ليش العاطل او العاطله مالهم رواتب ؟؟؟؟؟؟؟؟؟؟؟؟؟

[قطري 777]

بسم الله الرحمن الرحيم
موضوعي اليوم يتكلم عن الباحث اوو الباحثه عن وظيفة اثناء رحلت البحث عن وظيفه ليش مالهم راتب مخصص لهم من وزراه العمل مثلا ؟


يعني الى متى واهلهم يصرفون عليهم !!


وشكرا : )

[المليونير الفقير]

اخوي يفترض مايكون هناك قطري عاطل نظرا لقلتنا

بخصوص سؤالك عن الراتب الشؤون يعطونك2000بشرط اتكون متزوج

[قطري 777]

اخوي يفترض مايكون هناك قطري عاطل نظرا لقلتنا

بخصوص سؤالك عن الراتب الشؤون يعطونك2000بشرط اتكون متزوج



متزوج يعطونه 2000 طيب هي ترى ماتكفي في الحقيقه والشغله الثانيه العزوبي ولا العانسس :secret: مالهم شي : )

[حمد 2002]

الحكومه اتقول مافيه قطري عاطل ؟!!!!!!!!

[monatee]

عز الله محد اشتغل وانتج

عن نفسي لو يحصلي 5000 ريال شهريا ماشتغلت :nice:

[فريج النجادة]

عز الله محد اشتغل وانتج

عن نفسي لو يحصلي 5000 ريال شهريا ماشتغلت :nice:

معقولة اقدم 10 او 15 الف على الخمسة

وغير العلاوات والحوافز !!!

العاطلين يستحقون الراتب الموقت

مع المتابعة مع وزارة العمل حتى يجد العمل

[عبدالعزيز 101]

جذي محد راح يخدم البلد وراح يسحبون عالشغل !!

راح يحفزونهم انهم ما يشتغلون !!

[بطل الفريج]

في الكويت يستلم راتب من وزارة العمل .

[الوليد1]

كان قبل الجامعيين أول مايتخرجون يعطونهم راتب بسيط لمدة 3 أشهر لين يحصل وظيفة

[الجنوبي]

اقترح على وزارة العمل توظيف اي عاطل عن العمل في الجهات والمؤسسات المختلفة حسب الحاجة كمتدرب لفترة لاتقل عن سنة وبراتب تحفيزي وفي حال اجتياز المتدرب لفترة الاختبار يتم تثبيته في الوظيفة

[فتى الجود]

السلام عليكم

أو ؤيد رأييك أذا كان العاطل بمعنى باحث عن العمل لمدة معينه
فقط 3 أشهر أو 6 أشهر يصرف له راتب رمزي

أمــا

اذا بجييك واحد
و تعرض عليه الوظائف ويرفض ويماطل ويتدلع

لا والله

لاتصرف له الدوله ولا شي لانه بيكون بتصير مشكله كبيره و نتائج لاتحمد عقباها



و يقول :ابو العتاهية

" أَنَّ الشَبابَ وَالفَراغَ وَالجِدَه مَفسَدَةٌ لِلمَرءِ أَيُّ مَفسَدَة "


وَالجِدَه = المال


اضافه بسيطه :

اتمنى من الدولة انها تعمم التجنيد الأجباري لكل الشباب وكل الفئات

[qrt_trading]

السلام عليكم

أو ؤيد رأييك أذا كان العاطل بمعنى باحث عن العمل لمدة معينه
فقط 3 أشهر أو 6 أشهر يصرف له راتب رمزي

أمــا

اذا بجييك واحد
و تعرض عليه الوظائف ويرفض ويماطل ويتدلع

لا والله

لاتصرف له الدوله ولا شي لانه بيكون بتصير مشكله كبيره و نتائج لاتحمد عقباها


و يقول :ابو العتاهية

" أَنَّ الشَبابَ وَالفَراغَ وَالجِدَه مَفسَدَةٌ لِلمَرءِ أَيُّ مَفسَدَة "


وَالجِدَه = المال


اضافه بسيطه :

اتمنى من الدولة انها تعمم التجنيد الأجباري لكل الشباب وكل الفئات





ياخوي أنا أختي قدمت في المعرض المهني غير وزارة العمل( برج برزان ) وفي خانه تكتب فيها وين الجهات اللي تبي تشتغل فيها هي اكتبت اسم كم وزاره مثل وزارة العمل أو النيابه العامه أو وزارة العدل أو أي مؤسسه حكوميه وهذي الموضوع صارله أكثر من سنه وكل ما اتصلوا فيها قالوا لها بنك وهي ما تبي بنوك ومش من متطلباتها وكم مره قالت لهم هالكلام وكل مره ترفض الشغل فهل هذا الشي يعتبر غلطتها مثلاًً؟؟!!!!!!!!!

[ودي أكون]

ياخوي أنا أختي قدمت في المعرض المهني غير وزارة العمل( برج برزان ) وفي خانه تكتب فيها وين الجهات اللي تبي تشتغل فيها هي اكتبت اسم كم وزاره مثل وزارة العمل أو النيابه العامه أو وزارة العدل أو أي مؤسسه حكوميه وهذي الموضوع صارله أكثر من سنه وكل ما اتصلوا فيها قالوا لها بنك وهي ما تبي بنوك ومش من متطلباتها وكم مره قالت لهم هالكلام وكل مره ترفض الشغل فهل هذا الشي يعتبر غلطتها مثلاًً؟؟!!!!!!!!!


لا حبيبتي موب غلطتها .. وان شاءالله الله بيرزقها الوظيفه اللي تسترها يارب

دعواتي لها ..

[15hat]

انا معاك انا يعطون الشخص راتب لمدة 3 أو 6 اشهر أكثر شيء بس المشكلة لو جاك واحد وقال بريح شوي وخل الوزارة تدفع لي لمدة 3-6 اشهر بعدين بدور شغل لازم يكون في متابعة مع الشخص

[مراد2015]

الله يرزقهم

[Qa6ar]

أخوي سار له سنتين عاطل ... من قال لك ما فيه عاطل لكن للأسف الواسطة والمحسوبية لها دور كبير في الوظائف

[New Vision]

فالكويت لو انت توك مولود مب عاطل يعطونك راتب:nice:

[أم علي 2010]

أخوي اللي اعرفه اذا تدرس عن طريق وزارة العمل يتكفلون برسوم الدراسه مع راتب شهري بسيط أظن 3000 ريال و يدبرون لك وظيفة بعد التخرج

بالنسبة للعاطلين أو الخريجين بدون وظائف ماعرف بس لازم تسألون يمكن يأخذون الأوراق ويمشون راتب بسيط مثل اللي يدرسون الموضوع يحتاج مراكض

[بصمة قطرية]

و يقولون مافي قطري عاطل ..!!!!!

[رهج السنابك]

فيه عاطلين وعندي من هلي اللي لهم اكثر من ثلاث سنوات يدورون
وماينعرض عليهم الا بنوك ربويه
شتبونهم يسوون؟؟ والله لدرجة قلت لواحد معليه اشتغل ببنك ربوي دام مالقيت غيره قال لا والله عساني اموت بلا وظيفه ولا اشتغل ببنك ربوي

[بصمة قطرية]

فيه عاطلين وعندي من هلي اللي لهم اكثر من ثلاث سنوات يدورون
وماينعرض عليهم الا بنوك ربويه
شتبونهم يسوون؟؟ والله لدرجة قلت لواحد معليه اشتغل ببنك ربوي دام مالقيت غيره قال لا والله عساني اموت بلا وظيفه ولا اشتغل ببنك ربوي

من ترك شيئاً لله عوضه الله بخير منه ..
إلا البنوك الربوية
ما فيها بركة و الواحد يتم يوسوس ..!!
الله يوفقهم و يرزقهم بالوظيفة الزينة ..
وااايد عاطلين
لكن للأسف البعض يصرح بأن قطر ما فيها عاطلين ..!!!
سبق و نزلت موضوع بهالخصوص
عن الباحثين عن العمل العاطلين ..

[قلبي الطيب]

ياريت العاطلين يدخلون دورات او يكملون دراستهم الجامعية تطورهم لان عطالتهم معناها أهمه مب مطلوبين لسوق العمل يشوفوا شالي ناقصهم لكن الجلوس وندب الحظ مايجيب لهم فائدة

[cayenne s]

انا قعدت سنه واكثر من غير شغل

ويوم قدمت بقطر للبترول قالوا في مجال الامن يعني سيكيوريتي فما عندي حل الا اني اقبل والحين يذلوني علي الراتب


للاسف قطر لغير القطريين

[khalid525]

انا اؤيد اعطاء العاطل عن العمل مساعدة شهرية ، هذا سوف يكون اكبر محفز لوزارة العمل على توظيف المواطنين وفي نفس الوقت سوف تستطيع القيادة العليا تحديد النسبة الحقيقية للعاطلين عن العمل حسب التعريف الرسمي للبطالة ، على ان تقف هذه المساعدة في حالة استطاعت وزارة العمل ايجاد فرصة عمل للعاطل سواءً قبلها او رفضها .

[+abc]

خلنا نأخذ حقوقنا بالأول ودرجاتنا ألي ضاعت علينا بسبة قانون الموارد البشرية ضعنا مع قانون الموارد واللوائح الي قبله ضاعت حقوقنا وبكل تفاهة يقولون لنا خلاص الي فات فات وأرضوا بالي نعطيكم إياه وهم ضبطوا أوضاعهم كل واحد صار مدير وضبطوا ربعهم على حسب المصالح ومحد يحاسبهم على أغلاطهم في حقوق الموظفين تشتكي ما تشتكي حقك ضايع ولا بمفتكرين

الحين قاعدين يحاربونا في وظايفنا ويطفشوننا منها والتعاميم كل واحد والثاني يمنعك من الانتقال مافي إلا تقدم استقالتك

إلا بيصير عندنا بطالة ونص مع انه مستحيل يكون فيه بطالة مع عددنا

حسبي الله ونعم الوكيل

[المحاميه]

هي فكرة جيدة وسيئه بنفس الوقت ..

جيده اذا تم صرف مبلغ رمزي للباحث بشروط معينه ..
وسيئه انها ممكن تجذب الجيل للبطاله والقعده دام في راتب ماشي ..

[قطري 777]

اشكرر الجميع الي ساهموا بردودهم ويعطيكم العافيه ...

البعض قال يتعلم على الكسل ومارح يشتغل فيه ظوابطط مارح تصرف له استعباطن

يعني البنت مثلا تقول من البدايه مابي اختلاططط وتحدد ثلاث جهات او اربع واذا حصلوا لها شاغررر لازم توافق والا راح توقف لها مستحقاتها الشهريه كعاطله او (باحثه عن وظيفه)

والشاب نفس الشي يحدد ثلاث جهات او اربع ومجرد يجي تعينه تتوقف اوتماتيكين مستحقاته الشهريه

وكذا مسكنى العصى من النصصص يعني محمولين مكفولين لين ماتحصلون وظايف وبعدها الله يستر عليكم
يعني مافي مجال للكسل والاتكاليه ....الخ


وشكرا :)

[مشاكل]

افضل حل انشاء مركز تدريب تابع لوزارة العمل او وزارة التنمية الادارية لإعداد العاطلين عن العمل ان وجدوا برواتب تحفيزية تمهيداً لإنخراطهم في سوق العمل

[abo sarah]

افضل حل انشاء مركز تدريب تابع لوزارة العمل او وزارة التنمية الادارية لإعداد العاطلين عن العمل ان وجدوا برواتب تحفيزية تمهيداً لإنخراطهم في سوق العمل

فكرة ممتازة الحكومة تشوف ايش الخبرات اللى محتاجاها وتدرب الشباب عليها وتشغلهم.

[فتى الجود]

ياخوي أنا أختي قدمت في المعرض المهني غير وزارة العمل( برج برزان ) وفي خانه تكتب فيها وين الجهات اللي تبي تشتغل فيها هي اكتبت اسم كم وزاره مثل وزارة العمل أو النيابه العامه أو وزارة العدل أو أي مؤسسه حكوميه وهذي الموضوع صارله أكثر من سنه وكل ما اتصلوا فيها قالوا لها بنك وهي ما تبي بنوك ومش من متطلباتها وكم مره قالت لهم هالكلام وكل مره ترفض الشغل فهل هذا الشي يعتبر غلطتها مثلاًً؟؟!!!!!!!!!


لا أكيد مب غلطتها

وخصوصاً انها بنت

يعنى مب اى مكان تشتغل



افضل حل انشاء مركز تدريب تابع لوزارة العمل او وزارة التنمية الادارية لإعداد العاطلين عن العمل ان وجدوا برواتب تحفيزية تمهيداً لإنخراطهم في سوق العمل



موجود ياخوى مشاكل
معهد التدريب

بس هو توجهه

مب للعاطلين
بل
للباحثين عن العمل

ولهم رواتب تقريباً 3000 ريال شهرياً

ومبناهم عند أشارات السنيمات

[نووون]

السلام عليكم

أو ؤيد رأييك أذا كان العاطل بمعنى باحث عن العمل لمدة معينه
فقط 3 أشهر أو 6 أشهر يصرف له راتب رمزي

أمــا

اذا بجييك واحد
و تعرض عليه الوظائف ويرفض ويماطل ويتدلع

لا والله

لاتصرف له الدوله ولا شي لانه بيكون بتصير مشكله كبيره و نتائج لاتحمد عقباها



و يقول :ابو العتاهية

" أَنَّ الشَبابَ وَالفَراغَ وَالجِدَه مَفسَدَةٌ لِلمَرءِ أَيُّ مَفسَدَة "



وَالجِدَه = المال



اضافه بسيطه :

اتمنى من الدولة انها تعمم التجنيد الأجباري لكل الشباب وكل الفئات

اضافة ممتازة .. :victory:

[بو جاسم قطر]

فيه عاطلين وعندي من هلي اللي لهم اكثر من ثلاث سنوات يدورون
وماينعرض عليهم الا بنوك ربويه
شتبونهم يسوون؟؟ والله لدرجة قلت لواحد معليه اشتغل ببنك ربوي دام مالقيت غيره قال لا والله عساني اموت بلا وظيفه ولا اشتغل ببنك ربوي

كفو والله يكثر من أمثاله .والله يرزقه خير مما يتمنى

[حسن]

تصدق منظر محزن لما شفت

يدورون القطري بالتفق على مايقولون
في الشرطه والجيش كل مافتحو الى مقيمن واجانب ولا يدور المواطن على قوله هل الامارات

اصبح عمله نادره في هذ الوقت

المفروض يقللون عدد وظائف النساء لاني بصراحه انا استغرب من يدوروظيفه حق كل مره سواء غني ولا فقير

انا ارفض عمل النساء في جميع الوزرات عندهم التعليم ابرك ومحتاج موظفات كثر لكن مايبون للاسف

القطري الحين الوظيفه عنده مثل عزيمه مطاعم عنده كل يوم في مطعم اقصد مكان
مانقول الكل لكن الكثير
وخير مثال المعرض المهني مخصص لاصحاب الخريجين الجدد والمتقدمين الاكثريه اصحاب الوظائف

:omg: