بغيت تصميم

[Stars]

السلام عليكم ورحمة الله وبركاته
يالربع حد يقدر يفيدني بتصميم راقي
لفلة متكاملة تحت غرفتين أو ثلاث وصالات مفتوحة
و في الدور الأول(العلوي) تكون على نظام أجنحة أو شقتين منفصلين تماماً
جزاكم الله خير

[captin]

مرحبا أخوي

أفضل مكان يلبي طلبك هو مكاتب التصميم الاستشارية

وانصحك تزور مكتب الفن والهندسة عند المهندس أسامة
وراح يعطيك بعض التصورات اللي تلبي طلبك.

بالتوفيق ان شاء الله

[معماري قطري]

انا بيتي الحالي مصممه بنفسي ومساحته 1070 متر مربع .. البيت بروحه 970 وباضافة حوض السباحة صارت المساحة للبيت 1110 بدون الملحق.

بس المشكلة خرايطه عند الإستشاري لأني كنت محتفظ بها في الكمبيوتر واخترب والإستشاري ذيه مثل ما عرفت من اللي راحوا له وايد غالي طلع والظاهر الكل .. باشرح لك عن مكونات البيت

صالة أرضية مدمجة مع ممر ودرج كبير منحني طالع باتجاه ومنتهي باتجاهين ودائرة كبيرة تطل على الصالتين العلوية والسفلية .. الطول 8.5 في 6.1 + صالة ورا الدرج متصلة بالاولى لجلسة تلفزيون تحت بمقاس 6.1 في 7 وهذي الصالة سقفها مفتوح بارتفاع دورين 6 أمتار .. وفوق صالة 6.1 في 8.5 فيها بوفيه حطيت صور له في موضوع تكرمون الحمامات والمطابخ.

الصالات ذي متصلة ووسطية وفيها ثلاث مناور .. قبة + طوب زجاجي + منور هرمي.

فيه صالة فوق كلش 8.5 في 6.1 للرياضة.

المجلس له موزع يوزع على مجلس صغير 6 في 6 ومجلس شوي أكبر بغرفة طعام 6 في 7 والمجلس الصغير بسجاد وله قابلية يكون غرفة ضيوف لأن معاه حمام كامل.

المطبخ الداخلي شبه مفتوح على الصالة مزدوجة الارتفاع ومن الجهة الثانية يجي مدخل حوض السباحة المغلق .. كتبت عنه تقرير بعد وصور .. وفيه غرفتين تحت بحمامهم وغرفة ملابسهم.

الدور الأول ممكن قسمه لجناح يضم غرفتين رئيسية وشبه رئيسية وبينهم مكتب بارز من مستطيل البيت ومظلل المدخل وتحته موقف لسيارة.

فيه غرفتين ممكن ضمهم مع بعض أيضاً وغرفة كبيرة لوحدها بحمام وغرفة ملابس.

لو حبيت تشوف البيت انا راجع إن شاء الله آخر 9 أو أول 10 وباراويك وباشرح لك شتسوي لو حبيت تغير تغييرات طفيفة ما تحتاج حتى لرخصة.

بالغت في جماليات الدرج وممكن تسوي درج عادي على جنب وتركب لفت أفضل لك من التكلفة الزايدة .. يعني درابزين ورخام بس 125 ألف قيمة المصعد الزين ذاك الوقت .. وهذا غير الخرسانات.

أتوقع شوية ضغط على الاستشاري بيسوي لك الخرايط بسعر معقول .. البيت حوايطة الخارجية معزولة بطابوق دبل وبينه عازل وكلفني في 2004 مليون ومئة ألف كعقد مع المقاول بس كثير مواد علي وصلت التكلفة ل 3 ملايين ريال وزيادة.

[Stars]

جعله بيت مبارك وعامر بطاعة الله
ما قصرت كعادتك في الإفادة
بيض الله وجهك

[معماري قطري]

جعله بيت مبارك وعامر بطاعة الله
ما قصرت كعادتك في الإفادة
بيض الله وجهك

الله يبيض ويهك ويبارك في عمرك

الدعوه عامة للي يبي يبني بيت مشابه .. وممكن يغير حسب رؤيته.

[ولد المنصور]

اخوي العزيز......
اذا تبي تصاميم عندي كذا تصميم شوفهم وان شالله يعجبونك وعادي اتعدل عليهم ..

[Stars]

اخوي العزيز......
اذا تبي تصاميم عندي كذا تصميم شوفهم وان شالله يعجبونك وعادي اتعدل عليهم ..
يعطيك العافية أخوي
ممكن تنزلهم هني او تطرشهم لي عالخاص
او ايميلي
Oo.mm26@yahoo.com
وجزاك الله خير