المطابخ وغرف الملابس والطبيلات

[q6ryah]

يا جماعة الخير وأهل النصيحة بغيت أخذ صوركم علي
شرايكم في مطابخ إيميل بالنسبة للمطبخ الداخلي ومطبخ الطابق الثاني ولا اروح العبيدلي ؟
والمطبخ الخارجي اي احسن اسوي الكبتات من الطابوق والأبواب المونيوم ولا اسوي ستانلس ستيل ولا المونيوم بحريني ؟
من وين ألقى محلات الالمونيوم البحريني وتكون جودة ؟
وين احسن مكان يسوي غرف ملابس لها إقفال وتكون شي يعمر ؟
بالنسبة الطبيبة أبيها بنيان أمي تقول خلي السقف كوربي مخفي اوفر لج ومايخترب ؟شرايكم بهذا الكلام ؟

[معماري قطري]

يا جماعة الخير وأهل النصيحة بغيت أخذ صوركم علي
شرايكم في مطابخ إيميل بالنسبة للمطبخ الداخلي ومطبخ الطابق الثاني ولا اروح العبيدلي ؟
والمطبخ الخارجي اي احسن اسوي الكبتات من الطابوق والأبواب المونيوم ولا اسوي ستانلس ستيل ولا المونيوم بحريني ؟
من وين ألقى محلات الالمونيوم البحريني وتكون جودة ؟
وين احسن مكان يسوي غرف ملابس لها إقفال وتكون شي يعمر ؟
بالنسبة الطبيبة أبيها بنيان أمي تقول خلي السقف كوربي مخفي اوفر لج ومايخترب ؟شرايكم بهذا الكلام ؟




انا رايي للمطابخ تسوينها كاونتر رخام على خشب بدال الطابوق .. عندج الخشب المارين بلايوود وايد قوي وتقدرين تحطين طبقتين وتدعمينهم بمربع في الأطراف .. المارين بلايوود ما يتأثر بالماي ولا تقدر عليه الحشرات .. ويتلبس بلاط وممكن كله تلبسينه بلاط لتخفيض التكلفة .. وتسوين قواطع داخل أرفف زجاج من النوع السميك أو ألمنيوم والأبواب ألمنيوم نوعية جيدة أو مكس ألمنيوم مع زجاج محبب أو حتى شفاف يبين شاللي وراه لسهولة الإختيار .. وبدون كبتات فوق بس أرفف مفتوحة ولو حبيتي ممكن تسوين جهة من المطبخ خزانة حايط كاملة لتخزين المواد الكبيرة وتكون بأرفف داخل وباب سلايدنغ كبير بتكلف بين 10 و8 آلاف من الخزائن الأمريكية .. .. وشيء ذي مطابخ ايميل أول مره أسمع عنها؟

الطبيله يعتمد على موقعها وطريقة بناءها .. انا سويتها حديد ولبسته تشكيلة اسمنت مثل الخشب باحطها في موضوع خاص إن شاء الله الليله إن قدرت وما نسيت .. مع والدتج في الحديد والأطراف طابوق وممكن الواجهة يتثبت عليها خشب بتشكيلة أو تسوينها مثل الطريقة اللي انا سويتها وباوضحها إن شاء الله الليلة.

[q6ryah]

مشكور اخوي معماري قطر
مطابخ إيميل هو خطا مطبعي الله يسامح الإي باد
وبانتظار موضوعك الليلة لأني متوهقة ومب عارفة ايش اسوي

[q6ryah]

الطبيبة بسويها بابين حق اربع سيارات كل باب سيارتين ورى بعض
مبنية من طابوق والأبواب الكترونية والسقف كيربي او طابوق لين الحين ما قررت
بيتي مشاهد جنوب .
أنا فكرت أني ابنيها لان ابي اعزلها تماماً عن البيت لان عيالي أطفال صغار

[captin]

بالنسبة للمطابخ رأيي على النحو التالي :

ألومنيوم للمطبخ الخارجي بدرجة لون قريبة من الخشب وهذا
موجود عند شركة مطابخ قطر وهناك شخص مغربي اسمه عبدالرزاق مسئول المبيعات
عندهم ألوان الومنيوم عادية ومودرن وتصلح حق المطابخ الداخلية
والبانترى انا سويت عندهم كامل المطابخ مع االاجهزة وعندهم تشكيلات كثيرة
وحلوة للتوب من انواع الرخام والجرانيت.

أيضا من المحلات المعروفة من ناحية الجودة للمطابخ الالومنيوم
الاختصاصي للألومنيوم والعبيدلي وكلهم في طريق سلوى. وعندنا نابينا طريق الوكرة.

بالنسبة للطبيلة اذا كانت على زواية طبيعية والطوف موجودة يفضل عمل سقف خفيف
من مادة الكويك سبان او الكيربي المعزول مدعومة ببيبات حديد بمحاذاة الطواف لحمل ثقل السقف .

اما اذا كانت بمكان فاضي تماما , يفضل عمل طوفة من الطابوق على حسب المساحة المطلوبة وطبعا ترك الواجهة الامامية لدخول السيارات والسقف من المواد الخفيفة اللي ذكرناها
وميزة الطبيلة من المواد الخفيفة انها قابلة للتغيير والتحريك في المستقبل بسهولة حسب الحاجة على عكس بعض الطبيلات المبنية من خرسانة.

[ولد المنصور]

الاراء وااايد ..
انا عن نفسي سويت المطبخ من طابوق ولبسته بلاط ع شكل حجر وطلع عجيب وقوي ,, والمطبخ فصلته عند مطابخ قطر شغل نظيف ومرتب وضمان 5 سنوات ,, ماعرف انزل صور ولا الصور بتشرح اكثر ....
المطبخ الداخلي من افضل المحلات المتحده ..