أستفسار من أصحاب الخبره (موتر مقلوب)

[أغلى البـشر]

السلام عليكم ورحمة الله وبركاته

حبيت أستفسر عندي جي أكس موديل 2009 مقلوب قلبه خفيفه جنب غماره جنب

التأمين قالولي بياخذون مني الموتر بت 80 ألف

وحبيت أستفسر هل المبلغ يسوى ولا لا ؟ ولو حبيت ابيعه بره بكم ممكن ينباع ؟

ولا أصلحه وابيعه ؟

نصيحتكم جزاكم الله خير لأن بكره لازم أرد على التأمين

[عبدالعزيز 101]

والله ياخوي سعر نازل انا اشوفه .. حاول تكاسرهم وتخليها على الاقل ١٠٠،٠٠٠ !!

وبخصوص التصليح لو ما يكون يتعدى ٢٠،٠٠٠ انصحك انك تصلحه وتبيعه لأنه سعره فالسوق بـ ١٢٠ تقريباً وفي ناس يعرضون ب ١٤٠ !!


اتمنى اني افدتك !!

[أغلى البـشر]

مشكور اخوي

بس التصليح ما راح يرجعه مثل ماكان

[بويعقوب]

الحمد لله على السلامه

80 الف حلوه لانه لو صلحته هاي سعره في السوق اذا حصلت حد ياخذه

والله يوفقك

[أبوهيا]

والله موترك اشوفه بالسوق حده ب120. لانه6 سلندر محد يدوره
التامين عطوك80 بيعه ولا تفكر لهم لانه سعر المصبوغ كامل بالسوق ب85 خلنا نقول90 ولا حد بياخذه بعد
وماظن بيكلفك تصليح اقل من20 الف تعديل وصبغ وسمكره

[al-obaidly]

بيعه وريح بالك

[الجوكر90]

الشيخ موتر نسيبي جي استاندر 2009 دعم فيه والايرباقات طلعت قالوا له ب60 قالهم ﻻ
تعرف وشو سوا
قالهم عطوني 40 مع الموتر وباع الموتر ب65 بدعمته
انت قولهم عطوني 50 مع الموتر وبيع الموتر حتى لو جاب لك 50 انت الربحان
وبالتوفيق
ونسيت اقولك حاول تبين لهم انك مب مفتكر فالموتر يعني عندك غيره مب محتاج الفلوس الحين
واذا ما وافقوا قول عرضكم ماعجبني وخل نحول السالفه للمحكمه
وراح يعوضونك

[+abc]

جزاك الله خير يالجوكر على المعلومة

[سلطان قطر]

السعر فوق الممتاز
انعرض علي العام في ٢٠١٢
جي أكس موديل ٢٠١٠
جمب غمارة بـ ٧٥

سعر التامين ممتاز جداً

[ولد المنصور]

خووووش تامين لانهم عطوك سعر طيب ...

[كتكوت الوحش]

سعر زين عطهن إياه وانت تضحك لا تتردد

[أغلى البـشر]

رايكم أخلص معاهم خلاص

[وحيد-الشوق]

ليش ماتشوف اقتراح اخونا الجوكر اذا خذت 50 الف او 40 وصلحت الموتر وبعته او بعته بخرابه انت ربحان بس فكر عدل عشان ماتقول عقب كله منا وتدعي علينا ههههههه

او تاخذ 80 الف

ومعوض ان شاء الله

[حمد911]

خذ ل 80 ألف وريح بالك والله ايعوضك خير

[adel777]

٨٠ الف

[بطل الفريج]

بيع وانت الربحان

[لاجل QT]

سؤوال بعد اذنكم

هل التامين يعتبر في هالحالة شامل او ضد الغير

[النهار]

ايش لك بوجعة الراس مايندري ويش من ابواب تنفتح لك وانت تصلح الموتر
حاول مع التأمين لوقدرت ترفع السعر يكون افضل
انا من 4 سنوات شريت موتر مسدوح على جنب ومصلح في الوكاله
بعته بعد شهرين بأقل من سعر الشراء 25 الف لان الموتر تحسه مو طبيعي على الشارع
تحس فيه شي غلط
انا اشوف 80 الف سعر زين

[النهار]

سؤوال بعد اذنكم

هل التامين يعتبر في هالحالة شامل او ضد الغير

اكيد للشامل في حالة الاخ
او يكون بسبب حادث والشخص المدعوم مو غلطان الغلط على الداعم في حال ضد الغير

[عبدالرحمن1]

انا اشوف 80 حلوه وعلى ماقال اخوانا حاول معاهم يرفعون السعر
لان اخوي نفس الشي ازعجهم ورفعوا السعر 10 الاف بس شيل
سالفه تصليح السياره وبيعها برا لانها وجع راس وماتدري
متا بجيك الزبون ومعوض انشاءالله والله يوفقك

[ميراج للسيارات]

اذا تبي تريح راسك خذ الـ 80 احسن

لكن اذا فيك شده على التصليح وعوار الراس صلح الموتر عن طريقهم او خذ فلوس التصليح وصلح براحتك

مع العلم بإني من واقع الخبرة اشوف سعرهم زين

ومعوض بإذن الله

[الإكسير]

80 الف