوفير

فتحت حساب توفير حق بناتي كل وحدة لها حسابها الخاص

حاليا اجمع دفعه حق البنك ناويه اشتري بيت اذا الله كتب

[الأصيلة]

من الإيجابيات الواضحة جدا
إن أغلب أهل قطر صاروا يسافرون في السنة مرتين أوروبا وأكثر من مرة دبي
كل اللي ماشاف أوروبا شافها
الله يطول بعمر بومشعل ويزيده ...

[rashid700]

نحمد الله ونشكره
والله يطول عمر شيوخنا ابو مشعل
والشيخ تميم خير سلف لخير خلف

أما عند إيجابيات الزياده ف لله الحمد سددت ثلث الدين ال ٦٠٠ ألف وشريت سياره جديده باقساط وصار يبقى من الراتب تقريبا ١٠ آلاف احطها في حساب توفير واجمعها شهرين ولا ثلاثه واحطها في هوايتي الخاصة

[نتفـه]

الله يعز الدولة ان شاء الله .. الحمدلله عايشين في خير ونعمه لكن عندي سلفيات وان شاء الله بسددها ..

[Qt.1]

الحمدالله وضعي المادي تحسن وايد اللهم لك الحمد , وبصراحه احييك على هالموضوع المهم واتمنى اي حد يدخل يقول في نفسه فعلا شنو سويت في الزياده , والي ماخذوها بأذن الله ربنا بيعوضهم خير يارب.

[حسن]

الحمدلله ولله الفضل والمنه

بالنسبه لى الوضع عادي غير زياده الخير خيرين

:)

مافي شك ان الزياده سوت شغل لكن الحضيض اللي استفاد منها والتعيس اللي خسرها

هو مش موضوع الزياده المهم

الاهم

انت كيف تنظم حياتك وتحط حق نفسك خطه
للضروريات وللاولويات

اما اللي بيطارد الفشخره والزبو والله لو عطيته بنك بكبره شوي بيعلن افلاسه

واذا بتبع المظاهر الكذابه بيضيع وبعد فتره بتشوفه عند باب الديوان يقدم على مساعده

:(

مافي احسن من الانسان يعيش البساطه ويترك عنه التكلف الزايد عن حده

بس من اللي اشوفه من الكثير من الناس
اصبح الحديث عن السفر وبشكل غير طبيعي

يقول المثل: من طال اطول منه ماافتر ساعه


ومانقول الا الحمدلله على كل حال


:)

[السامـي]

ما أقول إلا الحمدلله على كل حال.

الزيادة ما أشوفها نفعت إلا اللي على رؤوس أعمالهم،اما المتقاعدين

سواءً على الصندوق او تقاعد داخلي،فلهم الله سبحانه.

سلفيات البنوك ذبحت العالم.

[حمد 2002]

اهم شيء الصحة والعافية ،،

[ام السعف]

نقلت من بنك ربوي

الى المصرف

وادعوا لي ربي يهونها باقي 4 سنين

امين يارب العالمين ،،


*************


الحمدلله رب العالمين قدرت بعد الزيادة اجمع لي الف كل شهر او الفين
وقدرت اختار مدرسين او دورات حق عيالي حسب الميزانية من غير ما استلف،،

ما عدت انتغص لو المدرس قال لي الحصة 300 ريال
او اضطرينا ندفع للمعهد البريطاني حق اعادة مواد
او تسجيل حق الايه سي تي او الايلتز ،،

وقدرت من سنيييين لأول مرة اشتري طقم ذهب صغيرون حق بنتي،،

فالحمدلله اول الأمر واخره ،، احنا في خير ونعمة ربنا يدومه علينا ولا يغيره
الا للأفضل لو كان فيه صلاحنا ،،

[ام السعف]

الحمدلله ولله الفضل والمنه
مافي احسن من الانسان يعيش البساطه ويترك عنه التكلف الزايد عن حده


:)

كل عم والجميع بخير

وعطونا واحد ع البساطة البساطة

[رهج السنابك]

ام السعف اعتقد انتي مب موظفه صح ولا انا غلطانه؟ اذكر قلتي ماتشتغلين

[لاجل QT]

هذا احنا عايشين بفضل الله وبفضل الزيادة ومبحبحين على عمرنا

امورنا صارت كلها في الرووب على قولتهم ههههههه

الحمدالله حسنت اوضاع ناس كثيرة

[ضوى]

الحمد لله الزيادة سوت شغل حلو ، بنينا الطابق الثاني واخذنا سيارة وجددت الطابق الارضي بالكامل والحمد لله كل سنة ثلاث لاربع مرات مسافرين الحمد لله احنا بنعمة وفضل والله لا يغير علينا وماينسينا زكاه مالنا وحق الفقارى في هالزيادة ان شاء الله

[خليفـة]

الي مرتب احواله واموره
بتكون حياته من حسن الى احسن
لازم الواحد يكون عنده حسن تصرف
في حياته الاقتصادية
ولازم يحاول قدر الامكان ان ينوع عنده مصادر الدخل

استغرب من الي يكون اعتماده الأول والأخير على راتبه !
يعني لو سوى مشكلة لا سمح الله بدون قصد
وقالوا له توكل على الله البيت .. بيموت جوع

لازم الواحد يخطط من بداية حياته ان يكون له مصدر
دخل غير راتبه
كأن يفتح له محل للتجارة
او ياخذ له عقار يأجره
او أي مصدر اخر

المهم في الأمر .. حُسن التصرف

الله يوفق الجميع
:)

خليفــة

[أخت الكل]

الحمد لله من زادت الرواتب قدرت اوفر

عموما راتب مقسوم ثلاث أقسام

قسم يتحول لحساب توفير
قسم اصرفه على نفسي
قسم أصرفه على أهلي

[ام السعف]

ام السعف اعتقد انتي مب موظفه صح ولا انا غلطانه؟ اذكر قلتي ماتشتغلين

ايه ما اشتغل ابدا ،، بس من تزوجت وبو العيال جزاه الله كل خير

مخصص لي راتب وللبيت راتب ومصروف اليهال للمدرسة ،،
ويوم دخلوا الخدم في السالفة صارت رواتبهم عندي ،،

فكل هذا على بعضهم + تخصيص مبلغ شهري ثابت للمدرسين
والدروس الخصوصية او الدورات او غيره بعد ما تيسرت امورنا
قبل الزيادة كلها عندي ولازم اعرف اشلون اوزعها او اصرفها
او اضغطها او اقعد 25 يوم من غير ريال في المخبى حسب
الضغوط ،،

[زقرتي ومزاجي]

كنت احسب موضوعك دراسة اقتصادية *_*

طبعا الزيادة انعكست ايجابيا على التجارة والاقتصاد لان زادت القوة الشرائية

ارتفعت الاجارات :)
ارتفع العقار :)
ارتفع سعر الذهب رغم انه عالميا لكن ايضا في قطر
ارتفعت ارباح التجار
نشطت مكاتب السياحة ووكالات السفر والطيران
اتوقع زادت نسبة اغلاق الديون
ارتفع حجم الزكاة وهذا طبعا مردوده خارجيا يعني ساهمنا في حل مشكلة فقراء وايد بالعالم :)

---

شخصيا لين الحين اجمع لي مبلغ لمشروع ماقدرت اكمل المبلغ حتى مع الزياده لكن ان شاء الله كلها ست شهور او سنه اكون وصلت المبلغ المطلوب


يعجبني الشخص اللي يحدد اهدافه ... الله يوفقج :nice:

[زقرتي ومزاجي]

اولا الحمدلله
من قبل الزياده كنت احط مبلغ في التوفير يمكن ۳ارباع الراتب وصرفي من راتب زوجي الله يرحمه
بعد الزياده بعد الحمدلله لكن الاسعار مرتفعه صرت احط نص الراتب في التوفير
الشي الحلو ان مع علي سلفيات في البنوك واني نقلت للمصرف الاسلامي



دعواتكم اوفر دفعه واشتري بيت العمر
شرايكم اصحاب الخبره في مصرف الريان؟


الله يرحم ابو العيال .... بدل ماتبنين على حسابج ليش ماتقدمين على ارض

[زقرتي ومزاجي]

من توظفت ومن جات الزياده حطيتها بالتوفير والحين سحبتها كلها وحطيتها ببيت العمر :rolleyes2:


انصرفت في مكانها الصحيح .. ياجعله بيت عامر :nice:

[زقرتي ومزاجي]

له الحمد والشكر

انا من قبل كنت أوفر لكن زدت مبلغ التوفير

فتحت حساب توفير حق بناتي كل وحدة لها حسابها الخاص

حاليا اجمع دفعه حق البنك ناويه اشتري بيت اذا الله كتب


الله يوفقج يا ام علي :)

[زقرتي ومزاجي]

من الإيجابيات الواضحة جدا
إن أغلب أهل قطر صاروا يسافرون في السنة مرتين أوروبا وأكثر من مرة دبي
كل اللي ماشاف أوروبا شافها
الله يطول بعمر بومشعل ويزيده ...


الله يطول بعمر صاحب السمو الامير الوالد :nice:

[زقرتي ومزاجي]

نحمد الله ونشكره
والله يطول عمر شيوخنا ابو مشعل
والشيخ تميم خير سلف لخير خلف

أما عند إيجابيات الزياده ف لله الحمد سددت ثلث الدين ال ٦٠٠ ألف وشريت سياره جديده باقساط وصار يبقى من الراتب تقريبا ١٠ آلاف احطها في حساب توفير واجمعها شهرين ولا ثلاثه واحطها في هوايتي الخاصة


:nice: شنهي هوايتك الخاصة

[مرحوم قطر]

طريقة ذكية وانت واحد من الاشخاص اللي يفكرون ويخططون لمستقبلهم .. الله يبارك في الشركة ... ولا تنسى تعزمنا على عرسك الله يتمم بخير

ابشر اكيد بعزمكم

على فكره شركتي فتحنها من راتبي بعد الزياده و الحمدلله

فتحت قدرت افتح لي فرع مشروع ثاني

[زقرتي ومزاجي]

الله يعز الدولة ان شاء الله .. الحمدلله عايشين في خير ونعمه لكن عندي سلفيات وان شاء الله بسددها ..


اللهم لك الحمد :nice:

[زقرتي ومزاجي]

الحمدالله وضعي المادي تحسن وايد اللهم لك الحمد , وبصراحه احييك على هالموضوع المهم واتمنى اي حد يدخل يقول في نفسه فعلا شنو سويت في الزياده , والي ماخذوها بأذن الله ربنا بيعوضهم خير يارب.

هلا بوعبدالله ... صدقت انا بتكلم عن نفسي واللي انجزته شي بسيط بالمقارنة مع اللي شاركوا بموضوعي
1- سددت اقساط السيارة والحين الموتر حر وعندي سيارة ثانية شريتها بمبلغ بسيط
2- سددت الفيزا وخفضت اللمت من 20 الى 5 (( كان من المستحيل قبل اني اسكرها))
3- سددت للوالده المبلغ اللي خذتها منها
4- باقي علي في البنك 450 وافكر جديا اني اتخلص من الدين في اقل وقت ممكن
وحطيت الخطه بالفعل

يشهد الله اني كتبت الرد عشان اخواني واخواتي الاعضاء يستفيدون من تجربتي ولو ان اللي سويته شي بسيط

[زقرتي ومزاجي]

الحمدلله ولله الفضل والمنه

بالنسبه لى الوضع عادي غير زياده الخير خيرين

:)

مافي شك ان الزياده سوت شغل لكن الحضيض اللي استفاد منها والتعيس اللي خسرها

هو مش موضوع الزياده المهم

الاهم

انت كيف تنظم حياتك وتحط حق نفسك خطه
للضروريات وللاولويات

اما اللي بيطارد الفشخره والزبو والله لو عطيته بنك بكبره شوي بيعلن افلاسه

واذا بتبع المظاهر الكذابه بيضيع وبعد فتره بتشوفه عند باب الديوان يقدم على مساعده

:(

مافي احسن من الانسان يعيش البساطه ويترك عنه التكلف الزايد عن حده

بس من اللي اشوفه من الكثير من الناس
اصبح الحديث عن السفر وبشكل غير طبيعي

يقول المثل: من طال اطول منه ماافتر ساعه


ومانقول الا الحمدلله على كل حال


:)

مرحبا بوعلي ... عجبني اللي بالاحمر ... وبالفعل لازم يكون للشخص خطط واهداف واضحه
وعلى طاري السفر يقولون لندن فيها فريج اسمه كتارا من كثر مواتر ربعنا

[زقرتي ومزاجي]

ما أقول إلا الحمدلله على كل حال.

الزيادة ما أشوفها نفعت إلا اللي على رؤوس أعمالهم،اما المتقاعدين

سواءً على الصندوق او تقاعد داخلي،فلهم الله سبحانه.

سلفيات البنوك ذبحت العالم.


ان شاء الله الايام الجاية بتتحسن اشياء وايد .. الصبر بس
شكرا للمشاركة :nice:

[زقرتي ومزاجي]

اهم شيء الصحة والعافية ،،

نعم اهم شي الصحة والعافية :nice:

[زقرتي ومزاجي]

امين يارب العالمين ،،


*************


الحمدلله رب العالمين قدرت بعد الزيادة اجمع لي الف كل شهر او الفين
وقدرت اختار مدرسين او دورات حق عيالي حسب الميزانية من غير ما استلف،،

ما عدت انتغص لو المدرس قال لي الحصة 300 ريال
او اضطرينا ندفع للمعهد البريطاني حق اعادة مواد
او تسجيل حق الايه سي تي او الايلتز ،،

وقدرت من سنيييين لأول مرة اشتري طقم ذهب صغيرون حق بنتي،،

فالحمدلله اول الأمر واخره ،، احنا في خير ونعمة ربنا يدومه علينا ولا يغيره
الا للأفضل لو كان فيه صلاحنا ،،


الله يخليها لكم وتشوفونها عروس .. شكرا للمشاركة :nice:

[زقرتي ومزاجي]

هذا احنا عايشين بفضل الله وبفضل الزيادة ومبحبحين على عمرنا

امورنا صارت كلها في الرووب على قولتهم ههههههه

الحمدالله حسنت اوضاع ناس كثيرة


ههههههههههههههههههههه
الحمد لله :nice:

[زقرتي ومزاجي]

الحمد لله الزيادة سوت شغل حلو ، بنينا الطابق الثاني واخذنا سيارة وجددت الطابق الارضي بالكامل والحمد لله كل سنة ثلاث لاربع مرات مسافرين الحمد لله احنا بنعمة وفضل والله لا يغير علينا وماينسينا زكاه مالنا وحق الفقارى في هالزيادة ان شاء الله


الله لا يغير عليكم مدام ضوى ... واللي بالاحمر نبهنا لامور كثيره غفلنا عنها
الله يعطيج العافية على التنبية :nice:

[فهد111]

انا من ناحيتي الف الحمدلله والشكر تعدلت اموري وفتحت حساب توفير وموتري ماغيرته وباقيلي سنه وكم شهر واكون سددت المديونيه

[معماري قطري]

الحمدلله ولله الفضل والمنه

بالنسبه لى الوضع عادي غير زياده الخير خيرين

:)

مافي شك ان الزياده سوت شغل لكن الحضيض اللي استفاد منها والتعيس اللي خسرها

إخوي حسن سامحني على هالمداخلة .. الحضيض = المنحط اللي في الأرض، والحظيظ اللي هي المحظوظ تكتب بالظاء.

هو مش موضوع الزياده المهم

الاهم

انت كيف تنظم حياتك وتحط حق نفسك خطه
للضروريات وللاولويات

اما اللي بيطارد الفشخره والزبو والله لو عطيته بنك بكبره شوي بيعلن افلاسه

واذا بتبع المظاهر الكذابه بيضيع وبعد فتره بتشوفه عند باب الديوان يقدم على مساعده

:(

مافي احسن من الانسان يعيش البساطه ويترك عنه التكلف الزايد عن حده

بس من اللي اشوفه من الكثير من الناس
اصبح الحديث عن السفر وبشكل غير طبيعي

يقول المثل: من طال اطول منه ماافتر ساعه


ومانقول الا الحمدلله على كل حال


:)

ولتزعل مني وانا أخطيء وأتمنى تصحيح خطأي

[معماري قطري]

الحمد لله حكومتنا وأميرنا الله يطول بعمره مهتمين بضمان عدم ارتفاع الأسعار اللي هي مرتفعة في كل العالم.

وسمو الأمير الوالد إهتم بنقل قطر نقلة نوعية بإقتصاد قوي .. وما قصر مع كل أهل قطر وبتوفيق من الله تم كل شيء على خير، وما نسى التنمية في الدول العربية اللي بعض شعوبها ضد الخير حتى لدولهم وقلوبهم سود.

هذا الخير يا اخوان نحن مسائلين عنه ويجب صرفه في وجوه الخير وفي حاجة الإنسان وبدون تبذير.

عن تجربتي ولله الحمد كنت أُدير أموالي وأصرف بعقل منذ أن بدأت العمل في سن 14 سنة وللآن.. الحمد لله خلال السنين التي مضت لم أتسلف سوى سلفة البناء والسلف الحكومية كقروض حسنة .. المشكلة أبناء الجيل الحالي على قد ما تعطيه يصرف ويرجع لك مفلس .. ولا يركب سيارة قديمة أو من نوع بسيط ولا يلبس الا الغالي ويفكر في أُمور فوق طاقته وفوق طاقة والديه .. حتى الدراسة وتطوير الذات فاشلين فيها .. مؤكد البعض يشذ عن هذه القاعدة لكن أنا قصدت غالبية أبنائي.

[مع الله]

ولتزعل مني وانا أخطيء وأتمنى تصحيح خطأي

اشكرك عالموضوع وفعلا تصحيحك لمعني حضيض وحظيظ صحيح لكنك اخطأت في كلمة "خطأي" يجب ان تكون الهمزه على" نبرة يعني هكذا " خطئي"
نحن لانزال نأمل في حكومتنا الرشيده أن تجد حلا في حلحلة الديون على المواطنين بعد ان تركت للبنوك العنان في البداية بإطلاق العنان لهم في حملات الديون طويلة الأجل والتي خدع فيها الكثير بسبب وبدون سبب ولقد شريت بيت بسبب التأخير في صرف الأرض وتم التمويل من البنك ولذلك الزياده ساعدت قليلا لكن كما نقول بالعامية " الماي غلب على الطحين" وتقبل أعتذاري,,,, فقط للتوضيح اخوي انا مهندس مثلك بس مدني لكنني شغوف جداا باللغة العربية وعيدك مبارك

[معماري قطري]

اشكرك عالموضوع وفعلا تصحيحك لمعني حضيض وحظيظ صحيح لكنك اخطأت في كلمة "خطأي" يجب ان تكون الهمزه على" نبرة يعني هكذا " خطئي"
نحن لانزال نأمل في حكومتنا الرشيده أن تجد حلا في حلحلة الديون على المواطنين بعد ان تركت للبنوك العنان في البداية بإطلاق العنان لهم في حملات الديون طويلة الأجل والتي خدع فيها الكثير بسبب وبدون سبب ولقد شريت بيت بسبب التأخير في صرف الأرض وتم التمويل من البنك ولذلك الزياده ساعدت قليلا لكن كما نقول بالعامية " الماي غلب على الطحين" وتقبل أعتذاري,,,, فقط للتوضيح اخوي انا مهندس مثلك بس مدني لكنني شغوف جداا باللغة العربية وعيدك مبارك

صادق يا اخوي ونبهني لها واحد جزاه الله خير قبل لكن يدي متعوده على هالخطأ .. وشكراً لتصحيح خطئي.. وعساك من عايدي العيد إن شاء الله .. انا عندي التخصصين الحمد لله بكالوريوس وبكالوريوس وصحيح بينهم كثير مواد مشتركة لكن كل بكالوريوس من مدرسة مستقلة بذاتها والحمد لله .. ممارستي كلها عاد معماري تخصصات المدني من إنشائي إلى طرق وغيره أتذكر أساسياتها بس :nice:

[ms-qtr]

الموضوع جدا جميل
أغلب الناس فعلا زادت ديونها واسرافها
وهذيله نفسهم الي يطالبون بزيادة فوق الزيادة
وصدقني الزيادة ما راح تحل مشاكلهم وديونهم لكن بتزيد من صرفهم

[king fish]

ملاحظه للذين يقولون ربنا لا يغير علينا

اليس من الأفضل القول

الّـلِـهِـمْ يَـا مُـغَـيُـرُ الَـحَـالّ وَ الأحْـوَالْ غَـيُـرُ حَـالّـنَـا إِلَـىَ أَحَـسَـنَ حْـالّ

[مع الله]

المشكله الزياده يصاحبها ارتفاع بالأسعار وكأنك ياا ابو زيد ما غزيت

[ولد الشحانية]

تزيد اسعار المحلات

[مخطط قطري]

يجماعه الخير انتو تتكلمون عن دوله كامله مش بيت او فريج او مدينه
الرواتب زادت لكل هل قطر فيه اللي احسن التصرف بهالزياده وفيه اللي زاد ديونه انا شخصيا اعرف 2 واحد كان يخصم البنك من راتبه 4000 ومقدار الزياده اللي جاته فوق 10000 راح ووفر من الزياده 8000 عشان يتخلص من الاقساط باسرع وقت لانه بيرتاح في الاخير والثاني سوى العكس كان عليه دين والله مش ذاكر بضبط كم بس سال البنك اقدر ازيد السلفيه قالوله حياك وراح وزاد
وانا شخصيا يوم جات الزياده الحمدالله ماكان على اي التزامات ولكن فكرت اخذ من البنك سلفيه كبيره ومن شغلي بعد 10 اضعاف الراتب وخلهم ياخذون راتبي كامل لاني مش معنمد اعتماد كلي عليه اهم شي اطلع لي بمبلغ محترم واستثمره وكانت اسعار العقارات والاسهم في بدايه شهور الزياده معقوله نوعا ما بس طبعا ماقدمت على هالشي بس متاكد انه في ناس واجد سوتها

[زقرتي ومزاجي]

الي مرتب احواله واموره
بتكون حياته من حسن الى احسن
لازم الواحد يكون عنده حسن تصرف
في حياته الاقتصادية
ولازم يحاول قدر الامكان ان ينوع عنده مصادر الدخل

استغرب من الي يكون اعتماده الأول والأخير على راتبه !
يعني لو سوى مشكلة لا سمح الله بدون قصد
وقالوا له توكل على الله البيت .. بيموت جوع

لازم الواحد يخطط من بداية حياته ان يكون له مصدر
دخل غير راتبه
كأن يفتح له محل للتجارة
او ياخذ له عقار يأجره
او أي مصدر اخر

المهم في الأمر .. حُسن التصرف

الله يوفق الجميع
:)

خليفــة


مررحبا خليفة

هذا الصح ولازم يكون لنا نظره مستقبليه ... نورت موضوعي الله يرضى عليك :)

[زقرتي ومزاجي]

الحمد لله من زادت الرواتب قدرت اوفر

عموما راتب مقسوم ثلاث أقسام

قسم يتحول لحساب توفير
قسم اصرفه على نفسي
قسم أصرفه على أهلي


مرحبا اخت الكل ... انتي توفرين بنسبة 33% ويعتبر توفير ممتاز الله يبارك لج :nice:

[زقرتي ومزاجي]

ابشر اكيد بعزمكم

على فكره شركتي فتحنها من راتبي بعد الزياده و الحمدلله

فتحت قدرت افتح لي فرع مشروع ثاني


اخوي مرحوم ... ودي اناقشك في نقطه من باب الاستفادة

عن طريقة الادارة للشركة وتوزيع الاوقات مابين عمل رسمي وعمل خاص والعلاقات الاجتماعية ... شلون نقدر نسوي التوليفة هذي ونطلع باحسن صوره متوازنه

ربي يعطيك العافية

[ميلاف]

اخوي مرحوم ... ودي اناقشك في نقطه من باب الاستفادة

عن طريقة الادارة للشركة وتوزيع الاوقات مابين عمل رسمي وعمل خاص والعلاقات الاجتماعية ... شلون نقدر نسوي التوليفة هذي ونطلع باحسن صوره متوازنه

ربي يعطيك العافية

اسمح لي اشارك في موضوعك وسؤالك بخصوص تنظيم الوقت مابين العمل الحكومي والعمل الخاص والعلاقات الاجتماعيه والاسرة وتربية الابناء هذه مسؤوليه كبيره الله يعييناا عليها

هذا الموضوع صعب صعب جدا وقليل من التجار يقدرون يسسون هالششي تنظيم الوقت وسبحان الله دايم تلقاهم ناجحين بالتجاره وبالعلاقات وبالاهتمام بأسرتهم

والسر توفيق من الله سبحانه وتعالى يطرح البركه في وقته وفي جهده وفي رزقه

اللهم اجعلنا واجعل قارئ الموضوع منهم اللهم امين

[ولد بومشعل]

نقلت للمصرف الاسلامي من عقب بنك قطر الوطني والقسط زاد بس الراتب تبارك والحمدلله وباقي 5 سنين وبتسهل ان شاءالله

[JN000N]

انا من الاساس ما اصرف
يوم صارت الزياده زادلي الوالد فديته مصروفي ف صار المبلغ اليديد ماحتاجه ﻻن القديم يكفي ف قمت اوفر فيه
الحين يوم اشتغلت 25 مادري عنها ف حساب توفير بدون بطاقه عشان الزم نفسي اني مالعب بها وفوق العشر مخليتهم حق صرف شهري وتزيد منهم مرات 4 او 3 على حسب الاوضاع والصرف

والاكيد ان المبلغ الي اوفره بعطيه ابوي يستثمره لي حتى ما اعتمد عالراتب اعتماد كلي

[نسناس]

مع التبذير والصرف العشوائي لازياده تنفع ولا تنحل مشكله .

مع التخطيط السليم وترك المضاهر والتباهي كل شي يتحسن ,

[بوحارب]

مشكور أخوي زقرتي عالموضوع الجميل

الحمدلله على كل حال وهذا فضل من الله سبحانه والله يجزاه خير أبونا بومشعل زاد الرواتب

والذكي اللي عرف يستغل الزيادة عدل

بالنسبة لسؤالك ما تغير شي قبل وبعد الزيادة نفس الشي

لأني مب معتمد على الراتب ومعتمد على مدخول ثاني

والحمدلله الأمور طيبة :)

[دروب]

سكرت مديونية واستفدت من أرباحها
وبعدها بفترة أخذت تمويل كملبغ مساعد للبناء وبأرباح أقل من المديونية السابقة » تقريبا 800 ألف
وآخذت سلفية من الشغل
توفير المليون يأخذ وقت » وأنا احتاج أضيف على قرض الإسكان
والله يسهل الأمور على الجميع