فرض سياسه التقشف بالوزارات والجهات الحكومية المختلفة !!

[حمد 2002]

السلام عليكم ورحمه الله وبركاته

الموضوع يحمل العنوان التالي

(( فرض سياسه التقشف بالوزارات والجهات الحكومية المختلفة ))

كلكم تدرون ولا يخفى عليكم بأن الحكومة تعطي كل وزاره وكل مؤسسه حكومية مبالغ ضخمه كل سنه ماليه جديده ، ولكن للأسف اغلب الجهات الحكوميه اذا مب الكل يصرفون تلك المبالغ بامور ثانويه واعتياديه ، لان المبالغ الي عندهم تكون ضخمه وبالتالي يصرفونها بكل اريحيه لمجرد الصرف فقط ، ولكن لو كانت عندهم الميزانيه محدوده جدا ، كان حاسبوا على كل ريال يصرفونه :):) ، وسبيل تبذير الفلوس وعدم حسن التصرف بالمال العام كثيره ومن الامثله استضافه مؤتمرات مامنها فايده ولمجرد دعايه للمؤسسه او الجهه ، ولكي تعطي انطباع بانهم ناس يشتغلون ومجهوداتهم واضحه ، وبهدف تظليل الرأي العام !!!!!!!!! . ووهناك امور اخرى يتم فيها الاستقالال السيء للمال العام لكن سأكتفي بما قلت وذكرت.

اما الان الموضوع مفتوح لكم للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تحياتي للجميييع ،،،

[وحيد-الشوق]

وايد شاد حيلك ياحمد هاليومين في الاقتصاد وعدم التبذير وحسن التصرف في الاموال :shy:

حاول تاخذ راحة شوي ترى مب إجباري كل يوم تنزل موضوع :nice:

[حمد 2002]

وايد شاد حيلك ياحمد هاليومين في الاقتصاد وعدم التبذير وحسن التصرف في الاموال :shy:

حاول تاخذ راحة شوي ترى مب إجباري كل يوم تنزل موضوع :nice:


لو تمعنت شوي لوجدت بأن كل موضوع يختلف عن الثاني ، تلك المواضيع تتكلم عن الاقتصاد على مستوى الافراد ، اما هذا الموضوع على مستوى الدوله وبمعنى اخص على مستوى الوزارات والهيئات الحكوميه ،،،

تحياتي لك يالذيب وكنت اتمنى انك تشاركنا برأيك النير :shy: ،،

[بـارود]

أي تقشف يا حمد ومئات الآلف انصرفت وراحت ،،
الأجنحة في المعرض المهني خير مثال على كلامي

تحيتي لك :)

[مخطط قطري]

حمد احدى الوزرات الخدميه كان يصرف لها 200 مليون ريال سنويا ميزانيه وقبل اقفال السنه الماليه بكم اسبوع ويكون باقي في الحساب فرضا 20 او 30 مليون يركض مدير الشؤن الاداريه والماليه للوزير ويقوله لازم نخلص الميزانيه قبل الاول من ابريل
فيشتغلون لك على المهمات الرسميه والدورات او بند المكافات التشجعيه او يشترون اجهزه يديده للموظفين او اي حاجه غير ضروريه للصرف اهم شي يكون الحساب مكشوف مافيه ولا ريال وعذرهم في ذلك اللي هو اقبح من ذنبهم نخاف السنين الجايه يخفضون علينا المخصص السنوي للميزانيه لانه اذا صرفنا ١٥٠ مليون مثلا بيقلون خلاص هذي كفايتكم مانزيدكم
فمثل هنوع من العقليات اللي عندنا واجب علينا نحاسبهم ونقلل الصرف عليهم لانه هذي حماقه وهدر مال عام وتصرف سفيهه ومع الاسف مايصير الا في الوزرات الحكوميه ولو تشوف من بدايه السنه في شنو انصرفت تدري انه في تخبط في المدفوعات

[الدوحه1]

حمد احدى الوزرات الخدميه كان يصرف لها 200 مليون ريال سنويا ميزانيه وقبل اقفال السنه الماليه بكم اسبوع ويكون باقي في الحساب فرضا 20 او 30 مليون يركض مدير الشؤن الاداريه والماليه للوزير ويقوله لازم نخلص الميزانيه قبل الاول من ابريل
فيشتغلون لك على المهمات الرسميه والدورات او بند المكافات التشجعيه او يشترون اجهزه يديده للموظفين او اي حاجه غير ضروريه للصرف اهم شي يكون الحساب مكشوف مافيه ولا ريال وعذرهم في ذلك اللي هو اقبح من ذنبهم نخاف السنين الجايه يخفضون علينا المخصص السنوي للميزانيه لانه اذا صرفنا ١٥٠ مليون مثلا بيقلون خلاص هذي كفايتكم مانزيدكم
فمثل هنوع من العقليات اللي عندنا واجب علينا نحاسبهم ونقلل الصرف عليهم لانه هذي حماقه وهدر مال عام وتصرف سفيهه ومع الاسف مايصير الا في الوزرات الحكوميه ولو تشوف من بدايه السنه في شنو انصرفت تدري انه في تخبط في المدفوعات

كلامك صحيح!!

وللعلم بعض الجهات ميزانيتها مفتوحه!!

[حسن]

حمد انا ارشحك بدال المير حق مناقشه ميزانيه الوزارات في الدوله

اول واحد يبيله تقشف انت لعبت بميزانية عقلك وافكارك
وشتت نفسك و شتتنا معاك

[OREO]

هل لديك ادلة و وثائق ملموسة بأن ميزانيات الوزارات و المؤسسات تصرف في غير محلها أم هي فرضيات ياخوي حمد ؟

[alsoq]

السلام عليكم ورحمه الله وبركاته

الموضوع يحمل العنوان التالي

(( فرض سياسه التقشف بالوزارات والجهات الحكومية المختلفة ))

كلكم تدرون ولا يخفى عليكم بأن الحكومة تعطي كل وزاره وكل مؤسسه حكومية مبالغ ضخمه كل سنه ماليه جديده ، ولكن للأسف اغلب الجهات الحكوميه اذا مب الكل يصرفون تلك المبالغ بامور ثانويه واعتياديه ، لان المبالغ الي عندهم تكون ضخمه وبالتالي يصرفونها بكل اريحيه لمجرد الصرف فقط ، ولكن لو كانت عندهم الميزانيه محدوده جدا ، كان حاسبوا على كل ريال يصرفونه :):) ، وسبيل تبذير الفلوس وعدم حسن التصرف بالمال العام كثيره ومن الامثله استضافه مؤتمرات مامنها فايده ولمجرد دعايه للمؤسسه او الجهه ، ولكي تعطي انطباع بانهم ناس يشتغلون ومجهوداتهم واضحه ، وبهدف تظليل الرأي العام !!!!!!!!! . ووهناك امور اخرى يتم فيها الاستقالال السيء للمال العام لكن سأكتفي بما قلت وذكرت.

اما الان الموضوع مفتوح لكم للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تحياتي للجميييع ،،،

والله ما انشوف وزارات تحسنت من الميزانيه اللي يعطونها لحد الان

السؤال اذا ها الفلوس والميزانيه لا تذهب للوزاره لانه لم نرا تغير فيها كل شي يدوي وتاخير في الخدمات



الميزانية وين تروح هذا السؤال اللي يطرح نفسه معا كل ميزانيه

[alsoq]

هل لديك ادلة و وثائق ملموسة بأن ميزانيات الوزارات و المؤسسات تصرف في غير محلها أم هي فرضيات ياخوي حمد ؟

هل شفت تغير في الوزارات من حيث الخدمه وسرعه الانجاز
هل رايت تقنيه جديده في ها الوزرات
هل رايت وزارت كل موظفيها يجون ساعه 8 بالضبط
هل رايت وزارات تخلص المعامله بنفس اليوم
هل رايت وزارت مديرها او وزيرها فاتح بابه للمواطنين

من حقنا نسال ولا نحتاح الى دلائل فا كل شي واضح الاعمى يدري به

نبي سرعه الانجاز
نبي الموظف ساعه 8 بالضبط على مكتبه ( مو يقلون لك معاملاتك عند فلان وهو ما جاء اليوم)
نبي الوزير مكتبه مفتوح مو حاط سكرتير محامي
نبي مدير متواجد من ساعه 8 الى ساعه 2 مكتبه مفتوح يستقبل المواطنين

اين هذا كله والميزانيه بالملاين

[: بوحمود :]

انا اتوقع ميزانيات الوزارات جزء منها لرواتب الموظفين وجزء لمشتريات الوزاره من اجهزه وسيارات وجزء لتطوير الموظفين بالدورات لان كل موظف يستحق دوره او دورتين في السنه
وجزء للمؤتمرات الخ...
وسواءً صُرفت هالميزانيه او ماصرفت ديوان المحاسبه يشيك على كل الوزارات في الدوله

[أم علي 2010]

موضوعك جداً حساس

السؤال من يضع الميزانية ؟ و كيفية وضع الميزانية ؟ ماهي الميزانية ؟

من الجهة اللي توافق على من الميزانية ؟ هل هناك تدقيق داخل وخارجي على الكشوفات ؟


حمد مآظن سالت نفسك هالاسئلة !!

انا ما عندي خبرة في القطاع الحكومي لكن بحكم وظيفتي بمؤسسة كل إدارة تشوف الميزانية بحسب المشاريع الموجودة وتم رفع الدراسة للإدارة للموافقة

وطبعا يتم بناء هذي التقديرات من قبل موظف معني به الشي بالإضافة لتدخل إدارة العقود و المالية و الشؤون القانونية

ومن حقي انا كموظف أروح دورات و احضر مؤتمرات دام هذا الشي محسوب في الميزانية

العملية مب عشوائية ،،

وبخصوص المؤتمرات وغيرها من الأمور اللي ما تهمك ،، كل جهه عندها قسم علاقات عامة ،، يعني هذي وظيفة القسم


ماعرف شنو الفكرة اللي تبي توصل لها ،، هل تبي الدول توفر على حساب الإنجازات ؟؟؟

ما نبي ندعي المثالية ،، بس بعد مانبي نوجهه اتهامات بدون أدله

ما قصرت

[غير البشر]

صدقت يا بوشهاب

الادهى والامر وهذا الكلام متأكد منه واتحدى أي حد يقول لا

قبل لاتنتهي الموازنه القديمه للوزارات يعني تقريبا في شهر 3
تكون بعض البنود فيها مبالغ كبيره
ويقولون لك اصرف على أي شي مانبي ندخل الميزانيه الجديده وعندنا فلوس

والسبب :

ان اذا دخلت الميزانيه الجديده وعندك فايض بالمبلغ
بخفضون المبلغ على الوزاره في السنه الماليه الجديده بقولون مالكم حاجه في هذا المبلغ
لانك ماصرفتو كله وعندكم فايض كبير

فالوزارات تصرفها في شهر 3 على اساس وقت المناقشه في الماليه
يقولون نعم الوزاره مايكفيها المبلغ وبالتالي يزيدون المبلغ للسنه الماليه الجديده



هل لديك ادلة و وثائق ملموسة بأن ميزانيات الوزارات و المؤسسات تصرف في غير محلها أم هي فرضيات ياخوي حمد ؟



ردي با الاعلى اخوي اوريو :shy:

[OREO]

هل شفت تغير في الوزارات من حيث الخدمه وسرعه الانجاز
هل رايت تقنيه جديده في ها الوزرات
هل رايت وزارت كل موظفيها يجون ساعه 8 بالضبط
هل رايت وزارات تخلص المعامله بنفس اليوم
هل رايت وزارت مديرها او وزيرها فاتح بابه للمواطنين

من حقنا نسال ولا نحتاح الى دلائل فا كل شي واضح الاعمى يدري به

نبي سرعه الانجاز
نبي الموظف ساعه 8 بالضبط على مكتبه ( مو يقلون لك معاملاتك عند فلان وهو ما جاء اليوم)
نبي الوزير مكتبه مفتوح مو حاط سكرتير محامي
نبي مدير متواجد من ساعه 8 الى ساعه 2 مكتبه مفتوح يستقبل المواطنين

اين هذا كله والميزانيه بالملاين

اسئلتك غير مبررة ياخوي لان الميزانية شئ و الدوام و مقابلة المدير شئ اخر ،،

فلذا موضوع اخونا حمد عن صرفية الميزانية و ليس عن سلوكيات و اداء الموظفين ..

[مضارب دوسري]

اسمحلي اخوي حمد
موضوع غير موفق هالمره

[OREO]

صدقت يا بوشهاب

الادهى والامر وهذا الكلام متأكد منه واتحدى أي حد يقول لا

قبل لاتنتهي الموازنه القديمه للوزارات يعني تقريبا في شهر 3
تكون بعض البنود فيها مبالغ كبيره
ويقولون لك اصرف على أي شي مانبي ندخل الميزانيه الجديده وعندنا فلوس

والسبب :

ان اذا دخلت الميزانيه الجديده وعندك فايض بالمبلغ
بخفضون المبلغ على الوزاره في السنه الماليه الجديده بقولون مالكم حاجه في هذا المبلغ
لانك ماصرفتو كله وعندكم فايض كبير

فالوزارات تصرفها في شهر 3 على اساس وقت المناقشه في الماليه
يقولون نعم الوزاره مايكفيها المبلغ وبالتالي يزيدون المبلغ للسنه الماليه الجديده






ردي با الاعلى اخوي اوريو :shy:

سؤال يا اخوان و اخوات ،،، كم شخص فيكم له علاقة مباشرة في اعداد الموازنة السنوية و كم شخص فيكم له الصلاحية في التصرف في الميزانية السنوية سواء لقسم او لادارة او لوزارة او مؤسسة ؟

لأجل النقاش يكون اكثر جدية و بنفس الوقت تكون ايجابية و نبعد عن الشكوك و التهم اللي مالها ادلة واقعية ،،

الموضوع موضوعكم على قولة اخونا حمد و تفضلوا على طاولة النقاش لاجل الكل يفيد و يستفيد ان شاءالله ،،

[أم علي 2010]

سؤال يا اخوان و اخوات ،،، كم شخص فيكم له علاقة مباشرة في اعداد الموازنة السنوية و كم شخص فيكم له الصلاحية في التصرف في الميزانية السنوية سواء لقسم او لادارة او لوزارة او مؤسسة ؟

،، [/color]

صحيح اليه وضع الموازنة لازم تكون واضحة و أساس تقديرها كيف

:)

[مضارب دوسري]

صدقت يا بوشهاب

الادهى والامر وهذا الكلام متأكد منه واتحدى أي حد يقول لا

قبل لاتنتهي الموازنه القديمه للوزارات يعني تقريبا في شهر 3
تكون بعض البنود فيها مبالغ كبيره
ويقولون لك اصرف على أي شي مانبي ندخل الميزانيه الجديده وعندنا فلوس

والسبب :

ان اذا دخلت الميزانيه الجديده وعندك فايض بالمبلغ
بخفضون المبلغ على الوزاره في السنه الماليه الجديده بقولون مالكم حاجه في هذا المبلغ
لانك ماصرفتو كله وعندكم فايض كبير

فالوزارات تصرفها في شهر 3 على اساس وقت المناقشه في الماليه
يقولون نعم الوزاره مايكفيها المبلغ وبالتالي يزيدون المبلغ للسنه الماليه الجديده






ردي با الاعلى اخوي اوريو :shy:

هلا اخوي
ردا على كلامك اخوي
تتوقع اخوي ان لو على كلامك شهر 3 يكون فيه فايض يروحون يصرفون المبلغ على اي شي



معقووووله :telephone:
طلعا مستحيييييل :rolleyes2:
على بالكم مافيه ناس يدققون على كل فلس طلع وراح وين :tease:

بصراحه انا مالي فالامور الماليه والميزانيات

بس اقل شي اعرفه
ان مثلا ابي اعطي احد ميزانيه
مب اروح واقوول هاك خذ هذي ميزانيتك :telephone:
اللي اعرفه وهذا ابسط شي
يكون هناك بنود
مثلا
بند الرواتب
بند .....
بند ....
بنود متفرقه فلا يحق ان تدفع ريالين من بند الرواتب وتحطها في بند المصروفات مثلا
هذا كله غيييير وزارة الماليه وتدقيقها

تفتكر فيه مدقق مالي بتمشي عليه سالفة شهر 3 اصرف كل شي
عشان ما يقللون ميزانية

[مضارب دوسري]

اعذروني يا اخوان بس واضح انه الموضوع كل واحد يفتي من عنده


على باله الدنيا سبهلله

[مواقف النجادة]

هل شفت تغير في الوزارات من حيث الخدمه وسرعه الانجاز
هل رايت تقنيه جديده في ها الوزرات
هل رايت وزارت كل موظفيها يجون ساعه 8 بالضبط
هل رايت وزارات تخلص المعامله بنفس اليوم
هل رايت وزارت مديرها او وزيرها فاتح بابه للمواطنين

من حقنا نسال ولا نحتاح الى دلائل فا كل شي واضح الاعمى يدري به

نبي سرعه الانجاز
نبي الموظف ساعه 8 بالضبط على مكتبه ( مو يقلون لك معاملاتك عند فلان وهو ما جاء اليوم)
نبي الوزير مكتبه مفتوح مو حاط سكرتير محامي
نبي مدير متواجد من ساعه 8 الى ساعه 2 مكتبه مفتوح يستقبل المواطنين

اين هذا كله والميزانيه بالملاين


يعني تخفيض الميزانيات راح يحل هالمشاكل؟

[حمد 2002]

أي تقشف يا حمد ومئات الآلف انصرفت وراحت ،،
الأجنحة في المعرض المهني خير مثال على كلامي

تحيتي لك :)

ملايين تنصرف من اموال الدوله وكلها اتروح على امور فاضيه ، بس اخخخخ الواحد يتحسر لانه هذا يعتبر مال عام ،،

تحياتي لك اخوي بارود :nice::nice:

[النهار]

هل لديك ادلة و وثائق ملموسة بأن ميزانيات الوزارات و المؤسسات تصرف في غير محلها أم هي فرضيات ياخوي حمد ؟

هههههههههههههه
يمكن سمع من رفيجه :nice:

[حمد 2002]

حمد احدى الوزرات الخدميه كان يصرف لها 200 مليون ريال سنويا ميزانيه وقبل اقفال السنه الماليه بكم اسبوع ويكون باقي في الحساب فرضا 20 او 30 مليون يركض مدير الشؤن الاداريه والماليه للوزير ويقوله لازم نخلص الميزانيه قبل الاول من ابريل
فيشتغلون لك على المهمات الرسميه والدورات او بند المكافات التشجعيه او يشترون اجهزه يديده للموظفين او اي حاجه غير ضروريه للصرف اهم شي يكون الحساب مكشوف مافيه ولا ريال وعذرهم في ذلك اللي هو اقبح من ذنبهم نخاف السنين الجايه يخفضون علينا المخصص السنوي للميزانيه لانه اذا صرفنا ١٥٠ مليون مثلا بيقلون خلاص هذي كفايتكم مانزيدكم
فمثل هنوع من العقليات اللي عندنا واجب علينا نحاسبهم ونقلل الصرف عليهم لانه هذي حماقه وهدر مال عام وتصرف سفيهه ومع الاسف مايصير الا في الوزرات الحكوميه ولو تشوف من بدايه السنه في شنو انصرفت تدري انه في تخبط في المدفوعات

كلام حكيم وموزون نابع من شخص فاهم وواعي لما يقول ،، تحياتي لك يالذيب ،، :victory:

[حمد 2002]

كلامك صحيح!!

وللعلم بعض الجهات ميزانيتها مفتوحه!!

صااااااادق اخوي ، ممم بشر عندك ورق جدران نفس اسعار قبل ولا ؟ :shy: تراني ادور هاليومين بسعر زين ؟


تحيااااااااااااااتي لك يالذيب وفالك التوفيق ،،

[حمد 2002]

حمد انا ارشحك بدال المير حق مناقشه ميزانيه الوزارات في الدوله

اول واحد يبيله تقشف انت لعبت بميزانية عقلك وافكارك
وشتت نفسك و شتتنا معاك

:shy: لا ياخوك خلني كذا احسن ، تراني ماحب المسؤليه لانها امانه ومب شيء سهل ،،،

تحياتي لك يالذيب ،، بوعلي هالايام مقصر علينا بالافكار الي خبري خبرك :victory: ،،

[حمد 2002]

هل لديك ادلة و وثائق ملموسة بأن ميزانيات الوزارات و المؤسسات تصرف في غير محلها أم هي فرضيات ياخوي حمد ؟

الشيخ انا اتكلم من امور اجوفها ، مب فرضيات ولا كلام من مخي ،،،

تحياتي لك ،،، :victory:

[مشهور]

أخوي حمد (( فرض سياسه التقشف بالوزارات والجهات الحكومية المختلفة )) اعتقد بانك تقصد فرض (( الحساب الصفري )) على جميع الوزارات ويتم تطبيقة لكل باب مثلا ... الباب الأول .
بحيث تقوم الوزارة المعنية بتحويل مبلغ معين كل شهر أو ربع سنوي على حسب الموافقات في الجهه بحيث اذا لم تقوم الجهه باستفاذ المبلغ يتم إعادته في حساب الدولة الموحد .

وأشوف القرار طيب وتم تطبيقة من بداية السنه .

[حمد 2002]

هل شفت تغير في الوزارات من حيث الخدمه وسرعه الانجاز
هل رايت تقنيه جديده في ها الوزرات
هل رايت وزارت كل موظفيها يجون ساعه 8 بالضبط
هل رايت وزارات تخلص المعامله بنفس اليوم
هل رايت وزارت مديرها او وزيرها فاتح بابه للمواطنين

من حقنا نسال ولا نحتاح الى دلائل فا كل شي واضح الاعمى يدري به

نبي سرعه الانجاز
نبي الموظف ساعه 8 بالضبط على مكتبه ( مو يقلون لك معاملاتك عند فلان وهو ما جاء اليوم)
نبي الوزير مكتبه مفتوح مو حاط سكرتير محامي
نبي مدير متواجد من ساعه 8 الى ساعه 2 مكتبه مفتوح يستقبل المواطنين

اين هذا كله والميزانيه بالملاين

يارجال خلهم اول شيء ايفتحون ابوابهم للموظفين ههههههاي وتالي عقب للمواطنين !!!!!!

وبالنسبه للميزانيه هاي امور ماليه ياخوك مالها علاقه بفتح الابوب ، ولكن انا اتفق معاك بان الوزارات على هالاموال الي تندفع لهم ماجفنا أي تطووور !!!!!!!

تحياتي لك يالذيب :nice:

[حمد 2002]

انا اتوقع ميزانيات الوزارات جزء منها لرواتب الموظفين وجزء لمشتريات الوزاره من اجهزه وسيارات وجزء لتطوير الموظفين بالدورات لان كل موظف يستحق دوره او دورتين في السنه
وجزء للمؤتمرات الخ...
وسواءً صُرفت هالميزانيه او ماصرفت ديوان المحاسبه يشيك على كل الوزارات في الدوله

ديوان المحاسبه ايحاسبهم على اذا في خلل او تلاعب او اخلال بشروط المناقصات والممارسات لاكنه مايحاسبهم ليش صرفتوا كذا ولا ليش سويتوا هالحفل ولا هالمؤتمر ،،،،

تحياتي لك اخووي بوحمود :nice:

[alsoq]

الزبده ما شفنا شي جديد في الوزرات

لا خدمه ولا شي جديد الكمبيوترات نصها تجميع صيني والاثاث مش حالك

لو المزانيه تصرف في الوزاره بشكل صحيح كان المواطن العادي بيلاحظ ها الشي بعض المكاتب متغير من 4 سنوات ولا الفرش

حتى صبغ ما يصبغون وين تروح المزانيه سؤال مازال يطرح نفسه ولا فيه اجابه

[مضارب دوسري]

ديوان المحاسبه ايحاسبهم على اذا في خلل او تلاعب او اخلال بشروط المناقصات والممارسات لاكنه مايحاسبهم ليش صرفتوا كذا ولا ليش سويتوا هالحفل ولا هالمؤتمر ،،،،

تحياتي لك اخووي بوحمود :nice:
كلامك عن وظائف ديوان المحاسبه غير صحيح :)

[الأصيلة]

وبعض المدارس ترجع باقي الفلوس للمجلس الأعلى
يابلفيت موفرة لهم..
وتاركه المعلمين بدون تدريب ولا أنشطة ولا فعاليات ولا اهتمام

[Azizuk]

إظهار ان في ناس تنزل مواضيع ويقول لك الموضوع مفتوح لنقاش وهم يخدمون جهة آخر بس يبون يجرجرون الناس في مشاكل وانت ايش عليك من المصروفات والميزانية ،،، في ديوان المحاسبة يحاسبهم !!! لا أنا وإلا انت او أي شخص يقدر يحاسب أي جهة حكومية وأنا شاكر لك على غيرتك وحميتك على بلادك ،،،،،،

[الأصيلة]

إظهار ان في ناس تنزل مواضيع ويقول لك الموضوع مفتوح لنقاش وهم يخدمون جهة آخر بس يبون يجرجرون الناس في مشاكل وانت ايش عليك من المصروفات والميزانية ،،، في ديوان المحاسبة يحاسبهم !!! لا أنا وإلا انت او أي شخص يقدر يحاسب أي جهة حكومية وأنا شاكر لك على غيرتك وحميتك على بلادك ،،،،،،

عشان لما يجي البرلمان يلقى المواضيع جاهزة قدامة...

[Azizuk]

ما نبي برلمان في قطر وإلا مجلس أمة راضين بمجلس الشورى شوف الكويت والبحرين شنو صار فيهم وشيوخنا ما قصور هم الخير والبركة يكفي عندك المجلس البلدي والحمدالله بكرة يجيك واحد مايعرف كوعه من بوعه ويرتز ويتكلم في مواضيع تافه ويقعد يطالب في شئ مب من حقة وإلا حق اتباعه ( وأمرهم شورى بينهم ) مجلس شورى وبس

[OREO]

ديوان المحاسبه ايحاسبهم على اذا في خلل او تلاعب او اخلال بشروط المناقصات والممارسات لاكنه مايحاسبهم ليش صرفتوا كذا ولا ليش سويتوا هالحفل ولا هالمؤتمر ،،،،

تحياتي لك اخووي بوحمود :nice:

معليش اخوي حمد اذا فعلاً تشوفه بنفسك و متأكد منه،، هذا يعني ان عندك ادلة ملموسة على التخبط الحاصل في جهة معينه ،،

سؤال ياخوي حمد ،، هل خاطبت ديوان المحاسبة او رسلت لهم الادلة اللي شفتها و اذا رسلت ممكن نعرف ما هو جوابهم لاجل نستفيد من تجربتك ..

[OREO]

ما نبي برلمان في قطر وإلا مجلس أمة راضين بمجلس الشورى شوف الكويت والبحرين شنو صار فيهم وشيوخنا ما قصور هم الخير والبركة يكفي عندك المجلس البلدي والحمدالله بكرة يجيك واحد مايعرف كوعه من بوعه ويرتز ويتكلم في مواضيع تافه ويقعد يطالب في شئ مب من حقة وإلا حق اتباعه ( وأمرهم شورى بينهم ) مجلس شورى وبس

مشاركة مفيده منك ياخوي عزيزوك ،،

حبيت اعرف ايش الفرق مابين مجلس الامة و البرلمان و مجلس الشورى ،، !!

يعطيك العافية حبيبي ،،

[تغلبية]

اعذروني يا اخوان بس واضح انه الموضوع كل واحد يفتي من عنده


على باله الدنيا سبهلله


في الحكومة .. الدنيا سبهلله

وماسكين علينا تقشف من اول السنة .. وعلى قولتهم ميزانية الوزارة خلصت من اول 3 شهور ..

وتشوف الفلوس تطلع للمهام الرسمية اللي فيها تحايل اشكره .. ولغير المستحقين !

والوزير الجديد اول ما مسك .. مسك هالتحايل الله يجزاه خير



صحيح في بنود ... لكن للأسف الشؤون المالية والادارية يحدون المدراء التحايل عليهم باللي يمشي الشغل ..

ما خبرنا مشاريع خطة خمسية مالها ميزانية ؟!؟ مجرد حبر على ورق !

^^ وحدة من القرارات السبهلله !!

[برشلوني قطر]

الي حاصل ف بعض الوزارات آخر السنه الماليه يصير فايض فالموازنه

والي يحصل ان الماليه تنزل المخصصات. وكأنها تقول ليش ماصرفتوها !!!

لاي سبب او ظرف انا ما صرفت المبالغ ف بعض البنود وممكن احتاجها السنه الجايه. فليش تخصمها علي ؟؟

نفس الشغله بالنسبه للوظايف

مشكور اخوي حمد ع الموضوع

[عيون الدوحة]

تقشف ؟!
مب أنت بنفسك كنت تطالب بصرف لكزس فورويل لكل موظف ؟ ولا أنا غلطانة

[زقرت]

إظهار ان في ناس تنزل مواضيع ويقول لك الموضوع مفتوح لنقاش وهم يخدمون جهة آخر بس يبون يجرجرون الناس في مشاكل وانت ايش عليك من المصروفات والميزانية ،،، في ديوان المحاسبة يحاسبهم !!! لا أنا وإلا انت او أي شخص يقدر يحاسب أي جهة حكومية وأنا شاكر لك على غيرتك وحميتك على بلادك ،،،،،،

:telephone: بالضبط

[حسن]

:shy: لا ياخوك خلني كذا احسن ، تراني ماحب المسؤليه لانها امانه ومب شيء سهل ،،،

تحياتي لك يالذيب ،، بوعلي هالايام مقصر علينا بالافكار الي خبري خبرك :victory: ،،

شوف ياحمد

الميزانيات توضع على بناء مناقشات لكل وزراه مع وزراه الماليه ويخصص لها يوم معين ودائما تكون قبل شهر اربعه اي قبل صدور الموازنه العامه

في المناقشات يصير الحك من الماليه ومن الوزارات الاخرىيهم يطلبون مبالغ والماليه تقولهم بررو ايش الاسباب وتقعد تفاصل وياهم يطلبون قول 100 مليون يقولون لهم لا لكم 70 مليون وبهذه الطريقه

فا ليش الماليه تسوي معاهم هل الطريقه
يقولك نرصد لهم الميزانيه واخر السنه نلقى فائض
ليش ماصرفتو وين كلامكم

هني الوزاره وان المسؤلين كانو مش قد المسؤليه وهذه الزياده دليل على اهماله لعمله وعدم وجود تخطيط او خطط استراتيجيه عندهم

الايام الجايه ياحمد بتشوف الكثير من الشفافيه في ميزانيه الوزارات وليست حكرا على احد بس مسائله وقت

عندي لك موضوع يابوشهاب صدقني اتوقع في ساعه تشوف شرار في الردود ويمكن يعدي 100 رد في دقايق تدفع كم

:)

[OREO]

شوف ياحمد

الميزانيات توضع على بناء مناقشات لكل وزراه مع وزراه الماليه ويخصص لها يوم معين ودائما تكون قبل شهر اربعه اي قبل صدور الموازنه العامه

في المناقشات يصير الحك من الماليه ومن الوزارات الاخرىيهم يطلبون مبالغ والماليه تقولهم بررو ايش الاسباب وتقعد تفاصل وياهم يطلبون قول 100 مليون يقولون لهم لا لكم 70 مليون وبهذه الطريقه

فا ليش الماليه تسوي معاهم هل الطريقه
يقولك نرصد لهم الميزانيه واخر السنه نلقى فائض
ليش ماصرفتو وين كلامكم

هني الوزاره وان المسؤلين كانو مش قد المسؤليه وهذه الزياده دليل على اهماله لعمله وعدم وجود تخطيط او خطط استراتيجيه عندهم

الايام الجايه ياحمد بتشوف الكثير من الشفافيه في ميزانيه الوزارات وليست حكرا على احد بس مسائله وقت

عندي لك موضوع يابوشهاب صدقني اتوقع في ساعه تشوف شرار في الردود ويمكن يعدي 100 رد في دقايق تدفع كم

:)

استوقفتني هذه الجملة ياخوي حسن ،، كيف الايام الجاية بتكون في اكثر شفافية في الميزانيات المطروحة و هل لجميع الموظفين الحق في الاطلاع على تفاصيل الميزانية المطروحة لجهه معينه ؟

[حسن]

استوقفتني هذه الجملة ياخوي حسن ،، كيف الايام الجاية بتكون في اكثر شفافية في الميزانيات المطروحة و هل لجميع الموظفين الحق في الاطلاع على تفاصيل الميزانية المطروحة لجهه معينه ؟

حيالله اخوي اوريو يعني تركت الملاليين وقفت على هل السطر ياخي عديها
:secret:

شوف ياخوك في يوم من الايام اذا انت تمتلك صحن دش تعتبر انت مرتكب جريمه
:omg:
ويقولون لك بيطلعون هلكبترات تصور الاسطوح تشوف من عنده دش اللي يخشه واللي يلحفه الى هذه الدرجه
:eek5:

الحين كم صحن دش يمر عليك في اليوم
حدث ولا حرج ولا حد يلتفتله رغم
كان يباع مثل المخدارت وباثمان عاليه

فاليوم اللي يكون ممنوع تطلع على تلك البيانات بكره بضغطه زر والعلم يشوفها بعد
عجله التقدم والتطور ماشيه محد يقدر يوقفها

كل جيل وله قوانينه واسراره فالذي يصبح اليوم سر بكره مباح

كلها مسالت وقت بس

ويكون هذا شي له ايجابيات كثيره لتعزيز مصداقيه وشفافيه الدوله في الامور الاقتصاديه العالميه وانت جزء من العالم

وياخوك خلنا في الرق ابرك ولا نبي ام الربيان ويغزر علينا البحر بعدين
:victory:

[ام السعف]

حـــمد لا تظلم بختك يا وليدي

مب شرط المبالغ هذي تنصرف في امور ثانوية

ممكن بكل سهولة تنصرف في صلب احتياجات العمل

لكن يبقى الحرامي حرامي وله اساليبه في البوق والخداع
مثلا

برغي على 10 الاف ينحط في الفاتورة 100 الف

هل هناك لجنة تحاسبهم عن سعر هالبرغي ؟


بيب على 100 الف يحولونه مليون

في حد يحاسبهم ليش هالبيب سعره صار مليون ؟

يازين العيد ويازين ملابس اليهال في العيد الوان تعبر عن البراءة والحب
فخلنا عن هالمواضيع لأن الواحد يحس انه بينجلط لو تذكر ميزانية المشاريع
او بعض الوزارات :(

[عيون الدوحة]

إضاءات كتارا الى كانت برمضان على شكل هلال ونجمة
أنا اعرف قيمتها بالضبط ممكن كل وأحر منكم يحط تخميناته بالأرقام
وهل فعلا يستأهل هذا المبلغ

[المليونير الفقير]

إضاءات كتارا الى كانت برمضان على شكل هلال ونجمة
أنا اعرف قيمتها بالضبط ممكن كل وأحر منكم يحط تخميناته بالأرقام
وهل فعلا يستأهل هذا المبلغ

900مليون دولار:rolleyes2:

[عيون الدوحة]

900مليون دولار:rolleyes2:

جان ذبحت عمري اذا هاي المبلغ
لا اقل من 900 مليون

[khalid525]

انا اؤيد كلام حمد ، في بعض البنود يتم صرف الميزانية بدون استراتيجية واضحة وبدون التحقق من الكفاءة التي تنتج عن هذا الصرف ، يعني صرف من اجل التخلص من هذا البند في الميزانية ،حتى لا يأتي اخر السنة المالية وهذه الميزانية موجودة فيتم تقليصها في السنة القادمة ، مثلا المبالغة في الدورات الخارجية هل يتم التحقق من كفاءة هذه الدورات واضافتها في قيمة العمل ، لا اعتقد ، نحن نعرف ان الدورات الخارحية هي نوع من الرفاهيه وتغيير جو للموظفين ، مثال اخر الصرف الباذخ على الاعلانات في الجرائد والجهات الاعلانية هل يتم قياس مدى جودة هذه الاعلانات ومردوها لهذه الوزارة ، لكن لا ننكر ان هناك بنود في الميزانية يتم مراقبتها جيدا داخليا وخارجيا وهذا الشي مطمن .

[الجوكر90]

إضاءات كتارا الى كانت برمضان على شكل هلال ونجمة
أنا اعرف قيمتها بالضبط ممكن كل وأحر منكم يحط تخميناته بالأرقام
وهل فعلا يستأهل هذا المبلغ

بين المليونين الى 4 مليون