مطابخ ستانلس ستيل

[بنت سعادة السفير]

السلام عليكم ورحمة الله وبركاته

كل عام وانتوا بخير يااعضاء منتديات الاسهم القطريه

شحالكم ياربكم طيبين ،، بغيت استفسر بخصوص اسعار مطابخ ستانلس

ستيل للمتر وبغيت اعرف هل له انواعها واو حجم يالليتكم تفيدوني

ووين احسن محل فصلتوا عنده

ماتقصرون معاي

*

[معماري قطري]

كان فيه محل مختص قبل دوار الغانم وانتي جايه من الدوحة .. يسوي ستانلس ستيل ومعدات مطابخ عالية الأداء للمطاعم .. هذا من فترة مريت عليه يعني فوق 10 سنين وما ادري إذا موجود أو لا.

مشكلة الستانلس ستيل أنواع ولكل نوع درجة من مقاومة الصدأ وبعضهم يصدون بسرعة يعني إسم على غير مسمى .. وبعدين سمك المادة مهم بعضهم يجون بسمك رقيق ووزن خفيف لدرجة أي ضربة بسيطة تبين فيه .. ما ادري إذا تجي معاهم شهادة منشأ وضمان بعدم الصدأ ويعطون عينة توضح سمك المادة ومتانتها أو إذا مختبر المواد يعطي شهادة للمحل أو يفحص المادة للشخص ويعطيه تقرير عنها.

[معماري قطري]

اتوقع صناعات عسكر يسوون ممكن

الدوحه يو بي في سي سمعت ان عندهم بس ما ادري اذا للمطابخ وكذلك الجبر .. بالتلفون لهذي الجهات ممكن تتأكدين.

[النهار]

كان فيه محل مختص قبل دوار الغانم وانتي جايه من الدوحة .. يسوي ستانلس ستيل ومعدات مطابخ عالية الأداء للمطاعم .. هذا من فترة مريت عليه يعني فوق 10 سنين وما ادري إذا موجود أو لا.

مشكلة الستانلس ستيل أنواع ولكل نوع درجة من مقاومة الصدأ وبعضهم يصدون بسرعة يعني إسم على غير مسمى .. وبعدين سمك المادة مهم بعضهم يجون بسمك رقيق ووزن خفيف لدرجة أي ضربة بسيطة تبين فيه .. ما ادري إذا تجي معاهم شهادة منشأ وضمان بعدم الصدأ ويعطون عينة توضح سمك المادة ومتانتها أو إذا مختبر المواد يعطي شهادة للمحل أو يفحص المادة للشخص ويعطيه تقرير عنها.

استانلس ستيل صناعات عسكر متخصصين فيه
اما انه يصدي هذي اول مره اسمع فيه
كيف تتأكد ان استانلس استيل غير مغشوش يكون عندك مغناطيس
ان لزق حتى لوبشكل بسيط يكون المنتج مغشوش اكيد بعد فتره يصدى بسبب
وجود الحديد ضمن المنتج
توجود منه احجام والسمك يختلف وحسب الطلب

[معماري قطري]

ما قصرت إخوي النهار هذي طريقة جيدة وحتى للنحاس نكشف الغش بنفس الطريقة لأن بعض الصناعات يسونه مخلوط ببرادة حديد.

[captin]

من أفضل مصانع المطابخ الستانلس هي شركة الحلبي

أسعارهم غالية نوعا ما مقارنة بباقي المحلات

توجد محلات كثيرة بطريق سلوي متخصصة في المطابخ الستانلس وتتفاوت
في الاسعار , يوجد محل أينوكس بشارع الخليج مقابل سوق نصر الله
أيضا ذو جودة في النوعية من المطابخ والشفاطات.

[ابوعلي]

اتذكر ان في نابينا الدور الثاني حصلت عندهم استان ستيل

[ولد المنصور]

عن نفسي ماحبيته , لا لون ولا شكل واي ضربه بسيطه تبين فيه وفوق هذا غالي جداااااا ,,,
اسمحلي ياراعي الموضوع وجه نظر ,,,
و اتذكر بعد المتحده بطريق سلوى عندهم ...

[Azizuk]

واحد من الربع مفصل عند المتحدة مطبخ استانلس ستيل مساحة المطبخ 10 في 5 ،،، ب 100 ألف ريال طلبيه من ايطاليا وعطوه ثلاجة وفرن وشفاط ببلاش وهذا بعد الخصم وإلا كان سعرة قبل 130 ألف كان عندهم خصم رمضان 30٪

[معماري قطري]

واحد من الربع مفصل عند المتحدة مطبخ استانلس ستيل مساحة المطبخ 10 في 5 ،،، ب 100 ألف ريال طلبيه من ايطاليا وعطوه ثلاجة وفرن وشفاط ببلاش وهذا بعد الخصم وإلا كان سعرة قبل 130 ألف كان عندهم خصم رمضان 30٪

هذي الأسعار المعتادة هناك وأكيد هذا سعر تشجيعي للتسويق وبيرتفع مع مرور الوقت

[أبو ثائر]

عندك المطبخ الحلبي