أرجو من الجميع الدخول للاهمية

[shgawia]

طبعا اليوم الاحد بتاريخ 11/8/2013

وانتوا عارفين ان البلدية مسكرة نظرا لايام عيد الفطر المبارك

توجهت لمحل من المحلات الموجوده في اول شارع ال شافي

الا وهو

http://www3.0zz0.com/2013/08/11/21/450878552.jpg (http://www.0zz0.com)

واخذت منه سويت بالفواكه للضيوف والمصيبة الكبيرة والصدمة العظيمة

اني حصلت في فاكهة التوت بيري الاحمر من الداخل دووود تعرفون شنو

دووود قلت اكيد هذي حبه وحدة والباقي اوك بس الوسواس خلاني افتش

الحلويات بالكامل لقيتها كلها يرقات صغيره بس اللي انا خذتها كانت الدودة

واضحة وتمشي من كبرها المهم رجعت للمحل وقلت له كان مديره من الجنسية

العربيه قال لي اسمحي لنا قلت له فرضا كلناها قالي يمكن حبه وحده وقام

يفتش وشاف كل اليرقات ووقف حاير قالي اللي تامرون فيه انا حاضر قلت له

المشكله النظافة مافيها اشراف وتدقيق ولاغسيل للفواكة قال نغسلها قلت اكيد

من فوق لين فوق ولو فعلا انتوا تغسلونها على الاقل بلقى في حبه وحدة مو

فيهم كلهم المهم الصورة تتكلم

http://www3.0zz0.com/2013/08/11/21/985513929.jpg (http://www.0zz0.com)

لكم المايك

[R 7 A L]

عادي تصير في احسن دول العالم
اطلبي تعويض طويل الامد ومستمر مع مدير المحل

[shgawia]

ماتعامل بالرشاوي حسبي الله ونعم الوكيل

[R 7 A L]

رشاوي :omg:

الله يبعد الجميع عنها

[shgawia]

اللهم امين بس شسوي في هالوضع ؟

حتى الدود مش طبيعي له قرون

اريد حلا

[حمد 2002]

الشيخه هالموضوع مكانه الحوار العام ، لانه موضوع جاد وبيحصل تفاعل اكبر هناك ،،،

تحياتي لج ،،،

[R 7 A L]

شوفي اختي مالك الا تشتكين للبلدية
لا تقولين حرام

[shgawia]

البلدية مسكره وايام عيد وماعرف ارقامهم

[R 7 A L]

ياليت مثل ماقال حمد
تطلبين من الادارة نقله الي قسم الحوار العام

[JN000N]

طرشي الصوره للبلديه فالاب مالهم
وبيغرمون المحل وبيسكرونه

الحين هالمحل رقم ٢ بحط فيه اكس
اللي قبله كان توسكانا ونفس الشي دوده خضره ام شعر ف السندويج

[أم علي 2010]

طرشي الصوره للبلديه فالاب مالهم
وبيغرمون المحل وبيسكرونه

الحين هالمحل رقم 2 بحط فيه اكس
اللي قبله كان توسكانا ونفس الشي دوده خضره ام شعر ف السندويج

صحيح طرشي الصورة على برنامج حماية المستهلك

اسمه mbt qatar

[shgawia]

الحين بطرشها

[shgawia]

ماعرفت بكره بصبح عالبلدية :(

[حياة]

البلديه فيها ناس شغاله خصوصا قسم الاكل
والنظافه ... ع طول طرشي اذا عندك ايفون
نزلي برنامج البلديه من الابل ستور
ع طول يوصلهم والمسؤولين يشوفونه

[وحيد-الشوق]

شنو هالدود له قرون !! جنه حلزون :(

صراحه الموضوع ماينسكت عنه اختي اذا البلدية مسكرين ولا رقود روحي للجريدة عشان تشهرين في هالمحل المعفن ويليت لو عندج اكثر من صورة وخلي الموظف يشوف الصور وينشرهم في الجريدة بأسرع وقت وأيضا طرشي للبلدية عبر الايفون ولحماية المستهلك بعد

[خزامئ]

مثل ماقال الاخوان لازم ماتصكتين
هاذا الي مطمع الكل وماخذ راحته في الاهمال
اذا حصلنا مثل ذي السالفه قلنا حرام نقطع رزقه
لازم يعرفون اصاحب المحلات ان الكل منتبه ولا يصكت عن حقه

[shgawia]

البلديه فيها ناس شغاله خصوصا قسم الاكل
والنظافه ... ع طول طرشي اذا عندك ايفون
نزلي برنامج البلديه من الابل ستور
ع طول يوصلهم والمسؤولين يشوفونه

طرشت على موقعهم بس المفروض البلدية خاصة قسم مراقبة الاغذية لهم خط ساخن للضرورة ولهم ويب سايت حتى الموقع اللي قلت عنه ارسلت الصورة لهم بس مافي لقسم الاغذية

[shgawia]

شنو هالدود له قرون !! جنه حلزون :(

صراحه الموضوع ماينسكت عنه اختي اذا البلدية مسكرين ولا رقود روحي للجريدة عشان تشهرين في هالمحل المعفن ويليت لو عندج اكثر من صورة وخلي الموظف يشوف الصور وينشرهم في الجريدة بأسرع وقت وأيضا طرشي للبلدية عبر الايفون ولحماية المستهلك بعد


اي والله ياخوي الموظف يقولي اسمحي لنا قلت له وين اصرفها هالكلمة هذي طبعا اكبر دوده لقيتها الباقي فيهم دود بس يرقات صغيره يبي لها يومين تمشي ههههههه شر البلية مايضحك وطبعا حماية المستهلك مو مقصرين ولهم خط ساخن ولكن قالوا لي مانقدر نفيدج لازم قسم مراقبة الاغذيه فالبلدية وبيفتحون يوم الاحد الجاي يعني خل الاوادم اتسمم لين يوم الاحد لاحول ولاقوة الا بالله

[shgawia]

مثل ماقال الاخوان لازم ماتصكتين
هاذا الي مطمع الكل وماخذ راحته في الاهمال
اذا حصلنا مثل ذي السالفه قلنا حرام نقطع رزقه
لازم يعرفون اصاحب المحلات ان الكل منتبه ولا يصكت عن حقه


والله الاهل مارضوا اني اروح له او حتى اكلمه بس انا قلت لهم حرام انا بسكت وغيري بيسكت وهو عادي عنده بيكمل بيع وبتسمم الناس وهالشي ماينسكت له طبعا الموظف رجع لي قيمة الصحن ولحقني بصحن ثاني بس مشيت وخليته كان يحاول يرشيني بس قلت له اني ببلغ وانا حاولت اوصل للجهات المسؤوله لكن مالقيتهم سويت اللي اقدر عليه وقلت بكتب فهالمنتدى بما ان رواد المنتدى وايد وانشالله بنوصل لحل

[Miss]

ووووع :rolleyes2:
حسبي الله ونعم الوكيل

[خزامئ]

لا توقف كمل لين النهايه

[shgawia]

انشالله وراهم وراهم

[shgawia]

الجديد في الموضوع

ان البلدية عقب الاجازه اتصلوا فيني :telephone: يوم الاحد اللي فات يعني عقب السالفه ب 8 ايام :eek5: وقالوا لي رحنا مالقينا عند المحل شي هههههههه كان خاطري اقول للموظف من صجكم ولاتتغشمرون :victory:

اكيد ماراح تلقون شي بعد هالمده والحمدلله انكم مالقيتوا شي هذي النقطه اللي نبغي نوصلها وهي حماية افراد المجتمع من التسمم وغيره مش الغرض هو اغلاق المحل ولا بينا وبينه عداوه

واتمنى من الكل اخذ الحذر والحيطه :nice:

[بن غيث]

شكرا لك على التنبيه ..

حسبي الله عليهم ..

[خزامئ]

تمخض الجبل
فولد
فارا
وهاذي الي قدرو يسوون
يطعمهم مما يطعمون شعبهم
الي امانه في رقابهم

[وليف الشوق]

عادي تصير في احسن دول العالم
اطلبي تعويض طويل الامد ومستمر مع مدير المحل

وش هالكلام تعويض ؟؟؟؟؟؟؟؟ تاخذ تعويض على حساب صحة الغير ؟ لاوالله !!
رأسا" على البلدية ومعاك الدليل الكافي مقترن بالصورة التي تؤكد صحة الشكوى واذا كل واحد اخذ تعويض لا بالله سلموا عيالنا من هالسخافه هذي وبعدين تعالي وشو التعويض ؟ لايكون يرقات او صراصير بالكيك ؟ ترى لذيذه

[shgawia]

المصيبة فالموضوع انهم شافوا الدليل في الصورة اللي عندي وقلت لهم بعد اذا تبغون فيديو بعطيكم بس لاسف لاحياة لمن تنادي وراحوا يفتشون عقب ماعدت كل هالايام الله المستعان بس :rolleyes2:

[ريتويت]

هالمحل صوبنا ودووم فاضي محد يدخله

[عـ العبيدلي]

الجديد في الموضوع

ان البلدية عقب الاجازه اتصلوا فيني :telephone: يوم الاحد اللي فات يعني عقب السالفه ب 8 ايام :eek5: وقالوا لي رحنا مالقينا عند المحل شي هههههههه كان خاطري اقول للموظف من صجكم ولاتتغشمرون :victory:

اكيد ماراح تلقون شي بعد هالمده والحمدلله انكم مالقيتوا شي هذي النقطه اللي نبغي نوصلها وهي حماية افراد المجتمع من التسمم وغيره مش الغرض هو اغلاق المحل ولا بينا وبينه عداوه

واتمنى من الكل اخذ الحذر والحيطه :nice:

بدررري من عمرهم ..

احين السؤال .. هم يقولون انه مافي .. والمحل اتوقع بيقول اكيد هالشكوى غير حقيقيه ..
وانت عندج صوره ممكن يقولون هاي مب صج ...

السؤال فالنهايه من المصدق ..

البائع او المستهلك .؟

[shgawia]

والله اذا الصورة غير حقيقة ولا انا تبليت عليهم عندي دليل قاطع بالصوت والصورة فيديوم مسجل في وسط المحل يعني مافيه مفر مني ولا مناك

[shgawia]

والله اذا الصورة غير حقيقة ولا انا تبليت عليهم عندي دليل قاطع بالصوت والصورة فيديوم مسجل في وسط المحل يعني مافيه مفر مني ولا مناك :tease:

[عـ العبيدلي]

والله اذا الصورة غير حقيقة ولا انا تبليت عليهم عندي دليل قاطع بالصوت والصورة فيديوم مسجل في وسط المحل يعني مافيه مفر مني ولا مناك

هل جد جديد في المووضوع ..

بصراحه انا ابي اعرف منك هل في فايده بالمراكض والاتصالات وياهم وله عالفاضي !!

[shgawia]

لا والله وللاسف على الفاضي اولا ماعندهم حد مداوم عالخط الساخن ردوا علي عقب ٨ ايام من الشكوى ومروا المحل طبعا فتشوه مالقوا شي وشي طبيعي انهم ماراح يحصلون لان مرة مده والطيور طارت بارزاقها

[Mercedece]

الحجه عليج اختي لاتسكتين

[shgawia]

كلمت البلدية وزودتهم بالادلة غيره مافي اليد حيله

[كازانوفا]

خلاص اللى عليكي سوتيه وفي ذمتهم ليوم الدين سواء اصحاب المحل او البلديه
جزيتي خيرا على التبليغ غيرك كان بيسكت ولا راح يهتم لامر المسلمين بالذات هالمنطقه حيويه بالناس

[Hesham-k]

مصيبة والله

[Qatar dealer]

مصيبه ولازم ماتسكتين

[Qtr-17]

مصيبة والله

:nice:

[pink pearl]

لاحول ولاقوة إلا بالله

انتبهوا ياجماعة هذي الأمور بالذات خط أحمر

[mggm]

سبحان الله وبحمده
سبحان الله العظيم

[qatari2012]

حسبي الله ونعم الوكيل