تنميل الاصابع والكفين الدائم ايش العلاج؟

[توالناس]

تقبل الله طاعاتكم ومبارك عليكم العيد وعساكم من عواده
لطفا اللي يعرف طبيب حق تنميل اصابع وتنميل الكفين يدلني عليه وبدعيله
تنميل مب طبيعي يصحيني من لرقاد والسالفه صارلها حول السنتين وزادت واجد في الفتره الاخيره صارت اطراف الاصابع متخدره على طول
الله يخليكم اللي مرت عليه نفس الحاله وتعالج يدلني على العلاج

[الدوحه1]

منقول:

قد يكون هذا التنميل مؤشراً لبداية مرض السكر، لذا من الأفضل عمل تحليل لنسبة السكر في الدم مع تحليل دم كامل ونسبة الهيموجلوبين به؛ حتى نستثني أيضاً احتمالات الأنيميا التي قد تؤدي في حالات قليلة إلى مثل هذا العرض.

وقد يكون هذا التنميل بسبب مشكلة في العمود الفقري، سواءً في الفقرات العنقية أو القطنية، مما يؤدي إلى الضغط على الأعصاب في الأيدي والأرجل ويؤدي إلى حدوث هذا التنميل.

وقد يكون ذلك بسبب ضعف عام في الأعصاب، وهذا ينتج عن نقص في فيتامين ب.
وعليك استشارة الطبيب المختص لإجراء ما يلزم،

[الأصيلة]

العلاج لازم الذهاب وبسرعة لـ دكتور أعصاب
وتصوير أمراي على الراس لمعرفة السبب..
والله يشفيك ويعافيك...

[توالناس]

جزاكم الله خير وماقصرتو بس ياليت تدلوني على طبيب اعصاب زين

[ابـو مــحــــمـــــد]

شيك على الديسك عندك
هذي من اعراضه

[أخت الكل]

الله العالم أخوي إن فيه ضغط على أعصاب يدك
عليك بالتمارين او المساج وشوف معدل المغنيسيوم بدمك

هذا الرابط للأخت ريم العنزي ياليت تدخل عليه يمكن يفيدك

https://twitter.com/reemulita

[حسن]

ياخوك انت عرضت على نفسك على طبيب ولا تبي علاج من عندنا

[الأصيلة]

جزاكم الله خير وماقصرتو بس ياليت تدلوني على طبيب اعصاب زين

اياك والتدليك والمساج
يضرك أكثر ويبطيء الشفاء...
د. أسامة العلمي ود سعدات باكستاني

[مع الله]

دكتور سامح بدران في عيادة الدوحه وشفاك الله وعافاك

[حكآية آحسآس]

قبل لا اعلق باي تعليق ... ياااارب يشافيك من كل داء يؤذيك ياارب ..


ماتششوف شر ..ششوف نسبة فيتامين الدال عندك ..وطمنى عليك .

[kitmat]

نقص فيتامينات ب والله يشفيك

[توالناس]

جزاكم الله خير والله يرحم والديكم

[حسن]

سو حجامه واحتل وتكون وبتكون ان شاء الله عال العال
وزي الفل

[لبيبة]

اياك والتدليك والمساج
يضرك أكثر ويبطيء الشفاء...
د. أسامة العلمي ود سعدات باكستاني
اتفق معاج، لازم استشارة طبيب بدون تأخير، والله يشافيك ويعافيك.

[توالناس]

الله يرحم والديكم ياهل الطيب

[لاجل QT]

ماعليك شر توالناس

انا عندى نفس المشكلة بس اعتقد من فقرات ظهري والدسك الم مزمن عندى

الله يجيرك من الشر

[E.h]

عليك بإجراء فحوصات للدم ،لانه كل واحد بيقول لك شي فالمنتدى والتنميل له عده أسباب

وأنا كانت ايدي تنمل وعظامي تعورني وطلع عندي نقص فيتامين دال

[cavok]

أخوي شوف الدكتور تاج الدين سكرب استشاري أعصاب بمستشفى حمد دكتور ممتاز بصراحة
واللة يشفيك ً

[جاري البحث]

السلام عليكم
وكل عام وانتو بخير
احتمال ٩٠% من فقرات الارقبه هي الي تسبب تنميل في اطراف الاصابع.

[أخت الكل]

تقبل الله طاعاتكم ومبارك عليكم العيد وعساكم من عواده
لطفا اللي يعرف طبيب حق تنميل اصابع وتنميل الكفين يدلني عليه وبدعيله
تنميل مب طبيعي يصحيني من لرقاد والسالفه صارلها حول السنتين وزادت واجد في الفتره الاخيره صارت اطراف الاصابع متخدره على طول
الله يخليكم اللي مرت عليه نفس الحاله وتعالج يدلني على العلاج

اسباب تنميل اليدين

نقص فيتامين b
مرض السكري
ضغط الفقرات العنقيه
خمول الغده الدرقيه
التهاب عصب اليد

أخوي سويت بحث وهذا اللي طلع لي
عليك بالدكاترة اللي ذكرتهم الأخت الأصيلة هم فعلا أفضل الموجودين في الدوحة
الله يشفيك ويعافيك من كل شر

[توالناس]

اياك والتدليك والمساج
يضرك أكثر ويبطيء الشفاء...
د. أسامة العلمي ود سعدات باكستاني

رحم الله والديج وين مكانهم؟

[حسن]

عليك بإجراء فحوصات للدم ،لانه كل واحد بيقول لك شي فالمنتدى والتنميل له عده أسباب

وأنا كانت ايدي تنمل وعظامي تعورني وطلع عندي نقص فيتامين دال

هذا المفروض اللي يسير ياخذ موعد مع دكتور في مستشفى حمد ويسون له تحاليل
اما هني بيسير حقل تجارب

ياخوك مايسير

الحل بيدك ولا هو بيدي ولا بيد الاعضاء انت لازم ترح مستشفى حمد وهناك بيقررون
اما بتمشي على كلام الطيب والاخ والشيخ
وانا اذا علي انا باقولك تعال باوديك نسويك كي ها تبي علاج شعبي ممتاز

ماتشوف شر راجع المستشفى عقب العيد
وان شاء الله بتكون بخير

:)

[غدير البورصه]

اقطع الشك باليقين

روح للمستشفى

وان شاء الله ماعليك شر

وانصحك تروح ل2من المستشفيات عشان تشوف تشخيصهم ليطمءن قلبك

[jaf111]

هالشغلات أنتشرت فالسنين الأخيره في العالم مب بس في قطر الله يشفي المسلمين إن شاء الله

شوف أقرب طبيب أعصاب أخوي يمكن يكون في ضغط على العمود الفقري أو أحد الفقرات أو عارض بسيط في الأعصاب إن شاء الله ماتشوف إلا الخير

[jaf111]

الأطباء كثر كلهم في العيادات الخارجية مستشفى حمد
في أسامة العلمي و سعدات وحسن الهيل و أطباء كثر كل واحد وله تميز في موضوع معين

[لبيبة]

رحم الله والديج وين مكانهم؟
العيادات الخارجية مستشفى حمد، روح الطوارئ او المركز الصحي وخلهم يعطونك تحويلة لدكتور أعصاب واطلب الدكتور بالاسم لما تسجل موعد، انصحك بالدكتور سعدات (سادات) والله يشافيك

[توالناس]

جزاكم الله خير والله يكثر من امثالكم

[بصمة قطرية]

أخوي سو تحاليل دم شاملة
روح المختبر و قول لهم اللي تعاني منه
و بيعرفون التحاليل اللي تحتاجها
بعدها روح لطبيب أعصاب
بعد ما تعرف نتيجة التحاليل
يمكن معاك نقص في فيتامينات
تحمل تسوي مساج و تدليك قبل لا تعرف اللي تعاني منه ..
ما عليك شر إن شاءالله ،،

[Sari]

احتمال كبير نقص فتامين او فقرات رقبة

[Aaziz]

ماقصرو الشباب

يمفي تعرف المسبب للتنميل (الاعصاب) بعدها تحتاج لزيارة طبيب.
ماعليك شر و بالتوفيق

[توالناس]

جزاكم الله خير ويرحم والدينكم

[الأصيلة]

رحم الله والديج وين مكانهم؟

مستشفى حمد العام

[خزامئ]

الله يعفيك وياعافي كل مريض
الدكتور اسامه العلمي مستشفي حمد
او دكتور ناسيه اسمه في الاهلي
جنسيته فرنسي
واضن عندك التهاب في فقرات الرقبه
ماعفا