المساعد الشخصي الرقمي

مشاهدة النسخة كاملة : البورسلان الصيني



ابو جمال
07-08-2013, 08:40 PM
السلام عليكم

مريت من كم يوم على شركة كافود ولقيت عندهم بورسلان صيني وعلى كلامهم انه درجة أولى !!

في حد منكم جرب البورسلان هذا من عندهم وهل فعلا هو نخب أول والا مجرد كلام بائع ؟؟


ياريت الي اشترى من عندهم يفيدني ويفيد باقي الاخوان

king999
07-08-2013, 09:06 PM
شريت من عندهم اخوي بورسلان و نوعيته جيده للحمامات تكرمون ولكن صادفني معاهم مشكلة مرتين في عدد الامتار اتفاجئ اذا شارفنا على نهاية الشغل انة قاصر مب الامتار اللي ماخذينها وهنا تضيع لما ترجع لهم يقولون لك مب مسؤليتنا احنا نزلنا في الموقع كامل مع العلم اني منزلها في غرفه وقااافل عليها عموما ذكرت هالموضوع للحيطه والانتباة لما تاخذ منهم لاااااااااااااااااااااااازم تكون موجود وتحسب الامتار


بالنسبه للبورسلان الصيني اللي عندهم انا اشوف انة زين وبالتوفيق

ابو جمال
07-08-2013, 09:22 PM
شريت من عندهم اخوي بورسلان و نوعيته جيده للحمامات تكرمون ولكن صادفني معاهم مشكلة مرتين في عدد الامتار اتفاجئ اذا شارفنا على نهاية الشغل انة قاصر مب الامتار اللي ماخذينها وهنا تضيع لما ترجع لهم يقولون لك مب مسؤليتنا احنا نزلنا في الموقع كامل مع العلم اني منزلها في غرفه وقااافل عليها عموما ذكرت هالموضوع للحيطه والانتباة لما تاخذ منهم لاااااااااااااااااااااااازم تكون موجود وتحسب الامتار


بالنسبه للبورسلان الصيني اللي عندهم انا اشوف انة زين وبالتوفيق

جزاك الله خير king999 وننتظر باقي الاخوان الي خذو من كافود وتجاربهم وارائهم

معماري قطري
07-08-2013, 10:34 PM
السلام عليكم.. وعيدكم مبارك

أتمنى لو تقدر تجيب المواصفات الهندسية والصور مع السعر حتى أقدر أفيدك .. البورسلان زين لتكرمون الحمامات خصوصاً للحوائط وللأرضيات لازم يكون فيه خشونة بسيطة وما يمسك الوصخ وما تطير طبقة الطلاء الخارجي إن وجدت ولو يكون " Fully Vertified " أو ما يسمى بكامل البسكوتة بدون طبقة طلاء وبمواصفات عالية بيكون أفضل.

التبليط للأماكن الرطبة يتطلب خشونة بسيطة أو نعومة مع ميزة منع الإنزلاق.. وللأماكن الثانية ممكن ناخذ نوع قريب أو نوع مشابه بالضبط لكن لماع وبحيث يكونون النوعين من نفس التشكيلة واللون لو حبينا .. وبحيث ننزل أرضية الحمام 2 سم أو حولها لسهولة تصريف الماء لو حصل خلل وتسرب قوي للماء، وعدم دخوله للغرف الثانية .. أو إننا نحط نعلة حاجز رخام أو غرانايت قطعة وحدة مكان الباب.

دوم السعر يحكمنا خصوصاً للحوائط اللي بتكون مساحاتها كبيرة نسبياً .. ولو الإختيار يكون على أساس سيراميك نوعية فاخرة وبتشكيلة حلوه يكون أنسب بكثير من البورسلان وأرخص وبنحصل نوعيات متعددة ومن مصنعين قدماء ومختصين مثل بوكتال .. فالنتينو وغيرهم كثيرين .. وممكن بعض النوعيات تكون أغلى من البورسلان لكن رقيها في إنها تحفة فنية مناسبة أكثر لحوائط الحمام .. الأرضيات ممكن اختيار أي نوعية غير حتى لو رخام أو غرانيت أو بورسلان.

ابو جمال
07-08-2013, 10:58 PM
جزاك الله خير معماري على الرد بس ماجاوبت اذا انت شريت من عند كافود او تعرف حد اشترى من عنده وهل صحيح درجة اولى والا مجرد كلام سوق ... انا اقصد بورسلان الارضيات بشكل الرخام ماقصدت الحوائط

معماري قطري
08-08-2013, 12:13 AM
جزاك الله خير معماري على الرد بس ماجاوبت اذا انت شريت من عند كافود او تعرف حد اشترى من عنده وهل صحيح درجة اولى والا مجرد كلام سوق ... انا اقصد بورسلان الارضيات بشكل الرخام ماقصدت الحوائط

ما اقدر أحكم عليه بدون مواصفات هندسية وصور وسعر .. وتعرف البورسلان يختلف من قطعة لقطعة أحياناً فكيف من نوع لنوع والأنواع في السوق لا تعد ولا تحصى .. انا فاضي هالأيام وجيت قطر لو تبي ناخذ لفة على كم شركة وناخذ عينات ونقارن انا حاضر .. طريق سلوى وطريق المطار نقدر نحدد حول 10 محلات نمر عليها لو تبي ونشوف شالموجود .. مع إني أتوقع إنك مستبق الأحداث ومسوي هذي الخطوة وعارف شفي السوق.

مضارب دوسري
08-08-2013, 02:53 AM
كافود ك اطقم حمامات ومكسرات اوووووكي
غير هذا البعد عنهم خير

http://qatarshares.com/vb/showthread.php?t=553555

مضارب دوسري
08-08-2013, 02:56 AM
وحط في بالك اخوي مب كل شي حلو معناه انه درجه اولى
احيانا يعجبك الشكل ولما يجيك البلاط البيت تلقى بلاطه اعرض من بلاطه
بلاطه اطول من بلاطه
بلاطه ارتفاعها اعلى من الثانيه
وماتقدر تتخذ معاهم اي اجراء لان الفاتوره يكتبون النوع وانت توقع وعند التسليم انت توقع
والاطوال والاعراض والارتفاعات لا ترى بالعين
وقت التركيب يبين

مضارب دوسري
08-08-2013, 02:57 AM
صيني درجه اولى !
عندك ارام والضحى
وعندك نابينا بس ابعد عن راك الاماراتي ك سيراميك وبورسلان


عندهم صيني وايطالي نوعيات ممتازه وباسعار منافسه
بس اهم شي قبل لا تختار الشكل لازم تركز ان الارضيات تكون خشنه عشان ماتواجه مشاكل الانزلاق

وعندك العاصمه وسيراميك الخليج والسهو وتدمر
واسعارهم منافسه

تبي شي خيال وممتاز وغالي عندك العمودي والتجهيزات المتحده

ابو جمال
08-08-2013, 10:52 AM
صيني درجه اولى !
عندك ارام والضحى
وعندك نابينا بس ابعد عن راك الاماراتي ك سيراميك وبورسلان


عندهم صيني وايطالي نوعيات ممتازه وباسعار منافسه
بس اهم شي قبل لا تختار الشكل لازم تركز ان الارضيات تكون خشنه عشان ماتواجه مشاكل الانزلاق

وعندك العاصمه وسيراميك الخليج والسهو وتدمر
واسعارهم منافسه

تبي شي خيال وممتاز وغالي عندك العمودي والتجهيزات المتحده


لاهنت يالدوسري بس لو تتفضل علي بعناوين الشركات ( مكانهم وين ) هذي اكون شارك لك كل عام وانت بخير وعيدك مبارك

ابو جمال
08-08-2013, 11:00 AM
كافود ك اطقم حمامات ومكسرات اوووووكي
غير هذا البعد عنهم خير

http://qatarshares.com/vb/showthread.php?t=553555

على طاري اطقم الحمامات اكرمكم الله عند كافود مقعد الحمام المرحاض عزكم الله لقيته في مصر بس ماعرفت سعره هناك لقيته عند كافود بـ 2500 ريال !!! فقط المقعد مب طقم كامل معقول هذا السعر !!! والمقعد هذا يجي فيه شطاف منه وفيه

معماري قطري
08-08-2013, 01:43 PM
ما شاء الله مضارب دوسري ما قصر

عندك يا اخوي المتحدة وتدمر والعمودي كلهم على خط واحد على طريق سلوى .. بس سمعت إن تدمر غيروا مكانهم وما ادري وين الجديد وتقدر تتصل بالتلفون وتعرف هم كم مقر عندهم .. شفت مره عندهم بورسلان ايطالي 80 في 80 رمادي لونه غريب وكان معروض بسعر 50 ريال باقي من كمية كبيرة 350 متر مربع ومعروض بسعر خاص .. يعني هذي المحلات يبدأ بها الواحد أحسن .. كافود في السيراميك زين وعن تجربة انا خذت منهم 10 في 10 للمطابخ وطلعوا مع التركيب شيء.

لا تنسى شبيب وعلي العطية بعد .. بس كسعر وجودة وخدمة يمكن الأفضل تدمر .. كونتوار للسيراميك بعد عندهم نوعيات راقية صناعة أسبانية.

مضارب دوسري
08-08-2013, 06:34 PM
تدمر اخوي سكروا محلهم اللي كان عند دوار المدماك
الحين فالدوحه عندهم فرع النجمه لين يجهز مكانهم الجديد ف طريق سلوى

مضارب دوسري
08-08-2013, 06:39 PM
العاصمه عند محطة البترول اللي مقابله سناء
الضحى والسهو ف طريق سلوى بعد اضواء الصالحيه ومطعم القريه اللبنانيه
ارام بعد فرع البنك التجاري اللي بعد شركة الاودي قبل اشارات السوق المركزي
نابينا جنب شركة البورشه اللي على طريق الوكره
يعني عقب كافود بكم كيلو

وكافود فالسيراميك ابعد عنه
وفي الاطقم
عنده ايديال ستاندرد مصري رخيص اوروبي وسط وانجليزي اصلي
فالخلاطات ممتازين وخلاطات الايديل ستاندرد ممتازه

مضارب دوسري
08-08-2013, 06:41 PM
كونتوار ممتاز بعد
مكانه جنب الضحى

مضارب دوسري
08-08-2013, 06:44 PM
ما شاء الله مضارب دوسري ما قصر

عندك يا اخوي المتحدة وتدمر والعمودي كلهم على خط واحد على طريق سلوى .. بس سمعت إن تدمر غيروا مكانهم وما ادري وين الجديد وتقدر تتصل بالتلفون وتعرف هم كم مقر عندهم .. شفت مره عندهم بورسلان ايطالي 80 في 80 رمادي لونه غريب وكان معروض بسعر 50 ريال باقي من كمية كبيرة 350 متر مربع ومعروض بسعر خاص .. يعني هذي المحلات يبدأ بها الواحد أحسن .. كافود في السيراميك زين وعن تجربة انا خذت منهم 10 في 10 للمطابخ وطلعوا مع التركيب شيء.

لا تنسى شبيب وعلي العطية بعد .. بس كسعر وجودة وخدمة يمكن الأفضل تدمر .. كونتوار للسيراميك بعد عندهم نوعيات راقية صناعة أسبانية.

نتعلم منك طال عمرك :shy:

على طاري الروبه
ماقصر اخونا اللوز

لقيتها ف محل cmc
عندهم انواع حلوووه :nice:

معماري قطري
09-08-2013, 05:48 AM
نتعلم منك طال عمرك :shy:

على طاري الروبه
ماقصر اخونا اللوز

لقيتها ف محل cmc
عندهم انواع حلوووه :nice:

بالتوفيق لك ولكل من يبني

وما شاء الله انت غطيت كل المحلات ووضحت أشياء كثيرة .. ممكن تصور الروبة بعد التركيب أو بعض نوعيات السيراميك .. ومحل سي ام سي وين هذا لي نية آمر عليهم.

مضارب دوسري
09-08-2013, 06:01 AM
بالتوفيق لك ولكل من يبني

وما شاء الله انت غطيت كل المحلات ووضحت أشياء كثيرة .. ممكن تصور الروبة بعد التركيب أو بعض نوعيات السيراميك .. ومحل سي ام سي وين هذا لي نية آمر عليهم.
مكانهم الله يطول بعمرك
جنب معرض بلاتينيوم بالضبط
في صفة ال dhl قريب منه
المشكله ماعندهم رقم للمحل مسجل ف كيوتل وهذا اللي صعب علي مواعيد عملهم في رمضان
بطرش لك رقمهم لان عطوني الكرت

الله يسلمك سالتهم عن الروبه الشفافه رواني نوع نفس السيلكون
ولما عرف ان المسافه بين البلاطات 1 مل
قالي ما يصلح لك السيلكون سالته قالي ماراح يزبط معك :rolleyes2:

والحمدلله كان عندي كسره من البلاطه فالسياره
وعطاني نفس لون البلاطه

وعنده روبه ومعجون الحمامات والمطابخ الروبه من النوع اللي ما يتعفن وتسود مع الوقت

بصراحه منتجاتهم حلوه
ومع تركيب الاطقم ان شاء الله بشتري من عندهم الروبه هذي

ضوى
09-08-2013, 06:05 AM
اخوي مضارب ممكن نحط هالروبة مكان روبة قديمة يعني ممكن نحك القديمة ونحط مكانها روبة جديدة ؟!

مضارب دوسري
09-08-2013, 06:21 AM
[FONT="Arial Black"][SIZE="3"][B]ماعندي صور للبلاط بحط صور من عندي فالبيت
هذا بلاط اماراتي انغشيت فيه من نابينا ورجعولي فلوسي بعدها مع سعر التكسير :shy:

http://i.imgur.com/bH9uctZ.jpg

مضارب دوسري
09-08-2013, 06:23 AM
مشكلة الصور عندي احجام كبيره :( تمغط الصفحه
وانا انزلهم من الايفون :(

مضارب دوسري
09-08-2013, 06:24 AM
اخوي مضارب ممكن نحط هالروبة مكان روبة قديمة يعني ممكن نحك القديمة ونحط مكانها روبة جديدة ؟!

مادري والله يا اختي
ان شاء الله الاخوان يفيدونج

مضارب دوسري
09-08-2013, 07:02 AM
هذي صورة سيراميك صيني شريته من الضحى
بدل الاماراتي راك

http://i.imgur.com/8R0pzF3.jpg


وهذي احد الحمامات اجلكم الله السيراميك اماراتي من نابينا بس الحمدلله مانغشيت فيه
سويت منه حمامين واحد منهم حمام البنت الهاوس
http://i.imgur.com/10YUCl3.jpg

انا رتبت اموري ان تكون حمامات الضيوف والماستر نوعيات ممتازه وحمامات العيال اشكال عاديه لان بصراحه ماراح يستعملونها فالست سنوات القادمه
الله يحفظهم

هذا حمام الضيوف

http://i.imgur.com/nw7O3XK.jpg

وهذا حمام ثاني للضيوف سويت منه ثلاث حمامات

http://i.imgur.com/Dx880xf.jpg

وهذا حمام الماستر من نابينا
والشاور من السهو
http://i.imgur.com/opEBPsE.jpg

وهذا المطبخ من نابينا

http://i.imgur.com/2lcn7By.jpg

http://i.imgur.com/ccUGZZa.jpg

وبس :telephone:
حمامات الضيوف والماستر ماحبيت انها تكون لونين
احب انها تكون لون واحد
وحمامات العيال مستقبلا بخليها ان شاء الله لون واحد
لما اروح البيت بصور الارضيات بعد الروبه :shy:

معماري قطري
09-08-2013, 07:21 AM
الله يوفقك ما شاء الله اختيار زين

عندي ملاحظة بالنسبة للمروحة في الحمامات أفضل بدال الفتحة المربعة تركب بيب 4 إنش وتركب عليه المروحة الخاصة .. اكسبل اير بريمير من الدرويش .. بهذي الطريقة تضمن عدم تسرب الغبار والصوت الخارجي يكون ضعيف .. والمروحة فعالة لآخر درجة وفيها 3 درجات سرعة والسرعة البطيئة كافية وصوتها هاديء جداً.

ملاحظة الكنترولر مال المروحة ينباع بنفسه وحول 100 وشوي سعره ولو تبي تركبها على سويج عادي تختار سرعه معينة وتركبها عليه.

خصوصاً للي يركبون يو بي في سي للعزل عن الصوت والحرارة وتسريب الغبار هذي النوعية من المراوح فعالة .. وغيرها المراوح اللي تتركب في السقف ولها دكت .. بس ذيك عملية للحمامات الوسطية واللي ما تطل على الخارج .. للحمامات اللي على الخارج اللي ذكرتها أفضل لسهولة تبديلها وصيانتها.

مضارب دوسري
09-08-2013, 07:32 AM
الله يوفقك ما شاء الله اختيار زين

عندي ملاحظة بالنسبة للمروحة في الحمامات أفضل بدال الفتحة المربعة تركب بيب 4 إنش وتركب عليه المروحة الخاصة .. اكسبل اير بريمير من الدرويش .. بهذي الطريقة تضمن عدم تسرب الغبار والصوت الخارجي يكون ضعيف .. والمروحة فعالة لآخر درجة وفيها 3 درجات سرعة والسرعة البطيئة كافية وصوتها هاديء جداً.

ملاحظة الكنترولر مال المروحة ينباع بنفسه وحول 100 وشوي سعره ولو تبي تركبها على سويج عادي تختار سرعه معينة وتركبها عليه.

خصوصاً للي يركبون يو بي في سي للعزل عن الصوت والحرارة وتسريب الغبار هذي النوعية من المراوح فعالة .. وغيرها المراوح اللي تتركب في السقف ولها دكت .. بس ذيك عملية للحمامات الوسطية واللي ما تطل على الخارج .. للحمامات اللي على الخارج اللي ذكرتها أفضل لسهولة تبديلها وصيانتها.

قالي المقاول سابقا عن هالمروحه بس ماقالي من الدرويش
:secret:
بس انا مدمن هالنوع من المراوح :tease:
احس ان الحمام ينشف بسرعه اذاكانت الارضيه فيها ماي :telephone:

معماري قطري
09-08-2013, 07:35 AM
اخوي مضارب ممكن نحط هالروبة مكان روبة قديمة يعني ممكن نحك القديمة ونحط مكانها روبة جديدة ؟!

فيه إخت ضوى مثل المعصارة خاصة لحماية الروبة ولتجديدها شفتها في اليوتيوب .. والروبة السائلة تنفع .. وفيه عندج الإيبوكس قراوت .. وهذا نوع قوي يلصق على أي سطح وفيه منه ألوان .. بس يحتاج لخلاط كهربائي مثل خلاط الكيك ولخبرة خاصة لتركيبه.

معماري قطري
09-08-2013, 07:42 AM
قالي المقاول سابقا عن هالمروحه بس ماقالي من الدرويش
:secret:
بس انا مدمن هالنوع من المراوح :tease:
احس ان الحمام ينشف بسرعه اذاكانت الارضيه فيها ماي :telephone:

غير تغيير جذري دامك تقدر ألحين وبترتاح

أصلاً مراوح الدرويش يجيبون منهم كميات بعضها تروح بسرعة بسبب المشاريع الكبيرة لأنهم يختارون شيء يدوم وعملي.

معماري قطري
09-08-2013, 09:17 AM
مضارب دوسري هذي صورة للمروحة بعد التركيب وتتركب على بيب 4 إنش مثل ما ذكرت.

http://im39.gulfup.com/ZIAA8.jpg (http://www.gulfup.com/?sELpp7)

MAZEN37
10-08-2013, 01:13 AM
وين الدرويش بالظبط

معماري قطري
10-08-2013, 12:20 PM
وين الدرويش بالظبط

الدرويش أخ مازن بعد ما تتعدى إشارات المطار وانت طالع باتجاه الوكره تلف يمين تدخل الشارع الفرعي للمواقف وتمشي مسافة بتشوف علامتهم على يمينك.. اتوقع قرب وكالة البورش قبل.