الاقتصاد خير وبركه

[حمد 2002]

السلام عليكم ورحمه الله وبركاته

الموضوع يحمل العنوان التالي

(( الاقتصاد خير وبركه ))

صحيح كلن عنده فلوس والرواتب مرتفعه والحمد لله والشكر يارب على هالنعمه لكن انا لاحظت بان كثير من الناس مثلا يشتريله ونتوا بكرامه لكل مناسبه انعال ، ممم يعني انعال لعيد الفطر واذا جيه عيد الاضحى شراله انعال ثانيه !!!!!!!!!!!!!!! بذيج القيمه العاليه ، ليش هالتبذير ، الاولييين ايام قبل كانت عندهم انعال وحده للمناسبات فقط ، لانهم كانوا ايقدرون معنى الفلس لانهم ايحصلون عليها بالتعب الشديد وسط ضروف الحياه القاسيه ، لذلك انا اطالب الاباء بان يعلموا ابنائهم كيفيه الاقتصاد بامور الحياه كلها وعدم التبذير ،،،،

وكلامي هنا موجه للرجال والنساء على حد سواء ،،، يعني ليش ماتشتريلك عقال ولا 4 اغتر على سبيل المثال تستعملهم ، ولا انعال وحده للاعياد فقط وتالي اتخشها بالكبت ،،

ونفس الشيء للنساء يعني انتي فصلتيلج فستان هالعيد لازم العيد الجاي اتفصلين لج فستان ثاني معنى مالبستيه الا مره وحده ، لا لا لا يكفي فستان واحد فقط :):) ،،،

الموضوع هذا موجه للنساء والرجال معن ،،،

الموضوع مفتوح الان للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تحياتي للجميع ،،

[Rosso]

"البرستيج" ما يسمح :)
الانسان لا يعرف قيمة الشيْ الا عندما يفقده

[حسن]

انا نفسي اعرف من وين تجيب هل المواضيع

ياحمد

لا تغتر فيهم يمكن كله مال بانكوك

يااخي شي طبيعي اللي عنده قرش ومحيروه يشتري حمام ويطيروه

مبدع يابوشهاب

بتروح بتنام ها

[لاجل QT]

ههههههه

انت شاللى حارك بس:)

الحين هديت مواضيع الحريم

ومسكت مواضيع الفلوس والصرف

اشبلاك

معقولة في العيدين نفس الفستان هههههههه

الله موسعة علينا

ولا من قالك من عيد لين عيد نفصل او نشتري فساتين

ربما كل شهر ربما كل يوم ربما عجبنى فستان طاح في خاطري باشترية:)

من قالك وقص عليك ان من عيد لين عيد نشتري شي جديد

بعد اشتبي هذا انا يبتلك موضوع مقشر

انا وحدة اتبضع يوميا :nice:


قايمين بواجباتنا تجاة ربنا من صدقات وزكاة ليش نحرم نفسنا وعيالنا

اصلا اشدخل الناس في هالشي فلوسنا وكيفينا نصرفها على نفسنا:omen2:

[محمد 93]

شفتهم بام عيني الي يابلفيت لابس او لابسه ماركه في تايلند ولا تروح بعييد الحسا هههههه حتى الخضره يشترونها من هناك والله فضيحه

[محمد 93]

ههههههه

انت شاللى حارك بس:)

الحين هديت مواضيع الحريم

ومسكت مواضيع الفلوس والصرف

اشبلاك

معقولة في العيدين نفس الفستان هههههههه

الله موسعة علينا

ولا من قالك من عيد لين عيد نفصل او نشتري فساتين

ربما كل شهر ربما كل يوم ربما عجبنى فستان طاح في خاطري باشترية:)

من قالك وقص عليك ان من عيد لين عيد نشتري شي جديد

بعد اشتبي هذا انا يبتلك موضوع مقشر

انا وحدة اتبضع يوميا :nice:


قايمين بواجباتنا تجاة ربنا من صدقات وزكاة ليش نحرم نفسنا وعيالنا

اصلا اشدخل الناس في هالشي فلوسنا وكيفينا نصرفها على نفسنا:omen2:





وين واجبات الزوج :eek5: الا اذا ماعندج زوج من الاساس:( هذا شي اخر :omen2:
اما الي عندها زوج مستحيل تطلع كل يوم :victory:

[وطن]

الحمدلله على النعمة

ان الله يحب ان يرى اثر نعمته على عبده

الواحد ليش يبخل على نفسه و هو عنده؟؟؟


يلبس على قده
الله يزيده ويبارك له

ويتصدق على المحتاجين
والله يزيده ويبارك له


الشباب لين لبسوا الجديد في العيد يكرفونه للعيد اللي بعده
ما يتخزن ولا ينقط!!!

وين الحرام والتبذير !!

[لاجل QT]

وين واجبات الزوج :eek5: الا اذا ماعندج زوج من الاساس:( هذا شي اخر :omen2:
اما الي عندها زوج مستحيل تطلع كل يوم :victory:

هاللى قدرت علية:(

[بوحارب]

اتفق معاك أخوي حمد الاقتصاد بركة

والمبذرين إخوان الشياطين

ليش ماذكرت سالفه الجدر بؤ 4000 في موضوعك ههههه

وكل عام وأنتم بخييير

[مخطط قطري]

فيه شعره رفيعه بين الاقتصاد الذكي والبخل
والناس اجناس وثقافات مختلفه وعقول مستنيره وعقول تفكيرها محدود
فبالتالي تختلف تصرفاتهم في الانفاق والاقتصاد
فمن وجهه نظري صعب تميز بين المرهي على حاله من المغتر عليها الا الشي الواضح انه هذا بخيل على نفسه وعلى الناس ويبين في ملابسه وتصرفاته وسيارته ....الخ
ولكن واحد شرى تكرم نعال للعيد بالفين ريال وعنده نعل جديده قيمتها تحت 1000
شي طبيعي ومنطقي انه ام الفين يرفعها للمناسبات الخاصه لانها مش مالت مكده ومايستهلكها واجد انا معاك في هذا المثال ولكن عنوانك يقول الاقتصاد خير وبركه مش في كل شي بيكون خير وبركه ونفس ماذكرتلك في اول سطر كتبته هالمواضيع لازم تحدد لانه الاقتصاد علم واسع في بعضه حميد وضروري وبعضه لا

[خبير أقتصادي]

اشتر الاغراض و الملابس التي تريدها او محتاجها و ليست الاغراض و الملابس التي يريدها الناس
اذا كان هدف الشراء عشان التمظهر فقط و بدون حاجه ذاتيه للغرض فهذا الموضوع مناسب لهم

في الغرب الشخص ملتي مليونير و يلبس ملابس متواضعه و يقطع عشب بيته ويقوم بالاعمال اليوميه بنفسه لأن محد له علاقه بالثاني وكل واحد ماله شغل بالثاني ايش لبس و شنهي سيارته و اعتقد زيادة الاهتمام بالمظهر الخارجي بشكل كبير و الصرف المبالغ بسبب هالعادة بالنظر الى الآخرين و تحليل الآخرين

[باراكودا]

المظاهر والتباهى له مفعول السحر في مجتمعنا
وأنت تنفخ في جربة مبطوطه ياحمد

[لاجل QT]

البخيل بينجلط بيموووت هههههههه

اعوذ بالله من شرور الانفس الله يحفظنا ويزيدنا من فضلة ههههههه:)

حمد اليوم تكريمي لعيالي بمناسبة مساعدتهم لي في رمضان:)

على قولتك بدعة:nice:

فندق تااايم:nice:

[بنسل]

مشلة الي عباله فله.

[رُفق المجنّا]

النظر في أحوال الناس والمفوشر يصيب المواطن العادي مثلي بالصرع عندما أنظر في حالتي المادية لعدم وجود توافق في حال إني أردت التقليد ولكن نحاول نوازن ( سدد وقارب) حتى لا نشعر أو نُشعر أهالينا بالنقص والإنسان إذا فهم القناعة وطبقها عملياً بيرتاح فكما أنها أرزاق فهي قد تكون ابتلاء وكل إنسان سيسأل عن ماله فيما أنفقه

الله يرزقنا وإياكم اليقين والقناعه

[خليفـة]

الاعتدال في كل شي مطلوب
سواء في الصرف .. الأكل .. النوم .. العمل
الخ الخ ..

بسم الله الرحمن الرحيم
ان المبذرين كانوا اخوان الشياطين

بسم الله الرحمن الرحيم
واما بنعمة ربك فحدث

صدق الله العظيم

اللهم لك الحمد على نعمك

خليفــة

[السيف5]

البس وتعدل واكشخ ودائما بالمعقول

وابتعد عن المبالغة بكل شي وقل الحمد لله

[+abc]

العقل نعمة من الله سبحانه وتعالى

والمسألة قناعات لكن لما الواحد يسوي شغلات مالها داعي
ويفوشر عشان كلام الناس هنا يكون فيه عنده نقص في نفسيته
او في قناعاته تجاه نفسه والناس
ويكون الشي هذا واضح
وأنا أشوف هالشخص مسكين لانه يرضي نفسه عن طريق إرضاء الآخرين

والله مافي احسن من انه الإنسان يسوي الشي الي مقتنع فيه ويرتاحله
ويكون عنده فهم كافي للصح والغلط

[مستر راشد]

الله يرحم الوالد
كان يشتريلي نعال حق عيد الفطر وعيد الاضحى
عقب عيد الفطر اخشها فالكبت حق عيد الاضحى

بس هالسنين كل شي تغير العالم تشوف حتى نعالك وانت بكرامه

يعطيك العافيه ياحمد على الطرح ذكرتني في الوالد الله يرحمه

[سارآ]

شدعوه حمد نخش الملابس للعيد الجاي
محد ضامن عمره يعيش بكره عشان نخش :secret:
استمتع استمتع بالفلوس والنعم اللهم لك الحمد

[لاجل QT]

شدعوه حمد نخش الملابس للعيد الجاي
محد ضامن عمره يعيش بكره عشان نخش :secret:
استمتع استمتع بالفلوس والنعم اللهم لك الحمد

مدري حمد من وين يجيب هالكلام او وين عايش على اي كوكب

من اللى يخش ملابس العيد للعيد اللى عقبة

حمد باقولك شي بس اخاف على جبدك يمحر عليك

ترا العالم تشتري حق 4 ايام العيد ملابس كل يوم لبس وانت تقولى يوم واحد ونخشة حق العيد الياي ههههههه ياربي:rolleyes2:

جيب حاسبة واحسب معي ياحمد:nice:

4 ايام عيد الفطر+4 ايام عيد الاضحى

8 بدلات طبعا غير الجواتي وانتو بكرامة والشناط والاكسسورات:)

هههههههههه حمد شخبارك:tooth::p

[أم علي 2010]

مدري حمد من وين يجيب هالكلام او وين عايش على اي كوكب

من اللى يخش ملابس العيد للعيد اللى عقبة

حمد باقولك شي بس اخاف على جبدك يمحر عليك

ترا العالم تشتري حق 4 ايام العيد ملابس كل يوم لبس وانت تقولى يوم واحد ونخشة حق العيد الياي ههههههه ياربي:rolleyes2:

جيب حاسبة واحسب معي ياحمد:nice:

4 ايام عيد الفطر+4 ايام عيد الاضحى

8 بدلات طبعا غير الجواتي وانتو بكرامة والشناط والاكسسورات:)

هههههههههه حمد شخبارك:tooth::p

ضيفي عليها مب بس الأم ، حتى عيالها وإذا عندها بنات بتفنن في الكشخه :nice:



قناعتي دام الإنسان أدى واجباته اتجاه ربه من صدقه و زكاة و رفع له مبلغ ينفعه حق اليوم الأسود

وعند فائض خل يمتع نفسه وعياله ،، الاعتدال زين. لقوله تعالى " وَلَا تَجْعَلْ يَدَكَ مَغْلُولَةً إِلَىٰ عُنُقِكَ وَلَا تَبْسُطْهَا كُلَّ الْبَسْطِ فَتَقْعُدَ مَلُومًا مَحْسُورًا"

[Riku3]

شوف رأي الرجال والعكس رأي بعض الحريم وبتعرف شنو الي مرجعنا ورى

للعلم .. انا افصل ثياب للعيدين ونعالي نفس الشي وقس على هذا بباقي الامور .

الله يقويك اخوي حمد ويثبتك على افكارك وعاداتك الطيبه ويبارك في من رباك عليها.

[ام السعف]

حــــــــمد يا وليدي

اولا وقبل كل شي لازم نفرق ما بين التبذير والاسراف

التبذير انك تدفع فيما حرمه الله ،، لكن تشتري نعال لكل عيد هذا ما يسمونه تبذير ،،

ومن ثم اقول لك ،، يمكن جرت العادة ان ناخذ لكل عيد نعال
فكانت الميزانية قبل نعال بو 20 ريال وناقز واشطح فيها
وتاخذ لك نعال ثانية العيد الثاني ،،

لكـــــــــــــــــــــــــــــــــــن

الحين العيال ما عادت نعل فانتيو او شوق واقف القناص تعبجهم

اذا الصغير بو عشر سنين كنا في حياة بلازا طلب من ابوه ياخذ له
النعال ام 700 ريال ابوه قال له ما تسوى ... رد ياني وقال لي ابوي
ما رضى ياخذ لي النعال ،، بشتري بفلوسي اشرايج انتي ؟ قلت له على كم قال لي
700 ريال ...........> قلت له مب حرام اتحط 700 ريال في نعال تنداس
وفي سوريا المساكين مب محصلين شي وفي البرور محذفين ؟

قال لي كل نعلي حق سوريا :rolleyes2:

قلت له هم ما يبون نعل هم يبون فلوس يشترون فيها اكلوشي ينامون تحته ،

قال لي اوكي بس تعالي انتي وشوفيها ،،
من دخلت المحل لقيته يحط يده على نعال ماخذها العام
قلت له اطلع اشوف اطلع هذي لو قلت 400 ريال او 300 ما خليتك تاخذها ،،
برطم وزعل .................> كلها يومين وابوه يقول لي باخذ له النعال اللي يبيها ،،

قلت لهم حرام نعال على 700 ريال والعيد الي عقبه يبي له نعال
لأنه طفل والنعال ما تعيش في ريله ......> اشوي واخوه ياخذ له نعال ارخص بشوي
وخاله يعطيه نعال من تايلند ،،

الحين لبس الغالية ، كم يوم وبخشها في الكبت
وبخليه يستخدم مالت تايلند ،، والعيد اللي عقبه نعاله الغالية نفسها بتطلع حق العيد،،

فمنطق موضوعك صحيح يا حمد،، لأن اسعار النعل صارت مرتفعة
وان كانت ميزانيتنا تسمح لكن مب بالطريقة اللي تخلينها نتصرف من غير حكمة ،،
بس بالنسبة لي احرص ان ابوهم يعطيهم صرفية العيد
كل عيد لازم يعطيهم حق نعال وغتر واللازم منه ،،

لكن مب شرط ياخذ له نعال يديدة ،، واتمنى ثقافتنا الاستهلاكية تتعدل
علشان نحافظ على استقرار الاسعار في البلاد من ناحية
ومن ناحية ثانية عيالنا يتعلمون يجمعون لهم بيزتين ،،

[مساهم فنان]

من يوم إحنا صغار لكل عيد ثيابه وبكرامه إنعاله ... أنت اتكلم عن التبذير في العيد ، لا ما فيه تبذير ... التبذير في الأيام العادية رجالا ونساءً مستخبلين بالماركات ، چن فيهم عقدة نقص .

[قلبي الطيب]

أوافقك عندي لبس ما البسه إلا للمناسبات وأغير في أكسسوار أو قطعة اضبطهم على بعض يطلعون لبس جديد

[خليفـة]

أوافقك عندي لبس ما البسه إلا للمناسبات وأغير في أكسسوار أو قطعة اضبطهم على بعض يطلعون لبس جديد

انا اشهد انه فرق بين اسلوبج الكريم والمحترم في الرد
والأسلوب الساخر للبعض الآخر في ردهم

سبحان الله
ناس تتكلم عن ادب الحوار
وهي اول من يخالف ادب الحوار

ناس تتكلم عن كلام تافه من وجهة نظرهم يقوم بكتابته
بعض الأعضاء .. وكلامهم اكبر عنوان للتفاهة .

بسم الله الرحمن الرحيم

﴿ يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ (2) كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ (3) ﴾

صدق الله العظيم

الرجال حاط موضوع للحوار العام .. وللنقاش فيه
الي عنده رد حول الموضوع يقدر يطرحه بأدب
واحترام .. والي حابب يضحك ويخفف دمه
عنده قسم الاستراحة .. يقدر يروح هناك
ويخفف دمه مثل ما يبي

:)

خليفــة

[الجنوبي]

اللي يجي بسهولة يروح بسهولة
ومايحس بقيمة الفلوس الا اللي تعب عليها

[لاجل QT]

ضيفي عليها مب بس الأم ، حتى عيالها وإذا عندها بنات بتفنن في الكشخه :nice:



قناعتي دام الإنسان أدى واجباته اتجاه ربه من صدقه و زكاة و رفع له مبلغ ينفعه حق اليوم الأسود

وعند فائض خل يمتع نفسه وعياله ،، الاعتدال زين. لقوله تعالى " وَلَا تَجْعَلْ يَدَكَ مَغْلُولَةً إِلَىٰ عُنُقِكَ وَلَا تَبْسُطْهَا كُلَّ الْبَسْطِ فَتَقْعُدَ مَلُومًا مَحْسُورًا"

اي صج:eek5:

حسبت نفسي ونسيت مشتريات العيال:(

يلا ياحمد نعيد الحسبة من تاني :nice:
اضرب الحسبة في 10 انفارomen


omen

[Al-Kuwari]

اتفق معاك يا حمد

انا قبل اول ماشتغلت كنت توني صغير وما افكر بقيمة الفلوس وكنت اكشخ وادفع واقصر على نفسي عشان اكشخ ايام كانت الرواتب بسيطه 7 و 8

كنت اشوف الناس واقول هم مب احسن مني

لكن الحمدلله كبرت شوي وعقلت والحين الحمدلله الراتب اكثر من قبل بثلاث اضعاف لكن عقليتي تغيرت

قبل اشتري الشي بس لأن في خاطري , سواء كنت احتاجه او ما احتاجه وبدون قياس كمية الاحتياج وهل هو ضروري او ماله داعي

لكن الحين الحمدلله الحمدلله الحمدلله افكر قبل ما اشتري الشي

هل انا محتاج الشي هذا ؟
هل هو ضروري ؟
هل سعره يسوى ؟
هل لازم اشتريه الحين او ممكن يتأجل ؟

والحمدلله صرت اوفر من راتبي وعايش ومرتاح ومب مقصر على نفسي

طبعاً انا ضدك في هالموضوع انا ماعندي مشكلة اشتري نعال كرمك الله لكل عيد لانها مناسبه خاصه وتستحق

لكن بشكل عام في امور الحياة الاخرى احاول اني ما انجر ورى كل شي وارتب اموري على حسب ميزانيتي ومستعد ادلع نفسي بس بشرط ان كل شهر في مبلغ معين يروح للتوفير ولو كنت محتاج شي لكن مب ضروري تلقاني كل شهر احط له مبلغ مخصص على جنب لين ما اجمع قيمته واشتريه


انا احييك على الموضوع والفكرة واتفق معاك بالطرح لكن اختلف معاك في المثال المطروح الا وهو العيد

يعطيك العافيه واتفق مع اخوي خليفه بخصوص النقطه اللي ذكرها ..

[خليفـة]

اتفق معاك يا حمد

انا قبل اول ماشتغلت كنت توني صغير وما افكر بقيمة الفلوس وكنت اكشخ وادفع واقصر على نفسي عشان اكشخ ايام كانت الرواتب بسيطه 7 و 8

كنت اشوف الناس واقول هم مب احسن مني

لكن الحمدلله كبرت شوي وعقلت والحين الحمدلله الراتب اكثر من قبل بثلاث اضعاف لكن عقليتي تغيرت

قبل اشتري الشي بس لأن في خاطري , سواء كنت احتاجه او ما احتاجه وبدون قياس كمية الاحتياج وهل هو ضروري او ماله داعي

لكن الحين الحمدلله الحمدلله الحمدلله افكر قبل ما اشتري الشي

هل انا محتاج الشي هذا ؟
هل هو ضروري ؟
هل سعره يسوى ؟
هل لازم اشتريه الحين او ممكن يتأجل ؟

والحمدلله صرت اوفر من راتبي وعايش ومرتاح ومب مقصر على نفسي

طبعاً انا ضدك في هالموضوع انا ماعندي مشكلة اشتري نعال كرمك الله لكل عيد لانها مناسبه خاصه وتستحق

لكن بشكل عام في امور الحياة الاخرى احاول اني ما انجر ورى كل شي وارتب اموري على حسب ميزانيتي ومستعد ادلع نفسي بس بشرط ان كل شهر في مبلغ معين يروح للتوفير ولو كنت محتاج شي لكن مب ضروري تلقاني كل شهر احط له مبلغ مخصص على جنب لين ما اجمع قيمته واشتريه


انا احييك على الموضوع والفكرة واتفق معاك بالطرح لكن اختلف معاك في المثال المطروح الا وهو العيد

يعطيك العافيه واتفق مع اخوي خليفه بخصوص النقطه اللي ذكرها ..

قواك اللہ يالكواري
مشاركة جميلة منك
واكثر الناس نجاحا ، هم إلي سووا مثلك
اللہ يعطيك العافية
:)

[أم نواري1]

أنا أحيان أقول مادري من وين تجيب موضوعاتك
لكن هالمره صدقت

عن نفسي مب بس الغالي حتى الوسط والرخيص
ماحب التبذير فاللبس ملابس اليهال اذا بحاله ممتازه
يلبسونها ورى بعض وبين فتره والثانيه اخذ لهم لبس جديد
حق طلعه او للاعياد او للمناسبات مثل عرس او حفله
لان كل مناسبه لها لبس
قيس عليه الأحذيه والاكسسوارات وخلافها
خاصة لو عيالك صبيان ورى بعض او بنات ورى بعض
اللي يضيق عليهم وبحالة ممتازة اتبرع فيه عقب بعد

الصرف بالمعقول اهم شي
والله احيان اشتري شي غالي والبسه اليهال يطلع الرخيص أحلى منه
بالأخير الواحد يحافظ على أي شي يشتريه ويحط فنيته انه بيتبرع فيه بحالة جيده

لا للاسراف ونعم لحفظ النعم وشكرها مهما بلغت مقدرتنا على الشراء
وقاعده اعلم اليهال هالشي
حتى فالالعاب والأجهزة الالكترونية يقدرون يجمعون ويشترون
وقريب راح يصيرون بسن يفهمون جمع مبلغ اضافي للصدقات
غير مبلغ يوفرونه للمستقبل فحساب خاص

[ام السعف]

انا اشهد انه فرق بين اسلوبج الكريم والمحترم في الرد
والأسلوب الساخر للبعض الآخر في ردهم

سبحان الله
ناس تتكلم عن ادب الحوار
وهي اول من يخالف ادب الحوار

ناس تتكلم عن كلام تافه من وجهة نظرهم يقوم بكتابته
بعض الأعضاء .. وكلامهم اكبر عنوان للتفاهة .

بسم الله الرحمن الرحيم

﴿ يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ (2) كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ (3) ﴾

صدق الله العظيم

الرجال حاط موضوع للحوار العام .. وللنقاش فيه
الي عنده رد حول الموضوع يقدر يطرحه بأدب
واحترام .. والي حابب يضحك ويخفف دمه
عنده قسم الاستراحة .. يقدر يروح هناك
ويخفف دمه مثل ما يبي

:)

خليفــة

تعقيبا على كلامك يا خليفة

هناك من يرى نفسه في المنتدى انه هو الفاهم العالم المتعلم المثقف
اللي يمكنه تقييم الاعضاء وتقييم المواضيع وبل تقييم المشاركين في هالمواضيع
وتحديد من يستحق التكريم من قبل الادارة ومن لا يستحق التكريم
ومن الذي منح التكريم لابد ان يسحب منه ومن لم يعطى لابد ان يمنح تكريم،،

وتجدهم ايضا يحددون اي المواضيع تافة واي المواضيع التي لا يجب
ان يدخلها الاعضاء اصحاب الردودة القوية ،،

ومن خلال موضوعك هذا احب احيي ولدنا حمد صاحب المواضيع المشاكسة
والغريبة والمنرفزة والمفيدة في بعضها واللي بحاجة الى دعم في البعض منها،،

وتحية لك ايضا :shy:

[غدير البورصه]

انا اسميه دلع الوحده تدلع نفسها بلبس الغالي وكثرة اللبس ا

نا واعوذ بالله من كلمة انا في هالموضوع اتكلم عن النساء ما يخصني في الرجاجيل يبذرون ما يبذرون مالي شغل

اتكلم عن المراءه ان لها الحق تدلع نفسها وتلبس وتكشخ بشرط ماتكون مضيقه على زوجها اذا هويصرف عليها ولا على ابوها اذا هو يصرف عليها

اما اذا هي موظفه ايش الي يمنعها انها تصرف

الحياه حلوه والكفن ماله جيوب

[Al-Kuwari]

انا اسميه دلع الوحده تدلع نفسها بلبس الغالي وكثرة اللبس ا

نا واعوذ بالله من كلمة انا في هالموضوع اتكلم عن النساء ما يخصني في الرجاجيل يبذرون ما يبذرون مالي شغل

اتكلم عن المراءه ان لها الحق تدلع نفسها وتلبس وتكشخ بشرط ماتكون مضيقه على زوجها اذا هويصرف عليها ولا على ابوها اذا هو يصرف عليها

اما اذا هي موظفه ايش الي يمنعها انها تصرف

الحياه حلوه والكفن ماله جيوب

رَوى ابنُ حِبَّانَ والترمذيُّ في جامِعِه أنَّ رسولَ الله صلى الله عليه وسلم قالَ: "لا تزولُ قَدَمَا عبدٍ يومَ القيامةِ حتَّى يُسألَ عن أربعٍ عَن عُمُرِه فيما أفناهُ وعن جسدِهِ فيما أبلاهُ وعن عِلمِهِ ماذا عَمِلَ فيهِ وعن مالِهِ مِنْ أَيْنَ اكْتَسَبَهُ وفيما أنفقَهُ ".

[مضارب دوسري]

انا اشهد انه فرق بين اسلوبج الكريم والمحترم في الرد
والأسلوب الساخر للبعض الآخر في ردهم

سبحان الله
ناس تتكلم عن ادب الحوار
وهي اول من يخالف ادب الحوار

ناس تتكلم عن كلام تافه من وجهة نظرهم يقوم بكتابته
بعض الأعضاء .. وكلامهم اكبر عنوان للتفاهة .

بسم الله الرحمن الرحيم

﴿ يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ (2) كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ (3) ﴾

صدق الله العظيم

الرجال حاط موضوع للحوار العام .. وللنقاش فيه
الي عنده رد حول الموضوع يقدر يطرحه بأدب
واحترام .. والي حابب يضحك ويخفف دمه
عنده قسم الاستراحة .. يقدر يروح هناك
ويخفف دمه مثل ما يبي

:)

خليفــة

:nice:
اي والله نا تتكلم عن ادب الحوار وهي ابعد ما تكون عنه
وفوق هذا يسخرون
ممكن بعضهم يعاني من مشاكل نفسيه :telephone
او ما شافوا خير

[عندليب قطر]

دلع نفسك والي ماتحتاجه تبرع به

[bohilal191]

يعطيك العافية اخوي حمد وكل واحد حر في فلوسه ان شاء الله يحرقهم بس اهم شي الصدقة

[بوحارب]

مشكلة الي عباله فله.

صدقت أخوي

بعض الناس يحسبون محد يقدر يشتري إلا هم

الحمدلله الكل عنده خير بس الظاهر حديث النعمه مب مصدق :omen2:

[رهج السنابك]

شوف اخ حمد رغم اني اعتبر نفسي اقتصاديه جدااااا وفي نظر وحده من البنات اني بخيله ههههه الا اني اشوف مسأله نعال واحد طول السنه ذي قمة البخل يعني غطيت علي :)
او نفس الفستان للعيدين !!!

انا بنظر ناس وايد اقتصاديه مع ذلك مب لدرجة فستان للعيدين او نعال واحد

اشتري لنفسي على قدر حاجتي

لاني اكره تكدس الملبوسات بالدولاب وزحمة اغراض

وبما اني قليله جدا في حضور واستقبال المناسبات فما اهتم وايد لموضوع التشري ولا التسوق

اغلب لبسي اشياء عمليه للبيت او للدوام وبس

اقول شي وماتنصدمون :)

بعض الاعياد والله ماطب السوق ولا اشتري ولا شي جديد *_* خاصه اذا بقضي العيد بالبيت وعارفه من بيزورنا البس الموجود عندي والسلام

ماحب الفجعنه الزايده ولا عندي هوس اسواق (البعض يعتبرها منقصه وعيب) لكن ماهتم وايد اني اركض ورا الماركات ولازم لبسي ماركة وجديد ولا ياي فشيله البنات بيقصون ويهي!

اعتقد كل ماكان الانسان بسيط وعفوي ومب متكلف كل ماكان اقرب للقلب وحبوه الناس اكثر

وكل ماتعنطز الواحد وسوى نفسه ابو الشياكة بتكلف زايد ومن راسه لين ريوله هارودز بكبره من الماركات كل مالناس ابتعدت عنه
بالاخير الشخص واسلوبه واخلاقه مع الناس هي اساسه مب قطع الخلاقين الي عليه

حلو الاعتدال والاقتصاد لكن مب لدرجة البخل ولا التقتير
ولا المبالغات الزايده

انا مع ان الشخص يكون مقتنع بشنو يحتاج ولا يصير امعه يذبح عمره عشان كلام الناس ولا ليش عندهم وانا ماعندي

[خليفـة]

شوف اخ حمد رغم اني اعتبر نفسي اقتصاديه جدااااا وفي نظر وحده من البنات اني بخيله ههههه الا اني اشوف مسأله نعال واحد طول السنه ذي قمة البخل يعني غطيت علي :)
او نفس الفستان للعيدين !!!

انا بنظر ناس وايد اقتصاديه مع ذلك مب لدرجة فستان للعيدين او نعال واحد

اشتري لنفسي على قدر حاجتي

لاني اكره تكدس الملبوسات بالدولاب وزحمة اغراض

وبما اني قليله جدا في حضور واستقبال المناسبات فما اهتم وايد لموضوع التشري ولا التسوق

اغلب لبسي اشياء عمليه للبيت او للدوام وبس

اقول شي وماتنصدمون :)

بعض الاعياد والله ماطب السوق ولا اشتري ولا شي جديد *_* خاصه اذا بقضي العيد بالبيت وعارفه من بيزورنا البس الموجود عندي والسلام

ماحب الفجعنه الزايده ولا عندي هوس اسواق (البعض يعتبرها منقصه وعيب) لكن ماهتم وايد اني اركض ورا الماركات ولازم لبسي ماركة وجديد ولا ياي فشيله البنات بيقصون ويهي!

اعتقد كل ماكان الانسان بسيط وعفوي ومب متكلف كل ماكان اقرب للقلب وحبوه الناس اكثر

وكل ماتعنطز الواحد وسوى نفسه ابو الشياكة بتكلف زايد ومن راسه لين ريوله هارودز بكبره من الماركات كل مالناس ابتعدت عنه
بالاخير الشخص واسلوبه واخلاقه مع الناس هي اساسه مب قطع الخلاقين الي عليه

حلو الاعتدال والاقتصاد لكن مب لدرجة البخل ولا التقتير
ولا المبالغات الزايده

انا مع ان الشخص يكون مقتنع بشنو يحتاج ولا يصير امعه يذبح عمره عشان كلام الناس ولا ليش عندهم وانا ماعندي

كالعادة .. مشاركة حكيمة
من اخت فاضلة
تعي ما تكتب
استمتعت واستفدت من قراءة مشاركتج اختي الكريمة
:)