استفسار عن البناء في بوظلوف

[سهم قطري]

السلام عليكم،،عندي ارض قي بوظلوف وناوي ابنيها كم المتر؟؟؟ وممكن الشركات المضمونه للبناء وشكرا

[Bozizoo]

اخوي يعتمد سعر المتر على ديزاين الفيلا مالتك
اذا فيها ديكورات و خرسانات غير وذا كانت عاديه غير
وبعد ذلك يعتمد على الشركه

[سهم قطري]

بيت أرضي مش فيلا،،،والبنيان عادي حق استثمار،،،وتسلم يالغالي

[الدبلوماسي]

شوف ياسهم قطري العظم تقريبا من 1000 الى 1100 التشطيب التجاري اي كلام من 1500 الى 1600
الديلوكس من 1750 الى 1900 وكذا هذي الاسعار تقريبيه وف الاخير يعتمد على حساب كميات الخرسانه والطابوق والحديد وووو الخ وارتفاع اسعار البناء وانخفاضه يعتمد على اسعار المواد ف السوق
ونصيحه ياقطري لاتحاول تتعاقد مع مقاول اي كلام ( من استرخص اللحم خانتبه المرقه) يفضل انه مجرب وفي نفس الوقت مايكون نصاب ويزيد من السعر على كيفه

وبوظلوف وحده من المناطق الممتازه قايم فيها البنيان بطريقه كبيره لها مستقبل باذن الله
وبالتوفيق

[شموخ دائم]

,

,


مرحبا


في الشمال هناك كم مقاول
اسئل عن احسنهم بالشغل شوف الناس هناك تبني عند من هذي الايام

ولا تشوف مقاول من الدوحه بيطلع السعر كبير عليك
لان المشروع بعيد ومن الطبيعي بيحمل مصاريف كبيره عليك

لذلك مقاولين الشمال هم الانسب لك للسعر
شوف واحد قطري مشهود له بالامانه وسمعته طيبه
وما شاء الله اهل الشمال معروفين بالطيبه
ينحطون على الجرح يبرى
:)



,

,

اخوك


شموخ دائم

[captin]

مرحبا اخي الكريم

احب أضيف على مشاركة أخوي شموخ دائم

خذ لك لفة في المنطقة وشوف المباني اللي قاعدة تنبني
وخذا اسماء الشركات من اللوحات وتواصل معاهم خلهم
يعطونك سعر دامهم في المنطقة فأكيد بتحصل منهم أسعار
مناسبة حتى لو كان المقاول من الدوحة وهو حاليا في الشمال
بتوفي معاه يعطيك سعر مناسب بسبب تواجد العمال والمواد في الموقع


موفق ان شاء الله