استشاره...؟؟

[be cool]

السلام عليكم...

ابي استشيركم بين امرين لاني وايد متردده...

قررت اخذ سلفه من البنك ومحتاره بين امرين...

1- اشتري سياره كشخه!!

2- افتح مشروع صغير!!


اتمنى تفيدوني :victory:

[R 7 A L]

اذا المشروع ناجح توكلي على الله

[ودي أكون]

باين عليج مومحتاجه ولله الحمد ..

زين شرايج تاخين لج سلفه من بنك اسلامي قرض جدا بسيط وتسوين لج وقف اذا تقدرين .. :)

ترا السياره بعيد عنج خرابها وايد وانا ما اايد البنت تسووق .. سوري :)
.. والمشروع دامج مومب محتاجه اصلا فبعض المشاريع خسرانه وشكلج بدون تجربه ..

وانا نصحتج بمشروع لا فيه خساره ولا هم يحزنون ..



اسمحيلي كلامي جا لاني حسيتج مومب محتاجه ولله الحمد .. فكلامي كان بيكون غير لو كنتي انت محتاجه ..


والسموحه

[captin]

وعليكم السلام ورحمة الله وبركاته

مرحبا يعطيج العافية

لا شك ان الواحد يتسلف من البنك للضرورة القصوى
مثل بناء مسكن او دفع مصاريف دراسة او تكاليف علاج بعيد الشر
وغيرها من ضرورات الحياة.

الأمرين اللي سألتي عنهم شراء سيارة كشخة او الدخول في مشروع
متناقضين تماما

فالأول وهو شراء سياة كشخة ربما يتعبرها البعض من البذخ والتبذير خصوصا انها
راح تكون سلف وليست من مال حر.

وعلى النقيض الدخول في مشروع فهو تفكير عقلاني ومنطقي وينم عن تخطيط للمستقبل
ورغبة في تطوير موارد الدخل الشخصي .بشرط ان يكون المشروع مدروس دراسة جيدة من ناحية التكلفة والعوائد.

أنا أنصح إذا المشروع مضمون ومدروس بطريقة واضحة انج تاخذين سلفة لاتتجاوز نسبة الخصم 30% من الراتب وفي المستقبل من إيرادات المشروع تشترين سيارة عن طريق البنك بإسم الشركة اللي كونتيها في هذه الحالة المشروع قام يدور نفسه بنفسه وهو اللي جاب لج السيارة وزاد دخلج .

بالتوفيق إن شاء الله

[ابن البيطار]

القرض الربوي حرام وبتمين طول عمرج مديونه في الدنيا وماراح تتوفقين وفي الاخره عذاب شديد .

اذا كان ولابد فيكون عن طريق بنك اسلامي .

[حسن]

السياره مجرد وسيله

ماانصح بانك تاخذين سياره كشخه بمبلغ ضخم مث اللي اشوفه الان وديون غيره
ليش هل البطره الزايده
حطيى المبلغ في ارض ولا عقار ولا اسهم
ابرك لك

وبالتوفيق

[بوحارب]

أنصحك في السيارة بس السعر ما يتعدى ال 400 وبالتحديد اللكزس فورويل

يعتبر شيك في جيبك إذا احتجت تبيعها أي وقت بقيمة حلوة

اما التجارة ممكن تخسر ويصير رصيدك صفر أو تربح وتريش هههه

المهم يكون القرض من بنك إسلامي عشان الله يبارك لك في حلالك

[الإكسير]

باين عليج مومحتاجه ولله الحمد ..

زين شرايج تاخين لج سلفه من بنك اسلامي قرض جدا بسيط وتسوين لج وقف اذا تقدرين .. :)

ترا السياره بعيد عنج خرابها وايد وانا ما اايد البنت تسووق .. سوري :)
.. والمشروع دامج مومب محتاجه اصلا فبعض المشاريع خسرانه وشكلج بدون تجربه ..

وانا نصحتج بمشروع لا فيه خساره ولا هم يحزنون ..



اسمحيلي كلامي جا لاني حسيتج مومب محتاجه ولله الحمد .. فكلامي كان بيكون غير لو كنتي انت محتاجه ..


والسموحه


تقووووول بتاخذ سلفه.....هذا يدل انه مب محتاجه!!!!!

[ولد الشحانية]

مشروع وفالك طيب

[بوغانم995]

السلام عليكم...

ابي استشيركم بين امرين لاني وايد متردده...

قررت اخذ سلفه من البنك ومحتاره بين امرين...

1- اشتري سياره كشخه!!

2- افتح مشروع صغير!!


اتمنى تفيدوني :victory:

ماخاب من أستشار .............والله يوفقج

[Bin Hood]

السلام عليكم

بالنسبة للمشروع يجب تكون عندك إمكانية لتمويله لمده سنة منذ بدء المشروع

النصيحة الثانية اشترك على احد الأشخاص الثقات أصحاب الخبرة

المشروع يكون في شئ متمكنه منه وممكن تبعديني فيه

أما السيارة و المشروع هذا راجع لك الاختيار

[be cool]

باذن الله راح تكون السلفه من بنك اسلامي...

مشكورين ع النصايح ...

[fhd4]

القرار في الاول يكون في تحديد تفاصيل الأمرين (السيارة والمشروع) والقرض يكون تابع لهذا القرار ...

وليس العكس ...

[تاجر كشخة]

أنصحك في السيارة بس السعر ما يتعدى ال 400 وبالتحديد اللكزس فورويل

يعتبر شيك في جيبك إذا احتجت تبيعها أي وقت بقيمة حلوة

اما التجارة ممكن تخسر ويصير رصيدك صفر أو تربح وتريش هههه

المهم يكون القرض من بنك إسلامي عشان الله يبارك لك في حلالك

أ

خي بو حارب ما اوافقك الراي, السيارة رفاهية 3 سنوات ويروح بريقها أما المشروع فهو تفكير عقلاني مثل ما قال الأخ كابتن

انصحك اخوي راعي الموضوع بمشروع يكون مضمون ولو 70 في المية منها تكتفي ذاتياً ومنه تشتري سيارة الي تحلم فيها :nice:

[غدير البورصه]

لا تترددين ولا شي

خذي لج موتر سنع واكشخي ودلعي نفسج

وعقب ما تسددين القرض خذي قرض للمشروع اوللتجاره

[الحاتمي]

مرحبا أختي ..إذا كان المشروع بالنسبة لك ضروري خليه مشروع عقاري يتوافق مع امكانياتك .. والله يكتب لك التوفيق

[رهج السنابك]

تبين رايي لا ذي ولا ذي


دام ماعندج سيوله تشترين كاش ليش تدلعين نفسج بديون!!!

وفعلا الغرضين متناقضين

انتي مثل الي تبي تجرب تكون مديونه مافي شي ضروري يستدعي لكن هبة مع العالم! عبالج بتكونين مرتاحة وعليج دين!

جمعي فلوس من راتبج وعقب اشتري سياره كشخه او مشروع او اي شي

اما محتاره اخذ قرض على سبيل اعيش التجربه ولا في اي هدف يحدج للقرض فأقول لج ريحي نفسج يمه وشيلي الفكره وفكري لي شنو اسوي العشا هههههه

[الجنوبي]

أخذي سيارة كشخة ودلعي عمرج الانسان يعيش مره وحدة

[بوحارب]

أ

خي بو حارب ما اوافقك الراي, السيارة رفاهية 3 سنوات ويروح بريقها أما المشروع فهو تفكير عقلاني مثل ما قال الأخ كابتن

انصحك اخوي راعي الموضوع بمشروع يكون مضمون ولو 70 في المية منها تكتفي ذاتياً ومنه تشتري سيارة الي تحلم فيها :nice:

صحيح كلامك أخوي بس مب مل مشروع ناجح

اعرف واحد في السجن بسبب مشروع وخسر فيه

وفي المقابل واحد مرتاح بسبب مشروع ربح فيه

والدنيا توافيق من رب العالمين

[عضوو]

التجاره ماتصلح بالسلف والسياره وسيله وليست غايه والربا من الكبائر *

[مستر بن]

كفوو ووفوو
والتجارةة ممكن ربح ووممكن خسسارةة ..

[الجوكر90]

السلام عليكم
انا العام كنت محتار
اخذ رنج او سي63 وﻻ افتح لي مشروع
فتحت مشروعي الثاني ولله الحمد والحين بكمل سنه بعد شهرين
انا انصح بالمشؤوع ﻻن الرفاهيه مؤقته راح تكون لو شريتوا السياره
بس بعد سنتين راح تفتحون مشروع ثاني من الارباح وبعد 4 سنين راح يكون بمقدوركم تكشخون او تبنون بيت بعد
وبالتوفيق

[تغلبية]

^^

درر ..

أسسي نفسج .. وبعدين دلعيها ..

اذا قدرتي الحين على الاساس ماتقدرين بعدين والله يوفقج

[بصمة قطرية]

ما قصروا الأعضاء
شوفي لج مشروع و إستشيري أصحاب الخبرة
و إستخيري و توكلي على الله ..
الله يوفقج ،،