Rolex Datejust II Diamond Dial

[Al-Kuwari]

السلام عليكم

عندكم فكرة عن سعر ساعه الروليكس دايتجست 2 اللي تكون فيها بدل الأرقام الماس ؟

وهل تنصحوني اشتريها من قطر ولا السعوديه او البحرين ؟ او بريطانيا بحكم اني رايح قريب ؟؟

صورة للساعه
http://cdn2.bigcommerce.com/server1300/489d8/products/261/images/853/Rolex-Datejust-II-SS-Factory-Diamond-Dial-11634__44334.1326943434.1280.1280.JPG

[بريق الحق]

تصدق توني ادري ان هاي روليكس
موفق

[تغلبية]

الافضل تسال الوكيل مباشرة علشان تعرف الخيارات الموجودة عنده ووشي الخيارات الموجودة برا لان احتمال هالموديل مش موجود .. اقصد الواضح في الصورة تحديداً


مبروك مقدما ..:victory:

[وحيد-الشوق]

اول مرة تلفت نظري ساعة رولكس أهنيك عالذوق الحلو

[البحار00]

بطرش لك على الخاص رقم رجال شغال في الكوهجي فرع الدمام

الكوهجي وكيل الرولكس في البحرين ولهم فرع في الدمام

انا قبل سنه ونص خذت ساعه لزوجتي والفرق اقل من 10 الاف عن قطر

اسال وقارن بين الاسعار

[السامـي]

الــ دايتجست 2،تبدأ من 24500 درهم،في السوق الحرة
بمطار دبي.

[مخطط قطري]

حسب خبرتي السابقه الكوهجي ارخص وكيل ساعات بالخليج هلكلام من 3 سنوات وماسويت اب ديت الحين مادري من الارخص
بس معروف البيت الحديث اعلى سعر الديوان مايقصر وياه وداعمه بقوه يعني ماراح يلتفت لك انت ياللي تشتري قطعه ولا 2 منه واسعاره اعلى وماينزلك

[أم علي 2010]

ممكن رقم الكوهجي فرع الدمام


سمت الديتجست مطوقه بالماس ومن داخال حبات و مينا صدف في البيت الحديث ب 76 الف

و رولكس فرع الاردن ب 63 الف بس ماعندي حد بيروح قريب

قلت الدمام اقرب شي وبشوف الفرق

[العملة النادرة]

اخوي في محل الرولكس الي موجود في اللاجونا مول في الدور العلوي شوف عنده الاسعار وقريبه من اسعار الكوهجي البحرين

[بو خليفه 123]

سعرها بالضبط 26500رق

يفضل انك تخذها من وكيل خارج الدوحه
حتى دبي ارخص من 51 ايست الدوحه رغم تخفيض اسعار الروليكس عالمياً 10%

[انت غير]

انا ماخذ واحدة نفسها بالضبط من دبي في ارجان مول تقريباً في شهر 2 سعرها 38000 الف وفي الدوحة كانت تنباع 41000

[بو راشد 1]

تأكدو ان الساعة مش ذهب ابيض، لاني سألت موظف الرولكس يوم معرض المجوهرات السابق عن الساعة اللي فيها طوق الماس و قال لي ان الالماس ما يركب الا على الذهب الابيض.

و حسب علمي ان الذهب الابيض هو نفسة الذهب الاصفر بس مخلوط مع معدن اخر لتغير اللون، و طبعا الذهب ما يجوز لبسه للرجال الا في حالات خاصة و الله اعلم.

[برشلوني قطر]

تأكدو ان الساعة مش ذهب ابيض، لاني سألت موظف الرولكس يوم معرض المجوهرات السابق عن الساعة اللي فيها طوق الماس و قال لي ان الالماس ما يركب الا على الذهب الابيض.

و حسب علمي ان الذهب الابيض هو نفسة الذهب الاصفر بس مخلوط مع معدن اخر لتغير اللون، و طبعا الذهب ما يجوز لبسه للرجال الا في حالات خاصة و الله اعلم.


قبل اشوي سألت عنها في نيويورك. سعرها 12000 الف دولار

وقالت الطوق الي عليها ذهب.

الله يوفقك يالكواري

[فقط قطر]

الكوهجي بالخبر ارخص...

[Al-Kuwari]

جزاكم الله خير ويعطيكم العافية

[hassan51]

امس كنت في الفرع اللي في اللاجون وشفت نفس الساعه بنفس اللون والمواصفات سعرها 38200 ريال والسير مب ذهب يقول انه ستانستيل