بخصوص الايفون

[JN000N]

السلام عليكم

ياليت يتم الموضوع هني اليوم عالاقل عشان اعرف شنو التصرف الي اسويه!

تلفوني طاح والظاهر الشاش احترقت من داخل اما من برا صاحيه
كل شي فيه صاحي اقدر استقبل مكالمات وافتح وانسخ واطرش بس يدووب اشوف منه
وديته محل تلفونات واكدت عليه مايفتح التلفون عليه بس يغير الشاشه!! قلتله ان فتحت تلفون بشتكي عليك قالي ماما انتي يشوف انا مافي زين لا تخلينه كم سنه انا يشتغل قلتله شوف انا يقول هالكلام لك وكل المحلات الثانيه

وبالفعل خليت التلفون عنده على اساس شاشه بس وكاتب فالفاتووره تصليح شاشه بس !!
اليوم يكلمني يقول ماما انا صلحته ركبت شاشه يوم ييت بركبه قالي كونكت تو ايتون جنه يديد سويت كونكت قام بدل لج السوفت وير كامل قلتله في اغراض قال كل شي انمسح
قلتله في ملاحظات ابيهم لو مابيهم ما اكدت عليك عنهم وفي صور وفي ارقام قال ماما انا مايسوي شي بس يبدل شاشه هو يقول جذي كونكت تو ايتون

فالفاتوره كاتبه بس تبديل شاشه
والقريقه راح فتحه وانا مابي اعديها له بخير! خصوصيات واغراض ولو مب مضطره ابدل شاشه بس لان كل شي حافظته ف الملاحظات جان ماوديته قلعته التلفون بداله عشره
والي بيقول بالاي كلاود تقدرين تاخذين اغراضج اقوله بالاي كلاود حاولت بس لاني مسكره عالصور والملاحظات والارقام من التلفون نفسه مانفتح
وماياتني فطانه انسخ الصور واحذفهم من جهاز عادي قبل اوديه ولو سويت هالحركه هو يقدر يطلع كل شي يبيه
قلتله انت محل تلفون تقدر ترجع كل شي قديم يقول لا ماما سشنو يقدر سوي انا


مابي حد يلومني ويقولي جان وجان والا لو ولو
انا ابي اشتكي عليه واتاكد ان المحل ماعنده شي يخصني شالمطلوب اسوي؟

[حمد 2002]

قطع الأعناق ولا قطع الأرزاق ، يمكن صاج مافهم للتلفون وسواله برمجه بالغلط ، ترى كل شي ايصير ، والمسامح كريم ، ودينا دين التسامح والعفو ، وليس القسوى والعنف ،،،

تحياتي لج ،،

[جفى الجوارح]

لج بارض تروحين مركز الشرطه وعقبها بعد يمكن النيابة تطلبج تشهدين وروحه وجيه
وبعدين بيقولون لج شنو الدليل ان الجوال كان فيه صور والاشياء الي تقولين عنها وشنو الدليل ان اذا غيرتي الشاشه الاي تون مايطلب تهئية الهاتف مره ثانيه (لان مثل هالتلفونات حساسه وكرت الشاشه يحتاج اعادة تعريف مع الذاكره عشان يتعرف الجوال ع الشاشه الجديده مب مثل تلفونات نوكيا القديمه)
وبعدين انا ماشوف من الي صار شيء يعتبر ((جريمه)) عشان يعاقب عليها القانون

[adel777]

انا صار لي نفس الموقف بالظبط

[بوحارب]

جان وجان والا لو ولو

[airbus]

الغلطة منك انتي لانه المفروض وصلتي تلفونك مع الايتونز في كمبيوترك وبعدها مسحتي كل شي وبعد ماتصلح رديتي كل شي متل مايكون

[حمد 2002]

وعندي ملاحظه ثانيه ، ممم للأسف البعض يفتكر بان الجوال مدونه او مصدر موثوق ، فيقوم وايصور فيه كل شيء و يحتفظ فيه بكل الاسرار والملاحظات وووو ، واذا ضاع جواله ولا صار فيه شيء ااتصير عيونه هالشكل :eek5: ، انرد وانكرر الجوال مصدر غير موثوق او بمعنى اصح غير امن لأنه معرض للضياع وللتلف بأي وقت :):) ،،،

[مخطط قطري]

يعني وش المطلوب الحين !!
نبكي ع اللبن المسكوب ,,,, قدر الله ومشاء فعل هل اذا جرجرتيه المركز وخذو اي اجراء وياه بيرجع لج اللي فقدتيه في تلفونج طبعا لا
هذا درس لج وطبعا غلطانه والكل مر بهالموقف اللي انتي فيه ومب غلط نتعلم للمستقبل واحلى الدروس وافودها اللي تجي مع الصفعه

[airbus]

وعندي ملاحظه ثانيه ، ممم للأسف البعض يفتكر بان الجوال مدونه او مصدر موثوق ، فيقوم وايصور فيه كل شيء و يحتفظ فيه بكل الاسرار والملاحظات وووو ، واذا ضاع جواله ولا صار فيه شيء ااتصير عيونه هالشكل :eek5: ، انرد وانكرر الجوال مصدر غير موثوق او بمعنى اصح غير امن لأنه معرض للضياع وللتلف بأي وقت :):) ،،،

الايفون ادا ضاع او انسرق تقدر تدخل من اي جهاز كمبيوتر تمسح كل مافيه وتسكر الجهاز مايتبطل كلش

[حمد 2002]

اذا فات الفوت ماينفع الصوت

[ابوعلي]

ماعتقد الجهات الرسمية تقدر تسوي شي غير تحذيره ان اذا في شي او اذا بين ان نسخ عنده راح يتعرض للمسائلة

[15hat]

مافي مرة شبكتي التلفون مع الايتونز وسويتي للتليفون باك اب اذا سويتي تقدرين اترجعينه مثل ما كان بس وضع الجوال يوم سويتي له باك اب هذا اذا سويتي. وعلى فكرة الايفون اذا مسحتي صورة مستحيل مستحيل اترجعينها حتى لو وديتيها حق ابل

[JN000N]

انا لو ابي امسح اللي فيه ماوديته من الاساس عشان يتصلح انا عمري ماوديت تلفوناتي تصليح او بعتهم ان اختربو او بدلتهم اخشهم عندي
حافظه فيه باسووردات مالت الشغل والايميلات فالملاحطات اسهل لي لاني مب كثيرة الحفظ

اللي صار اني رحت له توني ولقيت التلفون على حطته ما صلح فيه شي اللهم شبكه عنده عالجهاز وعطاه كونكت تو ايتون
وانا قايلتله مالك شغل فالسوفت وير ومأكده عليه وقايلتله بس ابيك تصلح الشاشه فقط لاغير

[عزووز قطر]

ماعتقد الجهات الرسمية تقدر تسوي شي غير تحذيره ان اذا في شي او اذا بين ان نسخ عنده راح يتعرض للمسائلة

هذا اللي اتوقعه

[قطري92]

والله ان الهندي مسكين :(

لو شنو يصير فيني ماشتكي على المساكين ذول

الله يعينج يا اختي..

[alsoq]

المفروض ان اي تلفون يروح تصليح حتى لو برغي طايح تمسح كل ما فيه وتخزن اللي تبيه لانه فيه محلات يسحب اللي في تلفونه كله من صور وغيره وبيعها على ناس وترى ها الشي صحيج وبعدها يتم الابتزاز والازعاج فا انتبهوا خواتي واخواني من ها المحلات

[مستر بن]

السلام عليكم

ياليت يتم الموضوع هني اليوم عالاقل عشان اعرف شنو التصرف الي اسويه!

تلفوني طاح والظاهر الشاش احترقت من داخل اما من برا صاحيه
كل شي فيه صاحي اقدر استقبل مكالمات وافتح وانسخ واطرش بس يدووب اشوف منه
وديته محل تلفونات واكدت عليه مايفتح التلفون عليه بس يغير الشاشه!! قلتله ان فتحت تلفون بشتكي عليك قالي ماما انتي يشوف انا مافي زين لا تخلينه كم سنه انا يشتغل قلتله شوف انا يقول هالكلام لك وكل المحلات الثانيه

وبالفعل خليت التلفون عنده على اساس شاشه بس وكاتب فالفاتووره تصليح شاشه بس !!
اليوم يكلمني يقول ماما انا صلحته ركبت شاشه يوم ييت بركبه قالي كونكت تو ايتون جنه يديد سويت كونكت قام بدل لج السوفت وير كامل قلتله في اغراض قال كل شي انمسح
قلتله في ملاحظات ابيهم لو مابيهم ما اكدت عليك عنهم وفي صور وفي ارقام قال ماما انا مايسوي شي بس يبدل شاشه هو يقول جذي كونكت تو ايتون

فالفاتوره كاتبه بس تبديل شاشه
والقريقه راح فتحه وانا مابي اعديها له بخير! خصوصيات واغراض ولو مب مضطره ابدل شاشه بس لان كل شي حافظته ف الملاحظات جان ماوديته قلعته التلفون بداله عشره
والي بيقول بالاي كلاود تقدرين تاخذين اغراضج اقوله بالاي كلاود حاولت بس لاني مسكره عالصور والملاحظات والارقام من التلفون نفسه مانفتح
وماياتني فطانه انسخ الصور واحذفهم من جهاز عادي قبل اوديه ولو سويت هالحركه هو يقدر يطلع كل شي يبيه
قلتله انت محل تلفون تقدر ترجع كل شي قديم يقول لا ماما سشنو يقدر سوي انا


مابي حد يلومني ويقولي جان وجان والا لو ولو
انا ابي اشتكي عليه واتاكد ان المحل ماعنده شي يخصني شالمطلوب اسوي؟



الوالد الله يحفظةة نفس الحركةة طاح الايفون وما اشتغل
تميت ضاغط ع اللي يشغل الجوال والزر اللي ف الشاشهه تحت لين ما اشتغل
ولا طلع يرجى الاتصال بالايتونز -
ككل محل جوالات يقدر يرجع اللي ف الجوال .. مافيه شيءء اسمةة مايرجع
والمفروض تسألينا قبل عن المحلات .. مب كل محل تضمنينةة !! :tease::shy:

[أم علي 2010]

انتي اذا محتره كلش مالج إلا تكلمين راعي المحل نفسه

هو صج ماراح يتغير شئ ،، بس يبرد خاطرك شوي

الحين لازم شهريا تسوين باك ، عشان ما يتكرر هالموقف والله يعينج

[JN000N]

مافهمتوني
التلفون صارت شاشته صفره اجوف كل شي فيه بس مب واضح البرامج صاحيه
انا مسكره الارقام والصور والملاحظات عشان جي ماقدر انسخهم
لو كنت اقدر انسخهم ماضطريت اني اوديه المحل مب من عادتي اودي تلفونات التصليح
الي يقولي الهندي مسكين لعلمك هو مااصلح الشاشة هو خلاه عنده من امس لين اليوم اخرها بس مركب لي اياه على ايتونه وبيسويله فورمات وانا قلتله تلفون ﻻ تفتحه بس بدل شاشه واذا تبي تفتحه كلمني انا بايي المحل بفتحه

عالعموم جزاهم الله خير الي ساعدوني وخذت التلفون وبسويه بروحي فالبيت بنقله عالتلفون اليديد وعندي من بيهتم ف المحل ويجيك عليهم ومحد بيقطع رزق احد

[لبيبة]

جنون، كان عليه باسوورد؟

[JN000N]

جنون، كان عليه باسوورد؟

ايي عليه باسورد

[لبيبة]

ايي عليه باسورد
في شي بين الاختيارات وهو مسح المحتويات بعد عشر محاولات فاشلة، كان مفعل؟

على العموم صعبتي على الهندي انه يطلع البيانات اذا عليه باسوورد

[JN000N]

في شي بين الاختيارات وهو مسح المحتويات بعد عشر محاولات فاشلة، كان مفعل؟

على العموم صعبتي على الهندي انه يطلع البيانات اذا عليه باسوورد

لا ماكنت مفعلته لان اليهال اوقات يستلمون تلفوني يتعبثون فيه شكثر ف خفت افتح الخيارات
:rolleyes2:

[R 7 A L]

خلاص
المسافر راح :weeping:

[لبيبة]

لا ماكنت مفعلته لان اليهال اوقات يستلمون تلفوني يتعبثون فيه شكثر ف خفت افتح الخيارات
:rolleyes2:
ايتونز اجبره اما يدخل الباسوورد او يسوي ريستور والظاهر هذا اللي صار، فان شاء الله ماعنده شي من بياناتج.

[Aaziz]

الحين التلفون موجوده فيه الاغاض ،، صور باسووردات الخ الخ .
ولا انمسحت ؟

[JN000N]

لا سويت ريستور له رجع كل شي لي من الايتونز

[Aaziz]

اها ،، يعني رجع اخر نسخه كنتي مسويتها في الايتونز .
يعني انحلت المشكله !!

[Miss]

يبيله تصفق هالقريقا:anger3:

صح صار اللي صار وما تقدرين تغيرين شي بس يبيله كف كفين عشان ماعاد يعيدها مره ثانيه

[bohilal191]

اختي جنون لو عليه باسورد لايمكن يفتحه وحتى لو اشبكه في الايتونز بعد بيطلب الباسورد وفي حالة وحده يقدر يفتحه لازم يسوي فورمات واذا عمل كل شي ينمسح ويرجع التلفون كأنه جديد ومايفدر يرجع اي شي وانا مجرب كل البرامج الخاصة باسترجاع الملفات المفقوده لا تحاتين ماقدر ينسخ شي

[JN000N]

عزيز ماصلح الشاشه وقلعتها بحاول انسخ الملاحظات صار كان بها ما صار بتعايش مع الوضع

مس من قلب هاي الي حارق دمي من امس عنده اخرها بيسويلي فورمات وما صلح الشاشه!!

[JN000N]

اختي جنون لو عليه باسورد لايمكن يفتحه وحتى لو اشبكه في الايتونز بعد بيطلب الباسورد وفي حالة وحده يقدر يفتحه لازم يسوي فورمات واذا عمل كل شي ينمسح ويرجع التلفون كأنه جديد ومايفدر يرجع اي شي وانا مجرب كل البرامج الخاصة باسترجاع الملفات المفقوده لا تحاتين ماقدر ينسخ شي

هاي اهم شي
جزاك الله خير
هو على قولته انا يبدل سوفت وير بس يوم وصل مرحلة كونكت تو ايتون اتصل لي قال تلفون بيصير جديد

[لبيبة]

هو ما حصل شي من الايفون تطمني، بس للاسف ضيع وقتج

[Rosso]

في طريقة ترجعين فيها الاشياء المحذوفة من الايفون بس للامانه ولا مرة جربتها
ابحثي عنها في قوقل ويوتوب

وانصحج مستقبلا تستخدمين برنامج اسمه evernote عالايفون حق النوتس، يسجلها ويحفظها بالاكاونت اونلاين تقدرين تسترجعينها من اي جهاز

[JN000N]

هو ما حصل شي من الايفون تطمني، بس للاسف ضيع وقتج
اي والله ضيع وقتي من ليلة العيد :omen2:

في طريقة ترجعين فيها الاشياء المحذوفة من الايفون بس للامانه ولا مرة جربتها
ابحثي عنها في قوقل ويوتوب

وانصحج مستقبلا تستخدمين برنامج اسمه evernote عالايفون حق النوتس، يسجلها ويحفظها بالاكاونت اونلاين تقدرين تسترجعينها من اي جهاز

يزاج الله خير
شكلي جذي او بكتبهم ف دفتر وبخليه ف شنطتي ولا ان اتوهق هالوهقه :eek3:

[حمد 2002]

انزين والخلاصه شناويه تسوين الحين ؟

[عاشق العديد]

سلام عليكم

اختي انتي انتي غلطانه فشـي ..
لو انـج تبين تبدلين الشاشه ماياخذ وقـت .. اتمين قاعده على راسـه ..
اما بتروحين وتخلين الجهاز عنـده وهههددتيه انه مايفتح الجهـاز ..
الانسـان بطبعـه فضـولي ..

فا فالمرات القادمه لاتخلين جوالج عند احـد اقعدي على راسـهم لين مايتصـلح خذيه وامشـي ..

[JN000N]

عاشق هو قال زحمه عندي وماقدر حتى لو خذتيه في قبلج ايون ناس خليه وتعالي عقب
بس الحمدلله راحوله الشباب وتاكدو ان ماعنده شي ومانمسح شي من عندي
ومثل ما يقولون صفعه تعلمت منها

[خليفـة]

في البداية .. خل نتفق انه قدر الله وماشاء فعل
فارادة الله وراء كل ما يحدث لنا وعلينا

اما بخصوص التلفون .. اعتقد انج غلطتي غلطة كبيرة
وهي انج وثقتي في عامل بغض النظر عن جنسيته
لا يمت لج بأي صلة .. ولا تعرفينه .. ولا يقرب لج
لا من قريب ولا من بعيد وخصوصا انج حاطه صور
وامور انتي تعرفينها تعتبرينها خاصة فيج .

انتي حذرتيه انج بتشتكين عليه لو فتح التلفون وشاف
الي فيه .. وهذا يوحي للكل ان التلفون فيه شغلات
خاصة ..
هل تستبعدين انه قام بنقل كل الصور الخاصة الي
كنتي تحذرينه من عدم فتحها .. والفيديوا .. أو أي
امور اخرى خاصة فيج واحتفظ فيها ؟

بالتالي .. كان الأولى والأجدر
انج ترسلين التلفون مع زوجج .. اخوج .. ولدج
عمج .. خالج .. أبوج .. أو أي احد من اقاربج
وتنبهين عليه ان يقعد على راس العامل لين يخلص
تصليح التلفون
وما يتركه دقيقه وحده .. وبهالطريقة .. بتكونين واثقه
ان ما احتفظ بشي .. ولا شاف شي .. ولا نسخ شي .

اما بالنسبة للعامل .. انا ما انصح ولا أوصي انج
تروحين تشتكين عليه .. وبغض النظر ان كان في
الشكوى مضرة له ام لا .. او كان لج الحق او لا
هو ما سوى الي سواه تعمداً منه لمضرتج
احتمال ان الـ ( قريقه ) على قولتج فهم طلبج غلط
وما استوضح المطلوب منه .

عموما .. نصيحتي لج
لا تأمنين أحد غريب على خصوصياتج
حتى لو حلف لج
او قال لج : انا كم سنه شغل هنيه

من خاف سلم

خليفــة

[captin]

Just ignore the whole matter

[kyoto]

سأعطيك بعض الملاحظات بما اني خبير سابق في الهواتف ولكني لا اعمل بها حاليا :
1- المفروض بك في هذه الحالة ان تعملي Backup كا مل للهاتف عن طريف ال itunes قبل ارساله ، ثم حذف ما فيه احتياطا .
2- تغير شاشة الايفون لا تحتاج الى وقت كان ممكن الانتظار عنده حتى يغيرها .
3- تغير شاشة الايفون لا تحتاج الى سوفت وير جديد .
4- غالبا عندما يقوم بعمل سوفت وير جديد للجهاز برنامج ال Itunes يقوم بعمل نسخة احتياطة لوحده ( من باب الاحتياط ) على جهاز الكمبيوتر ، (الا اذا كان ملغي هذه الخاصية عنده)
5- بالنسبة للمعلومات هناك برامج متخصصة لأعادة ال Data لم اجربها بنفسي وسأعطيك الموقع وعليك الاطلاع عليه :
http://www.z0download.com/home

في النهاية يجب الحذر الشديد باستعمال الايفون في الامور الخاصة وخاصة ان الميموري فيه داخلي والتكنولوجيا ممكن ان تعيد كل شيء ، واذا كان لا بد من استعمال الجهاز للصور او الميديا بشكل عام استعملوا برنامج برقم سري وتشفير مثل : HiFolder
وبالنسبة للأرقام استعملوا برنامج : MCBackup ، وهذا البرنامج يقوم بتذكيرك بعمل نسخ لكل الاسماء عندك ويرسلها للأيميل الخاص بك ، وتستطيع اعادتها باي وقت .
و لاننسى اهم ميزة في الايفون وهي : ICloude

وبالتوفيق للجميع

[لبيبة]

في طريقة ترجعين فيها الاشياء المحذوفة من الايفون بس للامانه ولا مرة جربتها
ابحثي عنها في قوقل ويوتوب

وانصحج مستقبلا تستخدمين برنامج اسمه evernote عالايفون حق النوتس، يسجلها ويحفظها بالاكاونت اونلاين تقدرين تسترجعينها من اي جهاز
اتفق معاك ان برنامج evernote للملاحظات ممتاز وبيحفظ لها الملاحظات وفي اي جهاز تقدر تفتحه فيه، لكن تقدر تفتح الملاحظات (الدفتر الاصفر) عندها في الماك بنفس اكاونت الايتونز لو كانت تستخدم الباك اب بالاي كلاود

[بوعلي2]

انا لو ابي امسح اللي فيه ماوديته من الاساس عشان يتصلح انا عمري ماوديت تلفوناتي تصليح او بعتهم ان اختربو او بدلتهم اخشهم عندي
حافظه فيه باسووردات مالت الشغل والايميلات فالملاحطات اسهل لي لاني مب كثيرة الحفظ

اللي صار اني رحت له توني ولقيت التلفون على حطته ما صلح فيه شي اللهم شبكه عنده عالجهاز وعطاه كونكت تو ايتون
وانا قايلتله مالك شغل فالسوفت وير ومأكده عليه وقايلتله بس ابيك تصلح الشاشه فقط لاغير

خساره ياليت ماعطتنا خبر انج بتصلحينه كان خليتج تودينه محل صاحبي 100 بالميه خصوصيه وضمان لكن للاسف ماعندي خبر والله يكون بعونج وان شاء الله مافي الا الخير