للبيع حجز سكن في دبي

[الكايدة]

السلام عليكم

أنا حاجزه سكن في فندق InterContinental Dubai Festival City
(إنتركونتيننتال دبي فيستيفال سيتي)

غرفة ديلوكس وجناح من تاريخ 21/8 الى 28/8

السعر 18000

[لوردغاليري]

بالتوفيج ياقلبي

[الكايدة]

وياج حبيبتي

[Zemoor69]

بتوفيق

[غلا زايد]

أختي يصير انج اتكنسلينه قبل ٢٤ ساعه من تاريخ الحجز

[الكايدة]

لا اختي مدير الفندق رفض يرد المبلغ

[qatari_xp]

وفي أسوء الظروف يتم خصم الليلة الأولى فقط

انتي حاجزه عن طريق موقع بوكنق والا سفريات ..؟

[بومحمد المطاوعه]

مب على كيفه مدير الفندق

مب لعبه المبلغ

واعتقد في قانون يصير تكنسلين الحجز

شدي عالموضوع لاتسكتين عن حقج

الله يوفقج اختي

[بوحسن 779]

صادني نفس الموقف و قبل الحجز بيوم يخصمون ليله وحدة ولكن اذا قبل ب 3 ايام ما ينخصم منج الا 200 ريال و اذا واجهتي مشكلة مع الفندق بجيب لج رقم حماية المستهلك و رقم الشكاوي من ضيوف دبي (خط الساخن )

[الكايدة]

أنا حاجزه عن طريق البوكينق

[mE mYself & i]

حسب الحجز الي مختارته

اذا nonrefundble ما بيرجعون شي

[بوحسن 779]

اتصلي بالموقع نفسه وجربي وما عليج والله يعينج حد يشتري منج وعلى العموم بشوف لج حد يشتري منج وبخبرج

[عضو قديم]

انا صارت معاي من موقع بوكنق حجزت فندق وكان السعر رخيص بس مشروط ان المبلغ مايرجع وبعدين فطنت ان الفندق اللي حجزت فيه مب هو اللي انا ابيه مع انه نفس الاسم هوليدي ان في بريستول وكلمت خدمة العملاء في نفس الموقع وهم كلموا الفندق ووافقوا يكنسلون الحجز بس قالوا لي لا عاد تعودها مرة ثانيه وسلامتكم
بس خلاص تعبت من الكتابه بصبع واحد

[خالد البلوشي]

اختي حاولي تتصلين بالدائرة الاقتصاديه بدبي وتشرحين لهم اللي صار
اعتقد راح يحولونج على جهة مختصة بهالامور (اعتقد انها الدائرة السياحية ) وراح يحلون لج المشكله
طبعا تقدرين عن طريق جوجل تظهرين ارقام اي جهة حكومية بدبي
وبالتوفيق

[jaww]

بالتوفيق

[ام لوجين]

بالتوفيق

[راشد محمد]

بالتوفيق